Author: admin

మహారాష్ట్ర రాజకీయాల్లో ఆసక్తికర పరిణామంగా, ఎన్సీపీ అధినేత శరద్ పవార్, ఉప ముఖ్యమంత్రి అజిత్ పవార్ మళ్లీ ఒకే వేదికను పంచుకున్నారు.ఇది గత రెండు వారాల్లో వారిద్దరూ కలసి కనిపించడం మూడోసారి కావడంతో,రాజకీయ వర్గాల్లో చర్చకు దారితీసింది. పూణెలోని సఖర్ సంకుల్‌లో సోమవారం జరిగిన సమావేశంలో వీరిద్దరూ కలిసి పాల్గొన్నారు. వసంతదాదా షుగర్ ఇన్‌స్టిట్యూట్ నిర్వహించిన ఈ కార్యక్రమంలో వ్యవసాయ,భూసార, ఎరువుల వినియోగం వంటి అంశాలపై ఏఐ ఉపయోగంపై చర్చ జరిగింది. ఇదిలా ఉండగా, శరద్ పవార్–అజిత్ పవార్ మధ్య సంబంధాలు మరలా సానుకూలంగా మారుతున్నాయన్న ఊహాగానాలు గత కొంతకాలంగా వినిపిస్తున్నాయి.ఈ నేపథ్యంలో మీడియా ప్రశ్నలపై స్పందించిన అజిత్ పవార్, “ఈ భేటీలకు రాజకీయ ప్రాధాన్యత లేదని, కుటుంబ కార్యక్రమాల సందర్భంగా మాత్రమే కలుసుకున్నాం” అని తెలిపారు. రాజకీయ వర్గాల్లోనే కాక సామాన్య ప్రజల్లోనూ ఈ భేటీలపై ఆసక్తి నెలకొనగా,నిజంగానే ఇక్కడ ఎలాంటి రాజకీయ సమీకరణాలు దాగున్నాయో అనే ప్రశ్న మాత్రం…

ప్రపంచ కుబేరుడు,టెస్లా అధినేత ఎలాన్ మస్క్ తల్లి మయే మస్క్ ప్రస్తుతం భారత్ పర్యటనలో ఉన్నారు.ముంబైలోని ప్రసిద్ధ సిద్ధివినాయక ఆలయాన్ని నటి జాక్వెలిన్ ఫెర్నాండెజ్‌తో కలిసి దర్శించుకున్నారు.ఆలయంలో ప్రత్యేక పూజలు నిర్వహించిన ఈ సందర్భంగా వారి ఫొటోలు సోషల్ మీడియాలో వైరల్‌గా మారాయి.మరోవైపు మయే మస్క్ తన 77వ పుట్టినరోజు వేడుకలను భారత్‌లో ఘనంగా జరుపుకున్నారు.ముంబైలో ఏర్పాటు చేసిన ఈ ప్రైవేట్ పార్టీకి సుమారు 40-50 మంది హాజరయ్యారు.పుట్టినరోజు సందర్భంగా మయే మస్క్ ప్రముఖ డిజైనర్ సబ్యసాచీ డ్రెస్‌లో మెరిసిపోవడం విశేషం.ఈ సందర్భంగా తన తల్లికి ప్రత్యేకంగా పూల బొకే పంపించి సర్‌ప్రైజ్ చేసిన ఎలాన్ మస్క్ ప్రేమకు మయే మస్క్ స్పందిస్తూ,ఆ విషయం సోషల్ మీడియాలో షేర్ చేశారు.భారత సంస్కృతిని సానుభూతితో అనుభవిస్తున్న మయే మస్క్ పర్యటనపై నెటిజన్లలో ఆసక్తికర చర్చలు జరుగుతున్నాయి. Two powerful women, one peaceful prayer.#JacquelineFernandez and #MayeMusk visited Siddhivinayak temple in…

ప్రజలు అప్రమత్తంగా ఉండాలని దేశంలోకి నకిలీ నోట్లు చలామణిలోకి వచ్చినట్లు, కేంద్ర హోం శాఖ హెచ్చరించింది. అందునా ముఖ్యంగా రూ.500 నకిలీ నోట్లను పెద్ద సంఖ్యలో నకిలీ కేటుగాళ్లు చలామణిలోకి తెచ్చారని పేర్కొంది.వీటి విషయంలో ఆర్థిక సంస్థలు, బ్యాంకులు, ఏజెన్సీలను అప్రమత్తంగా ఉంచినట్లు అధికారులు చెబుతున్నారు. అత్యాధునిక టెక్నాలజీతో తయారుచేయడం వల్ల ఈ ఫేక్ నోట్లను గుర్తించడం కష్టంగా మారిందని అయితే, నకిలీ నోట్లపై ఒక చిన్న తేడాను గుర్తించినట్లు వెల్లడించింది. ప్రతీ నోటుపై తప్పనిసరిగా ఉండే రిజర్వ్ బ్యాంక్ ఆఫ్ ఇండియా RESERVE BANK OF INDIA అనే అక్షరాల్లో ‘‘RESERVE’’ పదంలో ‘E’ బదులు ‘A’ పడినట్లు తెలిపింది. ఈ తేడాతో నకిలీ నోట్లను గుర్తించవచ్చని సూచించింది. ఈ సమాచారాన్ని డీఆర్‌ఐ, ఎఫ్‌ఐయూ, సీబీఐ, ఎన్‌ఐఏ, సెబీలతో కూడా పంచుకొంది. రూ.500 నోటును జాగ్రత్తగా పరిశీలించి చూశాకే తీసుకోవాలని కేంద్ర హోంశాఖ సూచించింది. ఇలాంటి నకిలీ నోట్లు అత్యంత…

బీసీసీఐ 2024-25 సెంట్రల్ కాంట్రాక్టులను నేడు ప్రకటించింది. ఈసారి భారీగా యువ క్రికెటర్లకు కాంట్రాక్టులు దక్కడం విశేషం. శ్రేయాస్ అయ్యర్, ఇషాన్ కిషన్ తిరిగి కాంట్రాక్టులు దక్కించుకున్నారు. తెలుగు తేజం నితీష్ రెడ్డి కూడా కాంట్రాక్టు దక్కించుకున్నాడు. మొత్తంగా 34 మంది క్రికెటర్లను నాలుగు విభాగాలలో ఎంపిక చేసింది. గ్రేడ్ A+: విరాట్ కోహ్లీ, రోహిత్ శర్మ , రవీంద్ర జడేజా, జస్ప్రీత్ బుమ్రాలు కాంట్రాక్టు లోని టాప్ కేటగిరీలో చోటు సంపాదించుకున్నారు. వీరికి రూ.7 కోట్లు వేతనం లభిస్తుంది. గ్రేడ్ A: కే.ఎల్.రాహుల్, మహ్మద్ సిరాజ్, హార్థిక్ పాండ్య, శుభ్ మాన్ గిల్, మహ్మద్ షమీ, రిషబ్ పంత్. వీరికి రూ.5 కోట్లు. గ్రేడ్ B: సూర్య కుమార్ యాదవ్, అక్షర్ పటేల్, యశస్వీ జైశ్వాల్, శ్రేయాస్ అయ్యర్, కుల్ దీప్ యాదవ్. వీరికి రూ.3 కోట్లు వేతనం. గ్రేడ్ C: రింకూ సింగ్, తిలక్ వర్మ, రుతురాజ్ గైక్వాడ్,…

క్రైస్తవ మతగురువు పోప్‌ ఫ్రాన్సిస్‌ (88) కన్నుమూశారు. 1936 డిసెంబర్‌ 17న అర్జెంటీనాలో జన్మించిన పోప్‌ ఫ్రాన్సిస్‌.. 2013 మార్చి 13న 266వ పోప్‌గా ఎన్నికయ్యారు. కొంతకాలంగా అనారోగ్యంతో ఉన్న పోప్‌ తుది శ్వాస విడిచారు. నిన్న ఈస్టర్‌ వేడుకల్లో కూడా పాల్గొన్నారు. ఈ విషయాన్ని వాటికన్ సిటీ అధికారికంగా ధృవీకరించింది. ఈ విషాద వార్తను వాటికన్ కామెర్లెంగో కార్డినల్ కెవిన్ ఫెర్రెల్ ప్రకటించారు. పోప్ ఫ్రాన్సిస్ తన 12వ ఏట నుండే చర్చి, సమాజం, అట్టడుగు వర్గాల కోసం అంకితమై పనిచేశారు. ఆయన జీవితం విలువలతో నిండి ఉందని, విశ్వాసం, ధైర్యం, సార్వత్రిక ప్రేమకు పోప్ ప్రతీక అని ఫెర్రెల్ తెలిపారు.

సమగ్రాభివృద్ధి అంటే దేశంలోని ఏ ఒక్క గ్రామం, ఏ ఒక్క కుటుంబం, ఏ ఒక్క పౌరుడు కూడా వెనకబడకూడదని అర్థమని తమ ప్రభుత్వం తీసుకుంటున్న నిర్ణయాలు ప్రజల 1000 ఏళ్ల భవిష్యత్తుపై సానుకూల ప్రభావం చూపుతాయనడంలో సందేహం లేదని ప్రధాని మోడీ అన్నారు. నేడు ‘సివిల్ సర్వీసెస్ డే’ సందర్భంగా ఆయన ఒక కార్యక్రమంలో పాల్గొన్నారు. దేశ యువత, రైతులు, మహిళల ఆకాంక్షలు నెరవేర్చుతూ ఉన్నతస్థాయికి ఎదిగేందుకు ఆ నిర్ణయాలు దోహదం చేస్తాయని పేర్కొన్నారు. సాంకేతికత పరుగులు తీస్తున్న ఈరోజుల్లో పరిపాలన అంటే వ్యవస్థలను నిర్వహించడం కాదని కొత్త అవకాశాలు ఏర్పరచడం పథకాలు ప్రజలపై ఎంత ప్రభావం చూపుతుందనేది కీలకమని అన్నారు. దాని ఆధారంగానే నాణ్యమైన పాలన కొనసాగించడం సాధ్యపడుతుందని అన్నారు. ఈ పదేళ్లలో భారత్ లో ఎన్నో మార్పులు చోటుచేసుకున్నాయని పాలన పారదర్శకత, ఆవిష్కరణ ఇలా ఎన్నో రంగాల్లో కొత్త మార్క్ నెలకొల్పుతోందని చెప్పారు. దేశం ఘనతలను గుర్తు చేసుకున్నారు.పేదల…

ఇస్రో మరో కీలక పనిని పూర్తి చేసింది.పీ.ఎస్.ఎల్.వీ-సీ60 స్పేడెక్స్ మిషన్ లో భాగంగా సెకండ్ డాకింగ్ ప్రక్రియ విజయవంతంగా పూర్తైనట్లు కేంద్ర మంత్రి జితేంద్ర సింగ్ సోషల్ మీడియా ‘ఎక్స్’ లో పోస్ట్ చేశారు. అంతరిక్ష ప్రయోగాల్లో భాగంగా శాటిలైట్స్ ను స్పేస్ లోనే అనుసంధానం చేసే మిషన్ ను ఇస్రో చేపట్టిన సంగతి తెలిసిందే. స్పేస్ డీ-డాకింగ్ ను విజయవంతంగా నిర్వహించినట్లు ఇస్రో మార్చి 13న వెల్లడించిన సంగతి తెలిసిందే. స్పేస్ షిప్ లు సొంతంగా డాక్ అయ్యే విధంగా చేయడంలో ఇదొక కీలక ముందడుగు. పీ.ఎస్.ఎల్.వీ-సీ60 స్పేడెక్స్ మిషన్ ను 2024 డిసెంబర్ 30న ప్రయోగించాం. ఆ తర్వాత మొదటి సారిగా శాటిలైట్లను ఈ ఏడాది జనవరి 16న విజయవంతంగా అనుసంధానించాం. అదేవిధంగా మార్చి 13న వాటిని అన్ డాకింగ్ చేశాం. రాబోయే రెండు వారాల్లో మరిన్ని ప్రయోగాలు చేసేందుకు సిద్ధమవుతున్నామని కేంద్ర మంత్రి వెల్లడించారు.

వేసవికాలం ఎండల తీవ్రత పెరిగిన నేపథ్యంలో ఏసీలు వినియోగం కూడా గణనీయంగా పెరిగింది. ఈనేపథ్యంలో బ్యూరో ఆఫ్ ఎనర్జీ ఎఫిషియన్సీ (బీఈఈ) ఏసీలను 24 డిగ్రీల వద్ద వినియోగించడం వల్ల విద్యుత్ లో 6 శాతం పొదుపు చేయవచ్చని తెలిపింది. దీనివల్ల ఏడాదికి సుమారు 20 బిలియన్ యూనిట్ల విద్యుత్ ఆదా చేసుకోవచ్చని దీంతో రూ.10 వేల కోట్లు మిగిల్చినట్లని పేర్కొంది. ఈ మేరకు తాజాగా ఓ ప్రకటన విడుదల చేసింది. సాధారణంగా చాలా మంది 20 డిగ్రీల దగ్గర ఏసీ వినియోగిస్తున్నారు. హోటళ్లు, ఎయిర్ పోర్ట్ లు, షాపింగ్ మాల్స్, ఆఫీస్ లు, గవర్నమెంట్ బిల్డింగ్స్, కమర్షియల్ ప్రాంతాల్లో ఏసీలను వినియోగించేప్పుడు 24 డిగ్రీలు ఉంచితే కార్బన్ ఎమిషన్ విడుదల తగ్గుతుంది. ఏసీల జీవితకాలం కూడా పెరుగుతుంది. దీనిపై విస్తృత ప్రచారం కల్పించాలని ఇప్పటికే రాష్ట్ర ప్రభుత్వ ఏజెన్సీలను ఆదేశించినట్లు బీఈఈ పేర్కొంది.

ఐ.ఎన్.ఎస్.ఎఫ్ వరల్డ్ కప్ షూటింగ్ లో పారిస్ ఒలింపియన్ అర్జున్ బబుతా అదరగొట్టాడు. పురుషుల 10 మీటర్ల ఎయిర్ రైఫిల్ లో సిల్వర్ మెడల్ సాధించాడు. ఫైనల్ లో 252.3 పాయింట్లు స్కోరు చేసిన అర్జున్ కేవలం 0.1 పాయింట్ తో గోల్డ్ మెడల్ కోల్పోయాడు. చైనాకు చెందిన ఒలింపిక్ ఛాంపియన్ షెంగ్ లిహావో గోల్డ్ మెడల్ గెలిచాడు. ఇక మహిళల 10మీ ఎయిర్ రైఫిల్ షూటింగ్ లో ఆర్య బోర్సే 5వ స్థానంలో నిలిచారు.

అమెరికా ఉపాధ్యక్షుడు జేడీ వాన్స్ కుటుంబ సమేతంగా భారత పర్యటనకు విచ్చేశారు. ఆయన సతీమణి ఉష భారత సంతతి మహిళ అనే విషయం విదితమే. కొద్దిసేపటి క్రితం వారు ఢిల్లీలోని పాలం ఎయిర్ పోర్టులో దిగారు. అమెరికా ఉపాధ్యక్షుడికి భారత వర్గాలు ఘనంగా స్వాగతించాయి. కేంద్ర మంత్రి అశ్విని వైష్ణవ్ వారికి స్వాగతం పలికారు. అమెరికా ఉపాధ్యక్షుడి పర్యటన భారత్ లో నాలుగు రోజుల పాటు కొనసాగనుంది. నేటి నుంచి 24 వరకు ఆయన భారత్ లో వివిధ కార్యక్రమాల్లో పాల్గొంటారు. జేడీ వాన్స్ కుటుంబం భారత్ లో పలు చారిత్రాత్మక ప్రదేశాలను సందర్శించనుంది. ఢిల్లీలోని స్వామినారాయణ్ అక్షర్ ధామ్ ఆలయాన్ని పలు చేనేత ఉత్పత్తుల దుకాణాలను సందర్శించనున్నారు. ఈరోజు సాయంత్రం వాన్స్ ప్రధాని మోడీ నివాసానికి చేరుకోనున్నారు. అమెరికా-భారత్ ద్వైపాక్షిక సంబంధాలపై ప్రధాని మోడీతో చర్చలు జరపనున్నారు. చర్చలు ముగిసిన అనంతరం జేడీ వాన్స్-ఉష దంపతులకు ప్రధానికి విందు ఇవ్వనున్నారు.…