Author: admin

గత వైసీపీ ప్రభుత్వ హయాంలో ఏపీ ఉపాధి హామీ పథకంలో భారీ అవినీతి చోటు చేసుకుందని డిప్యూటీ సీఎం పవన్ కల్యాణ్ అన్నారు. ఆయన అసెంబ్లీలో సమావేశాల్లో ప్రశ్నోత్తరాల సమయంలో మాట్లాడుతూ ఉపాధి హామీ నిధుల దుర్వినియోగం, మొత్తం రూ.250 కోట్ల అవినీతి జరిగినట్లు అధికారులు ఇచ్చిన నివేదికల ద్వారా వెల్లడైనట్లు పేర్కొన్నారు. ఎన్డీఏ ప్రభుత్వం వచ్చిన తరువాత పంచాయతీ రాజ్, గ్రామీణాభివృద్ధి శాఖ మంత్రిగా ప్రత్యేకంగా సోషల్ ఆడిట్ పై దృష్టిపెట్టడం జరిగింది. గత ప్రభుత్వ హయంలో జరిగిన అనేక అవకతవకలు, నిధుల దుర్వినియోగం వెలుగులోకి తీసుకొచ్చాం. దాదాపు 546 మండలాల్లో ఇప్పటికే సోషల్ ఆడిట్ పూర్తికాగా, మిగతా మండలాల్లో మార్చి 31 నాటికి పూర్తికానుంది. దాదాపు ₹250 కోట్ల అవినీతి జరిగినట్లు నివేదికలు వెల్లడిస్తున్నాయి. దానిలో ₹71 కోట్లు రికవరీ చేయాలని ఇప్పటికే పంచాయతీరాజ్ డైరెక్టర్ కు ఆదేశాలు జారీచేయడం జరిగిందని తెలిపారు.

భారత క్రికెట్ జట్టు మాజీ కెప్టెన్, దిగ్గజ ఆటగాడు సౌరవ్ గంగూలీ ‘ఖాకీ: ది బెంగాల్ చాప్టర్’ (ఖాకీ 2)లో ఆయన అతిథి పాత్రలో కనిపించనున్నారని కొద్ది రోజుల క్రితం కొన్ని ఫొటోలు షేర్ అయిన సంగతి తెలిసిందే. తాజాగా వీటిపై స్పష్టత వచ్చింది. మార్చి 20 నుండి ఈ సిరీస్ అందుబాటులో ఉండనున్నట్లు తెలుపుతూ ప్రముఖ ఓటీటీ నెట్ ఫ్లక్స్ ఒక వీడియో పంచుకుంది. ‘ది బెంగాల్ టైగర్ మీట్స్ బెంగాల్ ఛాప్టర్’ అంటూ ఓ ప్రకటన విడుదల చేసింది. అందులో గంగూలీ ఖాకీ దుస్తుల్లో కనిపించారు. హీరో చేయాల్సిన పనులన్నీ దర్శకుడు చెప్పగా.. ఇవన్నీ చేయడం తనవల్ల కాదని గంగూలీ అంటాడు. అయితే మీరు మార్కెటింగ్ చేయండని దర్శకుడు అనడంతో మన దాదా దానికి సరే అంటాడు. దీంతో ఈ సిరీస్ ప్రచారంలో గంగూలీ భాగమయ్యారని తెలుస్తోంది. నెట్ ఫ్లిక్స్ లో విడుదలైన ‘ఖాకీ ది బిహార్ చాప్టర్’కు…

యూనివర్సిటీల ఏర్పాటులో కూడా అభివృద్ధి వికేంద్రీకరణ పాటించడం తమ ప్రభుత్వ నిబద్ధతకు నిదర్శనమని ఏపీ విద్యా ఐటీ శాఖ మంత్రి నారా లోకేష్ అన్నారు. అసెంబ్లీలో ఆయన మాట్లాడుతూ అన్ని వర్సిటీల్లో ఒకే విధమైన నిర్వహణ సౌలభ్యం కోసం, లీగల్ సమస్యలు ఎదుర్కోకుండా ప్రభుత్వ యూనివర్సిటీల్లో యూనిఫైడ్ యాక్ట్ తీసుకొస్తున్నట్లు వివరించారు. గుడ్ గవర్నెన్స్, రీసెర్చ్ కోసం ప్రతిపాదనలు సిద్ధం చేసినట్లు తెలిపారు. ఐటీ కంపెనీలు, ఫార్చ్యూన్ 500 కంపెనీలకు ఎటువంటి నిబంధనలు విధించకుండా, రాయితీలు ఇచ్చి, రప్పించే ఫ్రెండ్లీ విధానం అమలు చేస్తున్నట్లు పేర్కొన్నారు.

డిజిటల్‌ అరెస్ట్‌ పేరుతో సైబర్‌ నేరగాళ్లు భారతీయులను లక్ష్యంగా చేసుకుని భారీ మోసాలకు పాల్పడుతున్నారు. 2024లో మాత్రమే దేశవ్యాప్తంగా ప్రజలు సుమారు రూ.2 వేల కోట్లు నష్టపోయారని నేషనల్‌ సైబర్‌క్రైమ్‌ రిపోర్టింగ్‌ పోర్టల్‌ నివేదిక వెల్లడించింది. 2025 ప్రారంభ రెండునెలల్లోనే 17,718 కేసులు నమోదై, బాధితుల నుంచి రూ.210 కోట్లు దోచుకున్నట్లు గణాంకాలు చెబుతున్నాయి. గత మూడు ఏళ్లలో ఈ మోసాలు భారీగా పెరిగి, కేసుల సంఖ్య మూడు రెట్లు, నష్టపోయిన మొత్తం 20 రెట్లు పెరిగినట్లు తెలుస్తోంది. సైబర్‌ మోసాలను నివారించేందుకు ప్రజలు అప్రమత్తంగా ఉండాలని నిపుణులు హెచ్చరిస్తున్నారు.

చంద్రయాన్-5 మిషన్‌కు కేంద్రం తాజాగా ఆమోదం తెలిపినట్టు ఇస్రో చైర్మన్ వీ నారాయణన్ ప్రకటించారు.బెంగుళూరులో జరిగిన కార్యక్రమంలో ఆయన మాట్లాడుతూ, చంద్రయాన్-3 ద్వారా 25 కేజీల బరువున్న ప్రజ్ఞాన్ రోవర్‌ను చంద్రుడిపైకి పంపినట్లు గుర్తు చేశారు. కానీ చంద్రయాన్-5 ద్వారా 250 కేజీల బరువున్న రోవర్‌ను చంద్రుడిపైకి పంపనున్నట్లు తెలిపారు. 2008లో చంద్రయాన్-1, 2019లో చంద్రయాన్-2 మిషన్ల ద్వారా చంద్రుడిపై ఖనిజాలు, రసాయనిక పరిమాణాలు, భూగర్భ పరిస్థితులను అధ్యయనం చేసినట్లు చెప్పారు. చంద్రయాన్-2 ద్వారా పంపిన హై-రిజల్యూషన్ కెమెరా ఇప్పటికీ వందల సంఖ్యలో ఇమేజ్‌లను పంపిస్తోందని పేర్కొన్నారు. చంద్రయాన్-3 ద్వారా సేఫ్ ల్యాండింగ్, రోవర్ మూమెంట్ వంటి పరిక్షలు విజయవంతంగా పూర్తయ్యాయని తెలిపారు. ఇప్పుడు చంద్రయాన్-5 మరింత అధునాతనంగా ఉండబోతోందని వెల్లడించారు.

అమృత్‌సర్‌లోని ఓ గుడిపై గత శుక్రవారం రాత్రి గ్రెనేడ్ దాడి జరిగింది.కాగా బైక్‌పై వచ్చిన ఇద్దరు వ్యక్తులు హ్యాండ్ గ్రెనేడ్ విసిరి అక్కడి నుండి పరారయ్యారు.పేలుడుతో ఆలయ గోడ స్వల్పంగా ధ్వంసమైంది.దాడికి సంబంధించిన సీసీటీవీ ఫుటేజ్‌ను పరిశీలించిన పోలీసులు నిందితుల కోసం గాలింపు చేపట్టారు.సోమవారం తెల్లవారుజామున రాజసాన్సీ ప్రాంతంలో గుర్సిదక్ సింగ్, విశాల్ అనే నిందితులు పోలీసులకు ఎదురుపడ్డారు.వారిని పట్టుకునే క్రమంలో పోలీసులపై కాల్పులు జరిపారు.ఈ మేరకు పోలీసులు ఎదురు కాల్పులు చేయగా గుర్సిదక్ గాయపడి ఆసుపత్రిలో మరణించాడు. అతని సహచరుడు విశాల్ పరారవగా, అతడిని పట్టుకునేందుకు పోలీసులు ముమ్మరంగా గాలిస్తున్నారు.

అమెరికాకు చెందిన కృత్రిమ మేధా పరిశోధకుడు లెక్స్‌ ఫ్రిడ్‌మ్యాన్‌ పాడ్‌కాస్ట్‌లో భారత ప్రధాని నరేంద్ర మోదీ పాల్గొన్నారు.ఈ మేరకు దాదాపు మూడు గంటల పాటు సాగిన ఈ ఇంటర్వ్యూలో ప్రపంచ రాజకీయాలు,భారత్‌ దౌత్య,శాంతి, అఖండతపై మోదీ కీలక వ్యాఖ్యలు చేశారు. పాక్‌తో శాంతి ప్రయత్నాలకూ ద్రోహమే ప్రతిఫలం పాకిస్థాన్‌తో శాంతిని నెలకొల్పడానికి ఎన్నో ప్రయత్నాలు చేసినప్పటికీ శత్రుత్వం, ద్రోహమే ఎదురయ్యాయని మోదీ పేర్కొన్నారు.2014లో తన ప్రమాణ స్వీకారోత్సవానికి పాక్ ప్రధాని నవాజ్‌ షరీఫ్‌ను ఆహ్వానించడమే ఇందుకు నిదర్శనమని చెప్పారు.కానీ ఉగ్రవాదం, అశాంతి పరిస్థితులతో పాక్ ప్రపంచం ముందే విఫలమైన దేశంగా మారిందని ఆయన అన్నారు. రష్యా-ఉక్రెయిన్‌ యుద్ధానికి ఒకటే పరిష్కారం రష్యా-ఉక్రెయిన్‌ యుద్ధం గురించి మోదీ మాట్లాడుతూ యుద్ధం ద్వారా సమస్యలు పరిష్కారం కావు అని, ఇరు దేశాధినేతలు చర్చల ద్వారా శాంతి మార్గాన్ని అన్వేషించాలన్నారు. చైనా ఉద్రిక్తతలపై మోదీ స్పందన భారత్-చైనా మధ్య సరిహద్దు ఉద్రిక్తతలు ఉన్నప్పటికీ తాను సమావేశాలకే…

టాలీవుడ్ స్టార్ హీరోయిన్ సమంత తాజాగా చేసిన ఇన్‌స్టాగ్రామ్ పోస్ట్ సోషల్ మీడియాలో వైరల్‌గా మారింది.ఈ మేరకు ఆసుపత్రి బెడ్‌పై పడుకుని ఉన్న ఫొటోను షేర్ చేసిన ఆమె, సెలైన్ ఎక్కించుకుంటున్నట్లు కనిపించింది.ఈ ఫొటో చూసిన అభిమానులు ఆందోళన వ్యక్తం చేస్తున్నారు.సమంత మళ్లీ అనారోగ్యానికి గురయ్యిందా? ఆమె ఆరోగ్యం ఎలా ఉంది? అనే ప్రశ్నలు రైజ్ అవుతున్నాయి. కొంతకాలంగా మయోసైటిస్ వ్యాధితో పోరాడుతున్న సమంత, కోలుకున్న తర్వాత ‘సిటాడెల్: హనీ బన్నీ’ వెబ్‌సిరీస్‌తో నటన కొనసాగించింది.ప్రస్తుతం ‘రక్త బ్రహ్మాండ’ చిత్రంలో నటిస్తున్న సమంత,‘మా ఇంటి బంగారం’ అనే సినిమాకు నిర్మాతగా వ్యవహరిస్తోంది.అలాగే ట్రాలాలా మూవింగ్ పిక్చర్స్ పేరుతో తన తొలి నిర్మాణ ప్రాజెక్ట్ ‘శుభం’ షూటింగ్‌ను ప్రారంభించింది.అయితే ఆసుపత్రి ఫొటోలు షేర్ చేయడంతో ఆమె ఆరోగ్యంపై కొత్తగా చర్చ మొదలైంది.

మలయాళ సూపర్ స్టార్ మోహన్ లాల్, పృథ్వీరాజ్ సుకుమారన్ కలయికలో వస్తున్న భారీ చిత్రం ‘L2E: ఎంపురాన్’.కాగా ఈ చిత్రానికి పృథ్వీరాజ్ సుకుమారన్ దర్శకత్వం వహ్స్తున్నాడు.ఈ సినిమా 2019లో వచ్చిన బ్లాక్‌బస్టర్ ‘లూసిఫర్’ కు సీక్వెల్‌గా రూపొందింది.తాజాగా మేకర్స్ ఈ చిత్రానికి సంబంధించిన కీలక అప్‌డేట్‌ను వెల్లడించారు.ఈ చిత్రాన్ని లైకా ప్రొడక్షన్స్, ఆశీర్వాద్ సినిమాస్, శ్రీ గోకులం మూవీస్ బ్యానర్లపై నిర్మించారు.మోహన్ లాల్ ప్రధాన పాత్రలో నటిస్తున్న ఈ చిత్రంలో పృథ్వీరాజ్, టొవినో థామస్,మంజు వారియర్, ఫాజిల్ తదితరులు కీలక పాత్రలు పోషిస్తున్నారు. ‘గేమ్ ఆఫ్ థ్రోన్స్’ నటుడు జెరోమ్ ఫ్లైన్ ఈ సినిమాతో భారతీయ తెరకు పరిచయం కానున్నారు.ఈ చిత్రాన్ని యుకె, యుఎస్, యుఏఇ వంటి ప్రాంతాల్లో చిత్రీకరించారు.ఈ చిత్రం మార్చి 27న ప్రపంచవ్యాప్తంగా విడుదల కానుంది.

ప్రముఖ సాంకేతిక దిగ్గజ సంస్థ మైక్రోసాఫ్ట్ సహా వ్యవస్థాపకుడు, సేవా బిల్ గేట్స్ త్వరలో భారత్ లో పర్యటించనున్నారు. భారత్ పర్యటనకు వస్తున్నట్లు బిల్ గేట్స్ ప్రకటించారు. మూడేళ్లలో ఇది ఆయనకు మూడోసారి ఇక్కడికి రావడం. ఈ విషయాన్ని తన లింక్డ్ ఇన్ ఎకౌంట్ ద్వారా తెలిపారు. గేట్స్ ఫౌండేషన్ భారతదేశంలో రెండు దశాబ్దాలకు పైగా పని చేస్తోందని గేట్స్ ఫౌండేషన్ 25వ వార్షికోత్సవం పురస్కరించుకుని ట్రస్టీల బోర్డు మొదటిసారి గ్లోబల్ సౌత్‌ లో సమావేశమవుతోంది. ఈ కార్యక్రమానికి భారత్ అనువైన ప్రదేశం అని బిల్ గేట్స్ పేర్కొన్నారు. ఈ నేపథ్యంలో భారత్ మరోసారి ప్రశంసలు కురిపించారు. హెల్త్ కేర్, అగ్రికల్చర్, డిజిటల్ ట్రాన్స్ఫర్మేషన్ లో భారత్ కీలక పాత్ర పోషిస్తోందని పేర్కొన్నారు. సరికొత్త ఇన్నోవేషన్ తో అద్భుతమైన ప్రగతి సాధిస్తోందని కొనియాడారు. భారత్ చేపట్టిన ఆరోగ్య కార్యక్రమాలను, పోలియో నిర్మూలనను ప్రశంసించారు. హెచ్ఐవీ నివారణకు చేపడుతున్న ఆవాహన్ వంటి కార్యక్రమాలను…