ఐపీఎల్ లో భాగంగా నిన్న ల‌క్నో సూపర్ జెయింట్స్ (ఎల్ఎస్‌జీ)తో జరిగిన మ్యాచ్‌లో ఢిల్లీ క్యాపిటల్స్ (డీసీ) ఆటగాడు కేఎల్ రాహుల్ సరికొత్త రికార్డు సృష్టించాడు. ఐపీఎల్ చ‌రిత్ర‌లో అత్యంత వేగంగా 130 ఇన్నింగ్స్‌ల్లోనే 5వేల ప‌రుగుల మైలురాయిని చేరుకుని అరుదైన ఘనత సాధించాడు. తాజాగా జరిగిన మ్యాచ్‌ లో 57 నాటౌట్ గా నిలిచి టీమ్ ను గెలుపు తీరాలకు చేర్చాడమే కాకుండా ఈఘనత సాధించాడు. అతని తర్వాత డేవిడ్ వార్న‌ర్ (135 ఇన్నింగ్స్), విరాట్ కోహ్లీ (157 ఇన్నింగ్స్), ఏబీ డివిలియ‌ర్స్ (161 ఇన్నింగ్స్), శిఖ‌ర్ ధావ‌న్ (168 ఇన్నింగ్స్) లు ఉన్నారు. రాహుల్ 46.35 యావరేజ్ తో, 135.70 స్ట్రైక్‌రేట్‌తో 5వేల పరుగులు పూర్తి చేశాడు. ఇందులో 4 సెంచ‌రీలు, 40 హాఫ్ సెంచ‌రీలు ఉన్నాయి. అలాగే 4 సార్లు డ‌కౌట్ అయ్యాడు. ఇక నిన్న జరిగిన మ్యాచ్‌లో ఢిల్లీ క్యాపిటల్స్ జట్టు 8 వికెట్ల తేడాతో…
Author: admin
ఎమ్మెల్సీ దువ్వాడ శ్రీనివాస్ పై వైసీపీ అధినేత జగన్ కీలక నిర్ణయం తీసుకున్నారు. దువ్వాడ శ్రీనివాస్ ను పార్టీ నుంచి సస్పెండ్ చేశారు. ఈ మేరకు వైసీపీ ఓ ప్రకటన విడుదల చేసింది. పార్టీ క్రమశిక్షణ ఉల్లంఘించినట్టు ఫిర్యాదులు వచ్చాయని, పార్టీ క్రమశిక్షణ కమిటీ సిఫారసుల మేరకు వైసీపీ అధినేత జగన్ ఆదేశాల ప్రకారం ఎమ్మెల్సీ దువ్వాడ శ్రీనివాస్ ను పార్టీ నుంచి సస్పెండ్ చేయడం జరిగిందని ఆ ప్రకటనలో పేర్కొన్నారు. ఇక మరోవైపు అనకాపల్లి జిల్లా అధ్యక్షులుగా గుడివాడ అమర్నాథ్, విశాఖపట్నం జిల్లా అధ్యక్షులుగా కె.కె. రాజులను నియమిస్తూ జగన్ నిర్ణయం తీసుకున్నారు. ఈమేరకు పార్టీ ఒక ప్రకటనలో తెలిపింది.
2025 మార్చిలో జరిగిన SSC పబ్లిక్ పరీక్షల ఫలితాలు విడుదలయ్యాయి. ఈ సంవత్సరం మొత్తం 6,14,459 మంది విద్యార్థులు పరీక్షలకు హాజరుకాగా, 4,98,585 మంది ఉత్తీర్ణులయ్యారని ఏపీ విద్యా శాఖ మంత్రి నారా లోకేష్ తెలిపారు . ఉత్తీర్ణత శాతం 81.14%గా నమోదైందని పేర్కొన్నారు. పార్వతీపురం మన్యం జిల్లా అత్యుత్తమంగా 93.90% ఉత్తీర్ణత శాతంతో ప్రథమ స్థానంలో నిలిచింది. మొత్తం 1,680 పాఠశాలలు 100% ఫలితాలను సాధించాయని మంత్రి వివరించారు. ఉత్తీర్ణులైన విద్యార్థులందరికీ హృదయపూర్వక అభినందనలు. ఈసారి విఫలమైనవారు నిరుత్సాహపడకండని సూచించారు. జీవితంలో రెండో అవకాశాలు లభిస్తాయి. అదనపు పరీక్షలు 2025 మే 19 నుండి 28 వరకు జరుగుతాయి. ఇది విజయం సాధించేందుకు మరో అవకాశమని భరోసానిచ్చారు. ఈ వెబ్‌సైట్లలో చూడొచ్చు: bse.ap.gov.in results.bse.ap.gov.in WhatsApp (Mana Mitra): Send “Hi” to 95523 00009.
జ‌మ్మూక‌శ్మీర్‌ లోని పహల్గాంలో నిన్న జరిగిన ఉగ్రదాడి ఘ‌ట‌న కుదిపేసింది. అమాయక టూరిస్ట్ లపై టెర్రరిస్టు లు కాల్పులు జరిపారు. ఈ నేప‌థ్యంలో రెండు రోజుల పర్యటన కోసం సౌదీ అరేబియా వెళ్లిన ప్రధాని మోడీ తన ప‌ర్య‌ట‌న‌ను ర‌ద్దు చేసుకున్నారు. రాత్రి హూటాహూటిన జెడ్డా నుండి భార‌త్‌కు బయలుదేరి వచ్చేశారు. నేటి ఉద‌యం ఢిల్లీ విమానాశ్ర‌యంలో దిగిన ప్రధాని ఎయిర్‌పోర్టులోనే అత్యవసర భేటీ నిర్వ‌హించారు. నేషనల్ సెక్యూరిటీ అడ్వైజర్ అజిత్ దోవల్, కేంద్ర విదేశాంగ శాఖ మంత్రి ఎన్ జైశంక‌ర్‌, విదేశాంగ శాఖ కార్య‌ద‌ర్శి విక్రమ్ మిస్త్రీతో స‌మావేశ‌మై దుర్ఘటనపై చ‌ర్చించారు. ఈ సందర్భంగా ప్ర‌ధానికి దాడి జరిగిన తీరును వివరించారు. కాగా, ఈరోజు ప్రధాని మోడీ అధ్య‌క్ష‌త‌న భద్రతా వ్య‌వ‌హారాల కేబినెట్ కమిటీ స‌మావేశం కానుంది. ఇక, ఇప్ప‌టికే కేంద్ర హోంమంత్రి అమిత్ షా..శ్రీన‌గ‌ర్ చేరుకుని భద్రతా ఉన్న‌తాధికారుల‌తో భేటీ అయి ప్ర‌స్తుత ప‌రిస్థితుల‌ను స‌మీక్షించారు. దాడి జరిగిన…
కొంతకాలంగా ప్రశాంతంగా ఉన్న జమ్ము కశ్మీర్‌లో ఉగ్రవాదులు దుశ్చర్యకు దిగారు. నేడు అనంత్‌ నాగ్ జిల్లా పహల్గాంలో ఉగ్రవాదులు టూరిస్ట్ లపై కాల్పుల జరిగిన ఘటనలో ఒకరు మృతి చెందగా, ఆరుగురు గాయపడినట్లు ప్రాథమిక సమాచారం అందుతోంది. ఈ సంఘటనతో పహల్గాంలో ఒక్కసారిగా భయానక పరిస్థితి ఏర్పడింది. మినీ స్విట్జర్లాండ్ గా పేర్కొనే పహల్గాంలోని బైసరన్ వ్యాలీ ఎగువ ప్రాంతంలోని ఒక పర్యాటక రిసార్టు వద్ద ఈ దాడి జరిగింది. ఈ ప్రాంతానికి కేవలం కాలినడకన లేదా గుర్రాల ద్వారా మాత్రమే చేరుకునే వీలుంటుంది. ఇలాంటి ప్రాంతంలో పర్యాటకులను లక్ష్యంగా చేసుకుని ఉగ్రవాదులు కాల్పులకు తెగబడ్డారు. సైనికుల వంటి దుస్తుల్లో వచ్చిన దుండగులు ఈ దాడికి పాల్పడినట్లు తెలుస్తోంది. పర్యాటకులను లక్ష్యంగా చేసుకుని ఈ దాడికి పాల్పడి ఉంటారని అనుమానిస్తున్నారు. ఈ దుర్ఘటనపై సమాచారం అందుకున్న వెంటనే భద్రతా బలగాలు, వైద్య బృందాలు హుటాహుటిన ఘటనా స్థలానికి చేరుకున్నాయి. గాయపడిన టూరిస్ట్…
ఆల్ ఇండియా సర్వీసుల్లో నియామకాల కోసం యూపీఎస్సీ నిర్వహించిన సివిల్స్ – 2024 ఫైనల్ రిజల్ట్స్ వచ్చేశాయి. ఫలితాలను యూపీఎస్సీ నేడు విడుదల చేసింది. ఈ ఫలితాల్లో తెలుగు రాష్ట్రాలకు చెందిన పలువురు విద్యార్థులు కూడా సత్తా చాటారు. శక్తి దూబే ఫస్ట్ ర్యాంకుతో సత్తా చాటారు. హర్షిత గోయల్ (2), అర్చిత్ పరాగ్ (3), షా మార్గి చిరాగ్(4), ఆకాశ్ గార్గ్ (5), కోమల్ పునియా(6), ఆయుషీ బన్సల్(7), రాజ్కృష్ణ ఝా(8), ఆదిత్య విక్రమ్ అగర్వాల్ (9) మయాంక్ తిసారి (10) మంచి ర్యాంకులతో ప్రతిభ కనబరిచారు.
విదేశీ పర్యటన అనంతరం ఏపీ ముఖ్యమంత్రి చంద్రబాబు భారత్ చేరుకున్నారు. ఢిల్లీ పర్యటనలో వరుస భేటీలతో బిజీగా ఉన్నారు. తన ఢిల్లీ పర్యటనలో భాగంగా కేంద్ర జలశక్తి శాఖ మంత్రి సీఆర్ పాటిల్‌ తో నేడు సమావేశమయ్యారు. రాష్ట్రానికి సంబంధించిన కీలక నీటిపారుదల ప్రాజెక్టులకు కేంద్ర సహకారం అందించాలని ఈ సందర్భంగా సీఎం చంద్రబాబు విజ్ఞప్తి చేశారు. ఈ సందర్భంగా చంద్రబాబు వెంట కేంద్ర మంత్రులు రామ్మోహన్ నాయుడు, పెమ్మసాని చంద్రశేఖర్, టీడీపీ ఎంపీలు లావు శ్రీకృష్ణదేవరాయలు, వేమిరెడ్డి ప్రభాకర్ రెడ్డి, కృష్ణ ప్రసాద్, అప్పలనాయుడు, హరీష్ బాలయోగి, సానా సతీష్ తదితరులు ఉన్నారు. ఇక ఈ భేటీలో ప్రధానంగా పోలవరం ప్రాజెక్టుకు అవసరమైన నిధుల విడుదల, పనుల పురోగతిపై చర్చించినట్లు తెలుస్తోంది. రాష్ట్రంలో పలు అంశాల్లో కేంద్ర సహాకారాన్ని కోరారు. కేంద్ర న్యాయ శాఖామంత్రి అర్జున్ రామ్ మేఘవాల్,కేంద్ర వాణిజ్య, పరిశ్రమల శాఖామంత్రి పీయూష్ గోయల్ తో కూడా సీఎం…
తెలంగాణ ప్రభుత్వం ప్రతిష్టాత్మకంగా తీసుకొచ్చిన గద్దర్ తెలంగాణ ఫిల్మ్ అవార్డుల ప్రదానోత్సవ వేడుకను జూన్ 14వ తేదీన హైదరాబాద్‌లోని హైటెక్స్ లో ఘనంగా నిర్వహించనున్నట్లు రాష్ట్ర చలనచిత్ర అభివృద్ధి సంస్థ ఛైర్మన్, నిర్మాత దిల్ రాజు ప్రకటించారు. హైదరాబాద్ ప్రసాద్ ల్యాబ్‌లో జరిగిన అవార్డుల కర్టెన్ రైజర్ కార్యక్రమంలో ఈ విషయాన్ని తెలిపారు. ఇక ఈ అవార్డుల ఎంపిక ప్రక్రియ పారదర్శకంగా, నిష్పక్షపాతంగా నిర్వహించేందుకు సినీ రంగ నిపుణులతో కూడిన జ్యూరీని ఏర్పాటు చేసినట్టు కూడా వివరించారు. దాదాపు 14 ఏళ్ల విరామం తర్వాత రాష్ట్ర ప్రభుత్వం ఈ చలనచిత్ర పురస్కారాలను అందిస్తోందని దిల్ రాజు ఈ సందర్భంగా మాట్లాడుతూ గుర్తుచేశారు. ఈ పురస్కారాలకు సినీ పరిశ్రమ నుండి మంచి స్పందన వచ్చిందని ఆయన హర్షం వ్యక్తం చేశారు. అన్ని కేటగిరీల్లో కలిపి మొత్తం 1,248 నామినేషన్లు అందినట్లు పేర్కొన్నారు. తెలుగు సినిమాకు జాతీయ స్థాయిలో గుర్తింపు లభించేలా అవార్డుల ఎంపిక…
ఏపీ లిక్కర్ స్కామ్ లో తన పాత్ర విజిల్ బ్లోయర్ అని మాజీ ఎంపీ విజయసాయిరెడ్డి అన్నారు. తప్పించుకునేందుకే దొరికిన దొంగలు, దొరకని దొంగలు తన పేరుని లాగుతున్నారని ఏ రూపాయి తాను ముట్టలేదు. లిక్కర్ దొంగల బట్టలు సగమే విప్పారు. వారి మిగతా బట్టలు విప్పేందుకు తాను పూర్తిగా సహకరిస్తానని విజయసాయిరెడ్డి సోషల్ మీడియా ‘ఎక్స్’ లో పోస్ట్ చేశారు. వైసీపీ హయాంలో జరిగిన లిక్కర్ స్కామ్ లో పాత్రధారి, సూత్రధారి కెసిరెడ్డి రాజశేఖర్ రెడ్డేనని ఇటీవల మాజీ ఎంపీ విజయసాయిరెడ్డి వెల్లడించిన సంగతి తెలిసిందే. మద్యం కుంభకోణంలో కర్త, కర్మ, క్రియ రాజ్ కెసిరెడ్డే. దీనికి సంబంధించి చెప్పాల్సి వస్తే మరిన్ని వివరాలు భవిష్యత్తులో వెల్లడిస్తానని అప్పట్లో ఆయన చెప్పారు. కాగా, తాజాగా ఈ కేసులో కెసిరెడ్డి రాజశేఖర్ రెడ్డిని సిట్ అధికారులు అరెస్ట్ చేసిన విషయం తెలిసిందే. ఈ నేపథ్యంలోనే ఆయన ఈ ట్వీట్ చేసినట్లు తెలుస్తోంది.
ప్రముఖ నటుడు సూపర్ స్టార్ మహేష్ బాబుకు ఈడీ (Enforcement Directorate) నోటీసులు జారీ చేసింది. ఆయన ఈనెల 27న విచారణకు హాజరు కావాలని అందులో పేర్కొంది. సాయిసూర్య డెవలపర్స్, సురానా ప్రాజెక్టు కేసులలో ఆయనకు నోటీసులు ఇచ్చినట్లు తెలుస్తోంది. ఇటీవల ఆ సంస్థ‌ల్లో ఈడీ త‌నిఖీలు నిర్వహించింది. ఆ రెండు సంస్థలకు ఆయన ప్రచారకర్తగా గా ఉన్నారు. ఆయా సంస్థలకు చెందిన యాడ్ లలో నటించిన సంగతి తెలిసిందే. మహేష్ బాబుకు ఈ సంస్థలు చెల్లించిన రెమ్యునరేషన్ పై ఈడీ ఆరా తీయనున్నట్లు తెలుస్తోంది. మహేష్.. సాయి సూర్య ప్రాజెక్టులను ప్రచారం చేయడం వల్ల చాలా మంది ఆ ప్రాజెక్టుల్లో పెట్టుబడులు పెట్టారని, అయితే ఆ సంస్థ మోసపూరిత కార్యకలాపాల గురించి ఆయనకు తెలియదని భావిస్తున్నట్లు తెలుస్తోంది.