Author: admin

పదవ తరగతి పరీక్షలు ప్రారంభమవుతున్న సందర్భంగా విద్యార్థులందరికీ ఏపీ సీఎం చంద్రబాబు, విద్యా శాఖ మంత్రి నారా లోకేష్ లు శుభాకాంక్షలు తెలిపారు. ఏపీ సీఎం చంద్రబాబు: 10వ తరగతి పరీక్షలకు హాజరవుతున్న యువ స్నేహితులందరికీ శుభాకాంక్షలు! ఈ పరీక్షలు మీ విద్యా ప్రయాణంలో కీలకమైన మైలురాయి. దృష్టి కేంద్రీకరించండి, కష్టపడి పనిచేయండి మరియు మీ సమయాన్ని తెలివిగా వినియోగించుకోండి. మీపై నమ్మకం ఉంచుకోండి, విజయం మీ వెంటే ఉంటుంది. ఏపీ విద్యా శాఖ మంత్రి నారా లోకేష్: పదో తరగతి పరీక్షలు రాస్తున్న విద్యార్థులు అందరికీ శుభాకాంక్షలు. అందరూ చక్కగా పరీక్షలు రాయాలని మంచి ఫలితాలు సాధించాలని ఆకాంక్షిస్తున్నాను. సకాలంలో పరీక్షా కేంద్రాలకు చేరుకోండి. ఎటువంటి ఒత్తిడికి గురికావద్దు. ఇన్నాళ్లు మీరు చదివిన కష్టం ఫలితాల రూపంలో వచ్చే పరీక్ష సమయం ఇది. ప్రశాంతంగా ఉండండి. సమయాన్ని సద్వినియోగం చేసుకొని సకాలంలో పరీక్ష పూర్తి చేయండి. పరీక్షా కేంద్రాలలో విద్యార్థులకు…

తమిళ స్టార్ హీరో కార్తీ, దర్శకుడు లోకేష్ కనగరాజ్ కాంబినేషన్‌లో వచ్చిన బ్లాక్‌బస్టర్ యాక్షన్ థ్రిల్లర్ ఖైదీ చిత్రానికి సీక్వెల్ రాబోతోంది.ఈ విషయాన్ని తాజాగా కార్తీ అధికారికంగా ప్రకటించాడు.లోకేష్ సినిమాటిక్ యూనివర్స్ లో భాగంగా తెరకెక్కనున్న “ఖైదీ 2”, కార్తీ పాత్ర ఢిల్లీకి జైలుకు వెళ్లే ముందు జరిగిన సంఘటనల ఆధారంగా సాగనుంది.డ్రీమ్ వారియర్స్ పిక్చర్స్ మరియు కన్నడ కేవీఎన్ ప్రొడక్షన్స్ ఈ చిత్రాన్ని నిర్మించనున్నాయి.ప్రస్తుతం లోకేష్ “కూలీ” సినిమా పూర్తి చేసిన తర్వాత ఈ ప్రాజెక్ట్ మొదలుకానుంది.విక్రమ్,లియో సినిమాలతో కనెక్ట్ అయ్యే అవకాశాలు ఉండవచ్చని సినీ అభిమానులు అంచనా వేస్తున్నారు.2019లో విడుదలైన “ఖైదీ” భారీ విజయాన్ని సాధించడంతో సీక్వెల్‌పై భారీ అంచనాలు నెలకొన్నాయి. DILLI RETURNSLet it be another fantastic year @Dir_Lokesh@DreamWarriorpic @KvnProductions pic.twitter.com/sLLkQzT0re— Karthi (@Karthi_Offl) March 15, 2025

యంగ్ హీరో నితిన్ ఇప్పుడు మంచి హిట్ కోసం ఎంతో ఆస‌క్తిగా ఎదురు చూస్తున్నారు.ఆయ‌న నుండి కొన్నాళ్లుగా ఒక్క హిట్ కూడా రాలేదు.ప్ర‌స్తుతం నితిన్ రాబిన్ హుడ్ సినిమా ప్ర‌మోష‌న్స్‌తో బిజీగా ఉన్నాడు.ఈ చిత్రం యాంటిసిపేటెడ్ హీస్ట్ కామెడీ ఎంటర్ టైనర్ చిత్రంగా తెరకెక్కించారు.దర్శకుడు వెంకీ కుడుముల ఈ చిత్రానికి దర్శకత్వం వహించాడు.ఈ చిత్రాన్ని మైత్రి మూవీ మేకర్స్ నిర్మించింది.ఇందులో నట కిరీటి రాజేంద్రప్రసాద్ కీలక పాత్ర పోషించారు.జివి ప్రకాష్ కుమార్ సంగీతం ఈ చిత్రానికి సంగీతం అందించాడు.ఈ చిత్రాన్ని మార్చి 28న విడుదల చేయాలని అనుకుంటున్నారు. నితిన్ అప్పట్లో వెంకీ కుడుముల తెరకెక్కించిన భీష్మ చిత్రంలో నటించాడు.ఈ సినిమాకి సంబంధించిన‌ అన్నీ పనులు పూర్తయ్యాయి.ప్ర‌స్తుతం ప్ర‌మోష‌న్ కార్య‌క్ర‌మాల‌తో చాలా బిజీగా ఉన్నారు.కెరీర్‌లో పర్ఫెక్ట్ హిట్‌ కోసం వెయిట్‌ చేస్తున్న నితిన్ ఈ సినిమాపై చాలా కాన్ఫిడెంట్‌తో ఉన్నారు.అయితే ఈ సినిమా ప్ర‌మోష‌న్‌లో భాగంగా నితిన్‌కి ఆస‌క్తికర ప్ర‌శ్న‌లు ఎదురుయ్యాయి.ప‌లువురు టాలీవుడ్…

ప్రఖ్యాత సంగీత దర్శకుడు ఏఆర్ రెహమాన్ ఇటీవల ఆసుపత్రిలో చేరిన నేపథ్యంలో, ఆయన మాజీ భార్య సైరా బాను స్పందించారు.ఆయన త్వరగా కోలుకోవాలని ఆకాంక్షిస్తూ…గుండె నొప్పి కారణంగా ఆంజియోప్లాస్టీ చేయించుకున్నారని వినిపిస్తున్న వార్తలపై ఆమె స్పందించారు.దేవుడి దయవలన రెహమాన్ ప్రస్తుతం బాగున్నారని తెలిపారు.అంతేకాక, తమ విడాకులపై స్పష్టతనిస్తూ, గత కొన్ని సంవత్సరాలుగా తన ఆరోగ్యం బాగాలేకపోవడంతో,రెహమాన్‌ను ఇబ్బంది పెట్టకూడదనే ఉద్దేశ్యంతో విడిపోవాలని నిర్ణయించుకున్నామని,తమ మధ్య ఎలాంటి గొడవలు జరగలేదని స్పష్టం చేశారు.మీడియా వర్గాలను తనను ఇకపై ‘మాజీ భార్య’ అని పిలవకుండా ఉండాలని ఆమె విజ్ఞప్తి చేశారు.

తిరుమలలో భక్తుల రద్దీ రోజురోజుకు పెరుగుతోంది.వారాంతపు సెలవులు కావడంతో వివిధ ప్రాంతాల నుంచి భక్తులు అధిక సంఖ్యలో చేరుకున్నారు.స్వామివారి దర్శనానికి 31 కంపార్టుమెంట్లలో భక్తులు వేచి ఉన్నారని ఆలయ అధికారులు తెలిపారు.టోకెన్లు లేని భక్తులకు సర్వదర్శనం కోసం సుమారు 18 గంటల సమయం పడుతుందని పేర్కొన్నారు.నిన్నటి రోజున శ్రీ వేంకటేశ్వర స్వామిని 82,580 మంది భక్తులు దర్శించుకోగా, 31,905 మంది తలనీలాలు సమర్పించారు.భక్తుల కానుకల ద్వారా హుండీకి రూ. 4 కోట్లు ఆదాయం వచ్చిందని అధికారులు వెల్లడించారు.భక్తుల సౌకర్యాన్ని దృష్టిలో ఉంచుకుని ఆలయ సిబ్బంది ప్రత్యేక ఏర్పాట్లు చేస్తున్నారు.

వైసీపీ అధినేత మాజీ సీఎం వైఎస్ జగన్ పై కోటరీ కారణంగా ఆయనకు తీవ్ర నష్టం జరుగుతోందని కోటరీ నుండి బయటకు రాకపోతే జగన్ కు రాజకీయ భవిష్యత్తు ఉండదని ఆ పార్టీ మాజీ ఎంపీ విజయసాయిరెడ్డి ఇటీవల కీలక వ్యాఖ్యలు చేసిన విషయం తెలిసిందే. సోషల్ మీడియా ‘ఎక్స్’ వేదికగా ఆయన మరోసారి ఆసక్తికర వ్యాఖ్యలు చేశారు. పూర్వకాలంలో మహారాజులు కోటల్లో ఉండేవారు. కోటలో ఉన్న రాజుగారి చుట్టూ కోటరీ ఉండేది. ప్రజలు ఎన్ని కష్టాలు పడుతున్నా, రాజ్యం ఎలా ఉన్నా ఆ కోటరీ ఏం చేసేదంటే, ఆహా రాజా! ఓహో రాజా అంటూ పొగడ్తలతో రాజు కళ్ళకు గంతలు కట్టి, తమ ఆటలు సాగించుకునేది. దీనితో రాజూ పోయేవాడు, రాజ్యం కూడా పోయేది. కోటరీ కుట్రల్ని గమనించిన మహా రాజు, తెలివైన వాడు అయితే మారు వేషంలో ప్రజల్లోకి వచ్చి, ఏం జరుగుతోందో తనకు తానుగా తెలుసుకునేవాడు. వారిమీద…

ప్రముఖ సంగీత దర్శకుడు ఏం.ఆర్.రెహామాన్ అస్వస్థతకు గురయ్యారు. నేటి ఉదయం చెస్ట్ పెయిన్ తో ఇబ్బంది పడిన ఆయనను వారి కుటుంబ సభ్యులు చెన్నైలోని ఒక హాస్పిటల్ కు తరలించారు. ప్రస్తుతం ఆయన ఆరోగ్యం నిలకడగానే ఉన్నట్లు తెలుస్తోంది. డాక్టర్లు వైద్యం అందిస్తున్నారు. ఆయన త్వరగా కోలుకోవాలని ఆకాంక్షిస్తూ దేశవ్యాప్తంగా అభిమానులు సోషల్ మీడియా వేదికగా పోస్ట్ లు చేస్తున్నారు. ఇటీవల ఘనవిజయాన్ని అందుకున్న’ఛావా’ చిత్రానికి సంగీతం సమకూర్చారు. రామ్ చరణ్ 16వ చిత్రంగా బుచ్చిబాబు దర్శకత్వంలో రూపొందుతున్న కొత్త చిత్రానికి ప్రస్తుతం సంగీతం అందిస్తున్నారు.

తెలుగువారందరూ నిత్యం స్మరించుకోదగిన మహానుభావుడు అమరజీవి శ్రీ పొట్టి శ్రీరాములుగారని ఏపీ సీఎం చంద్రబాబు అన్నారు. ప్రత్యేక రాష్ట్రం కోసం పొట్టి శ్రీరాములు చేసిన ఆత్మత్యాగం తెలుగువారి దృఢసంకల్పానికి నిదర్శనమని కొనియాడారు. ఆ మహనీయుని జయంతి సందర్భంగా ఆయన స్మృతికి నివాళులర్పిస్తూ..ఆ అమరజీవి త్యాగాన్ని స్మరించుకుందామని పేర్కొన్నారు. అమరజీవి పొట్టి శ్రీరాములు 125వ జయంతి సందర్భంగా రాష్ట్రవ్యాప్తంగా వివిధ ప్రాంతాలలో పలువురు నాయకులు ఆయనకు ఘన నివాళులు అర్పిస్తున్నారు. విజయవాడ సామరంగ్ చౌక్ సెంటర్ లోని పొట్టి శ్రీరాముల విగ్రహానికి ఎంపీ కేశినేని చిన్ని పూలమాలవేసి నివాళులు అర్పించారు. అమరావతి రాజధాని ప్రాంతంలో పొట్టి శ్రీరాములు గారి స్మృతివనాన్ని ఏర్పాటు చేసినందుకు సీఎం చంద్రబాబు కృత నిశ్చయంతో ఉన్నట్లు తెలిపారు.. ప్రభుత్వం పొట్టి శ్రీరాములు గారి జయంతి కార్యక్రమాన్ని అధికారికంగా నిర్వహిస్తుందని పేర్కొన్నారు.

రాజధాని అమరావతిలోని వెంకటపాలెం శ్రీ వేంకటేశ్వర స్వామి ఆలయంలో తిరుమల తిరుపతి దేవస్ధానం నిర్వహించిన శ్రీనివాస కళ్యాణోత్సవంలో ఏపీ సీఎం చంద్రబాబు దంపతులు పాల్గొన్నారు. ఈ వేడుకలో పాల్గొనడం ఎంతో సంతోషాన్ని, సంతృప్తిని ఇచ్చిందని సీఎం చంద్రబాబు తెలిపారు. అత్యంత వైభవంగా, కన్నుల పండువగా జరిగిన శ్రీవారి కళ్యాణంతో రాజధాని ప్రాంతంలో ఆధ్యాత్మిక శోభ వెల్లివిరిసిందని పేర్కొన్నారు. ఆ ఏడుకొండల వాడి దయతో అమరావతి… ప్రజలు గర్వించే రాజధానిగా ఆవిష్కృతం కావాలని కోరుకుంటున్నట్లు తెలిపారు. ప్రజలకు మంచి జరిగేలా…. స్వర్ణాంధ్ర లక్ష్యం సాధనకు మేం చేస్తున్న కృషి ఫలించేలా శ్రీనివాసుడు కరుణించాలని ప్రార్థించినట్లు సోషల్ మీడియా ‘ఎక్స్’ లో పోస్ట్ చేశారు.

ఆంధ్ర రాష్ట్ర సాధన కోసం ఆమరణ నిరాహార దీక్ష చేపట్టి, ప్రాణత్యాగం చేసిన అమరజీవి పొట్టి శ్రీరాములు జయంతి సందర్భంగా మంత్రి నారా లోకేష్ ఆ మహనీయునికి ఘన నివాళి అర్పించారు. తెలుగురాష్ట్ర సాధన కోసం ప్రాణాలు అర్పించిన పొట్టి శ్రీరాములు గారి జీవితం అందరికీ ఆదర్శం. ఆయన త్యాగం చిరస్మరణీయం. మహాత్మాగాంధీ బోధించిన సత్యం, అహింస, హరిజనోద్ధరణకు జీవితాంతం కృషిచేశారు. అమరజీవి పొట్టి శ్రీరాములు గారి ఆశయ సాధన కోసం అందరం పునరంకితమవుదామని లోకేష్ పిలుపునిచ్చారు.