ఐపీఎల్ 18 లో భాగంగా బెంగళూరు లోని చిన్నస్వామి స్టేడియం వేదికగా తాజాగా జరిగిన రాయల్ ఛాలెంజర్స్ బెంగళూరు – పంజాబ్ కింగ్స్ మ్యాచ్ లో పంజాబ్ కింగ్స్ 5 వికెట్ల తేడాతో విజయం సాధించింది. వర్షం కారణంగా మ్యాచ్ 14 ఓవర్లకు కుదించారు. మొదటగా బ్యాటింగ్ చేసిన బెంగళూరు జట్టు 14 ఓవర్లలో 9 వికెట్లు కోల్పోయి 95 పరుగులకే పరిమితమయింది. టిమ్ డేవిడ్ 50 నాటౌట్ (26; 5×4, 3×6) హాఫ్ సెంచరీ చేసి అద్భుతమైన ఆటతీరుతో ఆకట్టుకున్నాడు. రజత్ పటేదార్ (23) మిగిలిన బ్యాటర్లు రెండంకెల స్కోర్ చేయలేకపోయారు. పంజాబ్ బౌలర్లలో అర్షదీప్ సింగ్, జాన్సన్, చాహాల్, హార్ ప్రీత్ బ్రార్ రెండేసి వికెట్లు పడగొట్టారు. బార్ట్లెట్ ఒక వికెట్ తీశాడు. ఇక స్వల్ప లక్ష్యాన్ని పంజాబ్ కింగ్స్ 12.1 ఓవర్లలో 5 వికెట్లు కోల్పోయి ఛేదించింది. నేహాల్ వధేరా 33 నాటౌట్ (19; 3×4, 3×6)…
Author: admin
స్వర్ణాంధ్ర-2047 సంకల్పంలో భాగంగా స్వచ్ఛ ఆంధ్ర కార్యక్రమం ప్రతి నెలా 3వ శనివారం నాడు జరుపుకుంటున్నామని ఏపీ సీఎం చంద్రబాబు అన్నారు. ప్రతి కార్యక్రమం స్ఫూర్తివంతంగా ఉండేందుకు నెల నెలా ఒక్కో థీమ్ ను ఎంచుకుని నిర్వహిస్తున్నట్లు తెలిపారు. ఈసారి ‘e-వ్యర్థాల సేకరణ, వాటిని సురక్షిత పద్ధతుల్లో రీసైకిల్ చేయడం’ థీమ్ ను ఎంచుకున్నట్లు పేర్కొన్నారు. చెత్త నుంచి సంపద సృష్టించడం ద్వారా సర్క్యులర్ ఎకానమీ సాధ్యం అవుతుందని వివరించారు. ఈ స్వచ్ఛ ఆంధ్ర కార్యక్రమంలో రాష్ట్ర స్థాయి అధికారులు, జిల్లా కలెక్టర్లు, ప్రజా ప్రతినిధులు, ఎమ్మెల్యేలు, మంత్రులు, ఎన్జీఓలు, కార్పొరేట్ సంస్థలు, విద్యార్థులు, యువత స్వచ్ఛందంగా పాల్గొనాలని కోరారు. ఎక్కడికక్కడ ఇ-వేస్ట్ సేకరణ కేంద్రాలు ఏర్పాటు చేయాలని పిలుపునిచ్చారు. వీటి నిర్వహణకు గ్రామీణ, పట్టణ ప్రాంతాల్లోని ఎస్‌హెచ్‌జి సభ్యులను గుర్తించి.. వారి సేవలను వినియోగించుకోవాలని చెప్పారు. ‘రెడ్యూస్, రీయూజ్, రీ సైకిల్” అనేది e – వేస్ట్ కలెక్షన్ సెంటర్ల నినాదం కావాలని…
గుంటూరు జిల్లా, లాంలో ఒక ప్రముఖ సంస్థ వారు ఏర్పాటు చేసిన పద్మ విభూషణ్ శ్రీ రతన్ టాటా విగ్రహాన్ని ఈరోజు ఉదయం ఆంధ్రప్రదేశ్ శాసనసభ డిప్యూటీ స్పీకర్ రఘురామ కృష్ణంరాజు ఆవిష్కరించారు. రతన్ టాటా కేవలం పారిశ్రామికవేత్త మాత్రమే కాదని ఆయన గొప్ప మానవతావాది అని ఈసందర్భంగా కొనియాడారు. విద్య, వైద్య రంగాల్లో ఆయన చేసిన సేవలు అసామాన్యమని తెలిపారు. దేశానికి, ప్రజలకు రతన్ టాటా చేసిన సేవలను నిత్యం గుర్తుంచుకోవాల్సిన అవసరం ఉందన్నారు. ఆయనకు భారతరత్న ఇవ్వాలని నాలుగేళ్ల క్రితమే ప్రధానికి లేఖ రాసినట్లు రఘురామ పేర్కొన్నారు. అవార్డు ఇచ్చినా, లేకున్నా ఆయన భారతీయుల హృదయాల్లో రత్నమేనని అన్నారు. సాధారణంగా ఎక్కడైనా వెంచర్లలో దేవుళ్ల విగ్రహాలు పెడతారని అయితే ఇక్కడ రతన్ టాటా విగ్రహం పెట్టిన యాజమాన్యాన్ని రఘురామ ఈసందర్భంగా అభినందించారు.
అమెరికా ప్రెసిడెంట్ డొనాల్డ్ ట్రంప్ ప్రభుత్వంలోని డిపార్ట్మెంట్ ఆఫ్ గవర్నమెంట్ ఎఫీషియన్సీ (DOGE) విభాగాధిపతి, ప్రముఖ పారిశ్రామికవేత్త ఎలాన్ మస్క్ తో భారత ప్రధాని నరేంద్ర మోడీ ఫోన్ లో మాట్లాడారు. ఈ విషయాన్ని సోషల్ మీడియా ‘ఎక్స్’ వేదికగా ప్రధాని మోడీ తెలిపారు. ‘టెస్లా’ సీఈఓ ఎలాన్ మస్క్ తో పలు అంశాలపై మాట్లాడా. ఈ సంవత్సరం ప్రారంభంలో వాషింగ్టన్ సమావేశంలో మాట్లాడిన అంశాలను కూడా ప్రస్తావించినట్లు తెలిపారు. టెక్నాలజీ, ఇన్నోవేషన్ సెక్టార్లలో పరస్పర సహకారంపై చర్చించినట్లు తెలిపారు. ఈ రంగాల్లో భారత్ అమెరికాతో భాగస్వామ్యం మరింత పటిష్టం చేసేందుకు భారత్ కృత నిశ్చయంతో ఉన్నట్లు స్పష్టం చేశారు. భారత్ అమెరికా దేశాల మధ్య ద్వైపాక్షిక వాణిజ్య ఒప్పందం కోసం చర్చలు కొనసాగుతున్న వేళ ఈ కీలక పరిణామం చోటు చేసుకుంది. అలాగే ఎలాన్ మస్క్ కు చెందిన టెస్లా, స్టార్ లింక్ భారత మార్కెట్లోకి వచ్చేందుకు ఆసక్తి చూపుతున్న…
భారతీయులు అత్యంత పవిత్రంగా భావించే భగవద్గీతకు, భారతముని రచించిన నాట్యశాస్త్రానికి మరో అరుదైన గుర్తింపు లభించింది. భగవద్గీతతో పాటు నాట్య శాస్త్రానికి యునెస్కో మెమోరీ ఆఫ్ వరల్డ్ రిజిస్టర్‌లో స్థానం లభించింది. ఈ విషయాన్ని తెలుపుతూ ప్రధాని నరేంద్రమోడీ సోషల్ మీడియా ‘ఎక్స్’ వేదికగా పోస్టు చేశారు. ఈ అంశంపై హర్షం వ్యక్తం చేశారు. ప్రపంచవ్యాప్తంగా ఉన్న ప్రతి భారతీయుడు గర్వించదగిన విషయమని పేర్కొన్నారు. ఇది భారతీయ సంస్కృతి, తాత్విక వారసత్వానికి దక్కిన గుర్తింపుగా అభివర్ణించారు. “ప్రపంచవ్యాప్తంగా ఉన్న ప్రతి భారతీయుడికి గర్వకారణమైన క్షణం! యునెస్కో మెమోరీ ఆఫ్ ది వరల్డ్ రిజిస్టర్‌లో గీత, నాట్యశాస్త్రం చేర్చడం మన కాలాతీత జ్ఞానం, గొప్ప సంస్కృతికి ప్రపంచవ్యాప్త గుర్తింపు వచ్చింది. భగవద్గీత, నాట్యశాస్త్రం శతాబ్దాలుగా నాగరికత, చైతన్యాన్ని పెంపొందించాయని అవి ప్రపంచానికి స్ఫూర్తినిస్తూనే ఉన్నాయని ప్రధాని పేర్కొన్నారు. A proud moment for every Indian across the world! The inclusion…
ప్రపంచ బిలియర్డ్స్ ఛాంపియన్ షిప్ (టైమ్డ్ ఫార్మాట్) ను భారత స్టార్ క్యూయిస్ట్ సౌరవ్ కొఠారి కైవసం చేసుకున్నాడు. ఫైనల్ లో సౌరవ్ తన సహాచర ఆటగాడు మాజీ ఛాంపియన్ పంకజ్ అద్వానీపై 725-840 తో గెలిచాడు. పంకజ్ కూడా గట్టిగానే పోరాడాడు. అయితే కీలక సమయాల్లో సౌరవ్ క్రమక్రమంగా తన ఆధిక్యతను సాధించాడు. సౌరవ్ తండ్రి మనోజ్ కొఠారి కూడా 1990లో టైమ్డ్ ఫార్మాట్ లో ప్రపంచ ఛాంపియన్ గా నిలిచాడు. 35 ఏళ్ల తర్వాత తన తండ్రి సాధించిన ఘనత సాధించి అరుదైన ఘనత అందుకోనున్నాడు. ఇక ఈ టోర్నీలో మొదటి మూడు స్థానాల్లో భారత ఆటగాళ్లే నిలిచారు. సౌరవ్, పంకజ్ లు మొదటి రెండవ స్థానంలో నిలవగా… ధ్రువ్ సిత్వాలా మూడో స్థానంలో నిలిచాడు.
గుడ్ ఫ్రైడే సందర్భంగా ఏపీ ప్రభుత్వం పాస్టర్లకు గుడ్ న్యూస్ చెప్పింది. నెలకు రూ.5 వేల చొప్పున 8,427 మంది పాస్టర్లకు గౌరవ వేతనం విడుదలకు సీఎం చంద్రబాబు పచ్చ జెండా ఊపారు.2024 మే నుంచి నవంబర్ వరకు గౌరవ వేతనం విడుదల. ఏడు నెలల కాలానికి గాను కూటమి ప్రభుత్వం రూ.30 కోట్లు విడుదల చేసింది. 7 నెలలకు గాను ఒకొక్క పాస్టరుకు రూ.35,000 చొప్పున లబ్ధి చేకూరనుంది.
భారత క్రికెట్ జట్టు అసిస్టెంట్ కోచ్ అభిషేక్ నాయర్ ను బీసీసీఐ తప్పించింది. బోర్డు తన నిర్ణయాన్ని ఇప్పటికే అతనికి తెలిపింది. సహాయక బృందంలో ప్రక్షాళనపై బీసీసీఐ దృష్టి సారించినట్లు తెలుస్తోంది. ఫీల్డింగ్ కోచ్ దిలీప్, స్ట్రెంగ్త్ అండ్ కండీషనింగ్ కోచ్ సోహామ్ దేశాయ్ తమ పదవుల్లో మూడేళ్లకు పైగా కొనసాగారు. కొత్త నియమావళి ప్రకారం సహాయక సిబ్బంది పదవీకాలాన్ని మూడేళ్లకు పరిమితం చేసింది. కావున వీరిద్దరి స్థానంలో కొత్త వారిని నియమించనున్నట్లు తెలుస్తోంది.
ఐపీఎల్ 18 లో భాగంగా ముంబై లోని వాంఖడే స్టేడియం వేదికగా సన్ రైజర్స్ హైదరాబాద్-ముంబై ఇండియన్స్ జట్ల మధ్య జరిగిన మ్యాచ్ లో ముంబై 4 వికెట్ల తేడాతో విజయం సాధించింది. మ్యాచ్ లో టాస్ ఓడి మొదట బ్యాటింగ్ చేసిన హైదరాబాద్ జట్టు నిర్ణీత 20 ఓవర్లలో 5 వికెట్ల నష్టానికి 162 పరుగులు చేసింది. అభిషేక్ శర్మ 40 (28; 7×4), క్లాసిన్ 37 (28; 3×4, 2×6), హెడ్ 28 (29; 3×4) పరుగులు చేశారు. ముంబై బౌలర్లు తక్కువ పరుగులకే కట్టడి చేయడంలో సఫలమయ్యారు. విల్ జాక్స్ 2 వికెట్లు, హార్థిక్ పాండ్య, బుమ్రా, బౌల్ట్ ఒక్కో వికెట్ చొప్పున తీశారు. అనంతరం లక్ష్య ఛేదనలో ముంబై 18.1 ఓవర్లలో నే 6 వికెట్ల నష్టానికి 166 పరుగులు చేసింది. బ్యాటింగ్ లోనూ విల్ జాక్స్ 36 (26; 3×4, 2×6) రాణించాడు. రికెల్టన్…
నేడు గుడ్ ఫ్రైడే సందర్భంగా ఏపీ సీఎం చంద్రబాబు సహా పలువురు మంత్రులు, నేతలు సోషల్ మీడియా ‘ఎక్స్’ లో పోస్ట్ లు చేశారు. క్రీస్తు త్యాగాన్ని గుర్తు చేసుకుంటూ సర్వమానవ సమానత్వాన్ని, శాంతిని నెలకొల్పేందుకు కృషి చేద్దామని పిలుపునిచ్చారు. ఏపీ సీఎం చంద్రబాబు: లోకానికి శాంతి దూతగా వచ్చిన ఏసుక్రీస్తుకు కల్వరి గిరిపై శిలువ వేసిన శుక్రవారం రోజును గుడ్ ఫ్రైడే గా నిర్వహిస్తాం. శరీరంలోకి మేకులు దించిన సమయంలో కూడా ఆ దేవదూత శాంతినే ప్రబోధించాడు. అందుకే ఆయన చూపిన మార్గం అనుసరణీయం. ఈస్టర్ ఆదివారానికి ముందు వచ్చే శుక్రవారం రోజున జరుపుకునే ఈ పవిత్రదినం రోజు ఉపవాసం ఉండి ఆయనకు నివాళి అర్పించడం క్రైస్తవ సోదరులు పాటించే ఆచారం. క్రీస్తు త్యాగాన్ని స్మరించుకుంటూ, ఆయన బోధనలు పాటిస్తూ సర్వమానవ సమానత్వాన్ని, శాంతిని నెలకొల్పేందుకు కృషి చేద్దాం. మంత్రి నారా లోకేష్: మానవాళిని పాపాల నుంచి విముక్తం చేయడానికి శిలువ ఎక్కారు…