Author: admin

కెనడాలో అధికార లిబరల్ పార్టీ నేతగా మార్క్ కార్నీ ఎన్నికయ్యారు. ప్రధాని పదవి నుండి వైదొలగనున్నట్లు జస్టిన్ ట్రూడో ఈ ఏడాది జనవరిలో ప్రకటించిన సంగతి తెలిసిందే. దీంతో లిబరల్ పార్టీ నూతన అధ్యక్షుడి ఎన్నిక తాజాగా జరిపారు. ఇందులో బ్యాంక్ ఆఫ్ కెనడా మాజీ గవర్నర్ మార్క్ కార్నీ విజేతగా నిలిచారు. 59 ఏళ్ల కార్నీ సమీప అభ్యర్థి క్రిస్టియా ఫ్రీలాండ్ పై గెలిచి పార్టీ కొత్త అధినేతగా ఎన్నికయ్యారు. దీంతో తదుపరి ప్రధానిగా ఆయన బాధ్యతలు తీసుకోనున్నారు. ఇక తొమ్మిదేళ్ల ట్రూడో పాలన ముగిసినట్లే. మొత్తం 150,000 పార్టీ సభ్యులు ఓటింగ్ లో పాల్గొన్నారు. కార్నేకు 131,674 ఓట్లు అంటే 85.9 శాతం వచ్చాయి. అమెరికా ప్రెసిడెంట్ గా బాధ్యతలు చేపట్టిన నాటి నుంచి సుంకాల ముప్పు వంటి సవాళ్లను ఎదుర్కొంటున్న వేళ కార్నీ 24వ ప్రధానిగా కెనడా పాలన పగ్గాలు చేపట్టి ఏవిధమైన చర్యలు తీసుకుంటిరోనని కెనడా…

Read More

ఆంధ్రప్రదేశ్ ఎమ్మెల్యే కోటా ఎమ్మెల్సీ ఎన్నికలకు సంబంధించి భారతీయ జనతా పార్టీ నుండి మాజీ ఎమ్మెల్సీ, సీనియర్ నేత సోము వీర్రాజు పేరు ఖరారైంది. ఖాళీగా ఉన్న 5 ఎమ్మెల్సీ స్థానాలకు గాను 3 టీడీపీ, జనసేన 1, బీజేపీ 1 స్థానం కూటమి నుండి కేటాయించారు. జనసేన నుండి కొణిదెల నాగబాబు, టీడీపీ నుండి బీద రవిచంద్ర యాదవ్, బీటీ నాయుడు, కావాలి గ్రీష్మల పేర్లు ఖరారయ్యాయి. ఇక ఇప్పటికే నాగబాబు నామినేషన్ దాఖలు చేయగా.. మిగిలిన వారు నామినేషన్ దాఖలుకు నేడు చివరిరోజు కావడంతో నేడు దాఖలు చేయనున్నారు. ఎమ్మెల్యేల సంఖ్యాబలాలు బట్టి కూటమి అన్ని స్థానాలు కైవసం చేసుకోవడం ఖరారుగా కనిపిస్తుంది.

Read More

ఛాంపియన్స్ ట్రోఫీ తర్వాత రోహిత్ వన్డేలకు వీడ్కోలు పలుకుతాడని పెద్ద ఎత్తున ప్రచారం జరుగుతున్న నేపథ్యంలో. ఆ ఊహాగానాలకు స్వయంగా రోహిత్ తనే చెక్ పెట్టాడు. మ్యాచ్ విజేతగా నిలిచిన అనంతరం నిర్వహించిన మీడియా సమావేశంలో కీలక వ్యాఖ్యలు చేశాడు. భవిష్యత్తు ప్రణాళికలు ఏమైనా ఉన్నాయా అని అడిగిన ప్రశ్నకు రోహిత్ నవ్వుతూ సమాధానమిచ్చాడు. తనకు భవిష్యత్తు గురించి ఇప్పుడే ఎలాంటి ప్రణాళికలు లేవని స్పష్టం చేశాడు. తన రిటైర్మెంట్ గురించి ఎలాంటి ప్రచారం చేయొద్దని, వన్డే ఫార్మాట్ నుండి ఇప్పుడే తాను రిటైర్ కావట్లేదని స్పష్టతనిచ్చాడు. సుదీర్ఘమైన క్రికెట్ ఆడినవారికి ఇంకా ఆడాలని ఉంటుందన్నాడు. అయితే ఇది యువ ఆటగాళ్లపై ప్రభావం చూపుతుందన్నాడు. త్వరలో రోహిత్ 38వ సంవత్సరంలోకి అడుగు పెట్టనున్నాడు. ఇక ఇప్పట్లో ఐసీసీ ఈవెంట్ లు ఏమీ లేవు. మళ్లీ 2027లోనే వన్డే ప్రపంచకప్ ఉంది. అప్పటివరకు రోహిత్ జట్టులో ఉంటాడా అని అంతా భావించారు. తాజాగా…

Read More

పార్టీ కార్యకర్తలతో కలవడం, మాట్లాడటం ఎప్పుడూ ఉత్సాహాన్ని, సంతృప్తిని ఇస్తుందని ఏపీ సీఎం చంద్రబాబు అన్నారు. అందుకే ఎక్కడికి వెళ్లినా కార్యకర్తలతో నేరుగా మాట్లాడాలని నిర్ణయించుకున్నట్లు పేర్కొన్నారు. ఈ క్రమంలో మార్కాపురం నియోజకవర్గం కార్యకర్తలతో సమావేశం అయ్యారు. ఇది ఎంతో ఆనందం కలిగించిందని తెలిపారు. పార్టీ కోసం పని చేసిన, పోరాడిన కార్యకర్తలకే ప్రాధాన్యత ఇస్తాను తప్ప వేరే వారికి కాదని పునరుద్ఘాటించారు. కార్యకర్తల త్యాగాలను తాకట్టు పెట్టేలా పనిచేసే వాళ్ళు నాకు అవసరం లేదు. కార్యకర్తలు బాగుంటేనే పార్టీ బాగుంటుంది… పార్టీ బాగుంటేనే రాష్ట్రం బాగుంటుంది. అందుకే క్యాడర్ కు ప్రధమ ప్రాధాన్యం ఇస్తానని సీఎం చంద్రబాబు పేర్కొన్నారు.

Read More

టోర్నీలో ఒక్క ఓటమి కూడా లేకుండా అజేయంగా నిలిచి 12 ఏళ్ల సుదీర్ఘ కాలం తరువాత ఐసీసీ ఛాంపియన్స్ ట్రోఫీ టైటిల్ విజేతగా భారత్ నిలిచింది. భారత్ న్యూజిలాండ్ జట్ల మధ్య దుబాయ్ వేదికగా జరిగిన ఛాంపియన్స్ ట్రోఫీ 2025 ఫైనల్ లో గెలిచి 3వ సారి ఈ ట్రోఫీని ముద్దాడింది. మ్యాచ్ లో టాస్ గెలిచి ముందుగా బ్యాటింగ్ చేసిన న్యూజిలాండ్ నిర్ణీత 50 ఓవర్లలో 7 వికెట్ల నష్టానికి 251 పరుగులు చేసింది. డేరీ మిచెల్ 63 (101; 3×4), మైఖేల్ బ్రేస్ వెల్ 53 నాటౌట్ (40; 3×4, 2×6) హాఫ్ సెంచరీలతో రాణించారు. రచిన్ రవీంద్ర 37 (29; 4×4, 1×6), గ్లెన్ ఫిలిప్స్ 34 (52; 2×4, 1×6) పర్వాలేదనిపించారు. వరుణ్ చక్రవర్తి 2 వికెట్లు, కుల్ దీప్ యాదవ్ 2 వికెట్లు, రవీంద్ర జడేజా, మహ్మద్ షమీ ఒక్కో వికెట్ చొప్పున పడగొట్టారు.…

Read More

న‌టుడిని కాక‌పోయి ఉంటే రాజకీయాల్లోకి వెళ్లేవాడినని టాలీవుడ్ హీరో కిర‌ణ్ అబ్బ‌వ‌రం అన్నాడు.తాజాగా ఆయన న‌టిస్తున్న చిత్రం ‘దిల్ రుబా’.కాగా ఈ చిత్రం విడుదలకు సిద్ధమైంది.ఈ సినిమాకి విశ్వ క‌రుణ్ ద‌ర్శ‌క‌త్వం వహిస్తున్నాడు.ర‌వి, జోజో, జోస్, రాకేష్ రెడ్డి ఈ చిత్రాన్ని నిర్మిస్తున్నారు.ఇందులో రుక్సర్‌ థిల్లాన్‌ కథానాయికగా నటిస్తుంది.ఈ నెల 14తేదీన ఈ చిత్రం విడుదల కానుంది.ఈ సంద‌ర్భంగా ప్ర‌మోష‌న్స్‌కి సంబంధించి వ‌రుస ఇంట‌ర్వ్యూల‌లో కిర‌ణ్ మాట్లాడుతూ…సినిమాల‌కు రాక‌ముందు జీవితంలో ఎదోక‌టి పెద్దగా సాధించాలనే కోరిక ఎప్పుడు ఉండేదని అన్నారు. అయితే అందులో భాగంగానే హీరో అవ్వాలి అనుకున్నాను.అదే విధంగా నాకు రాజ‌కీయాలు అంటే చాలా ఇష్టం.రాయాల‌సీమ‌కి చెందిన వ్య‌క్తిగా రాజ‌కీయాలను చిన్న‌నాటి నుండి ద‌గ్గ‌రిగా చూశానని చెప్పాడు.ఒక‌వేళ నేను సినిమా హీరో కాకపోయి ఉంటే ఖచ్చితంగా రాజకీయాల్లోకి వెళ్లేవాడిని అన్నాడు.మంచి చెడుని ప‌క్క‌న‌పెట్టి ప్రజలతో క‌ల‌వ‌డం నాకు ఇష్టం….దాని వల్లనే నాకు రాజకీయాలపై ఆసక్తి పెరిగిందని తెలిపాడు.

Read More

మ‌ల్లేశం, 8 ఏఎమ్, మెట్రో వంటి చిత్రాలతో సినీ అభిమానులను ఆకట్టుకున్న ద‌ర్శ‌కుడు రాజ్ రాచ‌కొండ‌.తాజాగా ఆయన ద‌ర్శ‌క‌త్వంలో తెరకెక్కుతున్న చిత్రం 23.ఇందులో తేజ, తన్మయ, ఝాన్సీ ప్రధాన పాత్రల్లో నటిస్తున్నారు.ఈ చిత్రాన్ని రానా దగ్గుబాటి స్పిరిట్‌ మీడియా నిర్మిస్తుంది. తెలుగుతో పాటు త‌మిళం, హిందీ భాష‌ల్లో ఏక‌కాలంలో ఈ సినిమాను విడుద‌ల చేయనున్నారు. ఈరోజు మ‌హిళ దినోత్స‌వాన్ని సందర్భంగా ఈ సినిమా టీజ‌ర్‌ను చిత్రబృందం విడుదల చేసింది. విడుదలైన ఈ టీజ‌ర్ చూస్తుంటే..దర్శకుడు రాజ్ రాచ‌కొండ‌ ఉమ్మ‌డి ఆంధ్రప్రదేశ్‌లోని గుంటూరు జిల్లాలో 1991లో జ‌రిగిన చుండూరు మారణకాండ ఘ‌ట‌న‌తో పాటు, 1993లో జరిగిన చిలకలలూరిపేట బస్సు దహనం,1997లో హైద‌రాబాద్ జూబ్లీహిల్స్‌లో జ‌రిగిన కార్ బాంబు దాడి ఘ‌ట‌న‌ల ఆధారంగా ఈ చిత్రాన్ని రూపొందించినట్లు తెలుస్తుంది.ఈ ఘ‌ట‌న‌లో చ‌నిపోయిన వారి క‌థ ఒక లాగే ముగియ‌గా…ఈ ఘ‌ట‌న‌ల‌కు పాల్ప‌డిన హంతకుల క‌థ ఏం అయ్యింది అనే స్టోరీతో తెరకెక్కించినట్లు తెలుస్తుంది. ఈ…

Read More

మెడికల్, ఇంజనీరింగ్ ఎడ్యుకేషన్ ను తమిళంలో అందించాలని తమిళనాడు సీఎం స్టాలిన్ కు కేంద్ర హోంశాఖ మంత్రి అమిత్ షా విజ్ఞప్తి చేశారు. చెన్నై సమీపంలోని నగరికుప్పంలో జరిగిన సీఐఎస్ఎఫ్ 56వ ఆవిర్భావ వేడుకలలో అమిత్ షా పాల్గొన్నారు. ఈసందర్భంగా ఆయన మాట్లాడుతూ తమిళ భాష మరియు సంస్కృతి దేశ వారసత్వానికి వెలకట్టలేని సంపద అని పేర్కొన్నారు. కేంద్ర ప్రభుత్వం ప్రతి భాషను దృష్టిలో ఉంచుకుని తగిన ప్రాధాన్యం ఇస్తుందని ఇంజనీరింగ్, మెడికల్ ఎడ్యుకేషన్ ను ప్రాంతీయ భాషల్లో చదివేందుకు చర్యలు చేపట్టిందన్నారు. ఈ కోర్సులు తమిళంలోనూ అందించడానికి సీఎం స్టాలిన్ ప్రయత్నించాలని విజ్ఞప్తి చేశారు.త్రిభాషా విధానం విషయంలో ఇటీవల తమిళనాడు సీఎం స్టాలిన్ కేంద్రంలోని బీజేపీ మధ్య జరుగుతున్న వివాదం గురించి తెలిసిందే. కాగా, ఈనేపథ్యంలో అమిత్ షా ఈ వ్యాఖ్యలు చేయడం గమనార్హం.

Read More

మార్కాపురంలో అంతర్జాతీయ మహిళా దినోత్సవ కార్యక్రమంలో ఏపీ సీఎం చంద్రబాబు పాల్గొన్నారు . మహిళల భద్రత కోసం, మహిళా రైడర్లని ప్రోత్సహిస్తూ, ప్రధాన నగరాల్లో 1,000 మంది మహిళా రైడర్లకు 760 ఈ-బైక్లు, 240 ఈ-ఆటోలు అందించే కార్యక్రమాన్ని ప్రారంభించారు. ర్యాపిడోతో ప్రభుత్వం ఒప్పందం చేసుకుంది. ఇక మహిళలు, పిల్లల భద్రతే లక్ష్యంగా “శక్తి టీమ్స్” ని ప్రారంభించారు. బహిరంగ ప్రదేశాల్లో మహిళలు, పిల్లలపై వేధింపులు అరికట్టడం, నేరాలను నిరోధించడం, తక్షణ సాయం అందించి వారికి రక్షణ కల్పించడమే “శక్తి టీమ్స్” లక్ష్యం.మహిళల రక్షణకు 13 సేవలతో “శక్తి యాప్”ను ప్రారంభించారు. “శక్తి యాప్” ద్వారా ఫిర్యాదు చేసిన 5-7 నిమిషాల్లో పోలీసులు వచ్చేలా ఏర్పాటు చేశారు. అలాగే, మహిళలు, పిల్లలపై నేరాలను నివారించడానికి, ఐజీ ర్యాంకు అధికారి నేతృత్వంలో “వుమెన్ & చైల్డ్ సేఫ్టీ వింగ్” ని సీఎం ప్రారంభించారు. చేనేత మహిళలకు, చేనేత రథం అందించి, చేనేత ఉత్పత్తులకు…

Read More

ఈనెల 5వ తేదీన వెస్ట్‌ బ్యాంక్‌లోని అల్‌ జాయెం అనే గ్రామంలో బందీలుగా ఉన్న 10 మంది భారత్‌కు చెందిన నిర్మాణ కార్మికులను ఇజ్రాయెలీ అధికారులు రక్షించారు.కాగా ఈ కార్మికులంతా గత నెల రోజులుగా బందీలుగా ఉన్నారని ఇమ్మిగ్రేషన్‌ సంస్థ తెలిపింది.ఈ మేరకు ఇజ్రాయెల్‌ డిఫెన్స్‌ ఫోర్స్‌, న్యాయ శాఖ సంయుక్తంగా నిర్వహించిన ఈ ఆపరేషన్‌ లో వీరిని రక్షించారు.అయితే నిర్మాణ కార్మికులు చట్టబద్ధంగానే ఇజ్రాయెకు వచ్చారని, ఉపాధి కల్పిస్తామని నమ్మబలికిన అల్‌ జమీమ్‌ గ్రామ స్థానికుడు ఒకరు వారి పాస్‌పోర్టులను జప్తు చేసుకున్నాడని వెల్లడించింది.

Read More