Author: admin

‘సామజవరగమన’ చిత్రంతో అలరించిన శ్రీ విష్ణు – రెబా మోనిక జాన్‌ జంట మరోసారి ప్రేక్షకుల్ని అలరించనున్నారు.తాజాగా వీరిద్ద‌రూ క‌లిసి న‌టిస్తున్న చిత్రం మృత్యుంజయ్. ఇన్వెస్టిగేటివ్‌ థ్రిల్లర్‌గా తెరకెక్కుతున్న ఈ చిత్రానికి హుస్సేన్‌ షా కిరణ్ ద‌ర్శ‌క‌త్వం వ‌హిస్తున్నాడు.ఈరోజు శ్రీవిష్ణు బ‌ర్త్‌డే సందర్భంగా ఈ సినిమా టైటిల్ టీజ‌ర్‌ను చిత్రబృందం విడుద‌ల చేసింది.అయితే ఈ టీజ‌ర్ లో గేమ్ ఓవ‌ర్, నేను అయిపొయిందనే వ‌ర‌కు అవ్వ‌దు అనే రెండు డైలాగ్‌లు ఆసక్తికరంగా ఉన్నాయి.సందీప్‌ గుణ్ణం, వినయ్‌ చిలకపాటి ఈ చిత్రాన్ని నిర్మిస్తున్నారు.ఇందులో అయ్యప్ప శర్మ, వీర్‌ ఆర్యన్‌, సుదర్శన్‌ తదితరులు కీలక పాత్రలు పోషిస్తున్నారు.ఈ చిత్రానికి కీరవాణి వాళ్ళ అబ్బాయి కాలభైరవ సంగీతం అందించనున్నాడు. https://youtu.be/8jwh08fCOOM?si=0_1YKYBbzLZpbeAL

పొరుగు దేశం నేపాల్‌లో భూకంపం వచ్చింది.కాగా ఈరోజు తెల్లవారుజామున సింధుపల్‌చోక్‌ జిల్లాలోని భైరవకుండ వద్ద భూమి కంపించింది.అయితే దీని తీవ్రత రిక్టర్‌ స్కేలుపై 6.1గా నమోదైంది.ఈ మేరకు భైరవకుండ సమీపంలోనే భూకంప కేంద్రం ఉన్నట్లు అధికారులు తెలిపారు.భూమి కంపించడంతో ప్రజలు భయంతో ఇండ్ల నుండి బయటకు పరుగులు తీశారు.ఈ భూకంపం కారణంగా ఎటువంటి నష్టం జరగలేదని అధికారులు పేర్కొన్నారు. దుగుంగడి భీర్‌లో కొండచరియలు విరిగిపడ్డాయని,అయితే ఆ ప్రదేశంలో ఇండ్లు లేవని వెల్లడించారు.ఈ క్రమంలోనే భారత్ తో పాటుగా చైనా, టిబెట్‌ సరిహద్దుల్లో కూడా భూమి స్వల్పంగా కంపించదని తెలుస్తుంది. An earthquake with a magnitude of 5.5 on the Richter Scale hit Nepal at 2.36 IST today. (Source – National Center for Seismology) pic.twitter.com/OtockGLncO— ANI (@ANI) February 27, 2025

అమెరికా ప్రెసిడెంట్ డొనాల్డ్‌ ట్రంప్‌ కు డిస్ట్రిక్ట్‌ కోర్టు భారీ షాక్ ఇచ్చింది.ప్రభుత్వ ఉద్యోగుల తొలగింపు అంశంలో ట్రంప్‌ నిర్ణయానికి డిస్ట్రిక్ట్‌ జడ్జి విలియం అల్సప్‌ బ్రేకులు వేశారు.భారీ సంఖ్యలో ఫెడరల్‌ ఉద్యోగులను తొలగిస్తూ…ట్రంప్‌ తీసుకున్న నిర్ణయాన్ని నిలిపివేశారు.ఈ క్రమంలో అమెరికాలో ఫెడరల్ ఏజెన్సీల్లో ఉద్యోగులను తొలగించాలన్న ప్రభుత్వ చట్టవిరుద్ధమైన ఆదేశాలపై పలు యూనియన్లు, న్యాయవాద సంఘాలు దావా వేశాయి.దీనిపై తాజాగా యూఎస్‌ డిస్ట్రిక్ట్‌ కోర్టులో విచారణ జరిగింది.ఈ సందర్బంగా డిస్ట్రిక్ట్‌ జడ్జి విలియం అల్సప్‌ తీర్పును వెలువరించారు.అధ్యక్షుడి నిర్ణయాన్ని నిలిపివేస్తూ కీలక ఆదేశాలు జారీ చేశారు.పర్సనల్‌ మేనేజ్‌మెంట్‌ కార్యాలయానికి అలాంటి అధికారాలు లేవని న్యాయమూర్తి స్పష్టం చేశారు.తొలగింపు ఉత్తర్వులను తక్షణమే ఉపసంహరించుకోవాలని ఆదేశించారు. ఈ తీర్పుతో ట్రంప్‌కు గట్టి ఎదురుదెబ్బ తగిలినట్లైంది.

స‌మాచారాన్ని లీక్ చేసిన 20 మంది ఉద్యోగుల్ని మెటా సంస్థ తొల‌గించింది.అయితే ఆ 20మంది ఉద్యోగులు ర‌హ‌స్య స‌మాచారాన్ని లీక్ చేసిన‌ట్లు ఆరోప‌ణ‌లు ఉన్నాయి.వాళ్లు ఏ ఉద్దేశంతో స‌మాచారం లీక్ చేసినా…త‌మ విధానాల‌కు విరుద్ధ‌మ‌ని మెటా సంస్థ ప్ర‌తినిధి పేర్కొన్నారు.ఇటీవ‌ల కంపెనీలో ఓ ద‌ర్యాప్తు చేప‌ట్టామ‌ని,దీనితో 20 మంది ఉద్యోగులు దోషులుగా తేలింది.వాళ్లు కంపెనీ ర‌హ‌స్య స‌మాచారాన్ని బ‌య‌ట‌కు చేర‌వేస్తున్న‌ట్లు తెలిసింద‌ని మెటా ప్ర‌తినిధి వెల్లడించారు.త్వ‌ర‌లో మ‌రికొంత మంది కూడా ఉద్యోగాలు కోల్పోయే అవ‌కాశాలు ఉన్న‌ట్లు వెల్ల‌డించారు.సంస్థ స‌మాచారాన్ని లీక్ చేసే అంశాన్ని సీరియ‌స్‌గా తీసుకుంటామ‌ని,లీక్‌లు జ‌రుగుతున్న‌ట్లు గుర్తించిన‌ప్పుడ‌ల్లా ఇలాంటి చ‌ర్య‌లు ఉంటాయ‌ని అన్నారు.

ఆంధ్రప్రదేశ్ రాష్ట్ర 2025-26 వార్షిక బడ్జెట్‌కు ఏపీ క్యాబినెట్ ఆమోదం తెలిపింది. ముఖ్యమంత్రి కార్యాలయంలో నేడు రాష్ట్ర మంత్రివర్గ భేటీ జరిగింది. ఈ సందర్భంగా సీఎం చంద్రబాబు నాయుడు, డిప్యూటీ సీఎం పవన్ కళ్యాణ్ కు ఆర్థిక మంత్రి పయ్యావుల కేశవ్ బడ్జెట్ పత్రాలను అందజేశారు. ప్రస్తుతం ఆయన అసెంబ్లీలో బడ్జెట్ ప్రవేశపెట్టి వివరిస్తున్నారు. *ఆంధ్రప్రదేశ్ రాష్ట్ర వార్షిక బడ్జెట్ 2025-26 హైలెట్స్* *కూటమి ప్రభుత్వం అధికారంలోకి వచ్చిన తర్వాత తొలి పూర్తిస్థాయి బడ్జెట్* *మొత్తం రూ.3.22 లక్షల కోట్లతో ఏపీ బడ్జెట్* *రెవెన్యూ వ్యయం అంచనా రూ.2,51,162 కోట్లు* *మూలధన వ్యయం అంచనా రూ.40,635 కోట్లు* *ద్రవ్య లోటు రూ. 79,926 కోట్లు*

రంజీ ట్రోఫీ ఫైనల్ ఆసక్తికరంగా సాగుతోంది. కేరళ-విదర్భల మధ్య జరుగుతున్న ఫైనల్ మ్యాచ్ లో మొదటి రోజు విదర్భ ఆదిపత్యం కనబరిచింది. రెండో రోజు కేరళ కూడా అదే స్థాయిలో పుంజుకుంది. మొదటి ఇన్నింగ్స్ లో విదర్భ 123.1 ఓవర్లలో 379 పరుగులకు ఆలౌటయింది. ఓవర్ నైట్ స్కోర్ 254/4తో రెండో రోజు ఇన్నింగ్స్ ప్రారంభించిన విదర్భ మరో 125 చేసింది. డానిష్ మాలేవర్ 153 (285 బంతుల్లో; 15×4, 3×6) సెంచరీతో రాణించాడు.నచికేత్ (32), యశ్ ఠాకూర్ (25), కెప్టెన్ అక్షయ్ (23) పరుగులు చేశారు. కేరళ బౌలర్లలో నిధీశ్ 3 వికెట్లు, టామ్ 3 వికెట్లు, బాసిల్ 2 వికెట్లు, జలజ్ సక్సేనా 1 వికెట్ తీశారు. అనంతరం బ్యాటింగ్ ఆరంభించిన కేరళ ఆట ముగిసే సమయానికి 39 ఓవర్లలో 3 వికెట్లు కోల్పోయి 131 పరుగులు చేసింది. ఆదిత్య సర్వాటే 66 బ్యాటింగ్, సచిన్ బేబీ 7…

ఛాంపియన్స్ ట్రోఫీ 2025లో ఇంగ్లాండ్ పేలవ ప్రదర్శన చేసిన సంగతి తెలిసిందే. గ్రూప్ -బిలో ఆ జట్టు ఆడిన రెండు మ్యాచ్ లలో పరాజయంతో పాయింట్ల పట్టికలో ఆఖరి స్థానంలో నిలిచింది. మొదటి మ్యాచ్ లో ఆస్ట్రేలియా చేతిలో ఓడిపోగ…రెండో మ్యాచ్ లో ఆఫ్ఘనిస్తాన్ చేతిలో ఖంగుతింది. ఈ ఓటమితో ఇంగ్లండ్ టోర్నీ నుంచి నిష్క్రమించడం ఖరారైంది. ఈ నేపథ్యంలో ఆ జట్టు కెప్టెన్ జాస్ బట్లర్ కీలక వ్యాఖ్యలు చేశాడు. తన కెప్టెన్సీ పై భావోద్వేగ నిర్ణయం తీసుకోబోనని స్పష్టం చేశాడు. తాను సమస్యలో భాగమా? లేకపోతే పరిష్కారంలోనా అనే దానిపై విశ్లేషించుకుంటానని తెలిపాడు. ఈ టోర్నీలో ఫలితాలు అనుకున్నట్లుగా రాలేదని పరిమిత ఓవర్ల క్రికెట్ లో ఇంగ్లాండ్ ఉండాల్సిన స్థానానికి తిరిగి తీసుకురావాలని పేర్కొన్నాడు.

చెన్నై విమానాశ్రయంలో ఉడాన్ యాత్రి కేఫ్ ను కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడు ప్రారంభించారు. నిర్వహిస్తున్న కలకత్తా విమానాశ్రయంలో విజయవంతంగా నిర్వహించబడుతున్న అనంతరం ఈరోజు చెన్నై లో కూడా ప్రారంభించారు. దీంతో ప్రయాణీకులకు తక్కువ ధరలోనే పరిశుభ్రమైన ఆహారాన్ని అందించడమే లక్ష్యంగా పెట్టుకున్నట్లు తెలిపారు. ప్రధానమంత్రి నరేంద్ర మోడీ దార్శనికతకు ఇది నిజమైన నిదర్శనమని వివరించారు. ఈ చర్య ఈజీ ఆఫ్ ఫ్లైయింగ్ పట్ల ఎన్డీయే ప్రభుత్వం నిబద్ధతను ప్రతిబింబిస్తుందని పేర్కొన్నారు. ఇక ఇది మిగతా విమానాశ్రయాల కంటే ఎంతో భిన్నమైనది, ప్రత్యేకమైనదని బధిరులైన మహిళా సిబ్బంది యొక్క స్ఫూర్తిదాయక బృందం దీనిని నిర్వహిస్తుందని తెలిపారు.

ఛాంపియన్స్ ట్రోఫీ మ్యాచ్‌లను భారత్ దుబాయ్ వేదికగానే ఆడుతోంది.అయితే ఒకే వేదికలో మ్యాచ్‌లను నిర్వహించడం ద్వారా భారత్‌కు అదనపు ప్రయోజనం కలుగుతోందని ఆస్ట్రేలియా కెప్టెన్ ప్యాట్ కమిన్స్‌తో పాటు ఇంగ్లండ్ మాజీ క్రికెటర్లు మైకేల్ అథర్టన్,నాజర్ హుస్సేన్‌లు ఐసీసీ తీరును తప్పుబట్టారు.ఒకే వేదికపై మ్యాచ్‌లు ఆడటం ద్వారా అక్కడి పరిస్థితులు భారత్ కు కలసి వస్తాయని అన్నారు.అయితే ఈ వ్యాఖ్యలపై సౌత్ ఆఫ్రికా మాజీ క్రికెటర్ హెర్షల్ గిబ్స్ స్పందించాడు.ఆయన వారి వాదనలను తప్పుబట్టాడు.ఇంటర్నేషనల్ మాస్టర్స్ లీగ్ సందర్భంగా మైకేల్‌కు ఇచ్చిన ప్రత్యేక ఇంటర్వ్యూలో ఈ కామెంట్స్‌పై స్పందించాడు.ఇదో పనికిమాలిన వాదనని, బయటి విషయాలు పట్టించుకోకుండా ఆటపై ఫోకస్ పెట్టాలని సూచించాడు.ఐసీసీ ఛాంపియన్స్ ట్రోఫీ 2025కి పాకిస్థాన్ ఆతిథ్యం ఇస్తున్న విషయం తెలిసిందే.ఈ టోర్నీ కోసం పాకిస్థాన్‌లో పర్యటించేందుకు టీమిండియా నిరాకరించింది.ఆటగాళ్ల భద్రతను కారణంగా చూపింది.దాంతో ఐసీసీ ఈ టోర్నీని హైబ్రిడ్ మోడల్‌లో నిర్వహించేలా భారత్-పాకిస్థాన్ మధ్య ఒప్పందం కుదిర్చింది.

విశాఖపట్నం గీతమ విశ్వవిద్యాలయంలో మార్చి 5, 6 తేదీల్లో నాస్కామ్, ఏపీ ప్రభుత్వం సంయుక్తంగా కెరీర్ ఫెయిర్ నిర్వహించనున్నాయి. ఈ కెరీర్ ఫెయిర్‌లో ఐటీ, ఐటీఈఎస్ 49 సంస్థలతో యువతీ, యువకులకు సుమారు 10వేల ఉద్యోగ అవకాశాలు కల్పించనున్నారు. ఇక ఈ కార్యక్రమానికి సంబంధించిన పోస్టర్‌ను మంగళగిరిలోని పార్టీ కేంద్ర కార్యాలయంలో విద్య, ఐటీ శాఖల మంత్రి నారా లోకేశ్‌ ఆవిష్కరించారు. 2024, 2025లో ఉత్తీర్ణులైన నిరుద్యోగ యువతీ, యువకులు రిజిస్ట్రేషన్ చేసుకుని ఈ అవకాశాన్ని సద్వినియోగం చేసుకోవాలని ఈ సంద‌ర్భంగా లోకేష్ పిలుపునిచ్చారు.