Author: admin

ఛాంపియన్స్ ట్రోఫీ 2025లో ఇంగ్లాండ్ పేలవ ప్రదర్శనతో ఇంటిముఖం పట్టింది. టోర్నీలో ఆడిన మూడు మ్యాచ్ లలో అన్నింటిలో పరాజయం పాలైంది. మొదటి మ్యాచ్ లో ఆస్ట్రేలియా చేతిలో, రెండో మ్యాచ్ లో ఆఫ్ఘనిస్తాన్ చేతిలో తాజాగా నేడు సౌతాఫ్రికాతో జరిగిన మ్యాచ్ లో కూడా ఓటమిపాలై కనీసం పాయింట్ల ఖాతా కూడా తెరవకుండానే టోర్నీ నుండి నిష్క్రమించింది. కరాచీ లోని నేషనల్ స్టేడియం వేదికగా సౌతాఫ్రికాతో జరిగిన మ్యాచ్ లో టాస్ గెలిచిన ఇంగ్లాండ్ మొదట బ్యాటింగ్ ఎంచుకుని 38.2 ఓవర్లలో 179 పరుగులకే కుప్పకూలింది. జో రూట్ 37 (44; 4×4, 1×6), జోఫ్రా ఆర్చర్ 25 (31; 4×4), డకెట్ 24 (21; 4×4) పరుగులు చేశారు. సౌతాఫ్రికా బౌలర్లలో మార్కో జాన్సన్ 3 వికెట్లు, ముల్డర్ 3 వికెట్లు, కేశవ్ మహారాజ్ 2 వికెట్లు, ఎంగిలి, రబడాలు చెరొక వికెట్ చొప్పున పడగొట్టి ఇంగ్లాండ్ ను…

మంత్రాలయం పుణ్యక్షేత్రాన్ని ఏపీ మంత్రి నారా లోకేష్ దర్శించుకున్నారు. మంత్రాలయం శ్రీ రాఘవేంద్ర స్వామి పీఠాన్ని అధిష్టించిన పరమ పవిత్ర రోజును పురస్కరించుకుని మఠం పీఠాధిపతి సుబుదేంద్ర తీర్థుల వారి ఆధ్వర్యంలో నిర్వహించిన 404వ పాదుకా పట్టాభిషేక మహోత్సవం గురు వైభవోత్సవాల్లో ఆయన పాల్గొన్నారు. స్వామి వారి ఆశీస్సులు పొందారు. శ్రీ రాఘవేంద్రస్వామి గురువైభవోత్సవాల్లో పాల్గొనడం తనకు చాలా ఆనందంగా ఉందని లోకేష్ పేర్కొన్నారు. కూటమి ప్రభుత్వంలో ప్రజలు సుఖ, సంతోషాలతో ఉండాలనే పనిచేస్తున్నాం. రాయలసీమలో వలసలు లేకుండా చూడాలన్నదే మా ప్రభుత్వం లక్ష్యమని ఆయన ‘ఎక్స్’ లో పోస్ట్ చేశారు. ఆలయంలో నిర్వహించిన రథోత్సవంలో లోకేష్ పాల్గొన్నారు.

మంచు విష్ణు హీరోగా ముకేశ్ కుమార్ సింగ్ ద‌ర్శ‌క‌త్వంలో తెరకెక్కిన చిత్రం క‌న్న‌ప్ప‌. ఈ సినిమా కొత్త టీజ‌ర్‌ను తాజాగా చిత్ర బృందం విడుద‌ల చేసింది. 84 సెకన్ల నిడివి ఉన్న ఈ టీజర్‌లో విష్ణు అద్భుత‌మైన న‌ట‌న‌తో పాటు విజువల్స్, పోరాట సన్నివేశాలుతో పాటు చివరిలో ప్ర‌భాస్ లుక్ హైలైట్ గా నిలిచాయి. ఈ చిత్రంలో విష్ణు కు జోడిగా ప్రీతి ముకుంద్ నటిస్తుంది.ఇందులో మోహన్ బాబు, రెబెల్ స్టార్ ప్రభాస్ , మోహన్ లాల్ , అక్షయ్ కుమార్ , కాజల్ అగర్వాల్ లు కీలక పాత్రల్లో నటిస్తున్నారు. ఇక పలు భాషల్లో రూపొందుతున్న ఈచిత్రం ప్రపంచవ్యాప్తంగా ఏప్రిల్ 25న ప్రేక్షకుల ముందుకు రానుంది. ఇప్పటికే ప్రమోషన్స్ ను చిత్ర బృందం మొదలు పెట్టింది. https://youtu.be/wKBP9dFxFBc?si=u_ro8B2jio-5FuoQ

భారతదేశంలోనే అతి పెద్ద సంక్షేమ కార్యక్రమం, ఎన్టీఆర్ భరోసా పెన్షన్ల పంపిణీ అని ఏపీ సీఎం చంద్రబాబు అన్నారు. చిత్తూరు జిల్లా గంగాధర నెల్లూరు పర్యటనలో భాగంగా అక్కడ నిర్వహించిన ప్రజా వేదిక సభలో మాట్లాడారు. రూ.200 పెన్షన్ ని రూ.2000 చేసాం. ఇప్పుడు వచ్చీ రాగానే, మొదటి నెలలోనే వెయ్యి పెంచి, రూ.4 వేలు పెన్షన్ ఇస్తున్నాం. దివ్యాంగుల పెన్షన్ రెట్టింపు చేసి రూ.6 వేలు ఇస్తున్నామని చెప్పారు. ఏసీ గదుల్లో కూర్చుంటే పేదల కష్టాలు, వారి సమస్యలు తెలియవని క్షేత్ర స్థాయిలో పర్యటిస్తేనే తెలుస్తాయని స్పష్టం చేశారు. వైసీపీ పొనీ విమర్శలు గుప్పించారు. గత ప్రభుత్వ పాలనలో ప్రజలు ఎన్నో బాధలు పడ్డారని అన్నారు. వైసీపీ ప్రభుత్వం విధ్వంసం సృష్టించిందని దుయ్యబట్టారు. ఆ దారుణాలు తెలుసుకుని ప్రజలు కూటమి ప్రభుత్వానికి అధికారం ఇచ్చారని తెలిపారు. కూటమి ప్రభుత్వం అధికారంలోకి వచ్చిన తర్వాత ప్రతి హామీని నెరవేర్చేందుకు కృషి చేస్తున్నట్లు…

వైసీపీ నేతలకు హోంమంత్రి అనిత కౌంటర్ ఇచ్చారు .ఎవరైనా సరే నోరు అదుపులో పెట్టుకొని మాట్లాడాలన్నారు. అనంతపురంలో జరిగిన ఎస్సైల పాసింగ్ అవుట్ పరేడ్ లో ఆమె ముఖ్య అతిథిగా పాల్గొన్నారు. అనంతరం మీడియాతో మాట్లాడారు. ఈసందర్భంగా వైసీపీపై విమర్శలు గుప్పించారు. తమ పార్టీలో అంతర్యద్ధం ఏమీ లేదన్న ఆమె వైసీపీ నేత మాధవ్ ముందు అతని పార్టీలో ఉన్న అంతర్యుద్ధం సంగతి చూసుకోవాలని హితవు పలికారు. చేసిన తప్పుకు శిక్ష నుండి తప్పించుకోలేరని పోసానికి స్ర్కిప్ట్ ఎవరిచ్చినా అనుభవించేది ఆయనేనని అన్నారు. ఆయన మాట్లాడిన మాటలు వలనే కేసులు నమోదయ్యాయని పేర్కొన్నారు. ఏది పడితే అది మాట్లాడితే, రెచ్చగొట్టే వ్యాఖ్యలు చేస్తే సహించేది లేదని హెచ్చరించారు. రెడ్బుక్ ప్రకారం మేము ముందుకెళ్తే వైసీపీ నేతలెవరూ రోడ్డుపై తిరగలేరుని హోంమంత్రి అనిత పేర్కొన్నారు. మేం కక్షపూరితంగా కాదు..చట్టపరంగా వెళ్తున్నామని ఆమె స్పష్టం చేశారు. హద్దు మీరి మాట్లాడితే చట్టపరమైన చర్యలు తప్పవని…

ఆంధ్రప్రదేశ్ రాష్ట్రంలోని కూటమి ప్రభుత్వం ఆశా వర్కర్లకు శుభవార్త చెప్పింది. ఎన్నికలకు ముందు ఇచ్చిన హామీ మేరకు ఆశా వర్కర్లకు సీఎం చంద్రబాబు వరాల జల్లు కురిపించారు. వయోపరిమితి పెంపు, వేతనంతో కూడిన ప్రసూతి సెలవు, గ్రాట్యుటీ మంజూరు చేశారు. ఆశా వ‌ర్క‌ర్ల గ‌రిష్ఠ‌ వ‌యోప‌రిమితిని 62 ఏళ్ల‌కు పెంచింది. అలాగే ఆశా వ‌ర్క‌ర్లంద‌రికీ లబ్ధి చేకూరేలా గ్రాట్యుటీ చెల్లించాల‌ని ప్రభుత్వం నిర్ణయించింది. మొద‌టి 2 ప్ర‌స‌వాల‌కు ఇక‌పై 180 రోజులు వేత‌నంతో కూడిన సెల‌వులు కూడా ఇవ్వాల‌ని నిర్ణ‌యం తీసుకున్నారు. వీటికి సంబంధించిన ఉత్త‌ర్వులు త్వ‌ర‌లోనే రానున్నట్లు తెలుస్తోంది. వ్యాప్తంగా దాదాపు 42,752 మంది ఆశా కార్య‌క‌ర్త‌లు ఉన్నారు. వీరిలో గ్రామాల్లో 37,017 మంది ప‌ట్ట‌ణాల్లో 5,735 మంది ఉన్నారు. ప్ర‌స్తుతం వారికి నెల జీతం కింద రూ. 10 వేలు అందుతోంది. ఇక స‌ర్వీసు ముగింపులో గ్రాట్యుటీ కింద రూ. 1.5 లక్ష‌లు దాకా పొందే అవకాశం ఉంటుంది.

చిత్తూరు జిల్లాలో ఏపీ సీఎం చంద్రబాబు పర్యటిస్తున్నారు. గంగాధర నెల్లూరు లో ఆయన పెన్షన్లు పంపిణీ చేశారు. స్వయంగా లబ్దిదారుల ఇళ్లకు వెళ్లి పెన్షన్లు అందించారు. ఈ సందర్భంగా వారి సమస్యలను అడిగి తెలుసుకున్నారు. స్థానికులను పలకరిస్తూ వారితో సెల్ఫీలు దిగుతూ వారిలో సంతోషం నింపారు. ఇక పెన్షన్ లబ్దిదారైన ఒక మహిళకు పెన్షన్ అందించిన ఆయన ఆమె కుటుంబ పరిస్థితులు అడిగి తెలుసుకున్నారు. ఆ ఇంట్లో ఉన్న ఇద్దరు ఆడపిల్లలకు రూ.2 లక్షల చొప్పున ఫిక్స్డ్ డిపాజిట్ చేయాలని వారిని సంక్షేమ పాఠశాలల్లో చదివించాలని అధికారులను ఆదేశించారు. ఆ మహిళా కుటుంబానికి ఇళ్లు మంజూరు చేయాలని కూడా చెప్పారు. ఇక ఎన్టీఆర్ భరోసా పెన్షన్ పంపిణీ కార్యక్రమం రాష్ట్ర వ్యాప్తంగా కొనసాగుతోంది. కొత్తగా ప్రభుత్వం ఇచ్చిన ఆదేశాల ప్రకారం, ఉదయం 7 గంటలకు మొదలైన పింఛన్ల పంపిణీ. మూడు గంటల్లోనే 80% పెన్షన్ల పంపిణీ పూర్తయింది.

మున్సిపాల్టీలకు మున్సిపల్ అడ్మినిస్ట్రేషన్ అండ్ అర్బన్ డెవలప్ మెంట్ శాఖామంత్రి పొంగూరు నారాయణ గుడ్ న్యూస్ చెప్పారు. ఈ ఏప్రియల్ నుండి మున్సిపాల్టీల నిధులు ఆయా మున్సిపాల్టీల అభివృద్దికి మాత్ర‌మే ఖ‌ర్చు చేయనున్నట్లు తెలిపారు. గత ప్రభుత్వ పాలనలో రాష్ట్రం ఆర్థికంగా అతలాకుతలం అయిందని అమ‌రావ‌తిపై అవాస్తవాల‌తో ప్ర‌జ‌ల‌ను ప‌క్క‌దోవ ప‌ట్టించే ప్ర‌య‌త్నం చేస్తున్నారని విమర్శించారు. అమ‌రావ‌తి నిర్మాణం కోసం ప్ర‌జ‌ల‌పై ఒక్క రూపాయి కూడా.భారం వేసేది లేదని స్పష్టం చేశారు. ఇంజినీర్ల క‌మిటీ నిర్ణ‌యం మేర‌కే టెండ‌ర్ ధ‌ర‌ల నిర్ధార‌ణ‌ అని పేర్కొన్నారు. ఎన్నిక‌ల కోడ్ తో అమ‌రావ‌తి ప‌నులు ఆల‌స్యం అవుతున్నాయని వివరించారు. త్వరలోనే అమ‌రావ‌తి నిర్మాణ ప‌నులు ప్రారంభం కానున్నట్లు తెలిపారు.

భారత్- యూరప్ యూనియన్ లు కీలక ప్రకటన చేశాయి. తమ మధ్య ఎప్పటినుండో చర్చల్లో ఉన్న ఫ్రీ ట్రేడ్ అగ్రిమెంట్ (FTA) ను ఈ సంవత్సరం చివరి నాటికి ట్రాక్ లోకి తీసుకుని రానున్నట్లు తెలిపాయి. ఈమేరకు సంప్రదింపులు వేగంగా పూర్తి చేయాలని అధికారులను ఆదేశించినట్లు పేర్కొన్నాయి. డిఫెన్స్, సెక్యూరిటీ, టెక్నాలజీ సహా పలు రంగాల్లో ద్వైపాక్షిక సంబంధాలు మరింత పటిష్టం చేసుకునే దిశగా అడుగులు వేస్తున్నాయి. రెండు రోజుల పర్యటనలో భాగంగా భారత్ విచ్చేసిన ఈయూ కమిషన్ అధ్యక్షురాలు ఉర్సులా వాండెర్ లెయన్ ఢిల్లీలో ప్రధాని మోడీతో సమావేశమయ్యారు. పలు కీలక అంశాలపై విస్తృతంగా చర్చించారు. తమ సన్నిహిత మిత్ర దేశాలొన జపాన్, సౌత్ కొరియాలతో కుదుర్చుకున్న ఒప్పందం తరహాలో భారత్ తో కూడా డిఫెన్స్, సెక్యూరిటీ రంగాల్లో పటిష్టం చేసుకోవాలని భావిస్తున్నట్లు లెయన్ తెలిపారు. 2025 తర్వాత ద్వైపాక్షిక భాగస్వామ్యానికి మార్గం చూపే విధంగా రోడ్ మ్యాప్ సిద్ధం…

ఉత్తరాఖండ్ లో మంచుచరియల్ని తొలగించే పనులు చేస్తున్న కార్మికుల్లో 55 మంది ప్రమాదవశాత్తు వాటికింద చిక్కుకుపోయారు. ఒక్కసారిగా పైనుండి మంచుపెళ్లలు వారిపై పడడంతో ఈ ప్రమాదం జరిగింది. సహాయక బృందాలు 32 మందిని కాపాడాయి. మిగిలిన 25 మంది ఆచూకీ కోసం ముమ్మరంగా గాలింపు చర్యలు జరుగుతున్నాయి. బద్రీనాథ్ క్షేత్రానికి సమీపంలో ఛమోలీ జిల్లాలోని మనా గ్రామం వద్ద ఈ ఘటన జరిగింది . ఇది భారత్-టిబెట్ సరిహద్దులో మన దేశానికి చెందిన చివరి గ్రామం. నేషనల్ హైవే పై భారీగా పేరుకుపోయిన మంచును బోర్డర్ రోడ్స్ సంస్థ (బీఆర్) సిబ్బంది తొలగిస్తున్నప్పుడు ఈ దుర్ఘటన జరిగింది. ఈ ప్రదేశం సముద్ర మట్టానికి 3,200 మీటర్ల ఎత్తులో ఉంది. మంచుతో కూడిన వర్షం దట్టంగా కురుస్తుండటంతో ఘటనా స్థలికి ఎన్డీఆర్ఎఫ్, ఎస్ఆర్ఎఫ్ చేరుకొని సహాయ కార్యక్రమాల్లో నిమగ్నమయ్యాయి.