Author: admin

టెక్ దిగ్గజం ‘ఐబీఎం’ ఈ ఏడాది అమెరికాలో భారీ స్థాయిలో ఉద్యోగాలను తొలగించేందుకు సిద్ధమవుతోంది. విశ్వసనీయ వర్గాల సమాచారం ప్రకారం, దాదాపు 9 వేల మందిని విధుల నుంచి తొలగించనున్నట్లు తెలుస్తోంది. వివిధ విభాగాల్లోని ఉద్యోగాలను ఆఫ్‌షోర్‌ మార్గంలో నిర్వహించేందుకు సంస్థ ప్రణాళికలు రూపొందిస్తోంది. ఈ తరలింపులో ఎక్కువగా భారత్‌ వంటి దేశాలకు ఉద్యోగ అవకాశాలు వెళ్లే అవకాశం ఉందని బ్రిటిష్‌ టెక్నాలజీ న్యూస్ వెబ్‌సైట్ ‘ద రిజిస్టర్‌’ తన తాజా నివేదికలో వెల్లడించింది. ఖాళీ అవుతున్న ఉద్యోగ స్థానాలను భారతదేశానికి తరలించడం గత కొన్నేండ్లుగా జరుగుతున్న ప్రక్రియేనని ఐబీఎం ఇన్‌సైడర్స్‌ పేర్కొన్నారు. ఈ చర్యలతో అమెరికాలో ఐటీ రంగ ఉద్యోగులు తీవ్ర ఒత్తిడిని ఎదుర్కొనే అవకాశం ఉందని విశ్లేషకులు అంచనా వేస్తున్నారు.

మహారాష్ట్రలోని నాగ్‌పూర్‌లో ఇటీవల చోటుచేసుకున్న హింసాత్మక ఘటనలకు ప్రధాన నిందితుడిగా భావిస్తున్న ఫహీమ్‌ఖాన్‌ అక్రమ నిర్మాణాలపై ప్రభుత్వం కఠిన చర్యలు చేపట్టింది. నాగ్‌పూర్ మున్సిపల్ శాఖ అధికారులు సోమవారం ఉదయం అతని నివాసంతో పాటు ఇతర నిర్మాణాలను బుల్డోజర్‌తో కూల్చివేశారు. నిబంధనలకు విరుద్ధంగా నిర్మించిన కారణంగా ముందే నోటీసులు జారీ చేశామని అధికారులు తెలిపారు. మార్చి 17న నగరంలో మతపరమైన వ్యాఖ్యలు చేయడం ద్వారా రెండు వర్గాల మధ్య ఉద్రిక్తతలు తలెత్తాయి. అల్లర్లు చెలరేగడంతో, కొన్ని వర్గాలు తప్పుడు సమాచారం ప్రచారం చేయడంతో హింస మరింత తీవ్రతరం అయింది. ఈ తప్పుడు వదంతుల కేసులో ఫహీమ్‌ఖాన్‌తో పాటు ఆరుగురిపై దేశద్రోహం కేసులు నమోదు చేశారు. సైబర్ విభాగం ద్వారా ఇప్పటివరకు నాలుగు ఎఫ్ఐఆర్‌లు నమోదయ్యాయి. మొత్తం 200 మంది నిందితులను గుర్తించినట్లు, మరికొందరిని సీసీటీవీ ఆధారంగా గుర్తించే ప్రయత్నాలు కొనసాగుతున్నట్లు పోలీసు అధికారులు వెల్లడించారు.

కెనడాలో మధ్యంతర ఎన్నికలు వచ్చే నెల 28న జరగనున్నట్లు ప్రధాని మార్క్ కార్నీ అధికారికంగా ప్రకటించారు.మొత్తం 343 పార్లమెంటు స్థానాలకు ఈ ఎన్నికలు నిర్వహించనున్నారు.అమెరికా అధ్యక్షుడు డొనాల్డ్ ట్రంప్ కెనడాపై విధిస్తున్న సుంకాలు ఈ ఎన్నికల్లో ప్రధాన అంశంగా మారాయి.ఎన్నికల ప్రకటన వెలువడిన వెంటనే ప్రధాని కార్నీ, ప్రతిపక్ష కన్జర్వేటివ్ నేత పియరీ పోలీవర్ ప్రచారాన్ని ప్రారంభించారు.ఈ ఎన్నికల ప్రచారం 37 రోజుల పాటు కొనసాగనుంది.జస్టిన్ ట్రుడో తొమ్మిదేళ్లపాటు కెనడా ప్రధానిగా వ్యవహరించిన తర్వాత ఈ నెల 14న కార్నీ కొత్త ప్రధానిగా బాధ్యతలు స్వీకరించారు.తన మొదటి ప్రచార సమావేశంలో కార్నీ, ట్రంప్ విధిస్తున్న ఆర్థిక పరిమితులను తీవ్రంగా విమర్శించారు.కెనడా ఆర్థిక వ్యవస్థను పటిష్ఠంగా మార్చడం తన ప్రాధాన్య లక్ష్యమని ఆయన ప్రకటించారు.

పార్లమెంటులో ఏపీకి చెందిన అరకులో గిరిజనులు పండించే అరకు కాఫీ స్టాల్స్ ఏర్పాటుకు లోక్ సభ స్పీకర్ ఓం బిర్లా అనుమతించిన సంగతి తెలిసిందే.పార్లమెంట్లో నేడు అరకు కాఫీని ప్రారంభించిన కేంద్ర మంత్రులు పీయూష్ గోయల్, జువాల్ ఓరాం, కిరణ్ రిజిజు లు ప్రారంభించారు. కాగా, పార్లమెంట్ ప్రాంగణంలో అరకు కాఫీ స్టాల్ ప్రారంభం కావడం గర్వకారణమని కేంద్ర మంత్రి రామ్మోహన్ నాయుడు అన్నారు. ఆంధ్రప్రదేశ్‌లోని అరకు లోయ నుంచి GI ట్యాగ్ పొందిన ఈ ఆర్గానిక్ కాఫీ కేవలం ఒక పానీయమే మాత్రమే కాదు. ఇది 1.5 లక్షల గిరిజన రైతుల శ్రమకు దక్కిన ఫలితం, ఎన్నో ఏళ్ల వారసత్వాన్ని కొనసాగిస్తూ వస్తున్న గిరిజన రైతుల కృషి నేడు అరకు కాఫీని జాతీయ వేదికపై నిలిపిందని పేర్కొన్నారు. ప్రధాని మోడీ, సీఎం చంద్రబాబు సహకారంతో, అరకు కాఫీ లాంటి GI ఉత్పత్తులు గుర్తింపు పొందుతున్నాయి. ఇది గ్రామీణ ప్రాంతాల సాధికారతకు…

వైయస్‌ఆర్ కడప జిల్లా పులివెందుల నియోజకవర్గంలో మాజీ సీఎం, వైసీపీ అధినేత జగన్ పర్యటించారు.తాతిరెడ్డిపల్లిలో అకాల వర్షం, ఈదురు గాలుల కారణంగా వేలాది ఎకరాల్లో నేలకొరిగిన అరటి పంటను పరిశీలించి.. రైతులను పరామర్శించారు. లింగాల మండలంలోని పలు గ్రామాల్లో తనను కలిసిన వారిని ఆప్యాయంగా పలకరించి వారి యోగక్షేమాలు అడిగి తెలుసుకున్నారు. వైయస్సార్‌ జిల్లా లింగాల మండలంలో భారీ ఈదురుగాలులు, అకాల వర్షాలతో నష్టపోయన పంటలను అక్కడ కూలిన అరటితోటలు పరిశీలించారు. ఆ రైతులతో మాట్లాడి, వారికి జరిగిన నష్టాన్ని ఆరా తీశారు. లింగాల మండలంలో ఈదురు గాలులు, అకాల వర్షాలతో దాదాపు 4 వేల ఎకరాల్లో పంటనష్టం జరిగినట్లు ప్రాథమిక అంచనా వేస్తున్నారు.

బట్టతలతో బాధపడేవారికి శాస్త్రవేత్తలు కొత్త ఆశాజ్యోతి చూపించారు. ఇంగ్లండ్‌లోని షెఫీల్డ్ యూనివర్సిటీ, పాకిస్థాన్‌లోని కాస్మట్స్ యూనివర్సిటీ పరిశోధకులు డియోక్సీరైబోస్ షుగర్ జెల్ సాయంతో వెంట్రుకల పెరుగుదల సాధ్యమని నిర్ధారించారు. గాయాలను నయం చేసే ప్రయోగాల్లో ఈ జెల్ వాడినప్పుడు వెంట్రుకలు ఊహించని స్థాయిలో పెరిగినట్లు గుర్తించారు. ఎలుకలపై నిర్వహించిన పరిశోధనల్లో ఈ షుగర్ జెల్ కారణంగా మందపాటి, పొడవైన జుట్టు పెరిగినట్టు వెల్లడైంది. ఈ జెల్ కుదుళ్లకు రక్త ప్రసరణను మెరుగుపరిచి, జుట్టు పెరిగేందుకు సహాయపడుతుందని పరిశోధకులు చెబుతున్నారు. వంశపారంపర్యంగా వచ్చే బట్టతల సమస్యకు ఇది సమర్థమైన చికిత్సగా మారొచ్చని భావిస్తున్నారు. ప్రస్తుతం లభ్యమయ్యే చికిత్సల్లో పలు దుష్ప్రభావాలు ఉన్నప్పటికీ, ఈ కొత్త విధానం సురక్షితమైనదిగా కనిపిస్తోంది. అయితే, మానవులపై పరీక్షలు చేయాల్సిన అవసరం ఉందని పరిశోధకులు అంటున్నారు. ఈ పరిశోధన ఫలితాలు ఫ్రాంటియర్స్ ఇన్ ఫార్మాకాలజీ జర్నల్‌లో ప్రచురించబడ్డాయి.

ఉన్నత విద్య కోసం అమెరికా వెళ్లాలని లక్షలాది మంది విద్యార్థులు ఆశపడుతుంటారు. అయితే గత కొన్నేళ్లుగా ఎఫ్‌-1 విద్యార్థి వీసాల మంజూరుపై అమెరికా కఠిన నియంత్రణలు విధిస్తోంది. 2023-24 ఆర్థిక సంవత్సరంలో దాదాపు 41 శాతం వీసా దరఖాస్తులు తిరస్కరించినట్లు గణాంకాలు వెల్లడిస్తున్నాయి. 2013-14లో ఈ తిరస్కరణ శాతం 23 ఉండగా, గత ఏడాదికి ఇది రెట్టింపైందని తెలుస్తోంది. 2024 సంవత్సరంలో భారతీయ విద్యార్థులకు జారీ చేసిన ఎఫ్‌-1 వీసాల సంఖ్య 38 శాతం తగ్గిందని నివేదికలు పేర్కొంటున్నాయి.కొవిడ్ తర్వాత ఈ స్థాయిలో భారతీయ విద్యార్థుల వీసా మంజూరు తగ్గడం ఇదే తొలిసారి. 2024 తొమ్మిది నెలల్లో కేవలం 64 వేల మంది విద్యార్థులకు మాత్రమే వీసాలు మంజూరయ్యాయి.గతేడాది ఇదే కాలంలో ఈ సంఖ్య 1.03 లక్షలుగా ఉండటం గమనార్హం. అయితే తిరస్కరణకు గురైన దరఖాస్తులను దేశాల వారీగా విభజించి అమెరికా వెల్లడించలేదు. ఎఫ్‌-1 వీసా అనేది అమెరికాలో పూర్తి స్థాయి…

మహారాష్ట్ర డిప్యూటీ సీఎం ఏక్ నాథ్ శిండే పై స్టాండప్ కమెడియన్ కునాల్ కమ్రా చేసిన వ్యాఖ్యలు వివాదాస్పదమయ్యాయి. ఒక కార్యక్రమంలో పాల్గొన్న కునాల్ కమ్రా శిండే పై అనుచిత వ్యాఖ్యలు చేశారు. దీనిపై శివసేన కార్యకర్తలు ఆగ్రహం వ్యక్తం చేశారు. ఆ కార్యక్రమం జరిగిన హోటల్ పై దాడి చేశారు. క్షమాపణ చెప్పాలని డిమాండ్ చేశారు. దీంతో పోలీసులు కొందరు కార్యకర్తలను అదుపులోకి తీసుకున్నారు. కమెడియన్ వ్యాఖ్యలపై శివసేన కార్యకర్తలు పోలీసులకు ఫిర్యాదు చేశారు. దీంతో కునాల్ పై కేసు రిజిస్టర్ అయింది. ఇక ఉద్ధవ్ శివసేన-శిండే శివసేనల మధ్య ఈ తాజా ఘటనతో మాటాల యుద్దం నడుస్తోంది.

కేంద్రం ప్రతిపాదించిన లోక్‌సభ నియోజకవర్గాల పునర్విభజన (డీలిమిటేషన్)పై ఆంధ్రప్రదేశ్ ఉప ముఖ్యమంత్రి, జనసేన అధినేత పవన్ కళ్యాణ్ తాజాగా స్పందించారు. ఇప్పటివరకు డీలిమిటేషన్ పై ఎలాంటి అధికారిక ప్రకటన వెలువడలేదని ఆయన స్పష్టం చేశారు.ముందస్తు నినాదాలు విభజనకు దారితీసే ప్రమాదముందని హెచ్చరించారు.దక్షిణాది రాష్ట్రాల్లో పార్లమెంటరీ సీట్లు తగ్గకూడదని తాను కూడా కోరుకుంటానని తెలిపారు.అయితే ఎన్డీయే కూటమి భాగస్వామిగా దక్షిణాదికి అన్యాయం జరగదని హామీ ఇచ్చారు.కేంద్రం దక్షిణాది ప్రజలపై హిందీ భాషను బలవంతంగా రుద్దుతోందనే ఆరోపణలపై స్పందిస్తూ, ఏ భాషనైనా బలవంతంగా రుద్దే ప్రయత్నాన్ని తాను వ్యతిరేకిస్తానని స్పష్టం చేశారు.తాను ఎన్నడూ మాట మార్చలేదని,తన వైఖరి ఏప్పుడూ స్పష్టంగా ఉంటుందని వివరించారు.

యువహీరో సుహాస్ నటిస్తున్న తాజా ప్రేమకథా చిత్రం “ఓ భామా అయ్యో రామ,” టీజర్ విడుదలైంది.వినోదంతో నిండిన ఈ టీజర్ ప్రేక్షకులని ఆకట్టుకుంటోంది.ఈ చిత్రానికి రామ్ గోధల దర్శకత్వం వహిస్తుండగా, హరీశ్ నల్ల నిర్మాణ బాధ్యతలు చేపట్టారు.మలయాళ నటి మాళవిక మనోజ్ ఇందులో కథానాయికగా నటిస్తున్నారు.రధన్ అందించిన సంగీతం సినిమాకి ప్రత్యేక ఆకర్షణగా మారనుంది.అనితా హసనందిని, అలీ, బబ్లూ పృథ్వీరాజ్, రవీందర్ విజయ్ తదితరులు కీలక పాత్రల్లో కనిపించనున్నారు.చిత్రబృందం వేసవిలో సినిమాను విడుదల చేయాలని భావిస్తోంది. https://youtu.be/NVgZYVwn8_4?si=om6EksLb2emW0cWl