ఉత్తరాఖండ్‌ రాష్ట్రంలోని చమోలి జిల్లా మనా గ్రామంలో మంచు చరియలు విరిగిపడిన ఘటనలో మృతుల సంఖ్య 7 కు పెరిగింది.రెస్క్యూ సిబ్బంది మంచుదిబ్బల కింద నుండి ఈరోజు మరో 3 మృతదేహాలను వెలికితీశారు.దీనితో మొత్తం మృతుల సంఖ్య 7కు చేరింది.కాగా 2 రోజుల క్రితం బార్డర్‌ రోడ్‌ ఆర్గనైజేషన్‌ కార్మికుల శిబిరంపై మంచు చరియలు విరిగిపడ్డాయి.వెంటనే సమాచారం అందుకున్న ఆర్మీ అధికారులు వెంటనే సహాయక చర్యలు చేపట్టారు.ఆచూకీ దొరకని మరో మృతదేహం కోసం రెస్క్యూ ఆపరేషన్‌ చేస్తున్నారు. బీఆర్వో కార్మికులు మంచు తొలగించే పనుల్లో ఉండగా మంచు చరియలు విరిగిపడి 58 మంది అందులో కూరుకుపోయారు.అయితే వెంటనే ఆర్మీ, సహాయక బృందాలు రంగంలోకి దిగి 54 మందిని కాపాడారు.వారిని ఎయిర్‌లిఫ్ట్‌తో జోషి మఠ్ ఆర్మీ ఆసుపత్రికి తరలించారు.వారిలో తీవ్రంగా గాయపడిన నలుగురు కార్మికులు చికిత్స పొందుతూ మృతిచెందారు.
Author: admin
వైజాగ్ లోని రుషికొండ బీచ్ అత్యంత ప్రతిష్ఠాత్మకమైన బ్లూఫ్లాగ్ గుర్తింపును కోల్పోయింది.గతంలో రుషికొండ వద్ద 600 మీటర్ల తీర ప్రాంతాన్ని బ్లూఫాగ్ బీచ్‌గా ధ్రువీకరిస్తూ 2020లో డెన్మార్క్‌కు చెందిన ఫౌండేషన్ ఫర్ ఎన్విరాన్‌మెంటల్ ఎడ్యుకేషన్ సంస్థ సర్టిఫికెట్ అందించింది.గత కొంతకాలంగా ఇక్కడి బీచ్‌లోకి శునకాలు రావడం,సీసీ కెమెరాలు పనిచేయకపోవడం,వ్యర్థాలు పేరుకుపోవడం,మూత్రశాలలు, దుస్తులు మార్చుకునే గదులు అధ్వానంగా ఉండటం గుర్తించిన కొందరు ఫొటోలతో ఎఫ్ఈఈ సంస్థకు ఫిబ్రవరి 13 తేదీన ఫిర్యాదు చేశారు.దీనిని తీవ్రంగా పరిగణించిన ఆ సంస్థ రుషికొండ బీచ్‌కు బ్లూ ఫాగ్ గుర్తింపును రద్దు చేసింది.
సద్గురు జగ్గీ వాసుదేవ్‌ ఏర్పాటు చేసిన శివరాత్రి వేడుకల్లో పాల్గొన్న కర్ణాటక డిప్యూటీ సీఎం డీకే శివకుమార్‌పై సొంత పార్టీలోనే విమర్శలు వినిపిస్తున్నాయి.అయితే కాంగ్రెస్ నాయకుడు ,ఎంపీ రాహుల్‌గాంధీ గురించి తనకు తెలియదని సద్గురు గతంలో చెప్పడమే దీనికి కారణం.కాగా సద్గురు, డీకే కలయికపై హసన్ జిల్లా ఇన్‌చార్జ్ మంత్రి, సహకారశాఖ మంత్రి రాజన్న మాట్లాడుతూ.. రాహుల్‌గాంధీ ఎవరో తనకు తెలియదన్న వ్యక్తిని డీకే కలవడం సరికాదని వ్యాఖ్యానించారు.రాహుల్ గాంధీ గురించి సద్గురు ఏం మాట్లాడారో తనకంటే డీకేకే ఎక్కువ తెలుసని అన్నారు.అయితే సద్గురు ఏర్పాటు చేసిన వేడుకల్లో పాల్గొనడంపై శివకుమార్ సమాధానం చెప్పాలని డిమాండ్ చేశారు. నేను హిందువుగా పుట్టానని, హిందువుగానే మరణిస్తా:-డీకె శివ కుమార్ ఈ విమర్శలపై డీకే తమ్ముడు సురేష్ స్పందించారు.అయితే సద్గురు స్వయంగా వచ్చి ఆహ్వానించడంతోనే తమ కుటుంబం శివరాత్రి వేడుకలకు హాజరైనట్లు వెల్లడించారు.మా అన్నయ్య శివకుమార్ రహస్యంగా ఎవరినీ కలవరని,ప్రధాని నరేంద్రమోదీతో సమావేశం అయ్యే…
ఆంధ్రప్రదేశ్ ఉమెన్ ఎంపవర్మెంట్ బ్రాండ్ అంబాసిడర్‌గా హీరోయిన్ మీనాక్షి చౌదరిని నియమించారని సోషల్ మీడియాలో చేస్తున్న ప్రచారం పూర్తిగా ఫేక్ అని ఏపీ ప్రభుత్వం స్పష్టం చేసింది. ప్రభుత్వం పేరుతో ఉద్దేశపూర్వకంగా ఇటువంటి తప్పుడు పోస్టులు పెడుతున్న వారిపై, ఫేక్ ప్రచారం చేస్తున్న వారిపై చట్టప్రకారమైన చర్యలు ఉంటాయని హెచ్చరించింది. ఈమేరకు ఫ్యాక్ట్ చెక్ ఏపీ గవర్నమెంట్ సోషల్ మీడియా ‘ఎక్స్’ ఖాతాలో పోస్ట్ చేసింది. గతేడాది గుంటూరు కారం, లక్కీ భాస్కర్ వంటి విజయవంతమైన చిత్రాల్లో ప్రేక్షకులను అలరించారు. ఈ ఏడాది సంక్రాంతి కానుకగా విడుదలైన ‘సంక్రాంతికి వస్తున్నాం’ చిత్రంతో భారీ విజయం అందుకున్న విషయం తెలిసిందే. ఆంధ్రప్రదేశ్ ఉమెన్ ఎంపవర్మెంట్ బ్రాండ్ అంబాసిడర్‌గా హీరోయిన్ మీనాక్షి చౌదరిని నియమించారని సోషల్ మీడియాలో చేస్తున్న ప్రచారం పూర్తిగా ఫేక్. ప్రభుత్వం పేరుతో ఉద్దేశపూర్వకంగా ఇటువంటి తప్పుడు పోస్టులు పెడుతున్న వారిపై, ఫేక్ ప్రచారం చేస్తున్న వారిపై చట్టప్రకారమైన చర్యలు ఉంటాయి.……
చిత్తూరు జిల్లా, జీడీ నెల్లూరు నియోజకవర్గ టీడీపీ నేతలు, కార్యకర్తలతో ఏపీ సీఎం టీడీపీ అధినేత చంద్రబాబు సమావేశమయ్యారు. గత 8 నెలలుగా పాలనలో నిమగ్నమైన కారణంగా పార్టీ శ్రేణులకు ఇంత సమయం ఇవ్వలేక పోయినట్లు తెలిపారు. పార్టీ కార్యకర్తలను కలుసుకోవడం సంతోషాన్నిచ్చిందని వివరించారు. కార్యకర్తలు ప్రాణం పెట్టి పనిచేశారు కాబట్టే 30 ఏళ్ల తర్వాత జీడీ నెల్లూరులో టీడీపీ విజయబావుటా ఎగరేసిందని అందుకే క్లస్టర్, యూనిట్, బూత్ స్థాయిలలో ప్రతిభ కనబరిచిన వారిని సమావేశంలో ప్రత్యేకంగా అభినందించానట్లు సోషల్ మీడియా ‘ఎక్స్’ లో పోస్ట్ చేశారు. ఎమ్మెల్యేలు, ఎంపీలు ప్రజలతో అనుసంధానం కావడంతో పాటు పార్టీ కేడర్‌కు కూడా అందుబాటులో ఉండాలని సూచించారు. ఇక నుండి పర్యటనకు వెళ్లిన ప్రతి చోట కార్యకర్తలు, నేతలతో సమావేశమవనున్నట్లు స్పష్టం చేశారు. తనకు, కార్యకర్తలకు మధ్య దూరం ఉండబోదని పార్టీ శ్రేణులకు భరోసా ఇచ్చారు.
సీనియర్ ఐపీఎస్ అధికారి సీఐడీ మాజీ చీఫ్ సునీల్ కుమార్ ను సస్పెండ్ చేశారు. సునీల్ కుమార్ ను సస్పెండ్ చేస్తూ ఏపీ ప్రభుత్వం ఉత్తర్వులు జారీ చేసింది. ముందస్తు అనుమతి లేకుండా ఆయన విదేశాలకు వెళ్లారని ఆరోపణలు ఉన్నాయి. ప్రస్తుతం ఆంధ్రప్రదేశ్ ఉప శాసన సభాపతిగా ఉన్న రఘురామ కృష్ణంరాజును వేధించిన కేసులో ఆయన అభియోగాలు ఎదుర్కొంటున్నారు. 2020 నుండి 2024 మధ్య ప్రభుత్వ అనుమతి లేకుండా పలుసార్లు విదేశాలకు వెళ్లి ఆలిండియా సర్వీసు నిబంధనలను ఆయన ఉల్లంఘించినట్లు ఆరోపణలు ఉన్నాయి. దీనిపై గతంలో రెవెన్యూశాఖ ప్రత్యేక ప్రధాన కార్యదర్శి ఆర్పీ సిసోడియా నేతృత్వంలో విచారణ కమిటీని ప్రభుత్వం ఏర్పాటు చేసింది. ఈ క్రమంలో సునీల్ కుమార్ ను సస్పెండ్ చేస్తూ నేడు ఉత్తర్వులు జారీ చేసింది.
ఏపీ మోడల్ ఆఫ్ ఎడ్యుకేషన్ లో భాగంగా లెర్నింగ్ ఎక్సలెన్స్ ఇన్ ఆంధ్రప్రదేశ్ (లీప్) ప్రోగ్రామ్ అమలుకు చేపట్టాల్సిన చర్యలు, ప్రణాళికలపై పాఠశాలవిద్య, ఇంటర్మీడియట్, ఉన్నత విద్య శాఖ అధికారులతో విద్యాశాఖ మంత్రి నారా లోకేష్ సమీక్షా సమావేశం నిర్వహించారు. ఏపీ మోడల్ ఆఫ్ ఎడ్యుకేషన్, జిఓ 117కు ప్రత్యామ్నాయ ఏర్పాట్లపై ఈనెల 3వతేదీన శాసనసభ్యులతో వర్క్ షాపు నిర్వహించాలని నిర్ణయం తీసుకున్నారు. ఉన్నత విద్యలో మార్పులు, ఎన్ఐఆర్ఎఫ్ ర్యాంకింగ్స్ మెరుగుదల తదితర అంశాలపై చర్చించేందుకు గవర్నర్ నేతృత్వాన యూనివర్సిటీ వైస్ ఛాన్సలర్లతో త్వరలో సమావేశం ఏర్పాటు చెయ్యాలని మంత్రి లోకేష్ ఆదేశించారు. పీజీ ఫీజు రీఎంబర్స్ మెంట్ పునరుద్ధరణకు చర్యలు చేపట్టాలని కోరారు. అమరావతిలో ఎఐ వర్సిటీ, స్పోర్ట్స్ వర్సిటీ పనులను వేగవంతం చెయ్యాలని చెప్పారు. దేశంలోనే అత్యుత్తమ ప్రమాణాలతో రాష్ట్రంలోని ప్రతి అసెంబ్లీ నియోజకవర్గంలో ఒక మోడల్ స్కూల్ ఏర్పాటుకు చర్యలు తీసుకోవాలని ఆదేశించారు. ఈ సమావేశంలో పాఠశాల…
వైసీపీ నాయకుడు సజ్జల రామకృష్ణారెడ్డి,ఆయన తనయుడు సజ్జల భార్గవరెడ్డి ముందస్తు బెయిలు కోసం ఏపీ హైకోర్టును ఆశ్రయించారు.ఏపీ సీఎం చంద్రబాబు,ఆయన కుమారుడు మంత్రి నారా లోకేష్, డిప్యూటీ సీఎం పవన్ కళ్యాణ్, వారి కుటుంబ సభ్యులపై అనుచిత వ్యాఖ్యలు చేసిన కేసులో అరెస్ట్ అయిన నటుడు , మాజీ వైసిపి నాయకుడు పోసాని కృష్ణమురళి…పోలీసుల విచారణలో నేరాన్ని అంగీకరించారు.వైసీపీ నేత,ప్రభుత్వ మాజీ సలహాదారు సజ్జల రామకృష్ణారెడ్డి,ఆయన తనయుడు వైసీపీ సోషల్ మీడియా మాజీ కన్వీనర్ సజ్జల భార్గవరెడ్డి ఇచ్చిన స్క్రిప్ట్ ఆధారంగానే తాను ప్రెస్‌మీట్లలలో, సోషల్ మీడియాలో వారిని బూతులు తిట్టానని, విద్వేషాలు రెచ్చగొట్టేలా మాట్లాడానంటూ వాంగ్మూలం ఇచ్చారు.ఈ నేపథ్యంలో వారిద్దరినీ అరెస్ట్ చేసే అవకాశం ఉండటంతో ముందస్తు బెయిలు కోసం పిటిషన్ పెట్టుకున్నారు.
హర్యానాలోని రోహ్‌తక్‌లో ఓ సూట్‌కేసులో యువతి మృతదేహం లభ్యమైంది.అయితే సంప్లా బస్‌‌స్టాండ్‌లో ఓ పెద్ద సూట్‌కేసులో యువతి మృతదేహాన్ని గుర్తించారు.కాగా బాధితురాలికి 20 నుండి 22 ఏళ్లు ఉంటాయని పోలీసులు నిర్ధారించారు.మెడచుట్టూ స్కార్ఫ్ ధరించగా, చేతులకు గోరింటాకు పెట్టుకుంది.కాగా ఆమెను హత్య చేసి ఇలా రోడ్డుపై వదిలేసి ఉంటారని పోలీసులు అనుమానిస్తున్నారు.ఈ మేరకు కేసు నమోదు చేసి, దర్యాప్తు చేస్తున్నారు. అయితే ఈ ఘటన హర్యానాలో రాజకీయంగా తీవ్ర దుమారానికి దారితీసింది.మృతురాలు తమ పార్టీ కార్యకర్త అని కాంగ్రెస్ పేర్కొంది.హర్యానా కాంగ్రెస్ ఎమ్మెల్యే భరత్ భూషణ్ బాత్రా మాట్లాడుతూ…బాధిత యువతి హిమానీ నర్వాల్ అని,ఆమె రాహుల్ గాంధీ భారత్ జోడో యాత్రలో పాల్గొందని తెలిపారు.హర్యానా ఎన్నికల సమయంలో భూపీందర్ హుడా, దీపీందర్ హుడాలతో కలిసి ప్రచారంలో పాల్గొన్నట్లు తెలిపారు.
ఛాంపియన్స్ ట్రోఫీ సందర్భంగా భారత్ పాక్ ల మధ్య జరిగిన మ్యాచ్ లో పాక్ స్పిన్నర్ అబ్రార్ అహ్మద్ కనుసైగలు వైరల్ అయినా సంగతి తెలిసిందే.ఈ క్రమంలోనే తాజాగా కోహ్లీని ఉద్దేశించి అబ్రార్ సోషల్ మీడియాలో పెట్టిన పోస్ట్ వైరల్ గా మారింది.తన చిన్నతనంలో విరాట్ కోహ్లీ ఆటను ఆరాధించేవాడినని అబ్రార్ తెలిపాడు.కోహ్లీ తన చైల్డ్ హుడ్ హీరో అని వెల్లడించాడు.అతడికి బౌలింగ్ చేసే అవకాశం దక్కడం అదృష్టమని వివరించాడు.అతడు కేవలం మ్యాచ్ సమయంలోనే క్రికెటర్‌గా ఉంటాడని,వ్యక్తిగతంగా చాలా మంచివాడని కోహ్లీని మెచ్చుకున్నాడు.మైదానంలో,బయటా స్ఫూర్తి నింపడంలో కోహ్లీ ముందుంటాడని,అదే అతడి గొప్పతనమని అబ్రార్ పేర్కొన్నాడు.