Author: admin

సెపక్ తక్రా వరల్డ్ కప్ లో భారత్ కు పసిడి లభించింది. భారత పురుషుల జట్టు మొట్టమొదటి సారిగా ఈఘనత సాధించింది. పాట్నా వేదికగా జరిగిన ఫైనల్ లో జపాన్ పై 2-1తో గెలుపొందింది. మొదటి సెట్ లో వెనుకబడిన భారత జట్టు రెండో సెట్ ను 15-11తో మూడో సెట్ ను 17-14 తో గెలిచుకుని సత్తా చాటింది. గతంలో భారత్ అత్యుత్తమంగా మూడో స్థానంలో నిలిచింది. 2017, 2022లలో కాంస్యం సాధించింది. మరోవైపు భారత మహిళల జట్టు కాంస్యం, మహిళల డబుల్స్ జట్టు రజతం గెలిచాయి. మొత్తంగా ఈ వరల్డ్ కప్ లో అన్ని విభాగాల్లో కలిపి 7 పతకాలు గెలుచుకుంది. మంచి ప్రదర్శన కనబరిచిన సెపక్ తక్రా బృందానికి ప్రధాని మోడీ అభినందించారు.

కోల్ కతా నైట్ రైడర్స్ ఈ సీజన్ లో పాయింట్ల ఖాతా తెరిచింది.‌ తాజాగా రాజస్థాన్ రాయల్స్ తో జరిగిన మ్యాచ్ లో 8 వికెట్ల తేడాతో ఘన విజయం సాధించింది. మ్యాచ్ లో టాస్ గెలిచిన కోల్ కతా నైట్ రైడర్స్ మొదట బౌలింగ్ ఎంచుకుంది. దీంతో ముందుగా బ్యాటింగ్ చేసిన రాజస్థాన్ రాయల్స్ నిర్ణీత 20 ఓవర్లలో 9 వికెట్లు కోల్పోయి 151 పరుగులు చేసింది. ద్రువ్ జురెల్ (33), యశస్వీ జైశ్వాల్ (29), రియాన్ పరాగ్ (25) పరుగులు చేశారు. కోల్ కతా బౌలర్లు కట్టుదిట్టంగా బౌలింగ్ చేస్తూ క్రమం తప్పకుండా వికెట్లు పడగొడుతూ రాజస్థాన్ బ్యాటర్లను కట్టడి చేశారు. వైభవ్ అరోరా, హార్షిత్ రాణా, మొయిన్ అలీ, వరుణ్ చక్రవర్తి రెండేసి వికెట్లు పడగొట్టారు. స్పెన్సర్ జాన్సన్ ఒక వికెట్ తీశారు. ఇక లక్ష్య ఛేదనలో కోల్ కతా డికాక్ 97 నాటౌట్(61; 8×4, 6×6)…

‘గేమ్ ఛేంజర్’ అనంతరం గ్లోబల్ స్టార్ రామ్ చరణ్ నటిస్తున్న తాజా చిత్రం “ఆర్‌సీ 16”. ‘ఉప్పెన’ ఫేం బుచ్చిబాబు సానా దర్శకత్వం వహిస్తున్న ఈ సినిమాలో జాన్వీ కపూర్ కథానాయికగా నటిస్తోంది.బాలీవుడ్ నటుడు దివ్యేందు శర్మ ఇందులో ప్రతినాయకుడిగా కనిపించనున్నట్లు సమాచారం.ప్రస్తుతం హైదరాబాద్‌లో చిత్రీకరణ జరుపుకుంటున్న ఈ సినిమా నుంచి రేపు రామ్ చరణ్ బర్త్‌డే సందర్భంగా ఫస్ట్‌లుక్ విడుదల కానుంది. ఈ విషయాన్ని దర్శకుడు బుచ్చిబాబు సానా స్వయంగా వెల్లడించారు.రేపు ఉదయం 9:09 గంటలకు ఫస్ట్‌లుక్ రివీల్ చేయనున్నట్లు చిత్రబృందం తెలిపింది.మైత్రీ మూవీ మేకర్స్, సుకుమార్ రైటింగ్స్ సమర్పణలో, వృద్ధి సినిమాస్ పతాకంపై వెంకట సతీష్ కిలారు ఈ పాన్ ఇండియా ప్రాజెక్ట్‌ను నిర్మిస్తున్నారు.కన్నడ నటుడు శివరాజ్ కుమార్ ముఖ్య పాత్ర పోషిస్తుండగా, ఏఆర్ రెహమాన్ సంగీతం అందిస్తున్నారు.రామ్ చరణ్ అభిమానులు ఈ ఫస్ట్‌లుక్ కోసం ఆసక్తిగా ఎదురు చూస్తున్నారు.

శ్రద్ధ,కర్తవ్యం ఆధారంగా పవర్‌ఫుల్ కథతో తెరకెక్కిన చిత్రం “కర్మణ్యే వాధికారస్తే”.ఈ సినిమాకు సంబంధించిన టీజర్ విడుదల తేదీని చిత్రబృందం తాజాగా ప్రకటించింది.మార్చి 28న ఉదయం 10:10 గంటలకు టీజర్‌ను విడుదల చేయనున్నట్లు మేకర్స్ వెల్లడించారు.ఈ చిత్రంలోని బ్రహ్మాజీ,శత్రు,మహేంద్రన్ ముఖ్య పాత్రల్లో నటిస్తున్నారు.ఈ చిత్రానికి అమర్ దీప్ చల్లపల్లి దర్శకత్వం వహిసున్నాడు.ఉషాస్విని పతాకంపై డిఎస్ఎస్ దుర్గ ప్రసాద్ ఈ చిత్రాన్ని నిర్మిస్తున్నారు.ఈ చిత్రానికి భాస్కర్ సమాల సినిమాటోగ్రఫీ అందిస్తుండగా, గ్యానీ సంగీతం సమకూరుస్తున్నారు.ఈ సినిమాకు కథ- మాటలు శివకుమార్ పెళ్లూరు అందించారు.ఈ టీజర్ ఎలా ఉండబోతుందో చూడాలంటే మార్చి 28వ తేదీ వరకు వేచి చూడాల్సిందే.

ఉత్తరప్రదేశ్‌లో ముస్లిం కుటుంబాలు అత్యంత సురక్షితంగా ఉన్నాయని సీఎం యోగి ఆదిత్యనాథ్ పేర్కొన్నారు. హిందువులు సురక్షితంగా ఉంటే, ముస్లింలు కూడా సురక్షితంగా ఉంటారని అన్నారు.కానీ 2017 తర్వాత అంతా మారిపోయింది.ఒక యోగిగా నేను అందరి ఆనందం కోరుకుంటాను.బీజేపీ అధికారం చేపట్టాక రాష్ట్రంలో మతపరమైన అల్లర్లు ఆగిపోయాయి.100 హిందూ ఇళ్లు ఉన్న ఏరియాలో ఒక ముస్లిం కుటుంబం సురక్షితంగా ఉంటోంది.100 ముస్లిం కుటుంబాలు ఉన్న ప్రాంతంలో ఒక్క హిందూ కుటుంబం, లేదా 50 హిందూ కుటుంబాలు సురక్షితంగా ఉంటాయా..? లేదు కదా.ఇందుకు బంగ్లాదేశే ఓ ఉదాహరణ. పాకిస్థాన్‌ మరో ఉదాహరణ’ అని సీఎం యోగి వ్యాఖ్యానించారు.

వరుసగా 7 సెషన్లలో లాభాలతో దూసుకెళ్లిన సూచీలు నేటి ట్రేడింగ్ ను నష్టాలతో ముగించాయి. ఇన్వెస్టర్లు అప్రమత్తంగా వ్యవహరించారు. వరుస లాభాల నేపథ్యంలో లాభాల స్వీకరణకు మొగ్గు చూపారు. బాంబే స్టాక్ ఎక్స్ చేంజ్ సూచీ సెన్సెక్స్ 728 పాయింట్ల నష్టంతో 77,288 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 181 పాయింట్లు నష్టపోయి 23,486 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.85.66గా కొనసాగుతోంది. టైటాన్, మహీంద్రా అండ్ మహీంద్రా, పవర్ గ్రిడ్ కార్పొరేషన్, హెచ్.సీ.ఎల్ టెక్నాలజీస్ షేర్లు లాభాలతో ముగిశాయి.

సీపీఐ ఎమ్మెల్యే కూనంనేని సాంబశివరావు చేసిన వ్యాఖ్యలపై ఏపీ ముఖ్యమంత్రి చంద్రబాబు స్పందిస్తూ తన టూరిజం అభివృద్ధిపై దృష్టిని మరోసారి స్పష్టంగా తెలియజేశారు.తెలంగాణ అసెంబ్లీలో కూనంనేని వ్యాఖ్యలు చేస్తూ, చంద్రబాబు గతంలో “ఏ ఇజం లేదు, టూరిజమే ప్రధానం” అన్న మాటలు గుర్తు చేశారు. అయితే ఇప్పుడు టూరిజమే నిజంగా ఖర్చు లేని ఇజమని వ్యాఖ్యానించారు. దీనిపై చంద్రబాబు నవ్వుతూ స్పందిస్తూ, “కమ్యూనిస్టులు నా మాటలను అర్థం చేసుకోవడానికి 30 ఏళ్లు పట్టింది” అన్నారు.రాయలసీమ నుంచి ఉత్తరాంధ్ర వరకు టూరిజం అభివృద్ధి కోసం ఎన్నో అవకాశాలు ఉన్నాయని, జిల్లా కలెక్టర్లు టూరిజం ప్రాజెక్టులపై దృష్టి సారించాలని సీఎం చంద్రబాబు సూచించారు. టూరిజం ద్వారా స్థానిక ఉపాధి అవకాశాలు పెరగడం, ప్రభుత్వానికి ఆదాయం సమకూరడం వంటి ప్రయోజనాలను ఆయన వివరించారు.ఎక్కువ ఖర్చు లేకుండా ఉపాధిని సృష్టించగలిగే రంగం టూరిజమేనని ఆయన అభిప్రాయపడ్డారు.

‘దసరా’ వంటి సూపర్ హిట్ చిత్రం తర్వాత హీరో నాని, ద‌ర్శ‌కుడు శ్రీకాంత్‌ ఓదెల కాంబినేషన్‌లో తెరకెక్కుతున్న సినిమా ‘ది ప్యారడైజ్’. 2026 మార్చి 26న ఈ సినిమాను విడుద‌ల చేయ‌నున్న‌ట్లు ఇప్ప‌టికే చిత్ర బృందం ప్ర‌క‌టించింది. ఈ నేప‌థ్యంలో నేటికి సినిమా విడుదలకు స‌రిగ్గా ఏడాది స‌మ‌యం ఉన్నందున ‘365 రోజులు’ అంటూ ఓ కొత్త పోస్ట‌ర్‌ ను హీరో నాని త‌న ‘ఎక్స్’ ఖాతాలో పోస్ట్ చేశారు. ఈ పోస్ట‌ర్‌లో నాని ఒంటిపై చొక్క‌లేకుండా గ‌న్ ప‌ట్టుకుని ర‌గడ్ లుక్‌లో సరికొత్తగా కనిపించారు. ఈ చిత్రం తెలుగు, హిందీ, తమిళ, మలయాళ, కన్నడ, బెంగాలీ భాషలతో పాటు ఇంగ్లిష్, స్పానిష్‌ లాంటి విదేశీ భాషల్లోనూ ఒకేసారి విడుదల కానున్నట్లు తెలుస్తోంది. ఈ పాన్‌ ఇండియా చిత్రాన్ని ప్ర‌ముఖ నిర్మాత‌ సుధాకర్‌ చెరుకూరి నిర్మిస్తున్నారు. యువ సంగీత సంచలనం అనిరుధ్ రవిచందర్ సంగీతం అందిస్తున్నారు. ఇక ఇటీవల ఈ చిత్రం…

అలహాబాద్ హైకోర్టు ఇచ్చిన వివాదాస్పద తీర్పును సుప్రీంకోర్టు స్టే విధించింది. బాలిక ఛాతిపై చేతులు వేయడం, పైజామాను తొలగించే ప్రయత్నాన్ని అత్యాచార నేరంగా పరిగణించలేమని హైకోర్టు మార్చి 17న తీర్పు ఇచ్చింది. దీనిపై ‘వియ్ ది వుమెన్ ఆఫ్ ఇండియా’ అనే సంస్థ సుప్రీంకోర్టును ఆశ్రయించడంతో, ఈ కేసును ధర్మాసనం సుమోటోగా స్వీకరించింది.సుప్రీంకోర్టు జస్టిస్ బీఆర్ గవాయ్, జస్టిస్ అగస్టీన్ జార్జ్ లతో కూడిన ధర్మాసనం ఈ తీర్పును తీవ్రంగా తప్పుబట్టింది. “ఇది ఒక న్యాయమూర్తి సున్నితత్వ లోపానికి నిదర్శనం” అని వ్యాఖ్యానించింది. అంతేకాకుండా, తీర్పును రిజర్వ్ చేసిన నాలుగు నెలల తర్వాత విడుదల చేయడం మరింత ఆందోళన కలిగించిందని పేర్కొంది. ఈ కేసుకు సంబంధించి కేంద్ర ప్రభుత్వం, ఉత్తరప్రదేశ్ ప్రభుత్వాలకు సుప్రీంకోర్టు నోటీసులు పంపించింది. సాధారణంగా ఈ దశలో స్టే ఇవ్వడానికి సంకోచిస్తామని ధర్మాసనం పేర్కొన్నప్పటికీ, తీర్పులోని 21, 24, 26 పేరాల్లో ఉన్న పరిశీలనలు చట్ట విరుద్ధమని, అమానవీయంగా…

మహారాష్ట్ర డిప్యూటీ సీఎం ఏక్‌నాథ్‌ షిండేపై స్టాండప్‌ కమెడియన్‌ కునాల్‌ కమ్రా చేసిన వివాదాస్పద వ్యాఖ్యలు రాజకీయంగా కలకలం రేపుతున్నాయి.ఈ వ్యాఖ్యలపై ముంబై పోలీసులు కమ్రాకు నోటీసులు జారీ చేశారు.అయినప్పటికీ ఆయన తన తీరు మార్చుకోకుండా తాజాగా మరో పేరడీ వీడియోను విడుదల చేశారు.ఈసారి ఆర్థిక మంత్రి నిర్మలా సీతారామన్‌ను ఉద్దేశిస్తూ ‘మిస్టర్ ఇండియా’ చిత్రంలోని ‘హవా హవాయి’ పాటను పేరడీ చేశారు. ఈ పాటలో పన్ను చెల్లింపుదారుల సొమ్ము వృథా అవుతోందంటూ విమర్శలు చేశారు. ప్రస్తుతం ఈ వీడియో సోషల్ మీడియాలో వైరల్‌గా మారింది.కమ్రా చేసిన వ్యాఖ్యల నేపథ్యంలో ముంబై పోలీసులు ఆయనకు మరోసారి నోటీసులు పంపారు. కమెడియన్ తన హాజరుకు వారం రోజుల గడువు కోరినప్పటికీ పోలీసులు దాన్ని తిరస్కరించారు.దీంతో భారతీయ న్యాయ సంహిత (BNS) సెక్షన్ 35 కింద ఇవాళ రెండోసారి నోటీసులు జారీ చేశారు.