Author: admin

ఏపీ మంత్రి నారాయణ కుమార్తె, ఎమ్మెల్యే గంటా శ్రీనివాసరావు కోడలు డాక్టర్ శరణి రచించిన మైండ్ సెట్ షిఫ్ట్ పుస్తకావిష్కరణ కార్యక్రమానికి ఏపీ సీఎం చంద్రబాబు, అగ్ర నటుడు మెగాస్టార్ చిరంజీవి హాజరయ్యారు. సీఎం చంద్రబాబు ఈ పుస్తకాన్ని ఆవిష్కరించి మొదటి కాపీని చిరంజీవికి అందించారు. అనంతరం, రచయిత డాక్టర్ శరణికి, మంత్రి నారాయణకు, గంటా శ్రీనివాసరావుకు కూడా కాపీలు అందించారు. అంతకుముందు, వేదికపై జ్యోతి ప్రజ్వలన చేశారు. ఈ కార్యక్రమం విజయవాడ లబ్బీపేటలోని ఎస్ఎస్ కన్వెన్షన్ లో జరిగింది. వేదికపై చిరంజీవి, చంద్రబాబు పలు ఆసక్తికర విషయాలు చెప్పుకొచ్చారు.

ఇటీవల జమ్ముకాశ్మీర్ లోని పహాల్గాంలో జరిగిన ఉగ్రవాదదాడి నేపథ్యంలో భారత్ పాకిస్థాన్ దేశాల మధ్య ఉద్రిక్తకర పరిస్థితులు నెలకొన్న సంగతి తెలిసిందే. ఇరుదేశాల్లో చోటుచేసుకుంటున్న పరిణామాల నేపథ్యంలో కేంద్ర హోంమంత్రి అమిత్ షా, కేంద్ర విదేశాంగ శాఖ మంత్రి జైశంకర్ రాష్ట్రపతి ద్రౌపదీ ముర్ముతో భేటీ కావడం కీలక ప్రాధాన్యం సంతరించుకుంది. పహల్గాం ఉగ్ర దాడి ఘటనకు సంబంధించి పలు అంశాలను రాష్ట్రపతికి వివరించినట్లు తెలుస్తోంది. ఈ భేటీకి సంబంధించి ఫొటోను రాష్ట్రపతి తన ‘ఎక్స్’ ఖాతాలో షేర్ చేశారు. ఇక భారత్ కు అంతర్జాతీయ సమాజం నుండి మద్దతు లభిస్తోంది. ఉగ్రవాదానికి వ్యతిరేకంగా పోరాడడంలో ఇతర దేశాలు మద్దతుగా నిలుస్తున్నాయి.

పెహల్గాంలో ఉగ్రవాదుల దాడిలో కావలి వాసి మధుసూదన రావు సోమిశెట్టి హతమయ్యారు. కాగా , వారి భౌతిక కాయానికి శ్రద్ధాంజలి ఘటించి వారి కుటుంబ సభ్యులను ఏపీ డిప్యూటీ సీఎం పవన్ కళ్యాణ్ పరామర్శించారు. ఈ కార్యక్రమంలో రాష్ట్ర మంత్రులు నాదెండ్ల మనోహర్, ఆనం రామనారాయణ రెడ్డి , సత్యకుమార్ , ఎమ్మెల్యేలు సోమిరెడ్డి చంద్రమోహన్ రెడ్డి , దగుమాటి వెంకటకృష్ణారెడ్డి పాల్గొన్నారు. ఈ సందర్భంగా పవన్ మీడియాతో మాట్లాడారు. ఉగ్రదాడిని పవన్ తీవ్రంగా ఖండించారు.ఒక చిన్న బిడ్డ ముందు తన తండ్రిని చంపిన దారుణం ఇదని ఉగ్రవాదులు ఎక్కడ ఉన్నా నిర్దాక్షణ్యంగా ఏరెయ్యాలని పేర్కొన్నారు.

దేశీయ స్టాక్ మార్కెట్ల వరుస లాభాలకు బ్రేక్ పడింది. వరుసగా 7 సెషన్లలో లాభాలతో దూసుకెళ్లిన సూచీలు నేటి ట్రేడింగ్ లో నష్టాలతో ముగించాయి. వరుస లాభాల నేపథ్యంలో ఇన్వెస్టర్లు లాభాల స్వీకరణకు మొగ్గు చూపడం, అంతర్జాతీయ మార్కెట్ల బలహీన సంకేతాలతో సూచీలు నష్టాల బాటలో పయనించాయి. బాంబే స్టాక్ ఎక్స్ చేంజ్ సూచీ సెన్సెక్స్ 315 పాయింట్లు నష్టపోయి 79,801 వద్ద స్థిరపడగా… నేషనల్ స్టాక్ ఎక్స్ చేంజ్ సూచీ నిఫ్టీ కూడా దాదాపు 82 పాయింట్ల నష్టంతో 24,246 వద్ద స్థిరపడింది ముగిసింది. డాలర్ తో రూపాయి మారకం విలువ రూ.85.35గా కొనసాగుతోంది. సెన్సెక్స్ 30లో ఇండస్ ఇండ్ బ్యాంక్, అల్ట్రాటెక్ సిమెంట్, టెక్ మహీంద్రా, సన్ ఫార్మా షేర్లు లాభాలతో ముగిశాయి.

స్థానిక సంస్థలు స్థానిక ప్రభుత్వాలుగా మారాలని ఏపీ డిప్యూటీ సీఎం పవన్ కళ్యాణ్ అన్నారు. మంగళగిరిలో జాతీయ పంచాయతీరాజ్ దినోత్సవంలో పాల్గొని, దిశానిర్దేశం చేశారు. పంచాయతీరాజ్ శాఖ ద్వారా రాష్ట్రవ్యాప్తంగా జరుగుతున్న అభివృద్ధి పనులను వివరించి, భవిష్యత్ ప్రణాళికలను తన ప్రసంగం ద్వారా వెల్లడించారు. ఆర్థిక, రాజకీయ, సామాజిక పటుత్వం అవసరమని పేర్కొన్నారు. స్వయంప్రతిపత్తి, స్వావలంబనతో ముందుకు సాగాలని పిలుపునిచ్చారు. పంచాయతీరాజ్, గ్రామీణాభివృద్ధి శాఖల్లో సమూల మార్పులు సూచించారు.రాజకీయాలకు అతీతంగా పంచాయతీలకు నేరుగా నిధులు విడుదల చేశారని పేర్కొన్నారు. ఉపాధి కూలీలను ఇక మీదట ఉపాధి శ్రామికులుగా పిలుద్దామని అన్నారు. పంచాయతీల స్థలాలు, ఆస్తులు, భవనాలకు ఆడిట్ జరగాలని స్పష్టం చేశారు. ప్రతి పంచాయతీలో జాతీయ సమగ్రత ప్రాంగణం, స్థూపం నిర్మించేలా ప్రణాళిక వేస్తున్నట్లు వివరించారు. తానెప్పుడూ గ్రామీణ మనస్తత్వం ఉన్న సగటు వ్యక్తినేనని పేర్కొన్నారు. పంచాయతీరాజ్ శాఖకు సంబంధించిన వివిధ విభాగాలలో ప్రతిభ చూపించిన అధికారులకు అవార్డులు అందించారు. ఇక…

అమరావతి పునర్నిర్మాణ ప్రారంభోత్సవ కార్యక్రమానికి ప్రధాని మోడీ హాజరుకానున్న సంగతి తెలిసిందే. కాగా, ప్రధాని పర్యటనకు సంబంధించిన ఏర్పాట్లను ఉన్నతాధికారులతో కలిసి మంత్రి నారాయణ పరిశీలించారు. ప్రధాని పర్యటన ఏర్పాట్లు 90 శాతం వరకు పూర్తయ్యాయని తెలిపారు. వచ్చే నెల 2న ప్రధాని చేతుల మీదుగా అమరావతి అభివృద్ధి పనులు పునఃప్రారంభం కానున్నాయి. సభకు వచ్చే మార్గాల్లోని 8 ప్రధాన రహదారులను మరియు 11 పార్కింగ్ ప్రదేశాలను గుర్తించాం.కేవలం 58 రోజుల్లో 34,000 ఎకరాల భూమిని రైతులు ప్రభుత్వానికి సమర్పించారు.సభ వేదిక వద్ద రైతులను గౌరవించాలని సీఎం ఆదేశించారని తెలిపారు. సభ కోసం మొత్తం మూడు స్టేజ్‌లు ఏర్పాటు చేస్తున్నాం. అదనపు భూముల కోసం స్థానిక ప్రజాప్రతినిధులతో చర్చలు కొనసాగుతున్నాయి.ప్రజలు ల్యాండ్ పూలింగ్‌కు అంగీకరిస్తే కొనసాగిస్తాం, లేదంటే భూసేకరణ అంశాన్ని పరిగణనలోకి తీసుకుంటామని చెప్పారు. రాబోయే 100 సంవత్సరాల దృష్టిలో పెట్టుకొని సీఎం గారు అమరావతిని అభివృద్ధి చేస్తున్నారని పేర్కొన్నారు.

ఉగ్రవాదులను వెతికి మరీ శిక్షిస్తామని ప్రధాని మోడీ అన్నారు. వారికి మద్దతుగా నిలుస్తున్న వారికి కూడా కలలో కూడా ఊహించని విధంగా కఠిన శిక్ష విధిస్తామని స్పష్టం చేశారు. బీహార్ లో తాజాగా ఆయన పర్యటించారు. జాతీయ పంచాయతీ రాజ్ దినోత్సవం సందర్భంగా మధుబనీ లో ఏర్పాటు చేసిన కార్యక్రమంలో పాల్గొన్నారు. ఈ సందర్భంగా పహల్గాంలో జరిగిన ఉగ్రవాదదాడిని ప్రస్తావించారు. ఉగ్రవాదులకు గట్టి వార్నింగ్ ఇచ్చారు. వారు భారీ మూల్యం చెల్లించుకుంటారని హెచ్చరించారు. ప్రసంగం ప్రారంభించే ముందు పహాల్గాం మృతులకు నివాళులు అర్పించారు. ప్రధాని మోడీ సహా అందరూ మౌనం పాటించి అంజలి ఘటించారు. అనంతరం దాడి గురించి ప్రస్తావించారు. ఈ కష్ట సమయంలో దేశమంతా బాధిత కుటుంబాలకు అండగా ఉంటుందని భరోసానిచ్చారు. గాయపడిన వారిని ఆదుకునేందుకు అన్ని విధాల కేంద్రం ప్రయత్నాలు చేస్తుందని పేర్కొన్నారు. బాధితులకు న్యాయం చేసేందుకు కృషి చేస్తున్నట్లు తెలిపారు. ఇది కేవలం టూరిస్ట్ లపై మాత్రమే…

ఇటీవల టీడీపీ నేత ముప్పవరపు వీరయ్య చౌదరి దారుణ హత్యకు గురైన సంగతి తెలిసిందే. కాగా , టీడీపీ అధినేత సీఎం చంద్రబాబు ప్రకాశం జిల్లా అమ్మనబ్రోలు గ్రామం వెళ్లి ఆయన భౌతికకాయానికి ఘననివాళి అర్పించారు. ఆయన కుటుంబ సభ్యులను ఓదార్చి పార్టీపరంగా అండగా ఉంటామని ధైర్యం చెప్పారు. టీడీపీ నాయకుడు ముప్పవరపు వీరయ్య చౌదరి దారుణ హత్యకు గురికావడం నన్ను కలచివేసిందని పార్టీ కోసం అంకితభావంతో పని చేసే ముప్పవరపు వీరయ్య చౌదరి లేని లోటు తీర్చలేనిదని ఆవేదన వ్యక్తం చేశారు. హంతకులను కఠినంగా శిక్షిస్తామని చంద్రబాబు స్పష్టం చేశారు.

జమ్మూకశ్మీర్‌లోని పహల్గామ్‌లో పర్యాటకులపై ఉగ్రవాదుల దాడిపై దేశంలోని చాలా మంది ప్రముఖులు, క్రికెటర్లు తమ సంతాపాన్ని వ్యక్తం చేశారు. ఈ విషయంపై పాకిస్థాన్ క్రికెటర్ కూడా స్పందించారు. ఈ పహల్గాం ఉగ్రదాడిని పాకిస్థాన్ మాజీ క్రికెటర్ డానిష్ కనేరియా ఖండించారు. దీనితో పాటు ఆయన పాకిస్థాన్ ప్రధాని షెహబాజ్ షరీఫ్‌ పై తీవ్రమైన ఆరోపణలు చేశారు. పహల్గాం ఉగ్రవాద దాడిలో పాకిస్థాన్‌ ప్రమేయం లేకపోతే ప్రధానమంత్రి షెహబాజ్ షరీఫ్ ఇంకా దానిపై ఎందుకు స్పందించలేదు? మీరు అకస్మాత్తుగా సైన్యాన్ని ఎందుకు అప్రమత్తంగా ఉంచారు? ఎందుకంటే నిజం ఏమిటో మీకు తెలుసు. మీరు ఉగ్రవాదులను పెంచి పోషిస్తున్నారు. మద్దతు ఇస్తున్నారు. మీరు సిగ్గుపడాలి.’ అంటూ డానిష్ కనేరియా రాసుకొచ్చారు.

భారత మాజీ క్రికెటర్, ప్రస్తుతం భారత జట్టు ప్రధాన కోచ్ గౌతమ్ గంభీర్ కు బెదిరింపు మెయిల్స్ వచ్చాయి. కాగా, ఈ విషయాన్ని ఆయన పోలీసుల దృష్టికి తీసుకువెళ్లారు. ‘ఐ కిల్ యూ’ అంటూ రెండు బెదిరింపు మెయిల్స్ వచ్చాయని ఆయన ఢిల్లీ పోలీసులకు కంప్లైంట్ చేశారు. దీంతో సైబర్ సెల్ దీనిపై ఎంక్వైరీ చేపట్టింది. ఇక తనకు రక్షణ కల్పించాలని గంభీర్ కోరారు. ఐసీస్ కాశ్మీర్ నుండి ఈ బెదిరింపులు వచ్చినట్లు తెలుస్తోంది. ఇటీవల పహాల్గాం ఉగ్రదాడి ఘటనపై గంభీర్ స్పందించిన సంగతి తెలిసిందే. ఉగ్రదాడిలో మరణించిన వారి కోసం ప్రార్థిద్దాం. ఘటనకు బాధ్యులు తప్పకుండా భారీ మూల్యం చెల్లించుకుంటారని భారత్ తిప్పికొడుతుందని అన్నారు.