ఫిడే మహిళల గ్రాండ్ ప్రీ విజేతగా భారత గ్రాండ్ మాస్టర్ కోనేరు హంపి నిలిచింది. ఆఖరిదైన 9వ రౌండ్ లో బల్గేరియాకు చెందిన సలిమోవాపై 7 పాయింట్లతో విజయం సాధించింది. దీంతో అగ్రస్థానం దక్కించుకుంది. చైనాకు చెందిన జు జినర్ కూడా రష్యాకు చెందిన పొలీనాను ఓడించి 7 పాయింట్లు సాధించింది అయితే మెరుగైన టైబ్రేక్ స్కోరు ఆధారంగా హాంపి విజేతగా నిలిచింది. 37 సంవత్సరాల ఆమె గతేడాది డిసెంబర్ లో ర్యాపిడ్ ఛాంపియన్ షిప్ ను గెలిచిన సంగతి తెలిసిందే.
Author: admin
ఐపీఎల్ సీజన్ 18 లో సన్ రైజర్స్ హైదరాబాద్ వరుస పరాజయాలతో సతమతమవుతూనే ఉంది. ఇప్పటి వరకు ఆడిన 8 మ్యాచ్ లలో కేవలం 2 మ్యాచ్ లలో మాత్రమే గెలిచి పేలవ ఆటతీరుతో అభిమానులను నిరాశ పరుస్తోంది. తాజాగా హైదరాబాద్ ఉప్పల్ స్టేడియం వేదికగా ముంబై ఇండియన్స్ తో జరిగిన మ్యాచ్ లో 7 వికెట్ల తేడాతో ఓటమిపాలైంది. టాస్ ఓడి మొదట బ్యాటింగ్ చేసిన హైదరాబాద్ నిర్ణీత 20 ఓవర్లలో 8 వికెట్లు కోల్పోయి 143 పరుగులు మాత్రమే చేయగలిగింది. క్లాసిన్ 71 (44; 9×4, 2×6) హాఫ్ సెంచరీతో రాణించాడు. అభినవ్ మనోహర్ 43 (37; 2×4, 3×6) మినహా మిగిలిన బ్యాటర్లు పూర్తిగా విఫలమయ్యారు. ముంబై బౌలర్లలో బౌల్ట్ 4 వికెట్లు, దీపక్ చాహార్ 2 వికెట్లు, బుమ్రా, హార్థిక్ పాండ్య ఒక్కో వికెట్ చొప్పున పడగొట్టారు. అనంతరం లక్ష్యాన్ని ముంబై అలవోకగా 15.4 ఓవర్లలోనే…
జమ్మూకశ్మీర్‌ లోని పహల్గాంలో జరిగిన ఉగ్రవాదదాడిలో 26 మంది ప్రాణాలు కోల్పోవడం తెలిసిందే. ఈ విషాద ఘటనను భారత ప్రభుత్వం తీవ్రంగా పరిగణించింది. “బయట శక్తుల హస్తం” ఉన్నట్లు దర్యాప్తులో వెల్లడి కావడంతో, భారత ప్రభుత్వం పాకిస్థాన్ పై కఠిన నిర్ణయాలు తీసుకుంది. దేశ భద్రతకు సంబంధించిన అత్యున్నత నిర్ణయాధికార సంస్థ అయిన భద్రతా వ్యవహారాల కేబినెట్ కమిటీ (సీసీఎస్) ఈ మేరకు కీలక చర్యలకు ఉపక్రమించింది. 1960 నాటి సింధు నదీ జలాల ఒప్పందాన్ని తక్షణమే నిరవధికంగా నిలిపివేయడం. ఈ ఒప్పందం ప్రకారం సింధు, దాని ఉపనదులైన జీలం, చీనాబ్, రావి, బియాస్, సట్లెజ్ నదుల జలాలను ఇరు దేశాలు పంచుకుంటున్నాయి. పాకిస్థాన్‌లోని కోట్ల మంది ప్రజలకు ఈ నదులే ప్రధాన నీటి వనరు. 1960 సెప్టెంబర్ 19న ప్రపంచ బ్యాంకు మధ్యవర్తిత్వంతో భారత్, పాకిస్థాన్ ఈ ఒప్పందంపై సంతకాలు చేశాయి. 1965, 1971, 1999 యుద్ధాలసమయంలోనూ నిలిచిన ఈ…
జమ్మూ కాశ్మీర్ లోని పహల్గాంలో నిన్న జరిగిన ఉగ్రవాదదాడిని పిరికిపంద చర్యగా రక్షణా మంత్రి రాజ్ నాథ్ సింగ్ అభివర్ణించారు. ఈ ఘటనపై ఆయన తీవ్ర ఆగ్రహం వ్యక్తం చేశారు. అమాయకులు ప్రాణాలు కోల్పోవడం పట్ల ఆవేదన వ్యక్తం చేశారు. భారత్ పై కుట్ర చేస్తున్న వారిని వదలబోయేది లేదని స్పష్టం చేశారు. భారత్ ఈ దాడికి గట్టిగా ప్రతిఘటిస్తుందని హెచ్చరించారు. ఉగ్రవాదాన్ని ఎదుర్కోడానికి భారత ప్రజలంతా ఐక్యంగా ఉండాలని పేర్కొన్నారు. దాడికి పాల్పడిన వారిని బయటకు లాగి తగిన బుద్ధి చెబుతామని అన్నారు. బాధిత కుటుంబాలకు కేంద్ర ప్రభుత్వం అండగా ఉంటుందని భరోసానిచ్చారు. పహాల్గాం ఘటనకు సంబంధించిన విషయాలు, శ్రీనగర్ లో భద్రతా చర్యలు వంటి అంశాలపై ఆర్మీ చీఫ్ జనరల్ ఉపేంద్ర ద్వివేది, నేవీ చీఫ్ అడ్మిరల్ దినేష్ త్రిపాఠితో రాజ్ నాథ్ సింగ్ చర్చలు జరిపారు.
వరుసగా ఏడో రోజు దేశీయ స్టాక్ మార్కెట్లు భారీ లాభాలతో ట్రేడింగ్ ముగించాయి. అంతర్జాతీయ మార్కెట్ల నుంచి మిశ్రమ సంకేతాలున్నప్పటికీ మన సూచీలు జోరు కొనసాగుతోంది. ఐటీ షేర్లకు కొనుగోళ్ల మద్దతు లభించింది. బాంబే స్టాక్ ఎక్స్ చేంజ్ సూచీ సెన్సెక్స్ 520 పాయింట్లు లాభపడి 80,116 వద్ద స్థిరపడగా… నేషనల్ స్టాక్ ఎక్స్ చేంజ్ సూచీ నిఫ్టీ కూడా దాదాపు 115 పాయింట్ల లాభంతో 24,282 వద్ద స్థిరపడింది ముగిసింది. డాలర్ తో రూపాయి మారకం విలువ రూ.85.42గా కొనసాగుతోంది. టెక్ మహీంద్రా, హెచ్.సి.ఎల్ టెక్నాలజీస్, ఇన్ఫోసిస్, టాటా మోటార్స్, మహీంద్రా అండ్ మహీంద్రా షేర్లు ప్రధానంగా లాభపడ్డాయి. బంగారం ధర కూడా కాస్త తగ్గింది. ప్రస్తుతం 24 క్యారెట్ ల 10గ్రాముల ధర రూ.3 వేల వరకు తగ్గి రూ.98,700గా ఉంది.
ఉగ్రవాదం పేరుతో మారణహోమం చేస్తే ఏ దైవం సహించదని కేంద్ర మంత్రి రామ్మోహన్ నాయుడు అన్నారు. మన దేశ సార్వభౌమత్వాన్ని రక్షించేందుకు, ఉగ్రవాదాన్ని అంతం చేసేందుకు ప్రధాని మోడీ అనేక చర్యలు చేపడుతున్నారని తెలిపారు. పహల్గామ్‌లో నిన్న జరిగిన ఉగ్రదాడిలో ప్రాణాలు కోల్పోయిన మన రాష్ట్రానికి చెందిన విశాఖపట్నం వాసి శ్రీ జెఎస్ చంద్రమౌళి గారు, మరియు కావలికి చెందిన శ్రీ మధుసూదన్ గారి మరణ వార్త నన్ను తీవ్రంగా కలిచివేసింది. ఈ విషాద సమయంలో వారి కుటుంబ సభ్యులకు నా ప్రగాఢ సానుభూతి తెలియజేస్తూ, ఈ క్లిష్ట సమయాన్ని ఎదుర్కోగల ఆత్మస్థైర్యాన్ని ఆ భగవంతుడు వారికి ప్రసాదించాలని కోరుకుంటున్నానని ఆయన ‘ఎక్స్’ లో పోస్ట్ చేశారు. ఈ దారుణమైన చర్యకు బాధ్యులైన వారు భారీ మూల్యం చెల్లించుకోక తప్పదని హెచ్చరించారు. ఇక జమ్మూ కాశ్మీర్ నుండి పర్యాటకులు తిరిగి స్వస్థలాలకు తరలించేందుకు ప్రత్యేక విమానాలు కూడా నడుపుతున్నారు.
ఉగ్రవాద దాడిలో మృతులకు జనసేన ఆధ్వర్యంలో మూడు రోజులపాటు సంతాప దినాలు తెలిపింది. జనసేన కార్యాలయాలపై పార్టీ జెండా అవనతం చేశారు. జమ్ము కాశ్మీర్ లోని బైసరన్ ప్రాంతంలో పర్యాటకులపై ఉగ్రవాదులు దాడి చేసి 28 మందిని హతమార్చడాన్ని జనసేన పార్టీ తీవ్రంగా ఖండిస్తోందని పార్టీ అధినేత పవన్ కళ్యాణ్ ఈ దుశ్చర్యను ఖండించి, మృతులకు సంతాపం తెలియచేశారు . జనసేన పార్టీ పక్షాన మృతులకు సంతాపం తెలియచేస్తూ మూడు రోజులపాటు సంతాప కార్యక్రమాలు నిర్వహించాలని పవన్ కల్యాణ్ దిశానిర్దేశం చేశారు. ఈ చీకటి సమయంలో, మనం దృఢంగా నిలబడుతున్నాం; ఉగ్రవాదంతో మన భారత్ ఐక్యతను చెడగొట్టలేరు. న్యాయం జయించేందుకు, ఇటువంటి దారుణాలు మళ్లీ జరుగకుండా చూసేందుకు మన నాయకత్వం బలంతో, సంకల్పంతో స్పందిస్తుందన్న పూర్తి నమ్మకం ఉందని పవన్ సోషల్ మీడియా ‘ఎక్స్’ లో పోస్ట్ చేశారు. The horrific Pahalgam attack has deeply shaken us. My…
జమ్మూకశ్మీర్లోని పహల్గామ్ వద్ద జరిగిన ఉగ్రవాద దాడిలో ఇద్దరు తెలుగు వ్యక్తులు ప్రాణాలు కోల్పోవడం పట్ల ఏపీ సీఎం నారా చంద్రబాబు తీవ్ర దిగ్భ్రాంతి వ్యక్తం చేశారు. ఈ దుర్ఘటనలో ప్రాణాలు కోల్పోయిన జె.ఎస్. చంద్రమౌళి, మధుసూదన్ కుటుంబాలకు ఆయన ప్రగాఢ సంతాపం తెలిపారు. ఈ విషాద ఘటనపై స్పందించిన సీఎం, ఉగ్రవాదుల దాడిలో తెలుగు కమ్యూనిటీకి చెందిన ఇద్దరు వ్యక్తులు మరణించడం అత్యంత బాధాకరమని అన్నారు. వారి ఆత్మలకు శాంతి చేకూరాలని ప్రార్థించారు. ఈ కష్ట సమయంలో వారి కుటుంబ సభ్యులకు మనోధైర్యాన్ని ప్రసాదించాలని భగవంతుడిని కోరుకుంటున్నట్లు తెలిపారు. ఈ తీరని లోటును తట్టుకునే శక్తిని ఆ కుటుంబాలకు ఇవ్వాలని ఆకాంక్షించారు. ఉగ్రవాదం సమాజానికి మరక వంటివని అన్నారు. చరిత్రను గమనిస్తే, ఉగ్రవాదం, హింస ద్వారా ఏ లక్ష్యాలు నెరవేరలేదని స్పష్టమవుతుందని అన్నారు. ఇలాంటి దాడులకు పాల్పడే వారిని కఠినంగా శిక్షించాలన్నారు. దేశ సార్వభౌమత్వాన్ని కాపాడటంలో, ఉగ్రవాదంపై పోరాటంలో ప్రధానమంత్రి…
జమ్మూకశ్మీర్లోని పహల్గామ్ లో ఉగ్రవాదులు జరిపిన దాడిలో 26 మంది పర్యాటకులు మరణించగా, ప‌లువురు గాయపడిన సంగతి తెలిసిందే. కాగా ఈ దాడి వెనుక ఉన్న అనుమానిత ఉగ్రవాదుల ఫొటోలతో పాటు వారి స్కెచ్‌ లను భద్రతా సంస్థలు విడుదల చేశాయి. ముగ్గురు ఉగ్రవాదులను ఆసిఫ్ ఫుజి, సులేమాన్ షా, అబు తల్హాగా గుర్తించారు. నిషేధిత ఉగ్రవాద సంస్థ లష్కరే తోయిబా (ఎల్ఈటీ) అనుబంధ సంస్థ ది రెసిస్టెన్స్ ఫ్రంట్ (టీఆర్ఎఫ్‌) సభ్యులే పహల్గామ్ లోని పర్యాటకులపై కాల్పులు జరిపిన‌ట్లు పేర్కొన్నాయి. కనీసం 5 నుండి 6 మంది ఉగ్రవాదులు కుర్తా-పైజామాలు ధరించి, లోయ చుట్టూ ఉన్న దట్టమైన పైన్ అడవి నుంచి బైసరన్ మైదానానికి వచ్చి ఏకే-47 లతో కాల్పులు జరిపిన‌ట్లు నిర్ధారించాయి. ఈ దాడికి కొన్ని రోజుల ముందు వ్యాలీలోకి చొరబడిన పాకిస్థానీ ఉగ్రవాదులు ఈ బృందంలో ఉన్నారని నిఘా వర్గాలు తెలిపాయి. ఇక, ఈ మారణహోమానికి ప్రధాన…
అమరావతిలో భారతదేశపు తొలి క్వాంటం కంప్యూటింగ్ విలేజ్ దిశగా అడుగులు పడుతున్నాయి. ఆంధ్రప్రదేశ్ ప్రభుత్వం 50-ఎకరాల్లో అమరావతిలో భారతదేశపు తొలి క్వాంటం కంప్యూటింగ్ విలేజ్ నిర్మాణానికి ముందడుగులు వేయనున్నట్లు తెలుస్తోంది. L&T ఈ ప్రాజెక్టులో ఐకానిక్ బిల్డింగ్ నిర్మాణం చేపట్టనుండగా, IBM అధునాతన క్వాంటం సిస్టమ్‌లను అందించనుంది. ప్రాజెక్టు పురోగతిని వేగవంతం చేయాలని మరియు త్వరిత అమలుకు హామీ ఇవ్వాలని సీఎం చంద్రబాబు ఆదేశించారు. హైటెక్‌ సిటీని మించి ఐకానిక్ క్వాంటమ్‌ కంప్యూటింగ్ విలేజ్‌ను రాజధానిలో నిర్మించేందుకు రాష్ట్ర ఐటీ శాఖ కార్యాచరణ సిద్ధం చేసినట్లు తెలుస్తోంది.