Author: admin

నందమూరి కళ్యాణ్ రామ్, విజయశాంతి ప్రధాన పాత్రల్లో నటించిన చిత్రం ‘అర్జున్ సన్నాఫ్ వైజయంతి’.ఈ సినిమా ప్రమోషన్లలో భాగంగా కళ్యాణ్ రామ్ మాట్లాడుతూ…విజయశాంతి గారిని తాను ‘అమ్మ’గా భావిస్తున్నానని,ఈ చిత్రంతో తమ అనుబంధం మరింత బలపడిందని అన్నారు.తల్లీకొడుకుల అనుబంధాన్ని అద్భుతంగా చూపించామని,ఈ కథను చెప్పినప్పుడు విజయశాంతి గారినే ఆ పాత్రకు ఊహించుకున్నామని చెప్పారు.విజయశాంతి కూడా కళ్యాణ్ రామ్ కొత్త దర్శకులను ప్రోత్సహిస్తారని ప్రశంసించారు.దర్శకుడు ప్రదీప్‌కు ఈ సినిమా తర్వాత మరిన్ని అవకాశాలు వస్తాయని ఆమె ఆశాభావం వ్యక్తం చేశారు.కళ్యాణ్ రామ్ ఎక్కడా రాజీ పడకుండా నటించారని కొనియాడారు.ఈ సినిమా టీజర్ తాజాగా విడుదలైంది. https://youtu.be/79v4XEc2Q-s?si=rPYrzv-tNXcMvjb2

టాలీవుడ్ యంగ్ హీరో విశ్వక్ సేన్ నివాసంలో భారీ చోరీ చోటుచేసుకుంది. ఓ దొంగ ఇంట్లోకి ప్రవేశించి రూ.2.20 లక్షల విలువైన ఆభరణాలు, రెండు డైమండ్ రింగ్స్ అపహరించాడు. ఈ సంఘటన ఫిలింనగర్ రోడ్ నెంబర్ 8లోని విశ్వక్ ఇంట్లో ఆదివారం వేకువజామున జరిగింది. విశ్వక్ సోదరి వన్మయ తన గదిలో వస్తువులు అస్తవ్యస్తంగా కనిపించడంతో అనుమానం వచ్చి బీరువా తనిఖీ చేసింది. నగలు గల్లంతైనట్లు గుర్తించడంతో కుటుంబసభ్యులకు సమాచారం అందించింది. తండ్రి కరాటే రాజు ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. ఇంటి సమీపంలోని సీసీటీవీ పుటేజీని పరిశీలించగా, ఓ వ్యక్తి బైక్‌పై వచ్చి 20 నిమిషాల్లోనే చోరీ పూర్తి చేసినట్లు తెలుస్తోంది. ఈ ఘటనపై పోలీసులు వేగంగా విచారణ చేపడుతున్నారు. ఇంటి పరిసరాల్లో ఉన్న సీసీ కెమెరాల దృశ్యాలను ఆధారంగా తీసుకుని దొంగను గుర్తించే పనిలో ఉన్నారు. పోలీసులు ఈ చోరీలో ఇంటి విషయాలు…

ప్రతి ఏటా సమ్మర్ లో క్రికెట్ వినోదాన్ని అందించే క్రీడాభిమానులను ఉర్రూతలూగించే ఇండియ‌న్ ప్రీమియం లీగ్ (ఐపీఎల్) ఈ నెల 22 నుండి ఐపీఎల్ ప్రారంభం కానుంది. ఇక ఈ మెగా ఈవెంట్‌ను డిజిట‌ల్ వేదిక‌గా జియో ప్రసారం చేయ‌నున్న సంగతి తెలిసిందే. ఈ నేప‌థ్యంలో తాజాగా త‌న వినియోగ‌దారుల‌కు జియో గుడ్ న్యూస్ చెప్పింది. ఎంపిక చేసిన కొన్ని రీఛార్జ్ ప్లాన్ల‌పై జియో యూజ‌ర్లు 90 రోజుల పాటు ఉచితంగా జియోహాట్‌స్టార్ స‌బ్‌స్క్రిప్ష‌న్‌ను పొంద‌వ‌చ్చ‌ని తెలిపింది. వినియోగ‌దారులు రూ. 299 అంత‌కంటే ఎక్కువ ప్లాన్‌తో రీఛార్జ్ చేసుకుంటే జియోహాట్‌స్టార్ స‌బ్‌స్క్రిప్ష‌న్‌ను ఫ్రీగా పొంద‌వ‌చ్చు. దీంతో క్రికెట్ అభిమానులలో మరింత ఉత్సాహాన్ని నింపింది.

విద్యారంగంపై శాసనమండలిలో చర్చ జరిగితే వైసీపీ సభ్యులు ఎందుకు బయటకు వెళ్లారు? అని విద్యా శాఖ మంత్రి నారా లోకేష్ ప్రశ్నించారు. ఈ విషయాలన్నీ ఆ రోజు చెప్పామని మీరెందుకు బాయ్ కాట్ చేశారని మండలిలో ప్రతిపక్ష వైసీపీపై మండిపడ్డారు. ఆ రోజు జరిగిన చర్చలో ఫీజు రీయింబర్స్ మెంట్ పై చాలా స్పష్టంగా వివరించినట్లు తెలిపారు. వినకుండా, చదవకుండా మళ్లీ ఇప్పుడు ఆరోపణలు చేస్తున్నారని దుయ్యబట్టారు. వైసీపీ హయాంలో రూ.4,200 కోట్లు బకాయిలు పెట్టారు. అవునో, కాదో చెప్పాలని వివరాలు పంపిస్తామని లోకేష్ అన్నారు. ఫీజు రీయింబర్స్ మెంట్ బకాయిలు కచ్చితంగా చెల్లిస్తామని హౌస్ సాక్షిగా హామీ ఇచ్చానన్నారు. చర్చలో వైసీపీ సభ్యులు లేకపోతే తానేం చేయగలనని బీఏసీలో విద్యారంగంపై చర్చ కావాలని అడిగితే ఒప్పుకున్నామని కానీ ఆ చర్చకు వైసీపీనే లేదని పేర్కొన్నారు . వాస్తవాలు వినడానికి వైసీపీ సభ్యులు సిద్ధంగా లేరని విమర్శించారు.

విభిన్నమైన వినోదాత్మక చిత్రాలు తీస్తూ వరుస విజయాలతో దూసుకుపోతున్నారు అనిల్ రావిపూడి. ఈఏడాది సంక్రాంతికి సీనియర్ కధానాయకుడు విక్ట‌రీ వెంక‌టేశ్ తో ఆయన తెర‌కెక్కించిన ‘సంక్రాంతికి వ‌స్తున్నాం’ రూ. 300కోట్ల‌కు పైగా క‌లెక్ష‌న్స్ రాబ‌ట్టి సూప‌ర్ హిట్‌గా నిలిచిన సంగతి తెలిసిందే. ఇక త్వరలో అనిల్ అగ్ర కధానాయకుడు, లెజెండరీ మెగాస్టార్ చిరంజీవితో సినిమా చేయనున్నారు. 2026 సంక్రాంతికి ప్రేక్ష‌కుల ముందుకు వ‌స్తున్న‌ట్లు ద‌ర్శ‌కుడు అనిల్ రావిపూడి ప్ర‌క‌టించారు. తాజాగా ఆయన సింహాచ‌లం ల‌క్ష్మీ న‌ర‌సింహ‌స్వామివారిని ద‌ర్శించుకున్నారు. ఆయ‌న‌తో పాటు సంగీత ద‌ర్శ‌కుడు భీమ్స్ సిసిరోలియో కూడా ఉన్నారు. చిరుతో తీయ‌బోయే మూవీ స్క్రిప్ట్ స్వామి స‌న్నిధిలో పెట్టి పూజ‌లు నిర్వ‌హించారు. స్వామికి ప్ర‌త్యేక పూజ‌లు నిర్వ‌హించారు. స్వామివారికి పూజ‌ల అనంత‌రం అనిల్ రావిపూడి విలేక‌ర్ల‌తో మాట్లాడారు. త‌న చిత్రాల క‌థ‌ల‌కు విశాఖ‌ను తాను సెంటిమెంట్‌గా భావిస్తాన‌ని తెలిపారు. అందుకే మెగాస్టార్‌తో తీయ‌బోయే చిత్రానికి సంబంధించిన క‌థ‌ను సిద్ధం చేసేందుకు వైజాగ్…

నందమూరి కళ్యాణ్ రామ్ కథానాయకుడిగా విజయశాంతి కీలకపాత్రలో ప్రదీప్ చిలుకూరు దర్శకత్వంలో తెరకెక్కుతున్న చిత్రం ‘అర్జున్ సన్ ఆఫ్ వైజయంతి ‘. మళ్లీ చాలా రోజుల తర్వాత విజయశాంతి పవర్ ఫుల్ పోలీస్ ఆఫీసర్ పాత్రలో కనిపించనున్నారు. కళ్యాణ్ రామ్ విజయశాంతి తల్లి కొడుకులుగా కనిపించనున్న ఈచిత్రం నుండి తాజాగా నేడు టీజర్ ను విడుదల చేశారు. తల్లి కొడుకుల అనుబంధంతో పాటు పవర్ ఫుల్ డైలాగ్స్, యాక్షన్ ఎపిసోడ్స్ టీజర్ లో కనిపించి చిత్రంపై అంచనాలు పెంచే విధంగా ఉన్నాయి. సయి మంజ్రేకర్, సోహైల్ ఖాన్, శ్రీకాంత్ ఇతర ముఖ్య పాత్రల్లో కనిపించనున్నారు. అశోక్ వర్థన్ ముప్పా, సునీల్ బులుసు, కళ్యాణ్ రామ్ నిర్మాతలు. ఈ వేసవిలోనే ఈచిత్రం ప్రేక్షకుల ముందుకు రానుంది. https://youtu.be/79v4XEc2Q-s?si=v-T5LZ1yQ0cOPhcJ

బీజేపీ నేతృత్వంలోని ఎన్డీఏ ప్రభుత్వం కొత్తగా తీసుకొచ్చిన మూడు నేర న్యాయ చట్టాలు ఈశాన్య రాష్ట్రాలలో అమలు తీరు గురించి కేంద్ర హోం మంత్రి అమిత్ షా సమీక్ష నిర్వహించారు. భారతీయ నాగరిక్ సురక్షా సంహిత, భారతీయ న్యాయ సంహిత, భారతీయ సాక్ష్య అధినియం చట్టాల అమలుపై ఈశాన్య రాష్ట్రాలు ఆయా రాష్ట్రాల హోం మంత్రులతో ప్రెజెంటేషన్ ఇచ్చాయి. ఈసందర్భంగా అస్సాం ఈ కొత్త న్యాయం చట్టాల గురించి ప్రచురించిన పుస్తకాన్ని అమిత్ షా ఆవిష్కరించారు. మణిపూర్ లో రాష్ట్రపతి పాలన ఉన్న నేపథ్యంలో రాష్ట్రం నుండి గవర్నర్ హాజరయ్యారు. మిగిలిన 7 రాష్ట్రాల నుండి సీఎంలు, డీజీపీలు, చీఫ్ సెక్రటరీలు, కేంద్రం నుండి పలువురు అధికారులు పాల్గొన్నారు.

పార్లమెంటులో ఆంధ్రప్రదేశ్ రాష్ట్రంలో ఎంతో ప్రసిద్ధి చెందిన అరకు కాఫీ స్టాల్స్ ఏర్పాటుకు లోక్ సభ స్పీకర్ ఓం బిర్లా అనుమతించిన నేపధ్యంలో నేటి నుండి రెండు చోట్ల తాత్కాలిక స్టాల్స్ నిర్వహించేందుకు ఏర్పాట్లు చేసినట్లు గిరిజన సహకార సంస్థ అధికారులు తెలిపారు. ఏపీ అసెంబ్లీ లో కూడా స్టాల్స్ ఏర్పాటు చేయనున్నట్లు తెలిపారు. ఆంధ్రప్రదేశ్ లో గిరిజనులు పండించే అరకు కాఫీని మరింత ప్రోత్సహించే దిశగా ఏపీ కూటమి ఎంపీలు ఇటీవల లోక్ సభ స్పీకర్ ను కలిశారు. కేంద్ర మంత్రి రామ్మోహన్ నాయుడు తెలుగుదేశం పార్టీ పార్లమెంటరీ చైర్మన్ లావు శ్రీకృష్ణదేవరాయలు, బీజేపీ ఎంపీ సీఎం రమేష్ లు కలిసి అరకు కాఫీ ప్రచారం కోసం ప్రత్యేకమైన కార్యక్రమాన్ని మరియు అరకు కాఫీ కోసం శాశ్వతంగా ఒక స్టాల్ ఏర్పాటు చేయమని కోరారు. తోటి పార్లమెంట్ సభ్యులు మరియు ప్రముఖులకు ఈ కాఫీ రుచిని మరింత దగ్గర చేసే…

స్పెషల్ ఒలింపిక్స్ వరల్డ్ వింటర్ గేమ్స్‌లో భారత అథ్లెట్లు 8 స్వర్ణాలు, 18 రజతాలు మరియు 7 కాంస్యాలతో సహా 33 పతకాలతో అద్భుతమైన ప్రతిభ కనబరిచారు. ఆల్పైన్ స్కైయింగ్ లో 10 మెడల్స్, స్నోషూయింగ్ లో 10 మెడల్స్, స్నో బోర్డింగ్ లో 6 మెడల్స్, షార్ట్ ట్రాక్ స్పీడ్ ట్రాకింగ్ లో 4 మెడల్స్, క్రాస్ కంట్రీ స్కైయింగ్ లో 2 మెడల్స్, ఫ్లోర్ బాల్ లో ఒక మెడల్ లభించాయి. ఈ స్థాయిలో మెరుగైన ప్రదర్శన కనబరిచి భారత్ ఖ్యాతిని క్రీడాకారులు మరింత పెంచారు.

ఇంటర్నేషనల్ మాస్టర్స్ లీగ్ టీ20-2025లో సచిన్ టెండూల్కర్ నేతృత్వంలోని ఇండియన్ మాస్టర్స్ జట్టు టోర్నీ విజేతగా నిలిచింది. ఫైనల్ లో వెస్టిండీస్ మాస్టర్స్ పై 6 వికెట్ల తేడాతో విజయం సాధించింది. మ్యాచ్ లో టాస్ గెలిచిన వెస్టిండీస్ మొదట బ్యాటింగ్ ఎంచుకుని నిర్ణీత 20 ఓవర్లలో 7 వికెట్ల నష్టానికి 148 పరుగులు చేసింది. ఎల్.సిమన్స్ 57 (41; 5×4, 1×6) హాఫ్ సెంచరీతో రాణించాడు. డ్వేన్ స్మిత్ 45 (35; 6×4, 2×6) మంచి ప్రదర్శన కనబరిచాడు. ఇండియన్ మాస్టర్స్ బౌలర్లలో వినయ్ కుమార్ 3 వికెట్లు, నదీమ్ 2 వికెట్లు, పవన్ నేగి 1 వికెట్, స్టువర్ట్ బిన్నీ 1 వికెట్ తీశారు. ఇక లక్ష్యాన్ని ఛేదించే క్రమంలో భారత్ దూకుడుగా ఆడింది. అంబటి రాయుడు 74 (50; 9×4, 3×6) భారత్ అలవోకగా లక్ష్యానికి చేరువగా చేర్చాడు. సచిన్ టెండూల్కర్ 25 (18; 2×4, 1×6),…