Author: admin

పాకిస్థాన్ కు చెందిన పౌరులను గుర్తించి వారిని వెనక్కి పంపే ఏర్పాట్లు ఆయా రాష్ట్రాలు తీసుకోవాలని కేంద్ర హోంశాఖ మంత్రి అమిత్ షా స్పష్టం చేశారు. రాష్ట్రాల సీఎంలతో అమిత్ షా నేడు మాట్లాడారు. ముందుగా స్థానికంగా ఉంటున్న పాకిస్థానీయులను గుర్తించి ఆ సమాచారం కేంద్రానికి పంపించాలని అప్పుడే వారి వీసాల రద్దుకు అవకాశం ఉంటుందని అన్నారు. గతంలో భారత్ సార్క్ వీసా పొడిగింపు కింద పాకిస్థాన్ జాతీయులకు భారత్ లో పర్యటించేందుకు అవకాశం కల్పించారు. ఈ ప్రోగ్రాం కింద ఇక్కడ ఉన్న ఎవరైనా 48 గంటల్లో దేశం విడిచి వెళ్లిపోవాలని కేంద్రం ఆదేశాలు జారీ చేసింది. ఇక మెడికల్ వీసాలకు మాత్రం ఈనెల 29 వరకు గడువు విధించింది. పాకిస్థాన్ నుండి కొత్త వీసాల దరఖాస్తులకు వీసా సర్వీసులు నిలిపివేసినట్లు విదేశాంగ శాఖ తెలిపింది. పాకిస్థాన్ లో ఉన్న భారత పౌరులను తిరిగి వచ్చేసేయమని అడ్వైజరీ జారీ చేసింది. ఇక్కడ…

ఇస్రో మాజీ చైర్మన్ డాక్టర్ కృష్ణస్వామి కస్తూరి రంగన్ నేడు తుది శ్వాస విడిచారు. ఆయన వయస్సు 84 సంవత్సరాలు. అనారోగ్య సమస్యతో ఆయన కన్నుమూశారు. కస్తూరి రంగన్ గతంలో జే.ఎన్.యూ ఛాన్సలర్ గా, కర్ణాటక నాలెడ్జ్ కమిషన్ ఛైర్మన్ గా పనిచేశారు. తొమ్మిదేళ్లపాటు భారత అంతరిక్ష పరిశోధన సంస్థ (ISRO)కి ఆయన చైర్మన్ గా పని చేశారు. 2003-09 మధ్య రాజ్యసభసభ్యుడిగానూ ఉన్నారు. 2004 నుండి 2009 మధ్య కాలంలో బెంగళూరులోని నేషనల్ ఇన్స్టిట్యూట్ ఆఫ్ అడ్వాన్స్డ్ స్టడీస్ కు డైరెక్టర్ గా పనిచేశారు. ఎన్డీయే నేతృత్వంలోని కేంద్ర ప్రభుత్వం తీసుకొచ్చిన నేషనల్ ఎడ్యుకేషన్ పాలసీ ముసాయిదా కమిటీకి ఆయన అధ్యక్షుడిగా వ్యవహరించారు.

పహాల్గాం దానికి సంబంధించి పాకిస్థాన్ తీరును అందరూ దుయ్యబడుతున్న సంగతి తెలిసిందే. క్రీడాకారులు, దేశాధినేతలు భారత్ కు అండగా నిలుస్తున్నారు. భారత క్రికెట్ దిగ్గజం సునీల్ గవాస్కర్ పాక్ తీరును ఎండగట్టారు. గ‌త 78 ఏళ్ల‌లో వాళ్లు సాధించింది ఏమీ లేదని అంటే రాబోయే 78 వేల ఏళ్ల‌కు కూడా ఎటువంటి మార్పు ఉండ‌బోద‌ని పాక్‌కు ప‌రోక్షంగా చుర‌క‌లంటించారు. మ‌రి అలాంట‌ప్పుడు శాంతియుతంగా ఎందుకు జీవించ‌డం లేద‌ని గ‌వాస్క‌ర్ ప్ర‌శ్నించారు. 78 ఏళ్ల‌లో ఒక్క మిల్లీమీట‌ర్‌ భూమి కూడా మార‌లేద‌ని, అంటే రాబోయే 78 వేల ఏళ్ల‌కు కూడా ఎటువంటి మార్పు ఉండ‌బోద‌నుండి పేర్కొన్నారు. ఉగ్రదాడి మృతుల కుటుంబాలకు సంతాపం వ్యక్తం చేశారు. ఇది భారతీయులందరిపైనా ప్రభావం చూపుతుందన్నారు. బెంగళూరు వేదికగా జరిగిన రాయల్ ఛాలెంజర్స్ బెంగళూరు రాజస్థాన్ రాయల్స్ మ్యాచ్ అనంతరం సునీల్ గవాస్కర్ పహాల్గాం ఉగ్రదాడిని ఖండిస్తూ వ్యాఖ్యలు చేశారు.

ఇటీవల జమ్మూ & కాశ్మీర్ లోని పహల్గామ్ ప్రాంతంలో ఉగ్ర‌దాడిలో 26 మంది మృతి చెందిన సంగతి తెలిసిందే.ఈ మేరకు ముంద‌స్తు జాగ్ర‌త్త‌గా తిరుమలలో ఉగ్రవాదులు చొరబడినప్పుడు ఎలా ఎదుర్కోవాలి, భక్తులను ఎలా రక్షించాలి అనే విషయాలను లేపాక్షి స‌ర్కిల్ వ‌ద్ద ఉన్న సుద‌ర్శ‌న్‌ స‌త్రంలో గురువారం సాయంత్రం భద్రతా దళాలు మాక్ డ్రిల్ నిర్వహించాయి.తిరుమలకు వచ్చిన భక్తులను అప్రమత్తం చేసేందుకు ఈ మాక్ డ్రిల్ నిర్వహించినట్లు తెలుస్తుంది.

భారత్ కు అంతర్జాతీయ సమాజం నుండి మద్దతు రోజు రోజుకు పెరుగుతోంది. ఇటీవల జమ్మూకశ్మీర్‌ లోని పహల్గామ్‌ లో జరిగిన ఉగ్రవాద దాడిపై ఫ్రాన్స్ అధ్యక్షుడు ఇమ్మాన్యుయేల్ మేక్రాన్ తీవ్ర దిగ్భ్రాంతి వ్యక్తం చేశారు. ఈ మేరకు భారత ప్రధాని మోడీకి ఆయన ఫోన్ చేసి మాట్లాడారు. అమాయక పౌరుల మృతికి కారణమైన ఈ క్రూరమైన దాడి పట్ల తీవ్ర విచారం వ్యక్తం చేసిన ఆయన తన వ్యక్తిగత సంతాపం తెలిపారు. ఈ కష్ట సమయంలో ఫ్రాన్స్ భారత్‌కు, భారత ప్రజలకు అండగా నిలుస్తుందని మేక్రాన్ హామీ ఇచ్చారు. మిత్రదేశాలతో కలిసి ఉగ్రవాదంపై తమ పోరాటాన్ని కొనసాగిస్తామని ఆయన స్పష్టం చేశారు. ఈ దాడి పూర్తిగా అనాగరిక చర్య అని పేర్కొన్నారు. ఫ్రాన్స్ అధ్యక్షుడు అందించిన మద్దతుకు, సంఘీభావానికి ప్రధాని నరేంద్ర మోడీ కృతజ్ఞతలు తెలిపారు. ఈ దుర్ఘటనకు పాల్పడిన వారిని చట్టం ముందు నిలబెట్టాలనే భారత్ బలమైన సంకల్పంతో ఉందని…

ఏపీ ప్ర‌భుత్వం రాష్ట్రంలో స్పౌజ్ పెన్షన్ల కోసం నేటి నుండి ద‌ర‌ఖాస్తులు స్వీక‌రించ‌నుంది. ఈ కేట‌గిరీ కింద కొత్త‌గా 89,788 మందికి పెన్షన్లు అందించ‌నుంది. ఎన్‌టీఆర్ భ‌రోసా కింద పింఛ‌న్ పొందుతున్న భ‌ర్త చ‌నిపోతే భార్య‌కు త‌దుప‌రి నెల నుండే పెన్షన్ అందించేలా ఈ కేట‌గిరీని తీసుకొచ్చింది. గ‌తేడాది న‌వంబ‌ర్ నుండే దీన్ని అమ‌లు చేస్తోంది. ల‌బ్ధిదారుల‌కు రూ. 4వేల చొప్పున అందిస్తోంది. కాగా, అంత‌కుముందు 2023 డిసెంబ‌ర్ 1 నుండి 2024 అక్టోబ‌ర్ 31 మ‌ధ్య ఉన్న ఇదే కేట‌గిరీకి చెందిన అర్హుల‌కూ పింఛ‌న్ అందించాల‌ని గ్రామీణ పేద‌రిక నిర్మూల‌న సంస్థ తాజాగా ఆదేశాలిచ్చింది. అర్హురాలైన మ‌హిళ‌… భ‌ర్త డెత్ సర్టిఫికెట్ తో పాటు త‌న ఆధార్ కార్డు, ఇత‌ర వివ‌రాల‌ను గ్రామ‌, వార్డు సచివాల‌యాల్లో అందించాల్సి ఉంటుంది. దీంతో నేటి నుంచే ఈ వివ‌రాలు తీసుకోనున్నారు.

అండమాన్ నికోబార్ రాష్ట్రం శ్రీ విజయపురం మున్సిపల్ కౌన్సిల్ ఛైర్ పర్సన్ గా తెలుగుదేశం పార్టీకి చెందిన శ్రీ ఎస్. షాహుల్ హమీద్ ఎన్నిక కావడం సంతోషం కలిగించిందని ఆంధ్రప్రదేశ్ ముఖ్యమంత్రి, తెలుగు దేశం అధినేత చంద్రబాబు అన్నారు. ఈ విజయం దక్కడం కోసం పనిచేసిన అండమాన్ నికోబార్ దీవుల రాష్ట్ర తెలుగుదేశం పార్టీ అధ్యక్షుడు ఎన్.మాణిక్య రావు యాదవ్, టీడీపీ జాతీయ ఉపాధ్యక్షులు, అండమాన్ రాష్ట్ర ఇన్-ఛార్జ్ వి.మాధవ నాయుడు, బీజేపీ రాష్ట్ర అధ్యక్షులు అజోయ్ బైరాగిలకు అభినందనలు. శ్రీవిజయపురం ప్రజలకు ధన్యవాదాలు తెలిపారు.

ఇటీవల కన్నుమూసిన పోప్ ఫ్రాన్సిస్ అంత్యక్రియల్లో పాల్గొనేందుకు భారత బృందం నేడు వాటికన్ సిటీకి బయల్దేరి వెళ్లింది. భారత రాష్ట్రపతి ద్రౌపది ముర్ముతో పాటు కేంద్ర పార్లమెంటరీ వ్యవహారాలు, మైనారిటీ వ్యవహారాల శాఖ మంత్రి కిరణ్ రిజిజు, మైనారిటీ వ్యవహారాల సహాయ మంత్రి జార్జ్ కురియన్, గోవా అసెంబ్లీ డిప్యూటీ స్పీకర్ జాషువా డిసౌజాలతో కూడిన భారత ప్రతినిధి బృందం కూడా వాటికన్‌కు వెళ్లారు. ఏప్రిల్ 21న పోప్ ఫ్రాన్సిస్ (88) కన్నుమూసిన సంగతి తెలిసిందే. ఈ నేపథ్యంలో వాటికన్‌లో ఏప్రిల్ 26న జరగనున్న ఆయన అంత్యక్రియల కార్యక్రమంలో రాష్ట్రపతి ముర్ము పాల్గొంటారు. ఏప్రిల్ 25, 26 తేదీల్లో ఆమె వాటికన్‌ లో పర్యటించనున్నారు. భారత ప్రభుత్వం, ప్రజల తరఫున పోప్ ఫ్రాన్సిస్‌కు నివాళులర్పించి, సంతాపం తెలియజేస్తారని విదేశాంగ శాఖ ఒక ప్రకటనలో పేర్కొంది. ఏప్రిల్ 25న వాటికన్ సిటీలోని సెయింట్ పీటర్స్ బాసిలికా వద్ద దివంగత పోప్‌కు రాష్ట్రపతి పుష్పాంజలి…

ఉగ్రవాద చర్యలను అమెరికా తీవ్రంగా ఖండిస్తున్నట్లు స్పష్టం చేసింది. ఇటీవల జమ్మూకశ్మీర్‌ లోని పహల్గాంలో జరిగిన ఉగ్రవాద దాడిని అమెరికా తీవ్రంగా ఖండించింది. ఈ దాడిని అత్యంత “ఘోరమైన చర్య”గా అభివర్ణిస్తూ, ఉగ్రవాదంపై పోరులో భారత్‌ కు తమ సంపూర్ణ మద్దతు తెలిపింది. తాజాగా వాషింగ్టన్‌లో జరిగిన మీడియా సమావేశంలో అమెరికా విదేశాంగ శాఖ ప్రతినిధి టామీ బ్రూస్ ఈ విషయాన్ని మరోసారి పునరుద్ఘాటించారు. అన్ని రకాలుగా ఈ విషయంలో మేం భారత్‌కు అండగా నిలుస్తామని ఆమె పేర్కొన్నారు. ఇటీవల ప్రెసిడెంట్ డొనాల్డ్ ట్రంప్, విదేశాంగ మంత్రి మార్కో రూబియో చేసిన వ్యాఖ్యలనే మరోసారి నొక్కి చెప్పారు. ఈ దాడిలో ప్రాణాలు కోల్పోయిన వారి కుటుంబాలకు మా ప్రగాఢ సానుభూతి తెలియజేశారు . గాయపడిన వారు త్వరగా కోలుకోవాలని ప్రార్థిస్తున్నట్లు పేర్కొన్నారు . ఈ ఘోరానికి పాల్పడిన వారిని చట్టం ముందు నిలబెట్టాలని బ్రూస్ అన్నారు.

ఐపీఎల్‌ సీజన్ 18 లో రాయ‌ల్ ఛాలెంజ‌ర్స్ బెంగ‌ళూరు (ఆర్‌సీబీ) ఎట్ట‌కేల‌కు తమ సొంత మైదానం చిన్న‌స్వామి స్టేడియంలో విజయాన్ని అందుకుంది. తాజాగా రాజ‌స్థాన్ రాయ‌ల్స్ తో జ‌రిగిన మ్యాచ్‌లో ఆర్‌సీబీ 11 ప‌రుగుల తేడాతో గెలిచింది. 206 ప‌రుగుల ల‌క్ష్యంతో బ‌రిలోకి దిగిన ఆర్ఆర్‌ను 194 ప‌రుగుల‌కే క‌ట్ట‌డి చేసింది. టాస్ ఓడి మొదట బ్యాటింగ్‌ చేసిన ఆర్‌సీబీ నిర్ణీత 20 ఓవ‌ర్ల‌లో 5 వికెట్లు కోల్పోయి 205 పరుగుల భారీ స్కోర్ చేసింది. విరాట్ కోహ్లీ (70), దేవ‌ద‌త్ ప‌డిక్క‌ల్ (50) హాఫ్ సెంచ‌రీల‌తో రాణించారు. ఓపెన‌ర్ ఫిల్ సాల్ట్ (26), టిమ్ డేవిడ్ (23), జితేశ్ శ‌ర్మ (20) పరుగులు చేశారు. ఆర్ఆర్ బౌల‌ర్ల‌లో సందీప్ శ‌ర్మ 2 వికెట్లు తీశారు. అనంత‌రం 206 ప‌రుగుల భారీ ల‌క్ష్య ఛేద‌న‌తో బ‌రిలోకి దిగిన రాజ‌స్థాన్‌కు ఓపెన‌ర్లు జైస్వాల్‌, సూర్య‌వంశీ శుభారంభం అందించారు. జైస్వాల్ 49, ధ్రువ్ జురేల్…