Author: admin

బీహార్‌ సీఎం నీతీశ్‌ కుమార్‌ పై ఎలక్షన్ స్ట్రాటజిస్ట్, జన్‌ సురాజ్‌ పార్టీ వ్యవస్థాపకుడు ప్రశాంత్‌ కిశోర్‌ మరోసారి తీవ్ర వ్యాఖ్యలు చేశారు. పబ్లిక్ ఈవెంట్స్, మీడియా సమావేశాల్లో సీఎంను మాట్లాడనీయకుండా అడ్డుకుంటున్నారని ఆరోపించారు. ప్రజల దృష్టి నుండి తప్పించుకునేందుకే సీఎం సన్నిహితులు ఇలా చేస్తున్నారన్నారు. ఈ నేపథ్యంలో సీఎం మానసిక స్థితిపై వైద్య నివేదిక విడుదల చేయాలని డిమాండ్‌ చేశారు. నితీశ్ ఆయన క్యాబినెట్ మంత్రుల పేర్లు, పర్యటనలు చేస్తున్నప్పుడు జిల్లాల పేర్లు కూడా మర్చిపోతున్నారని అన్నారు. ఇటీవల బీ.పీ.ఎస్.సీ ఎగ్జామ్స్ పై జరిగిన ఆందోళనల సమయంలో బీహార్ లో ఏం జరుగుతుందోననే దానిపై ఆయనకు తెలియదనే విషయం తనకు తెలిసిందని ప్రశాంత్ కిశోర్ పేర్కొన్నారు. నితీష్ హెల్త్ కు సంబంధించి బులెటిన్ విడుదల చేస్తే ప్రజలకు నిజాలు తెలుస్తాయన్నారు. కాగా, సీఎం అటువంటి వాటికి అసలు అంగీకరించరని అన్నారు. సీఎం నితీశ్ మానసిక ఆరోగ్యంపై ఆయన సన్నిహితుడు సుశీల్…

నేటి ట్రేడింగ్ లో దేశీయ స్టాక్ మార్కెట్లు ఫ్లాట్ గా ముగిశాయి. ఉదయం భారీ లాభాలతో ప్రారంభమైన మార్కెట్లు అనంతరం నష్టాల్లోకి జారుకున్నాయి. చివరికి స్వల్ప లాభాలతో సరిపెట్టుకున్నాయి. బాంబే స్టాక్ ఎక్స్ చేంజ్ సూచీ సెన్సెక్స్ 32 పాయింట్లు లాభంతో 78,017 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 10 పాయింట్లు లాభపడి 23,668 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.85.73గా కొనసాగుతోంది. సెన్సెక్స్ 30లో ఇన్ఫోసిస్, అల్ట్రా టెక్ సిమెంట్స్, యాక్సిస్ బ్యాంకు, బజాజ్ ఫిన్ సర్వ్, హెచ్.డి.ఎఫ్.సి బ్యాంక్ షేర్లు లాభాలతో ముగిశాయి.

గూడ్స్ అండ్ సర్వీస్ టాక్స్ (జీ.ఎస్.టీ) నుండి ప్రసాదాన్ని మినహాయిస్తున్నట్లు కేంద్ర ఆర్థిక శాఖ మంత్రి నిర్మలా సీతారామన్ తెలిపారు. ఈమేరకు లోక్ సభలో ప్రకటించారు. నేడు లోక్ సభలో ఆర్థిక బిల్లు 2025పై జరిగిన చర్చపై ఆమె మాట్లాడారు. ఈసందర్భంగా పలు కీలక ప్రకటనలు చేశారు. ఆలయాలు, ప్రార్థనా స్థలాలలో లభించే ప్రసాదాలపై జీ.ఎస్.టీ వర్తింపు ఉండదని స్పష్టం చేశారు. ఆన్ లైన్ యాడ్స్ పై ఈక్వలైజేషన్ లెవీ లేదా డిజిటల్ ట్యాక్స్ ను కూడా రద్దు చేస్తున్నట్లు ప్రకటించారు. లోక్ సభ లో ఆర్థిక బిల్లు 2025కి ప్రతిపాదించిన 59 సవరణల్లో ఇది ఉంది. ఇక బడ్జెట్ మొదటి విడత సమావేశాల్లో తీసుకొచ్చిన కొత్త ఇన్ కం టాక్స్ బిల్లును తదుపరి వర్షాకాల సమావేశాల్లో చర్చకు తీసుకురానున్నట్లు ఆర్థిక మంత్రి తెలిపారు. ఫిబ్రవరి 13న ఈ బిల్లును లోక్సభలో ప్రవేశపెట్టిన సంగతి తెలిసిందే. అనంతరం దీన్ని సెలెక్ట్ కమిటీకి…

ఇటీవల బాలీవుడ్‌లో భారీ విజయం సాధించిన హిస్టారికల్ సినిమా “ఛావా” ఇప్పుడు మరో ఘనత సాధించబోతోంది.ఛత్రపతి శంభాజీ మహారాజ్ జీవిత చరిత్ర ఆధారంగా రూపొందిన ఈ చిత్రం భారత పార్లమెంట్‌లో ప్రత్యేక ప్రదర్శన పొందనున్నట్లు వార్తలు వినిపిస్తున్నాయి.విక్కీ కౌశల్, రష్మిక మందన్నా ప్రధాన పాత్రల్లో నటించిన ఈ సినిమాకు లక్ష్మణ్ ఉటేకర్ దర్శకత్వం వహించారు.మార్చి 27న సాయంత్రం 6 గంటలకు పార్లమెంట్‌లో ఈ స్పెషల్ స్క్రీనింగ్ జరగనుందని,దేశవ్యాప్తంగా ఎంపీలు హాజరుకానున్నారని సమాచారం.ముఖ్యంగా ప్రధాని నరేంద్ర మోదీ కూడా ఈ సినిమాను వీక్షించే అవకాశం ఉందన్న వార్తలు హల్‌చల్ చేస్తున్నాయి.అయితే ఈ వార్తలపై చిత్రబృందం ఇంకా అధికారిక ప్రకటన చేయలేదు.‘ఛావా’పై ప్రేక్షకుల్లో ఇప్పటికే ఎంతో అభిమానం పెరిగింది.ఇప్పుడు పార్లమెంటరీ ప్రదర్శన ద్వారా ఈ సినిమా మరింత గుర్తింపు పొందబోతోందని సినీ విశ్లేషకులు అభిప్రాయపడుతున్నారు.

కాంగ్రెస్ ఎంపీ రాహుల్ గాంధీ పౌరసత్వం వ్యవహారంపై అలహాబాద్ హైకోర్టు కీలక ఆదేశాలు జారీ చేసింది. ఈ అంశంపై నాలుగు వారాల్లోగా కేంద్ర ప్రభుత్వం స్పష్టత ఇవ్వాలని ఆదేశించింది. విచారణకు ఎనిమిది వారాల గడువు కోరినప్పటికీ, న్యాయస్థానం కేవలం నాలుగు వారాల సమయాన్నే మంజూరు చేసింది. తదుపరి విచారణను ఏప్రిల్ 21వ తేదీకి వాయిదా వేసింది.రాహుల్ గాంధీ బ్రిటన్ పౌరుడని, ఆయన భారత పౌరసత్వాన్ని రద్దు చేయాలని బీజేపీ నేత సుబ్రహ్మణ్యస్వామి, కర్ణాటక బీజేపీ కార్యకర్త విఘ్నేశ్ శిశిర్ పిటిషన్లు దాఖలు చేశారు. రాహుల్ గాంధీ బ్రిటన్‌లోని ఓ కంపెనీలో డైరెక్టర్‌గా ఉన్నారని, ఆ కంపెనీ నివేదికలో ఆయన బ్రిటన్ పౌరుడిగా పేర్కొన్నారని ఆరోపణలు ఉన్నాయి. భారత రాజ్యాంగంలోని ఆర్టికల్ 9, భారత పౌరసత్వ చట్టం, 1955 ప్రకారం ఇది ఉల్లంఘనగా పరిగణించవచ్చని పిటిషనర్లు కోర్టుకు వివరించారు. ఈ వ్యవహారంపై కేంద్ర ప్రభుత్వం స్టేటస్ రిపోర్టును సమర్పించాల్సి ఉంటుందని న్యాయస్థానం స్పష్టం…

సమానత్వం కోసం జీవితాంతం పోరాడిన మహాత్మా జ్యోతిరావు ఫూలే జీవితం ఆధారంగా బాలీవుడ్‌లో ఫూలే అనే సినిమా రాబోతోంది. ప్రముఖ గుజరాతీ నటుడు ప్రతీక్ గాంధీ ఫూలే పాత్రలో నటించగా, ఆయన భార్య సావిత్రిబాయి ఫూలే పాత్రలో పత్రలేఖ కనిపించనుంది.అనంత్ నారాయణ్ మహాదేవన్ దర్శకత్వం వహించిన ఈ చిత్రాన్ని జీ స్టూడియోస్ సమర్పించగా, ప్రణయ్ చోక్షి, జగదీష్ పటేల్ తదితరులు నిర్మిస్తున్నారు. ఏప్రిల్ 11న విడుదల కానున్న ఈ సినిమాకు సంబంధించి మేకర్స్ తాజాగా ట్రైలర్ విడుదల చేశారు.ఈ ట్రైలర్‌లో ఫూలే చేసిన వర్ణ, లింగ వివక్ష వ్యతిరేక పోరాటం,వంటి అంశాలను హైలైట్ చేశారు.హిస్టారికల్ బ్యాక్‌డ్రాప్‌తో రూపొందిన ఈ చిత్రం ప్రేక్షకులను ఆకట్టుకుంటుందని చిత్రబృందం పేర్కొంది. https://youtu.be/KWa_D5anT7I?si=85xYevvRRkpwt5lP

ఏటీఎం వినియోగదారులకు కొత్త ఛార్జీలు మే 1 నుండి అమలులోకి రానున్నాయి. రిజర్వ్ బ్యాంక్ ఆఫ్ ఇండియా (ఆర్‌బీఐ) ఏటీఎం ఇంటర్‌చేంజ్ ఫీజులను పెంచేందుకు అనుమతి ఇచ్చింది.ఇతర బ్యాంకుల ఏటీఎంలను ఉపయోగించినప్పుడు లావాదేవీలపై అదనపు ఛార్జీలు విధించనున్నారు.ఆర్థిక లావాదేవీలకు రూ. 2, ఆర్థికేతర లావాదేవీలకు రూ. 1 చొప్పున పెరిగింది.దీంతో ఇంటర్‌చేంజ్ ఫీజు రూ. 17 నుండి రూ. 19కు, ఖాతా వివరాలు తనిఖీ సేవలకు రూ. 6 నుండి రూ. 7కు పెరిగింది. మెట్రో నగరాల్లో నెలకు 5 ఉచిత లావాదేవీలు, నాన్-మెట్రో ప్రాంతాల్లో 3 ఉచిత లావాదేవీల పరిమితి ఉంది.దీని అనంతరం విత్‌డ్రా చేస్తే కొత్త ఇంటర్‌చేంజ్ ఛార్జీలు వర్తిస్తాయి.నిర్వహణ ఖర్చులు పెరగడంతోనే ఈ నిర్ణయం తీసుకున్నట్టు ఆర్‌బీఐ వెల్లడించింది.

ఆంధ్రప్రదేశ్ రాష్ట్ర రాజధాని అమరావతిలో మంత్రి నారాయణ పర్యటించారు. పలు రకాల పనులకు టెండర్ల ప్రక్రియ పూర్తయింది. ప్రస్తుతం నిర్మాణంలో ఉన్న కార్యదర్శులు, ప్రధాన కార్యదర్శుల బంగ్లాలు, సీ.ఆర్.డీ.ఏ ప్రాజెక్టు కార్యాలయాన్ని పరిశీలించారు. అధికారులు, ఎమ్మెల్యేలు, ఎమ్మెల్సీలు, ఆల్ ఇండియా సర్వీస్ భవనాలు దాదాపుగా పూర్తయ్యాయి.ఐఐటీ మద్రాస్ ద్వారా బిల్డింగ్ నాణ్యత పరిశీలించి, కాంట్రాక్టర్లతో చర్చలు జరిపి కొన్ని సమస్యలు పరిష్కరించాం. 90% పనులకు ఇప్పటికే టెండర్లు పూర్తయ్యాయని తెలిపారు. మంత్రులు, జడ్జీలు, కార్యదర్శుల కోసం 186 బంగళాలు, గెజిటెడ్ అధికారులకు 1440, ఎన్‌జీవోల‌కు 1995 భవనాలు నిర్మిస్తున్నట్లు తెలిపారు. హైకోర్ట్ భవనం 16.85 లక్షల చదరపు అడుగుల విస్తీర్ణంలో, అసెంబ్లీ భవనం 250 మీటర్ల ఎత్తులో నిర్మితమవుతుంది. ఒక 15 రోజుల్లో కాంట్రాక్టర్లకు మౌలిక సదుపాయాలు అందుబాటులోకి వస్తాయని వివరించారు. ప్రజలపై ఒక్క పైసా భారం లేకుండా రాజధాని నిర్మాణం పూర్తి చేయనున్నట్లు తెలిపారు.

ఇళయ దళపతి విజయ్, పూజా హెగ్డే జంటగా హెచ్. వినోద్ దర్శకత్వంలో తెరకెక్కుతున్న ప్రతిష్టాత్మక చిత్రం ‘జన నాయగన్’.ఈ చిత్రం విజయ్ కెరీర్‌లో చివరిదిగా భావిస్తుండటంతో అభిమానులంతా దీని కోసం ఆసక్తిగా ఎదురు చూస్తున్నారు.ఇప్పటికే చిత్రయూనిట్ ఈ సినిమాను 2025 జనవరి 9న పొంగల్ కానుకగా విడుదల చేయనున్నట్లు అధికారికంగా ప్రకటించింది. అయితే విజయ్‌కు ఈసారి పోటీ ఉండదని అనుకున్నప్పటికీ, అలా జరగకపోవచ్చు.తాజాగా, యువ హీరో శివకార్తికేయన్ తన కొత్త సినిమా ‘పరాశక్తి’ ని కూడా అదే సమయానికి తీసుకురావాలని చూస్తున్నట్లు సమాచారం.ఇందులో శ్రీలీల కథానాయికగా నటిస్తుంది.కాగా సుధ కొంగర దర్శకత్వంలో రూపొందుతున్న ఈ చిత్రానికి మంచి క్రేజ్ ఉండటంతో, ఇది విజయ్‌కు గట్టి పోటీ ఇవ్వనుందని సినీ వర్గాల్లో చర్చనీయాంశంగా మారింది.‘జన నాయగన్’ vs ‘పరాశక్తి’ క్లాష్ తప్పదా? లేక విడుదల తేదీల్లో మార్పులు ఉంటాయా? అనేది చూడాల్సి ఉంది.

రాష్ట్రంలోని ఉన్నత, వృత్తివిద్య అభ్యసిస్తున్న విద్యార్థుల్లో ఐటి, అడ్వాన్స్ డ్ టెక్నాలజీ నైపుణ్యాలను పెంపొందించేందుకు ప్రఖ్యాత ఐటి సంస్థ సిస్కోతో ప్రభుత్వం ఒప్పందం చేసుకుంది . ఉండవల్లి లోని మంత్రి నారా లోకేష్ నివాసంలో ఇరుపక్షాల ప్రతినిధులు ఎంఓయుపై సంతకాలు చేశారు. విద్యార్థుల్లో డిజిటల్ నైపుణ్యాలను విస్తరించడానికి నెట్‌వర్కింగ్, సైబర్ సెక్యూరిటీ, ఆర్టిఫీషియల్ ఇంటెలిజెన్స్ వంటి రంగాలలో అత్యాధునిక కంటెంట్‌ను సిస్కో అందిస్తుంది. ఈ ఒప్పందం ద్వారా 50వేల మంది యువతకు డిజిటల్, ఐటీ నైపుణ్యాభివృద్ధికి సిస్కో శిక్షణ అందించనుంది. నైపుణ్యం కలిగిన మానవ వనరుల కోసం పెరుగుతున్న డిమాండ్‌కు అనుగుణంగా నైపుణ్యాల అంతరాన్ని తగ్గించడం, ఉపాధిని పెంపొందించడమే ఈ ఒప్పందం లక్ష్యమని లోకేష్ సోషల్ మీడియా ‘ఎక్స్’ వేదికగా పేర్కొన్నారు.