Author: admin

అమెరికా అధ్యక్షుడు డొనాల్డ్ ట్రంప్, ఉక్రెయిన్ అధ్యక్షుడు జెలెన్‌స్కీ మధ్య వైట్ హౌస్ వేదికగా జరిగిన భేటీ వాడీవేడిగా అర్ధాంతరంగా ముగిసింది. మీడియా ఎదుటే ఇద్దరి మధ్య వాగ్వాదం జరిగింది. దీంతో ఉక్రెయిన్ ప్రతినిధుల బృందం పట్ల వైట్‌హౌస్ అసహానం వ్యక్తం చేసింది. దీంతో జెలెన్‌స్కీ విసురుగా వెళ్లిపోతున్న వీడియోలు సోషల్ మీడియాలో వైరల్ అవుతున్నాయి. ట్రంప్ అధికారంలోకి వచ్చిన తర్వాత జెలెన్‌స్కీతో సమావేశమవడం ఇదే మొదటిసారి కాగా , సమావేశానికి ముందు ట్రంప్, జెలెన్‌స్కీ ఒకరికొకరు చేతులు కలుపుకొని, చిరునవ్వుతో కనిపించారు. అయితే, రష్యా, ఉక్రెయిన్ మధ్య కొనసాగుతున్న యుద్ధాన్ని పరిష్కరించేందుకు దౌత్యం అవసరమని అమెరికా ఉపాధ్యక్షుడు జేడీ వాన్స్ చెప్పడంతో సమావేశం కాస్త హీట్ పెంచింది. రష్యా ఉక్రెయిన్ మధ్య యుద్ధం తదనంతర పరిణామాలపై నేతలు మాట్లాడారు. దీంతో క్రమంగా నేతల మధ్య మాటలు తీవ్రస్థాయికి చేరాయి.

రంజీ ట్రోఫీ ఫైనల్ కేరళ విదర్భ మధ్య నువ్వా నేనా అన్నట్లు సాగుతోంది. ఓవర్ నైట్ స్కోర్ 131/3తో ఆట ప్రారంభించిన కేరళ 342 పరుగులకు ఆలౌటయింది. కెప్టెన్ సచిన్ బేబీ 98 (235; 10×4) కీలక ఇన్నింగ్స్ తో ఆకట్టుకున్నాడు. ఆదిత్య సర్వాటే 79 (185; 10×4),మహ్మద్ అజహరుద్దీన్ (34), సల్మాన్ నిజార్ (21) జలజ్ సక్సేనా (28) పరుగులు చేశారు. దీంతో విదర్భకు 37 పరుగుల మొదటి ఇన్నింగ్స్ ఆధిక్యం లభించింది. విదర్భ బౌలర్లలో దర్శన్ నల్కండే 3 వికెట్లు, హార్ష్ దూబే 3 వికెట్లు తీశారు. ఇక ఈ ట్రోఫీలో దూబే అదరగొట్టాడు. ఈ సీజన్ లో ఇప్పటికే 69 వికెట్లు పడగొట్టిన అతను 2018-19లో అశుతోష్ అమన్ (68) పేరిట ఉన్న రికార్డును అధిగమించాడు.

ఆంధ్రప్రదేశ్ రాష్ట్రంలో నేటి నుండి ఇంటర్మీడియట్ పరీక్షలు ప్రారంభమయ్యాయి. ఈ నేపథ్యంలో ఏపీ సీఎం చంద్రబాబు విద్యార్థులకు ఆల్ ది బెస్ట్ తెలిపారు. ఈమేరకు ఆయన సోషల్ మీడియా ‘ఎక్స్’ లో పోస్ట్ చేశారు. నేటి నుండి ప్రారంభమయ్యే ఇంటర్మీడియట్ పరీక్షలకు హాజరవుతున్న విద్యార్థులందరికీ శుభాకాంక్షలు! ఏకాగ్రతతో ఉండండి, మీ వంతు కృషి చేయండి మరియు మిమ్మల్ని మీరు విశ్వసించండని ఆయన ట్వీట్ చేశారు. ఇక విద్యా శాఖ మంత్రి నారా లోకేష్ కూడా శుభాకాంక్షలు తెలిపారు. ఇంటర్మీడియట్ విద్యార్థులందరికీ మీ పరీక్షలకు శుభాకాంక్షలు! శ్రద్ధగా ఉండాలని కానీ ఒత్తిడికి గురికాకూండా ఉండాలని సూచించారు. వేసవి వేడి కారణంగా డీహైడ్రేటెడ్ కాకుండా ఆరోగ్యాన్ని జాగ్రత్తగా చూసుకోవాలని సూచించారు.

ఇంగ్లండ్ కెప్టెన్ జాస్ బట్లర్ కీలక నిర్ణయం తీసుకున్నాడు. లిమిటెడ్ ఓవర్ క్రికెట్ కు కెప్టెన్ గా తప్పుకున్నాడు. ఇటీవల ఛాంపియన్స్ ట్రోఫీ లీగ్ మ్యాచ్ లో ఆఫ్ఘనిస్తాన్ చేతిలో పరాజయం నేపథ్యంలో అతను ఈ నిర్ణయం తీసుకున్నట్లు తెలుస్తోంది. ఇక నేడు సౌతాఫ్రికా తో జరిగే మ్యాచ్ అతనికి కెప్టెన్ గా చివరి మ్యాచ్. ఇంగ్లండ్ లిమిటెడ్ ఓవర్ క్రికెట్ నుండి తప్పుకుంటున్నా… టీమ్ కు మేలు చేసే నిర్ణయం ఇది. మరో ఆటగాడు ఈ బాధ్యతలు స్వీకరించి కోచ్ మెక్ కల్లమ్ తో కలిసి టీమ్ ను మరింత ముందుకు తీసుకురావాలని కోరుకుంటున్నట్లు తెలిపాడు. 2022 జులై నుండి బట్లర్ కెప్టెన్ గా ఉన్నాడు. అతని కెప్టెన్సీ లో టీమ్ 44 వన్డేలు ఆడి 18 గెలిచి 25 ఓడింది. ఒక మ్యాచ్ లో ఫలితం తేలలేదు. 51 టీ20లలో 26 గెలిచి 22 ఓడింది. 3 మ్యాచ్…

ఛాంపియన్స్ ట్రోఫీ 2025లో గ్రూప్ ఏ నుండి ఇప్పటికే భారత్ న్యూజిలాండ్ జట్లు సెమీఫైనల్ చేరగా… తాజాగా గ్రూప్ బి నుండి ఆస్ట్రేలియా సెమీస్ బెర్త్ ఖరారు చేసుకుంది. తాజాగా ఆఫ్ఘనిస్తాన్ తో జరిగిన ఆసీస్ చివరి లీగ్ మ్యాచ్ వర్షం కారణంగా రద్దయింది. లీగ్ లో ఒక విజయం రెండు మ్యాచ్ లో రద్దుతో మొత్తం 4 పాయింట్లతో సెమీస్ కు అర్హత సాధించింది. అంతకు ముందు సౌతాఫ్రికాతో కూడా వర్షం కారణంగా రద్దవడంతో ఇరు జట్లు పాయింట్లు పంచుకున్నాయి. ఇక తాజాగా జరిగిన మ్యాచ్ లో మొదట బ్యాటింగ్ చేసిన ఆఫ్ఘనిస్తాన్ 50 ఓవర్లలో 273 పరుగులకు ఆలౌటయింది. సెదిఖుల్లా అటల్ 85 (95; 6×4, 3×6), అజ్మతుల్లా ఒమర్ జాయ్ 67 (63; 1×4, 5×6) కీలక ఇన్నింగ్స్ తో ఆఫ్ఘనిస్తాన్ మంచి స్కోరు సాధించడంలో కీలక పాత్ర పోషించారు. ఆస్ట్రేలియా బౌలర్లలో డ్వార్షుయిస్ 3 వికెట్లు,…

అమరావతి రాజధానికి బ్రాండ్ అంబాసిడర్‌గా నియమితులైన అంబుల వైష్ణవి ఏపీ సీఎం చంద్రబాబును నేడు కలిశారు. గతేడాది జూన్‌లో రాజధానికి రూ.25 లక్షలు, 2019కి ముందు పలుసార్లు కలిపి రూ.25 లక్షలను విరాళంగా అందించిన వైద్య విద్యార్థిని అంబుల వైష్ణవిని బ్రాండ్ అంబాసిడర్‌గా నియమిస్తూ సీఆర్డీయే ఉత్తర్వులు ఇచ్చింది. ఈ నేపథ్యంలో సీఎం ను వైష్ణవి సచివాలయంలో కలిశారు. కాగా, రాజధానిపై విస్తృత ప్రచారం కల్పించాలని ఈసందర్భంగా బ్రాండ్ అంబాసిడర్ వైష్ణవికి సూచించారు.

నేడు ఏపీ శాసనసభలో రాష్ట్ర బడ్జెట్ 2025-26ను ప్రవేశపెట్టిన సంగతి తెలిసిందే. ఈ బడ్జెట్ పై ఏపీ డిప్యూటీ సీఎం పవన్ కళ్యాణ్ స్పందించారు. రాష్ట్ర ఆర్థిక స్థితిని పట్టాలెక్కించే బడ్జెట్ అని పేర్కొన్నారు. సీఎం చంద్రబాబు నేతృత్వంలోని కూటమి ప్రభుత్వం తరపున ప్రవేశపెట్టిన రాష్ట్ర వార్షిక బడ్జెట్ అన్ని రంగాల అభివృద్ధికి, ప్రజా సంక్షేమానికి దోహద పడేలా ఉంది. బడ్జెట్ లో సంక్షేమం, సుస్థిరాభివృద్ధి లక్ష్యంగా కేటాయింపులు జరిగాయని తెలిపారు. కూటమి హామీలు అమలుకి మార్గ నిర్దేశనం చేసేలా బడ్జెట్ ఉందన్నారు. అన్ని వర్గాలను అండగా నిలిచేలా బడ్జెట్ కేటాయింపులున్నాయని స్పష్టం చేశారు. గత 5 ఏళ్ల కాల విధ్వంస పాలన నుండి బయటపడిన రాష్ట్ర ఆర్థిక వ్యవస్థను పట్టలెక్కించేందుకు ఒకవైపు ప్రధాని మోడీ నేతృత్వంలోని కేంద్ర ప్రభుత్వ సహకారంతో పాటుగా, మరోవైపు భవిష్యత్తు అవసరాల దృష్టిలో పెట్టుకొని రాష్ట్ర ప్రభుత్వం ప్రకటించిన బడ్జెట్ రాష్ట్ర అభివృద్ధిని ప్రగతి పథంలో…

దేశీయ స్టాక్ మార్కెట్లు నేటి ట్రేడింగ్ లో భారీ నష్టాలతో కుదేలయ్యాయి. అంతర్జాతీయ మార్కెట్ల నుంచి బలహీన సంకేతాలకు తోడు బ్యాంకింగ్, ఐటీ షేర్లు అమ్మకాల ఒత్తిడి కారణంగా మార్కెట్లు ఈ వారాంతంలో భారీగా పతనమయ్యాయి. బాంబే స్టాక్ ఎక్స్ చేంజ్ సూచీ సెన్సెక్స్ 1,414 పాయింట్లు నష్టపోయి 74,612 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 420 పాయింట్ల నష్టంతో 22,124 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.87.39గా కొనసాగుతోంది. ఇన్వెస్టర్ల సంపద దాదాపు రూ.9 లక్షల కోట్లు ఆవిరైంది. సెన్సెక్స్ లో రిజిస్టర్డ్ కంపెనీల విలువ రూ.384 లక్షలకు చేరింది. సెన్సెక్స్ లో హెచ్.డి‌ఎఫ్.సి షేర్లు మినహా దాదాపుగా అన్నీ నష్టాలతో ముగించాయి. అమెరికా ప్రెసిడెంట్ గా డొనాల్డ్ ట్రంప్ బాధ్యతలు స్వీకరించిన తర్వాత నుండి మార్కెట్లలో అనిశ్ఛితి కొనసాగుతోంది.

మార్చి 15 నుండి ‘స్పేడెక్స్’ ప్రయోగాలను చేపట్టనున్నట్లు ఇస్రో ఛైర్మన్ వీ.నారాయణన్ తెలిపారు. స్పేడెక్స్ ప్రయోగంలో భాగంగా గతేడాది డిసెంబర్ లో రెండు శాటిలైట్ లను భారత అంతరిక్ష పరిశోధనా సంస్థ ఇస్రో అంతరిక్షంలోకి పంపిన సంగతి తెలిసిందే. విజయవంతంగా స్పేస్ డాకింగ్ సాధించిన 4వ దేశంగా భారత్ అవతరించింది. ఇక తాజాగా ఈ ప్రయోగాలను పునః ప్రారంభించేందుకు ఇస్రో సన్నాహాలు చేస్తుంది. నేషనల్ సైన్స్ డే సందర్భంగా ఏర్పాటు చేసిన ఒక కార్యక్రమంలో పాల్గొన్న ఆయన మార్చి 15 నుండి స్పేడెక్స్ ప్రయోగాలను చేపట్టనున్నట్లు తెలిపారు. ఈమేరకు ఇస్రో దానికి అనుగుణంగా ప్రణాళికలు సిద్ధం చేసినట్లు తెలిపారు.

‘సెబీ’ కొత్త సారథిగా తుహిన్‌ కాంత పాండేను కేంద్ర ప్రభుత్వం నియమించింది.ప్రస్తుతం ఆర్థిక శాఖ కార్యదర్శిగా పని చేస్తున్న ఆయనకు సెబీ చీఫ్‌ బాధ్యతలు అప్పగిస్తూ…కేంద్ర ప్రభుత్వం నిర్ణయం తీసుకుంది.ఈ మేరకు కేంద్ర నియామకాల కమిటీ ఫిబ్రవరి 26 తేదీన ఇందుకు ఆమోదం తెలిపింది.అయితే ప్రస్తుతం సెబీ చీఫ్‌గా ఉన్న మాధాబీ పురీ బుచ్ 3 ఏళ్ల పదవీ కాలం ఈరోజుతో ముగియనుంది.ఈ క్రమంలో తుహిన్‌ కాంత పాండేను సెబీ కొత్త చీఫ్‌గా కేంద్ర ప్రభుత్వం నియమించింది.