Author: admin

ఏపీ ప్రభుత్వం ఇచ్చిన సూపర్ సిక్స్ హామీల్లో భాగంగా దీపం-2 పథకం అమలవుతోంది. ప్రతి పేద ఆడబిడ్డకు సంవత్సరానికి మూడు ఉచిత గ్యాస్ సిలిండర్లు అందజేయనున్నట్టు ఆహారం, పౌర సరఫరాల శాఖ మంత్రి నాదెండ్ల మనోహర్ తెలిపారు.ఈ పథకంలో తొలి ఉచిత గ్యాస్ సిలిండర్ పొందడానికి ఈ నెలాఖరు వరకు గడువు ఉందని ఆయన సూచించారు.ఇప్పటి వరకు 98 లక్షల మంది దీని లబ్ధి పొందారు. ఉచిత సిలిండర్ పొందే విధానం:- వినియోగదారులు సాధారణంగా బుక్ చేసుకోవాలి (ముందుగా సొమ్ము చెల్లించాలి). పట్టణాల్లో 24 గంటల్లో, గ్రామీణ ప్రాంతాల్లో 48 గంటల్లో గ్యాస్ డెలివరీ అవుతుంది. 48 గంటల్లోపు లబ్ధిదారుల ఖాతాలో తిరిగి డబ్బు జమ అవుతుంది. ఏడాదికి 3 సిలిండర్లు ఉచితంగా అందించనున్నారు. ఏప్రిల్-జూలై, ఆగష్టు-నవంబర్, డిసెంబర్-మార్చి మధ్య ఒక్కో సిలిండర్ బుక్ చేసుకునే అవకాశం ఉంది. అర్హతలు:- ఎల్.పి.జి కనెక్షన్ ఉండాలి రేషన్ కార్డ్ ఉండాలి ఆధార్ కార్డు…

2023లో విడుదలై ప్రేక్షకులను విశేషంగా అలరించి ఘనవిజయం సాధించిన వినోదాత్మక చిత్రం ‘మ్యాడ్’. ఇప్పుడు దానికి సీక్వెల్‌గా ‘మ్యాడ్ స్క్వేర్’ వ‌స్తోంది. ఈ నెల 28న ఈ చిత్రం విడుదల కానుంది. తాజాగా ఈ చిత్రం ట్రైల‌ర్‌ను విడుద‌ల చేశారు. ఆద్యంతం వినోదభరితంగా ఉంది. నార్నే నితిన్, సంగీత్ శోభన్, రామ్ నితిన్ ప్రధాన పాత్రల్లో నటించిన ఈ చిత్రాన్ని సితార ఎంటర్‌టైన్‌మెంట్స్ నిర్మించింది. దర్శకుడు కళ్యాణ్ శంకర్ సీక్వెల్‌ను మరింత వినోదాత్మకంగా తెరకెక్కించినట్లు ట్రైలర్ చూస్తుంటే అర్థమవుతోంది. దీంతో ‘మ్యాడ్ స్క్వేర్’పై భారీ అంచనాలు నెలకొన్నాయి. మొదటి పార్ట్ కు సంగీతం అందించిన‌ భీమ్స్ సిసిరోలియోనే రెండో పార్ట్‌ కు కూడా సంగీతం అందిస్తున్నారు. https://youtu.be/x9jlQ0_K5Zc?si=XTl-PfDXbRUT4izR

తన సొంత నియోజకవర్గం పిఠాపురం ప్రాంతంలో రోడ్డు ఓవర్ బ్రిడ్జి (ఆర్వోబీ) నిర్మాణానికి ₹59.70 కోట్లు మంజూరు చేసి, పాలనపరమైన అనుమతి లభించడం ఎంతో ఆనందంగా ఉందని డిప్యూటీ సీఎం పవన్ కళ్యాణ్ అన్నారు. ఎన్నికల సమయంలో తాను ఈ వంతెన నిర్మాణానికి హామీ ఇచ్చిన విషయం గుర్తు చేసుకున్నారు. సామర్లకోట-ఉప్పాడ రహదారిలో రైల్వే క్రాసింగ్ కారణంగా ప్రజలు రోజూ తీవ్ర ట్రాఫిక్ సమస్యలు ఎదుర్కొంటున్నారు. ఈ వంతెన నిర్మాణం పూర్తయిన తర్వాత రాకపోకలు సులభతరం అవుతాయి, ప్రజల ప్రయాణ సమయం ఆదా అవుతుందని తెలిపారు. ఈ రహదారి కేంద్ర రహదారి మౌలిక వసతుల నిధి (CRIF) సేతు బంధన్ పథకంలో భాగంగా చేపట్టినట్లు తెలిపారు. ఈ ఆర్వోబీకి నిధులు మంజూరు చేసి అండగా నిలిచిన ప్రధాని మోడీ, కేంద్ర రోడ్డు రవాణా మరియు రహదారుల శాఖ మంత్రి నితిన్ గడ్కరీ, సీఎం చంద్రబాబు, ఆర్ అండ్‌ బీ శాఖ మంత్రి…

ఈరోజు అమరావతిలో జపాన్ రాయబారి హెచ్‌.ఈ. కేఈఇచి ఓనో నేతృత్వంలోని ప్రతినిధి బృందంతో ఏపీ సీఎం చంద్రబాబు సమావేశమయ్యారు. ఆంధ్రప్రదేశ్‌లో ఆర్థిక సంబంధాలను బలోపేతం చేయడం, జపాన్ పెట్టుబడులను విస్తరించడం, మరియు నౌకా నిర్మాణం, ఎలక్ట్రానిక్స్, రసాయనాలు, ఆటోమొబైల్స్, విద్య వంటి విభిన్న రంగాలలో సహకారాలను పెంపొందించడం ద్వారా అభివృద్ధికి కొత్త అవకాశాలను సృష్టించే దిశగా వీరి మధ్య చర్చలు జరిగాయని చంద్రబాబు ‘ఎక్స్’ లో తెలిపారు.

ఆంధ్రప్రదేశ్ లోని పెట్రోల్ డీజిల్ ధరలపై రాష్ట్ర ప్రభుత్వాన్ని ఏపీసీసీ చీఫ్ షర్మిల ప్రశ్నించారు.పన్నులు ఘనం.. అభివృద్ధి శూన్యం ఇది రాష్ట్ర పరిస్థితి ఇదని వ్యంగ్యాస్త్రాలు సంధించారు. పొరుగున ఉన్న తెలంగాణ, తమిళనాడు, కర్ణాటక లతో పోలిస్తే రాష్ట్రంలో ధరలు ఎక్కువగా ఉన్నాయని ఆక్షేపించారు. పెట్రోల్, డీజిల్ మీద పన్నులు తగ్గింపుపై టీడీపీ, వైసీపీ పార్టీలవి నీచ రాజకీయాలని దుయ్యబట్టారు. ప్రతిపక్షంలో ఒక మాట.. అధికారపక్షంలో మరో మాట. గత 10 ఏళ్లుగా రెండు పార్టీల ప్రభుత్వాలు చేసింది దారి దోపిడీ తప్పా మరోకటి కాదని పేర్కొన్నారు . సీఎం నాడు ప్రతిపక్షంలో ఉండగా పెట్రోల్, డీజిల్ ధరలను గణనీయంగా తగ్గించవచ్చని చెప్పారు. లీటరుకు 17 రూపాయలు తగ్గించాలని డిమాండ్ చేశారు. కూటమి ప్రభుత్వాన్ని గెలిపిస్తే ఇంధనం ధరలు తగ్గిస్తామని హామీ ఇచ్చారు. ఇప్పుడు మీరు అధికారంలో ఉన్నారు. ఇచ్చిన హామీ ప్రకారం ఎప్పటి నుంచి ధరలు తగ్గిస్తారో సమాధానం చెప్పాలి.…

ఛత్తీస్ గఢ్ మాజీ సీఎం, కాంగ్రెస్ పార్టీ సీనియర్ నేత భూపేశ్ బాఘెల్ నివాసంలో నేడు సీబీఐ అధికారులు సోదాలు నిర్వహించారు. రాయ్ పూర్, భిలాయ్ లలోని బాఘెల్ నివాసాల్లో సెర్చింగ్ చేపట్టారు. ఉదయం సీబీఐ అధికారులు బాఘెల్ ఇంటికి చేరుకున్నారని, ఆయన నివాసాలతో పాటు మరికొందరు కాంగ్రెస్ నేతల ఇళ్లపైనా రెయిడ్ చేశారని బాఘెల్ సన్నిహిత వర్గాలు తెలిపాయి. అయితే ఈ సెర్చింగ్ కు సంబంధించి అధికారులు ఎలాంటి వివరాలు వెల్లడించలేదు. బాఘెల్ ఈ రోజు దేశ రాజధాని ఢిల్లీ వెళ్లాల్సి ఉండగా ఈరోజు జరిగిన సీబీఐ సోదాల నేపథ్యంలో ఆయన ఛత్తీస్ ఘడ్ లోనే ఉన్నట్లు బాఘెల్ కార్యాలయం ఒక ప్రకటనలో తెలిపింది.

భారత క్రికెట్ అంపైర్ నితిన్ మేనన్ ఇంటర్నేషనల్ క్రికెట్ కౌన్సిల్ ఎలైట్ ప్యానెల్ లో తన స్థానాన్ని పదిలం చేసుకున్నారు. ఇక భారత్ కు చెందిన మరో అంపైర్ జయరామన్ మదన్ గోపాల్ కు ఎమర్జింగ్ ప్యానెల్ లో చోటు లభించింది. ఐసీసీ ఎలైట్ ప్యానెల్: నితిన్ మేనన్ -భారత్, హోల్డ్ స్టాక్ -సౌతాఫ్రికా, రిచర్డ్ ఇల్లింగ్ వర్త్-ఇంగ్లాండ్, కెటిల్ బరు-ఇంగ్లాండ్, అల్లావుద్దీన్ పాలేకర్-సౌతాఫ్రికా, కుమార ధర్మసేన -శ్రీలంక, ఎహ్సన్ రాజా-పాకిస్థాన్, రాడ్నీ టకర్-ఆస్ట్రేలియా, షాహిద్ -బంగ్లాదేశ్, అలెక్స్ వార్ఫ్ -ఇంగ్లాండ్.

ఆసియా రెజ్లింగ్ ఛాంపియన్ షిప్ లో భారత రెజ్లర్ సునీల్ కుమార్ కాంస్యంతో ఆకట్టుకున్నాడు. గ్రీకో రోమన్ 87 కేజీల విభాగం కాంస్యం కోసం అతడు 5-1తో చైనాకు చెందిన జియాగ్జిన్ హంగ్ పై విజయం సాధించాడు.మొత్తంగా సునీల్ కు ఇది అయిదో ఆసియా ఛాంపియన్ షిప్ పతకం. అంతకుముందు సునీల్ సెమీస్ 1-3తో ఇరాన్ కు చెందిన యాసిన్ యాజి చేతిలో ఓడాడు. ప్రస్తుత ఆసియా ఛాంపియన్ షిప్ లో భారత్ కు ఇదే తొలి పతకం.

ఎన్నో అద్భుతమైన క్రికెట్ మ్యాచ్ లకు వేదికగా నిలిచిన ప్రతిష్టాత్మక ‘గబ్బా’ స్టేడియం ఇక గతంగా మారిపోనుంది. 2032 ఒలింపిక్స్ తర్వాత ఈ స్టేడియంను కూల్చేయాలని క్వీన్స్ ల్యాండ్ ప్రభుత్వం నిర్ణయించింది. బ్రిస్బేన్ లోని విక్టోరియా పార్క్ ప్రాంతంలో ఒలింపిక్స్ కు ఆతిథ్యం ఇచ్చేందుకు నిర్మిస్తున్న స్టేడియంకు ఇక క్రికెట్ తరలిపోనుంది. క్వీన్స్ ల్యాండ్ ప్రీమియర్ డేవిడ్ క్రిసాపుల్లి ఒలింపిక్స్ తాజా ప్లాన్స్ ను వివరించాడు. ఒలింపిక్స్ కోసం గబ్బా స్టేడియాన్ని కూల్చి తిరిగి నిర్మించాలని మొదట భావించినా ఖర్చు పెరుగుతుండటంతో ఆ ప్రతిపాదనను విరమించుకున్నారు. ప్రపంచవ్యాప్తంగా ప్రసిద్ధి చెందేలా ప్రముఖ స్టేడియాన్ని ఆవిష్కరించడానికి క్వీన్స్ల్యాండ్ సిద్ధమవుతోందని ఆయన అన్నారు. మెగా ఈవెంట్ నిర్వహణకు మంచి స్టేడియం కావాలని వారసత్వాన్ని అందించలేని తాత్కాలిక సౌకర్యాలు, తాత్కాలిక స్టాండ్ల కోసం బిలియన్లకొద్దీ డాలర్లు ఖర్చు చేయడమా లేదా కొత్త వేదికలో క్రికెట్ భవిష్యత్తును భద్రపరచడమా అనే అంశాల్లో ఒకదాన్ని ఎంపిక చేసుకోవాల్సి వచ్చిందని…

అహ్మదాబాద్ వేదికగా గుజరాత్ టైటాన్స్ పంజాబ్ కింగ్స్ జట్ల మధ్య జరిగిన మ్యాచ్ లో పంజాబ్ 11 పరుగులతో గెలుపొందింది.టాస్ గెలిచిన గుజరాత్ మొదట బౌలింగ్ ఎంచుకుంది. దీంతో మొదట బ్యాటింగ్ చేసిన పంజాబ్ కింగ్స్ నిర్ణీత 20 ఓవర్లలో 5 వికెట్ల నష్టానికి 243 పరుగులు చేసింది. శ్రేయాస్ అయ్యర్ 97నాటౌట్ (42; 5×4, 9×6) అజేయంగా సెంచరీకి చేరువలో నిలిచాడు. ప్రియాన్ష్ ఆర్య 47 (23; 7×4, 2×6), శశాంక్ సింగ్ 44 నాటౌట్ (16; 6×4, 2×6), స్టోయినీస్ 20 (15; 1×4, 2×6) పరుగులతో గుజరాత్ భారీ స్కోరు సాధించడంలో తమ వంతు పాత్ర పోషించారు. గుజరాత్ బౌలర్లలో సాయి కిషోర్ 3 వికెట్లు, రబడా, రషీద్ ఖాన్ ఒక్కో వికెట్ తీశారు. ఇక భారీ లక్ష్యాన్ని ఛేదించే క్రమంలో గుజరాత్ ఇన్నింగ్స్ మెల్లగా ఆరంభించిన తరువాత దూకుడు పెంచింది. ముఖ్యంగా సాయి సుదర్శన్ 74…