Author: admin

సినిమాలకు సంబంధించి ఎంతో ప్రతిష్ఠాత్మకంగా భావించే ఆస్కార్ పురస్కారాల వేడుక వివరాలను అకాడమీ తెలియజేసింది. 98వ ఆస్కార్ అవార్డుల వేడుక 2026 మార్చి 15న జరగనున్నట్లు అకాడమీ వెల్లడించింది. లాస్ ఏంజెలెస్‌లోని డాల్బీ థియేటర్ లో ఈ అవార్డుల వేడుక జరగనుండగా, జనవరి 2025 నుండి డిసెంబర్ వరకు విడుదలైన మూవీలు ఆస్కార్ పురస్కారాల కోసం పోటీ పడనున్నాయి. అయితే సంగీతం విభాగంలో మాత్రం తుది గడువు ఈ ఏడాది అక్టోబర్ 15గా నిర్ణయించడం జరిగిందని తెలిపింది. అయితే ఈసారి కొన్ని కొత్త నిబంధనలను అకాడమీ తీసుకుంటోంది. ఆస్కార్ పోటీ జాబితాను 2026 జనవరి 22న తెలుపనున్నారని అకాడమీ ఆఫ్ మోషన్ పిక్చర్స్ ఆర్ట్స్ అండ్ సైన్సెస్ తెలిపింది. పలు కేటగిరీల్లో ఓటింగ్ విధానంలో మార్పులు చేసినట్లు తెలిపింది. నామినేట్ కాబడిన ప్రతి సినిమా అకాడమీ సభ్యులు ఖచ్చితంగా చూస్తారని తెలిపింది. ఈసారి అచీవ్ మెంట్ ఇన్ కాస్టింగ్ అనే విభాగాన్ని…

మహిళల గ్రాండ్ ప్రీ చెస్ టోర్నమెంట్ లో భారత గ్రాండ్ మాస్టర్ కోనేరు హంపి టైటిల్ వైపు అడుగులు వేస్తోంది. తాజాగా ఏడో రౌండ్ లో 55 ఎత్తుల్లో చైనాకు చెందిన జు జినెర్ పై విజయం సాధించింది. మరో భారత క్రీడాకారిణి ద్రోణవల్లి హారిక రష్యాకు చెందిన పొలీనా షవలోవాతో 43 ఎత్తుల్లో డ్రా చేసుకుంది. దివ్య దేశముఖ్ 42 ఎత్తుల్లో మంగోలియాకు చెందిన బత్కుయుగ్ పై విజయం సాధించగా.. రష్యాకు చెందిన అలీనా కలిన్స్కయా తో వైశాలి పాయింట్ షేర్ చేసుకుంది. మరో రెండు రౌండ్లు మిగిలున్న ఈ టోర్నమెంట్ లో కోనేరు హంపి 5.5 పాయింట్లతో ముందంజలో ఉంది. దివ్య దేశముఖ్ (5 పాయింట్లు) రెండు, హారిక (3.5 పాయింట్లు) నాలుగో స్థానాల్లో ఉన్నారు.

వరల్డ్ కప్ షూటింగ్ స్టేజ్-2 టోర్నమెంట్ లో భారత్ కు మరో మెడల్ లభించింది. మహిళల 25 మీటర్ల పిస్టల్ లో సిమ్రన్ ప్రీత్ కౌర్ బ్రార్ సిల్వర్ మెడల్ సాధించింది. ఫైనల్ లో ఆమె 33 పాయింట్లతో సెకండ్ ప్లేస్ లో నిలిచింది. చైనా షూటర్ సన్ యుజీ 34 పాయింట్లతో అగ్రస్థానంలో నిలిచి గోల్డ్ మెడల్ గెలిచింది. కేవలం ఒక్క పాయింట్ తేడాతో భారత షూటర్ సిల్వర్ తో సరిపెట్టుకుంది. మరో చైనా షూటర్ యావో కియాన్ గ్జున్ కాంస్యం గెలిచింది. ఇక క్వాలిఫైయింగ్ లో (585) ద్వితీయ స్థానంలో నిలిచిన స్టార్ షూటర్ మను బాకర్ ఫైనల్ లో 22 పాయింట్లతో నాలుగో స్థానంలో నిలిచింది.

దేశీయ స్టాక్ మార్కెట్లు ఈ వారాన్ని భారీ లాభాలతో ప్రారంభించాయి. బాంబే స్టాక్ ఎక్స్ చేంజ్ సూచీ సెన్సెక్స్ 855 పాయింట్లు లాభపడి 79,408 వద్ద స్థియపడగా… నేషనల్ స్టాక్ ఎక్స్ చేంజ్ సూచీ నిఫ్టీ కూడా దాదాపు 273 పాయింట్ల లాభంతో 24,125 వద్ద స్థిరపడింది ముగిసింది. డాలర్ తో రూపాయి మారకం విలువ రూ.85.38గా కొనసాగుతోంది. బ్యాంకింగ్ షేర్లు రాణించాయి. సెన్సెక్స్ 30లో ఇండస్ ఇండ్ బ్యాంక్, టెక్ మహీంద్రా, పవర్ గ్రిడ్ కార్పొరేషన్, మహీంద్రా అండ్ మహీంద్రా షేర్లు ప్రధానంగా లాభపడ్డాయి. భారత్ అమెరికా ద్వైపాక్షిక వాణిజ్య ఒప్పందాలు కుదిరే అవకాశం ఉన్నట్లు వస్తున్న వార్తల నేపథ్యంలో ఇన్వెస్టర్లు కొనుగోళ్లకు మొగ్గు చూపడం కూడా మార్కెట్ కు కలిసొచ్చింది.

టాలీవుడ్లో క్లాస్ డైరెక్టర్‌గా పేరుగాంచిన శేఖర్ కమ్ముల తాజాగా మాస్ టచ్‌తో ప్రేక్షకులను ఆకట్టుకుంటున్నారు. ధనుష్, నాగార్జున, రష్మిక మందన్న ప్రధాన పాత్రల్లో రూపొందుతున్న ‘కుబేర’ సినిమా నుంచి ‘పోయిరా మామ..’ అనే తొలి పాటను రిలీజ్ చేశారు. దేవిశ్రీ ప్రసాద్ అందించిన ఈ మాస్ బీట్‌కి భాస్కరభట్ల లిరిక్స్ రాయగా,హీరో ధనుష్ స్వయంగా పాడి తన టాలెంట్‌తో ఆకట్టుకున్నాడు.పాటలో ధనుష్ వేసిన ఎనర్జిటిక్ డ్యాన్స్ మూవ్స్‌ను శేఖర్ వి.జె అందించిన కొరియోగ్రఫీ అద్భుతంగా చూపించింది. అయితే ఈ పాట స్పెషాలిటీ, శేఖర్ కమ్ముల తొలిసారి మాస్ స్టెప్పులు వేసిన సందర్భం కావడం విశేషం.డైరెక్టర్ డ్యాన్స్ చేస్తుండటంతో వీడియో నెట్టింట వైరల్ అవుతోంది.శేఖర్ కమ్ముల డ్యాన్స్ చేసిన వేళ, అభిమానులలో నూతన జోష్ నిండింది. ప్రస్తుతం ఈ పాట యూట్యూబ్‌లో ట్రెండింగ్‌లో ఉంది.తమిళం, మలయాళం, కన్నడ, హిందీ భాషల్లో కూడా రిలీజ్ కానున్న ‘కుబేర’పై భారీ అంచనాలు నెలకొన్నాయి.ధనుష్ ఎనర్జీ, పాట…

యంగ్ టైగర్ ఎన్టీఆర్, పాన్ ఇండియా డైరెక్టర్ ప్రశాంత్ నీల్ కాంబినేషన్‌లో వస్తున్న భారీ యాక్షన్ మూవీ షూటింగ్ ఎట్టకేలకు ప్రారంభమైంది.గతంలో ‘ఆర్ఆర్ఆర్’, ‘దేవర’ సినిమాలతో ఎన్టీఆర్ పాన్ ఇండియా స్థాయిలో పేరు తెచ్చుకోగా,ఇప్పుడు ఈ ప్రాజెక్ట్‌పై భారీ అంచనాలు నెలకొన్నాయి.ఏప్రిల్ 22న ఎన్టీఆర్ కర్ణాటకకు వెళ్లి షూటింగ్‌లో పాల్గొనగా, ఎయిర్‌పోర్టులో ఆయన లుక్ ఫ్యాన్స్‌ను ఆకట్టుకుంది.స్టైలిష్ షర్ట్‌, కళ్లద్దాలు వేసుకున్న ఎన్టీఆర్ కొత్తగా మెరిశాడు.మైత్రీ మూవీ మేకర్స్,ఎన్టీఆర్ ఆర్ట్స్ బ్యానర్లపై నవీన్ యెర్నేని, రవిశంకర్,కళ్యాణ్ రామ్ నిర్మిస్తున్న ఈ సినిమాకు సంబంధించిన వీడియోను చిత్ర బృందం “మారణహోమానికి ముందు ప్రశాంతత” అంటూ పోస్టు చేసింది.ప్రస్తుతం కర్ణాటకలో భారీ యాక్షన్ సన్నివేశాల చిత్రీకరణ జరుగుతోంది.ప్రశాంత్ నీల్ ఈ సినిమాలో ఎన్టీఆర్‌ను పూర్తిగా కొత్త మాస్ అవతారంలో చూపించబోతున్నారు.ఇప్పటికే హైదరాబాద్‌లోని రామోజీ ఫిల్మ్ సిటీలో మొదటి షెడ్యూల్ పూర్తయింది.ఈ చిత్రం తారక్‌ కెరీర్‌లో మరో మైలురాయి అవుతుందన్న నమ్మకంతో అభిమానులు ఎదురు చూస్తున్నారు.…

చిత్రసీమలో తనకు ఎదురైన చేదు అనుభవాలను నటి మాళవిక మోహన్ ఓ ఇంటర్వ్యూలో వెల్లడించారు.ముంబైలో పుట్టి పెరిగిన మాళవిక,దక్షిణ భారత చిత్రాల్లో అధికంగా అవకాశాలు పొందారు.అయితే,అక్కడ ఎక్కువగా దర్శక నిర్మాతలు తన నాభిపై ఫోకస్ పెడతారని,నాభిని జూమ్ చేసి చూపించడంపై తాను అసహనం వ్యక్తం చేశానని పేర్కొన్నారు.క్లోజ్‌అప్ షాట్లతో ఇబ్బంది పడతానని స్పష్టం చేశారు.అంతేగాక,ముంబైలో ఓసారి లోకల్ ట్రైన్‌లో స్నేహితులతో కలిసి ప్రయాణిస్తున్న సమయంలో ఓ వ్యక్తి అసభ్య ప్రవర్తనపై ఆవేదన వ్యక్తం చేశారు.కంపార్ట్‌మెంట్ బయట నిలబడి “ముద్దిస్తావా?” అంటూ సంకేతాలు చేయడం చూసి తాను భయపడ్డానని చెప్పారు.తన కెరీర్ ప్రారంభంలో ‘చాలా సన్నగా ఉన్నావు’ అని విమర్శలు ఎదురయ్యాయని, తర్వాత కొంచెం బొద్దుగా మారినా అదే రీతిలో ట్రోలింగ్‌కు గురైనట్లు తెలిపారు. “దక్షిణాదిలో హీరోయిన్ కాస్త బొద్దుగా ఉంటేనే అభిమానులకు నచ్చుతుంది. అందుకే హీరోయిన్ బొడ్డు మీదే ఎక్కువ ఫోకస్ పెడతారు. హీరోయిన్స్ కూడా తమ బొడ్డు కనిపించేలా ఫొటోలు…

బాలీవుడ్‌ నటుడు అభినవ్‌ శుక్లా లారెన్స్‌ బిష్ణోయ్‌ గ్యాంగ్‌ నుంచి తనకు హత్య బెదిరింపులు వచ్చాయని వెల్లడించడంతో ఒక్కసారిగా కలకలం రేగింది. సోషల్‌ మీడియాలో ఆయన షేర్‌ చేసిన మెసేజ్‌లో, ఒక వ్యక్తి తనను బిష్ణోయ్‌ గ్యాంగ్‌ సభ్యుడిగా పరిచయం చేస్తూ, సల్మాన్ ఖాన్ ఇంటిపై కాల్పులు చేసినట్లే ఆయన ఇంటిపైనా జరుపుతామని హెచ్చరించాడు. అలాగే, బిగ్‌బాస్‌ కంటెస్టెంట్‌ అసిమ్ రియాజ్‌పై గౌరవంగా మాట్లాడాలంటూ చివరి హెచ్చరికగా పేర్కొన్నాడు. ఈ సందేశాన్ని పంజాబ్‌, చండీగఢ్‌ పోలీసులకు ట్యాగ్ చేసిన అభినవ్‌, తనతో పాటు కుటుంబానికి రక్షణ కల్పించాలని కోరారు. ఇటీవలి కాలంలో అభినవ్ భార్య రుబీనా, అసిమ్ మధ్య వాగ్వాదం జరగడంతో, అభినవ్ అసిమ్‌పై విమర్శలు చేయగా, అతడి అభిమానుల నుంచి బెదిరింపులు వస్తున్నాయని తెలిపారు. తాజాగా వచ్చిన మెసేజ్ కూడా అభిమానులే పంపినట్లు అభినవ్ ఆరోపించారు. ఈ ఘటనపై అభిమానుల్లోనూ, సినీ వర్గాల్లోనూ భయం నెలకొంది. పోలీసులు కేసును దర్యాప్తు…

భారత అంతరిక్ష పరిశోధన సంస్థ ఇస్రో మరో గొప్ప విజయాన్ని నమోదు చేసింది.PSLV-C60/SpaDeX మిషన్‌లో భాగంగా ఉపగ్రహాల రెండో డాకింగ్‌ ప్రక్రియను విజయవంతంగా పూర్తి చేసింది. ఈ విషయాన్ని కేంద్ర మంత్రి జితేంద్ర సింగ్ సోమవారం ఉదయం ఎక్స్‌ వేదికగా వెల్లడించారు. గతేడాది డిసెంబర్ 30న శ్రీహరికోట నుండి పీఎస్‌ఎల్వీ-C60 ద్వారా SpaDeX మిషన్‌ను ప్రయోగించిన సంగతి తెలిసిందే. 220 కిలోల బరువున్న SDX-01 (చేజర్), SDX-02 (టార్గెట్) శాటిలైట్లను 475 కిలోమీటర్ల వృత్తాకార కక్ష్యలోకి ప్రవేశపెట్టింది. మొదటిసారిగా ఈ శాటిలైట్లు జనవరి 16న అనుసంధానమయ్యాయి. అనంతరం మార్చి 13న వాటిని అన్‌డాకింగ్ చేశారు. తాజాగా రెండో డాకింగ్ ప్రక్రియను కూడా సాఫల్యంగా ముగించింది ఇస్రో. రాబోయే రెండు వారాల్లో మరిన్ని ప్రయోగాలు నిర్వహించనున్నట్లు మంత్రి తెలిపారు. ఈ విజయంతో భారత్ డాకింగ్ టెక్నాలజీలో కీలకమైన another leap సాధించింది.

రాష్ట్ర శాసనసభలో రెండుసార్లు ఆమోదం పొందిన బిల్లులకు రాష్ట్రపతి ఆమోదం విషయంలో సుప్రీంకోర్టు తాజాగా గడువు నిర్దేశించిన తీర్పుపై దేశ రాజకీయాల్లో చర్చరేగింది. ఈ తీర్పుపై ఉపరాష్ట్రపతి జగదీప్ ధన్‌ఖడ్,బీజేపీ నేతలు తీవ్ర అసంతృప్తి వ్యక్తం చేశారు. న్యాయవ్యవస్థ పాలనా వ్యవహారాల్లో జోక్యం చేస్తోందంటూ విమర్శించారు.ఈ వ్యాఖ్యల నేపథ్యంలో సుప్రీంకోర్టు పరోక్షంగా స్పందించింది.పశ్చిమబెంగాల్‌లో వక్ఫ్ సవరణ చట్టానికి సంబంధించి ఇటీవల జరిగిన ఘర్షణల నేపథ్యంలో రాష్ట్రపతి పాలన విధించాలంటూ దాఖలైన పిటిషన్‌పై జస్టిస్ బీఆర్ గవాయ్ ధర్మాసనం వ్యాఖ్యానించింది. ‘‘మేమే పాలనలో జోక్యం చేస్తామంటూ విమర్శలు చేస్తున్న పరిస్థితుల్లో,ఇప్పుడు మేమే రాష్ట్రపతికి ఆదేశాలు ఇవ్వాలా?’’ అంటూ ఘాటుగా ప్రశ్నించింది.ధన్‌ఖడ్ వ్యాఖ్యల్లో, ‘‘సుప్రీంకోర్టు ప్రజాస్వామ్య వ్యవస్థపై అణుక్షిపణి ప్రయోగిస్తోంది.న్యాయమూర్తులు శాసనాలు చేస్తారు,పాలనా విధులూ నిర్వర్తిస్తున్నారు.పార్లమెంట్ స్థానాన్ని అలవరచుకుంటున్నారని అన్నారు.బీజేపీ ఎంపీ నిషికాంత్ దూబే మరింత ముందుకెళ్లి, ‘‘సుప్రీంకోర్టు చట్టాలు చేస్తే పార్లమెంటును మూసేయాలి’’ అంటూ వ్యాఖ్యానించారు.