దక్షిణాది పార్టీలను, ఆంధ్రప్రదేశ్, కర్ణాటక, తెలంగాణ , పశ్చిమ బెంగాల్, ఒడిశా, పంజాబ్, కేరళ వంటి 7 రాష్ట్రాల సీఎంలను ఆహ్వానిస్తూ తమిళనాడు ముఖ్యమంత్రి స్టాలిన్ లేఖలు రాశారు. డీలిమిటేషన్ పై సమిష్టి కార్యాచరణ కోసం కలసిరావాలని కోరారు. ఈనెల 22న చెన్నైలో జరిగే సమావేశానికి హాజరుకావాలని కోరారు. ఇటీవల తమిళనాడులో స్టాలిన్ నేతృత్వంలో జరిగిన అఖిలపక్ష సమావేశంలో తీర్మానం చేశారు. డీలిమిటేషన్‌కు వ్యతిరేకంగా పోరాటం చేయాలని అఖిలపక్షం తీర్మానం చేసింది.జేఏసీ ఏర్పాటు చేశారు. మార్చి 22న చెన్నైలో జేఏసీ మొదటి సమావేశం జరగనుంది. దక్షిణాది రాష్ట్రాల్లో పార్లమెంటు నియోజకవర్గాల పునర్విభజనలో భాగంగా సీట్లు తగ్గుతాయనే దానిపై డీఎంకే బీజేపీల మధ్య మాటల యుద్ధం జరుగుతోన్న నేపథ్యంలో డీఎంకే పోరాటానికి సిద్ధమవుతోంది. కేంద్ర ప్రభుత్వం దీనిపై స్పష్టతనివ్వాలని డిమాండ్ చేస్తోంది.
Author: admin
వరుసగా రెండు రోజుల లాభాల తర్వాత వారం చివరి రోజైన నేడు దేశీయ స్టాక్ మార్కెట్లు ట్రేడింగ్ ను ఫ్లాట్ గా ముగించాయి. పలు రంగాల షేర్లలో అమ్మకాలు సూచీలపై ప్రభావం చూపాయి. ఉదయం ఒక మాదిరి లాభాలతో కదలాడిన సూచీలు ఆఖర్లో ఫ్లాట్ గా ముగిశాయి. బాంబే స్టాక్ ఎక్స్ చేంజ్ సూచీ సెన్సెక్స్ 7 పాయింట్లు నష్టపోయి 74,332 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 7 పాయింట్లు లాభపడి 22,552 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.86.96గా కొనసాగుతోంది. సెన్సెక్స్ 30లో రిలయన్స్, నెస్లే ఇండియా, టాటా మోటార్స్, టాటా స్టీల్, అదానీ పోర్ట్స్ షేర్లు ప్రధానంగా లాభపడ్డాయి.
జనసేన ఎమ్మెల్సీ అభ్యర్థిగా కొణిదెల నాగబాబు నామినేషన్ దాఖలు చేశారు. ఎమ్మెల్యే కోటాలో జరుగనున్న ఎమ్మెల్సీ ఎన్నికకి కూటమి తరఫున జనసేన అభ్యర్థిగా నాగబాబు నేటి మధ్యాహ్నం నామినేషన్ దాఖలు చేశారు. రాష్ట్ర మంత్రులు నాదెండ్ల మనోహర్, నారా లోకేష్, బీజేపీ శాసనపక్ష నేత పి.విష్ణుకుమార్ రాజు, ఎమ్మెల్యే కొణతాల రామకృష్ణతో కలిసి రిటర్నింగ్ అధికారి శ్రీమతి వనితా రాణికి నామినేషన్ పత్రాలు సమర్పించారు. నామినేషన్ దాఖలు సందర్భంగా కూటమి ఎమ్మెల్యేలు నాగబాబుని కలిసి శుభాకాంక్షలు తెలిపారు.
క‌న్న‌డి న‌టి రాన్యా రావును ఇటీవల బెంగుళూరు పోలీసులు అరెస్టు చేసిన సంగతి తెలిసిందే.కాగా బెంగుళూరు విమానాశ్ర‌యంలో ఆమె ఇటీవల 17 బంగారు బిస్కెట్ల‌తో ప‌ట్టుబ‌డ్డారు.ఈ మేరకు ఆమెను పోలీసులు అరెస్టు చేశారు.అనంతరం ఆమెను పోలీసులు విచారించారు.తన వాంగ్మూలంలో కొన్ని విష‌యాల‌ను రాన్య రావు వెల్లడించింది.అయితే విదేశాల నుండి 17 బంగారు బిస్కెట్లు తీసుకువ‌చ్చిన‌ట్లు ఆమె అంగీక‌రించింది.రెవ‌న్యూ అధికారుల‌కు ఆ వాంగ్మూలంలో ఈ విష‌యాన్ని ఆమె స్పష్టం చేసినట్లు ఎఫ్ఐఆర్ ద్వారా తెలిసింది.గత సంవత్సరం కాలంలో తాను వెళ్లిన విదేశీ టూర్ల గురించి కూడా ఆమె పోలీసులకు తెలిపింది.మిడిల్ ఈస్ట్‌,దుబాయ్‌తో పాటు కొన్ని పాశ్చాత్య దేశాల‌కు వెళ్లిన‌ట్లు ఆమె వెల్లడించింది.
మంగళసూత్రం ధరించని,బొట్టు పెట్టుకోని మహిళ పట్ల ఏ భర్త అయినా…ఎందుకు ఆసక్తి చూపుతాడని పుణె జిల్లా న్యాయమూర్తి ఓ మహిళను నిలదీశారు.ఈ మేరకు భర్త తనపై గృహ హింసకు పాల్పడినట్లు ఆ మహిళ చేసిన ఆరోపణల నేపథ్యంలో నడుస్తున్న కేసులో న్యాయమూర్తి మధ్యవర్తిగా వ్యవహరించారు.కాగా న్యాయవాది జహగిరిధర్‌ ఆ మహిళకు, జడ్జికి మధ్య జరిగిన సంభాషణను సోషల్ మీడియాలో పోస్ట్‌ చేశారు. అయితే ఆ భార్య-భర్తలు ఇద్దరు కొద్ది రోజుల క్రితమే విడిపోయారు.అయితే వారి సమస్యను సామరస్యంగా పరిష్కరించి, ఇద్దరినీ కలిపేందుకు జడ్జి ప్రయత్నించారు.ఇందులో భాగంగా ‘నువ్వు మంగళ సూత్రం ధరించలేదు.నుదిటిపై సింధూరం కూడా పెట్టుకోలేదు.పెళ్లి అయినా మహిళల ప్రవర్తించకుండా, వీటిని ధరించకుండా ఉంటే నీ భర్త, నీ పట్ల ఎందుకు ఆసక్తి చూపాలని జడ్జి ఆమెను ప్రశ్నించారు.
ఆర్‌ఎస్‌ఎస్‌ సీనియర్‌ నాయకుడు సురేష్ భయ్యాజీ జోషి వ్యాఖ్యలపై మాజీ సీఎం, శివసేన(యూబీటీ) అధ్యక్షుడు ఉద్ధవ్‌ ఠాక్రే మండిపడ్డారు.ఈ మేరకు ఆయన విధాన్‌ భవన్‌ కాంప్లెక్స్‌లో విలేకరులతో మాట్లాడుతూ…జోషి వ్యాఖ్యల వెనుక ఆర్‌ఎస్‌ఎస్‌ రహస్య అజెండా ఉందని విమర్శించారు.ముంబైని చీల్చడానికి బీజేపీ కుట్ర పన్నిందని ఉద్దవ్ ఆరోపించారు. ఇవే మాటలు గుజరాత్‌, తమిళనాడు, కర్ణాటక, కేరళ, పశ్చిమ బెంగాల్‌లో అని క్షేమంగా వెనక్కు రాగలరా అంటూ జోషిని ఠాక్రే సవాలు చేశారు.కాగా మరాఠీ మనుషులు స్వాగతిస్తున్నారని ఏది పడితే అది మాట్లాడితే…ఇక్కడ ఎవరూ సహించరని హెచ్చరించారు. జోషిపై దేశద్రోహం కేసును నమోదు చేయాలని ఉద్దవ్ ఠాక్రే డిమాండు చేశారు.
మహారాష్ట్రలో భాషా వివాదం రాజుకుంది.ముంబైలో నివసించే వారు మరాఠీని తప్పనిసరిగా నేర్చుకోవలసిన అవసరం లేదంటూ రాష్ట్రీయ స్వయంసేవక్‌ సంఘ్‌(ఆర్‌ఎస్‌ఎస్‌) సీనియర్‌ నాయకుడు సురేశ్‌ భయ్యాజీ జోషి చేసిన వ్యాఖ్యలపై ప్రతిపక్షాలు భగ్గుమన్నాయి.రాష్ట్ర వ్యాప్తంగా శివసేన(యూబీటీ) కార్యకర్తలు నిరసనలు చేపట్టాయి.ఈ నేపథ్యంలోనే మహారాష్ట్ర సీఎం దేవేంద్ర ఫడ్నవీస్‌ వెంటనే స్పందిస్తూ…ముంబైతో పాటు మహారాష్ట్ర భాషగా మరాఠీని ఆయన అభివర్ణించారు.ఇక్కడ నివసించే ప్రతి ఒక్కరూ మరాఠీని నేర్చుకుని మాట్లాడి తీరవలసిందేనంటూ ఆయన స్పష్టం చేశారు. అయితే తన వ్యాఖ్యలపై వివాదం ఏర్పడడంతో జోషి నిన్న వివరణ ఇచ్చారు.తన మాటలను తప్పుగా అర్థం చేసుకున్నారని అన్నారు.మరాఠీ భాష ముంబై,మహారాష్ట్రకు చెందినదని ఆయన పేర్కొన్నారు.ఇతర ప్రాంతాల నుండి వచ్చేవారు,ఇతర భాషలు మాట్లాడేవారు కూడా మరాఠీని అర్థం చేసుకోవడం అవసరమని జోషి అన్నారు.నేను కూడా మరాఠీ వాడినేనని, ఇందుకు తాను గర్విస్తున్నానని పేర్కొన్నారు.అయితే జోషి వ్యాఖ్యలపై పలువురు శివసేన యూబీటి నాయకులు మండిపడుతున్నారు.
ఆంధ్రప్రదేశ్ రాష్ట్రం పెట్టుబడులకు అనువైన ప్రాంతమని విదేశీ పర్యటనలో ఉన్న ఏపీ పర్యాటక శాఖ మంత్రి కందుల దుర్గేష్ వివిధ దేశాల ప్రతినిధులకు ఆహ్వానం పలికారు.బెర్లిన్ ఐటీబీ – 2025 సదస్సులో భాగంగా 3వ రోజు ఆంధ్రప్రదేశ్ ప్రభుత్వం తరపున ఏర్పాటు చేసిన పర్యాటక స్టాల్ వద్దకు వివిధ దేశాల ప్రతినిధులను ఆహ్వానించి ఏపీ పర్యాటక రంగంలో పెట్టుబడులు పెట్టాలని కోరారు. ప్రభుత్వం తరపున అన్ని విధాల సహాయం అందిస్తామని హామీ ఇచ్చారు. పెట్టుబడులకు ఇదే సరైన సమయమని వివరించారు . నూతన ఆవిష్కరణలను పారిశ్రామికవేత్తలకు స్పష్టంగా వివరించారు. నూతన పర్యాటక పాలసీ, రాష్ట్ర పర్యాటక ప్రాంతాల సమగ్ర సమాచారాన్ని తెలిపే పుస్తకాలను విదేశీ ప్రతినిధులకు మంత్రి పంపిణీ చేశారు. అంతకుముందు పలువురు ప్రముఖ గ్లోబల్ ఇన్వెస్టర్లతో ప్రత్యేకంగా భేటీ అయ్యి ఆంధ్రప్రదేశ్ పర్యాటకాభివృద్ధి అవకాశాలు మరియు వనరుల గురించి వివరించారు.
కెనడా ప్రధానిగా తన బాధ్యతల నుండి జస్టిన్ ట్రూడో మరో రెండు రోజుల్లో తప్పకోనున్నారు. కెనడా ప్రజల్లో ఆయన ప్రభుత్వానికి ఆదరణ లేకపోవడం వలన ట్రూడో వైదొలగనున్నారు. లిబరల్ పార్టీ అధ్యక్ష పదవికి ఈ వారంలో రాజీనామా చేయనున్నారు. ఈ నేపథ్యంలో ప్రధానిగా చివరిసారి కెనడా ప్రజలనుద్దేశించి ట్రూడో మాట్లాడారు. కెనడా ప్రధానిగా ఎల్లప్పుడూ దేశ పౌరుల ప్రయోజనాల కోసమే పనిచేసినట్లు తెలిపారు. ప్రజలకు తలవంపులు తెచ్చేలా ఎప్పడూ వ్యవహరించలేదని పేర్కొన్నారు. కెనడా పౌరుల సంక్షేమం కోసం నిరంతరం కృషి చేసినట్లు తెలిపారు. కెనడా ప్రయోజనాలే తొలి ప్రాధాన్యంగా పనిచేసినట్లు తెలిపారు. ప్రజల మద్దతుతో ఇప్పటి వరకు మెరుగైన పాలన అందించినట్లు తెలిపారు. ఈ అవకాశం దక్కడం తన అదృష్టమని అన్నారు. ఇక ఆయన భావోద్వేగానికి గురై కన్నీటిపర్యంతమయ్యారు. ఈ ఏడాది బాధ్యతలు స్వీకరించిన అమెరికా ప్రెసిడెంట్ డొనాల్డ్ ట్రంప్ కెనడాపై టారిఫ్ లు విధించడం పై స్పందించారు. కెనడా, మెక్సికోలు…
మహిళలకు ఆర్టీసీ బస్సుల్లో ఫ్రీ..ఫ్రీ అంటూ ఎన్నికల్లో ఊదరగొట్టి, ఓట్లు వేయించుకొని, ఇప్పుడు కండీషన్ అప్లై అనడం దారుణమని ఏపీలోని కూటమి ప్రభుత్వంపై ఏపీసీసీ చీఫ్ షర్మిల విమర్శించారు. జిల్లా స్థాయి వరకే పథకాన్ని పరిమితం చేస్తామని చెప్పడం మోసమని అన్నారు. ప్రభుత్వాన్ని ఏర్పాటు చేసి 9 నెలలు దాటినా ఉచిత ప్రయాణం కల్పించకుండా మహిళలను మోసం చేశారని కమిటీల పేరుతో కాలయాపన చేశారని పేర్కొన్నారు. పథకం అమలుకు ముందే ఇన్ని నిబంధనలు పెట్టే ఈ ప్రభుత్వం.. రేపు అమల్లోకి తెచ్చే సరికి నియోజక వర్గం, మండల స్థాయి వరకే ఫ్రీ అంటారేమోనని దుయ్యబట్టారు. కాంగ్రెస్ అధికారంలో ఉన్న తెలంగాణ, కర్ణాటక రాష్ట్రాల్లో మహిళలకు రాష్ట్రమంతా ఉచిత ప్రయాణమే. పల్లెవెలుగు, ఎక్స్ప్రెస్ బస్సుల్లో ఎక్కడి నుంచి ఎక్కడికైనా అంతా ఉచితమేనని ఆమె ‘ఎక్స్’ లో ట్వీట్ చేశారు. అతి తక్కువ ఖర్చుతో మహిళలకు మేలు జరిగే హామీని అమలు చేయడానికి కూటమి…