Author: admin

భారత రాజ్యాంగం ప్రతి పౌరుడికి తన అభిప్రాయాలను స్వేచ్ఛగా వ్యక్తపరిచే హక్కు ఇచ్చిందని, అయితే దానికి కొన్ని పరిమితులు కూడా ఉన్నాయని మహారాష్ట్ర డిప్యూటీ సీఎం ఏక్ నాథ్ షిండే పేర్కొన్నారు.ఏ విషయానికైనా హద్దు ఉంటుందని, ఆ హద్దు దాటి మాట్లాడితే మూల్యం చెల్లించక తప్పదని వ్యాఖ్యానించారు.స్టాండప్ కమేడియన్ కునాల్ కామ్రా తనపై చేసిన వివాదాస్పద వ్యాఖ్యలపై స్పందిస్తూ షిండే ఈ వ్యాఖ్యలు చేశారు. విమర్శలు, సెటైర్లను ప్రోత్సహిస్తానన్నా, అవి సంస్కారపద్ధతిలో ఉండాలని సూచించారు. కామ్రా తనపై సెటైర్లు వేయడానికి ఎవరితోనో సుపారీ తీసుకున్నట్లు అనిపిస్తోందని ఆరోపించారు.ముంబైలో ఓ హోటల్‌లో ఆదివారం జరిగిన ఓ ఈవెంట్‌లో కామ్రా చేసిన వ్యాఖ్యలు పెద్ద వివాదంగా మారాయి. ఆయన ఏక్ నాథ్ షిండేను “ద్రోహి” అంటూ చేసిన వ్యాఖ్యలపై శివసేన (షిండే వర్గం) కార్యకర్తలు తీవ్ర ఆగ్రహం వ్యక్తం చేశారు. ఆగ్రహంతో సదరు హోటల్‌పై దాడికి దిగిన కార్యకర్తలు, ఫర్నిచర్, కిటికీలు, మైకులు, సీలింగ్…

ఏపీ ప్రభుత్వానికి మద్దతు తెలిపిన ప్రజలకు సీఎం చంద్రబాబు నాయుడు గుడ్‌న్యూస్ చెప్పారు. ఏప్రిల్ మొదటి వారంలో మెగా డీఎస్సీ నోటిఫికేషన్ విడుదల చేయనున్నట్లు ఆయన ప్రకటించారు. సచివాలయంలో జరిగిన కలెక్టర్ల సమావేశంలో మాట్లాడుతూ, స్కూళ్ల ప్రారంభానికి ముందే నియామక ప్రక్రియ పూర్తవుతుందని స్పష్టం చేశారు. గత ఐదేళ్ల పాలన రాష్ట్రాన్ని తీవ్రంగా దెబ్బతీసిందని, కానీ ఇప్పుడు ప్రజలకు సుపరిపాలన, సంక్షేమం, అభివృద్ధి అందించడమే లక్ష్యమని తెలిపారు. ఎస్సీ వర్గీకరణ పూర్తయిన వెంటనే డీఎస్సీ భర్తీ ప్రక్రియ ప్రారంభమవుతుందని వివరించారు. అదేవిధంగా, 2027 నాటికి పోలవరం ప్రాజెక్టును పూర్తి చేసి తీరుతామని నొక్కిచెప్పారు. అమరావతిని ప్రపంచంలోనే ఉత్తమ నగరంగా అభివృద్ధి చేయడమే లక్ష్యమని, అది పూర్తిగా సెల్ఫ్ ఫైనాన్స్ ప్రాజెక్ట్‌గా రూపొందించనున్నట్లు వెల్లడించారు. రాష్ట్ర అభివృద్ధికి కీలకమైన ప్రతి అంశంపై దృష్టి సారించామని, త్వరలోనే ప్రజలకు మరిన్ని సువర్ణావకాశాలు అందించనున్నట్లు హామీ ఇచ్చారు.

ప్రముఖ మార్షల్ ఆర్ట్స్, ఆర్చరీ శిక్షకులు, సీనియర్ నటుడు షిహాన్ హుసైని (60) ఈరోజు ఉదయం బ్లడ్ క్యాన్సర్‌తో కన్నుమూశారు.ఆయన మరణ వార్త సినీ, క్రీడా ప్రముఖులను షాక్‌కు గురిచేసింది. ప్రత్యేకించి, ఆయన వద్దే కరాటే శిక్షణ పొందిన ఏపీ డిప్యూటీ సీఎం పవన్ కల్యాణ్ తీవ్ర విచారం వ్యక్తం చేశారు. పవన్ కల్యాణ్ ఓ పత్రికా ప్రకటన విడుదల చేసి, తన గురువు మరణం ఎంతో బాధించిందని తెలిపారు. హుసైని ఆరోగ్యం గురించి ఇటీవలే సమాచారం తెలుసుకొని, మెరుగైన వైద్యం అందించేందుకు ప్రణాళికలు రూపొందించానని, కానీ అంతలోనే ఈ దుర్వార్త వినాల్సి రావడం కలచివేసిందన్నారు. అయితే చెన్నైలో హుసైని గారు కఠిన నియమాలతో కరాటే శిక్షణ ఇచ్చేవారని, మొదట తనకు శిక్షణ ఇవ్వడానికి నిరాకరించినప్పటికీ, చివరికి ఒప్పుకుని బ్లాక్ బెల్ట్ స్థాయికి చేర్చారని గుర్తు చేసుకున్నారు. హుసైని గారి శిక్షణలో వేల మంది విద్యార్థులు కరాటేలో రాణించారని, ఆర్చరీ క్రీడా…

ట్రాఫిక్ పోలీసులు మండు వేసవిలో తీవ్ర గాలుల మధ్య విధులు నిర్వహించాల్సి రావడంతో అనేక ఇబ్బందులు ఎదుర్కొంటున్నారు. ఈ నేపథ్యంలో చెన్నై అవడి ట్రాఫిక్ పోలీసులు ఏసీ హెల్మెట్లను ప్రవేశపెట్టారు. ఈ ప్రత్యేక హెల్మెట్లు మైనస్ 15 డిగ్రీల చల్లదనాన్ని, 10 డిగ్రీల వెచ్చదనాన్ని అందించగలవు. ఇవి మెడకు దిగువ భాగంలో మూడు రెట్ల చల్లదనాన్ని కలిగిస్తాయని అధికారులు తెలిపారు. అవడి సిటీ పోలీస్ కమిషనర్ శంకర్ మాట్లాడుతూ, ఈ హెల్మెట్ల వల్ల తలనొప్పి, అలసట వంటి సమస్యలు తగ్గుతాయని తెలిపారు. ఏసీ ఆన్ చేసినప్పుడు స్వల్ప వైబ్రేషన్ అనుభూతి కలుగుతుందని పేర్కొన్నారు. అవడి పరిధిలో 334 మంది ట్రాఫిక్ కానిస్టేబుళ్లు విధులు నిర్వహిస్తుండగా, ప్రస్తుతం 50 మందికి మాత్రమే ఈ హెల్మెట్లు అందజేశామని తెలిపారు. వీటి పనితీరును పరిశీలించిన అనంతరం మిగిలిన వారికి కూడా అందించనున్నట్లు పేర్కొన్నారు.

సన్‌రైజర్స్ హైదరాబాదు గురువారం ఉప్పల్ స్టేడియంలో లక్నో సూపర్ జెయింట్స్ (ఎల్‌ఎస్‌జీ)తో తలపడనుంది.అయితే ఈ మ్యాచ్‌కు హాజరయ్యే అభిమానులకు స్పెషల్ ట్రీట్‌గా మ్యూజికల్ ఈవెంట్ కూడా ఏర్పాటు చేశారు.ప్రముఖ సంగీత దర్శకుడు తమన్ నేతృత్వంలో జరిగే ఈ సంగీత వేడుక ప్రేక్షకులను అలరించనుంది.ఐపీఎల్ అధికారిక హ్యాండిల్ ఈ విషయాన్ని ప్రకటించగా, ఈ సీజన్‌లో పలు స్టేడియాల్లో బీసీసీఐ ఇదే తరహాలో ఈవెంట్స్ నిర్వహిస్తోంది.ఎస్‌ఆర్‌హెచ్ ఈ ఐపీఎల్ 18వ సీజన్‌ను గ్రాండ్ విక్టరీతో ప్రారంభించిన విషయం తెలిసిందే.మార్చి 23న రాజస్థాన్ రాయల్స్‌తో జరిగిన మ్యాచ్‌లో 44 పరుగుల తేడాతో విజయం సాధించి, సత్తా చాటింది.ఇప్పుడు అభిమానులకు డబుల్ ఎంటర్టైన్‌మెంట్‌గా క్రికెట్‌తో పాటు సంగీత సందడికి అవకాశం లభించనుంది. Come and watch an electrifying performance by Thaman S, Live on 27th March at Uppal 😍Buy your tickets for SRH v LSG here 👇https://t.co/2SNr4C6H5Y https://t.co/K7p8X6a5en—…

అంతర్జాతీయ వేదికల్లో భారత్‌ను అప్రతిష్ట పాలు చేయాలని పాకిస్థాన్ చేసిన ప్రతి ప్రయత్నం విఫలమవుతూనే ఉంది. తాజాగా, ఐక్యరాజ్యసమితిలో పాకిస్థాన్ మరోసారి కశ్మీర్ అంశాన్ని లేవనెత్తడంతో, భారత్ తీవ్ర స్థాయిలో ప్రతిస్పందించింది. పాకిస్థాన్ ఆక్రమణలో ఉన్న కశ్మీర్ ప్రాంతం ఎప్పటికీ భారతదేశానికి అంతర్భాగమేనని భారత శాశ్వత ప్రతినిధి పర్వతనేని హరీశ్ స్పష్టం చేశారు. చట్టవిరుద్ధంగా ఆక్రమించిన భూభాగాలను ఖాళీ చేయాల్సిందేనని తేల్చి చెప్పారు. పదేపదే ఈ అంశాన్ని లేవనెత్తినా, పాకిస్థాన్ వాదనలకు నిజమైనతనం రాదని స్పష్టమైన సందేశం ఇచ్చారు. అంతేకాకుండా, సీమాంతర ఉగ్రవాదాన్ని ప్రోత్సహించే ప్రయత్నాలను భారత్ సహించదని కఠినంగా హెచ్చరించారు. పాకిస్థాన్ తన కుట్రలను మానుకుని, మౌలిక సమస్యలపై దృష్టి పెడితే మంచిదని హితవు పలికారు. అంతర్జాతీయ వేదికలను తప్పుదారి పట్టించేందుకు చేసిన ఈ ప్రయత్నం కూడా వెనక్కి తిరిగిందని విశ్లేషకులు అంటున్నారు.

గోషామహల్ ఎమ్మెల్యే, బీజేపీ సీనియర్ నేత రాజాసింగ్ మరోమారు సంచలన వ్యాఖ్యలు చేశారు. సొంత పార్టీ నేతలే తనపై కుట్ర చేస్తున్నారని, తనను జైలుకు పంపించే ప్రయత్నం చేశారని ఆరోపించారు.తనపై పీడీ యాక్ట్ పెట్టాలని పోలీసులకు సూచించారని వెల్లడించారు. ప్రస్తుతం అసెంబ్లీలో బడ్జెట్ సమావేశాలు జరుగుతున్నప్పటికీ రాజాసింగ్ హాజరుకాకపోవడం పార్టీ వర్గాల్లో అనేక సందేహాలకు కారణమైంది.అయితే బీజేపీ తెలంగాణ అధ్యక్షుడి నియామకంపై పార్టీ అధిష్టానం చర్చలు జరుపుతున్న సమయంలో రాజాసింగ్ తాజా వ్యాఖ్యలు చర్చనీయాంశంగా మారాయి.రాష్ట్ర అధ్యక్షుడి ఎంపికకు సంబంధించి కూడా కీలక వ్యాఖ్యలు చేసిన రాజాసింగ్, బీఆర్ఎస్, కాంగ్రెస్ నేతలతో కలిసే వారికంటే,నిజమైన బీజేపీ నేతకు అవకాశం ఇవ్వాలని డిమాండ్ చేశారు. రాష్ట్రంలో బీజేపీ ప్రభుత్వాన్ని ఏర్పాటు చేయాలంటే కార్యకర్తలకు నిబద్ధతతో పని చేసే నేతను అధ్యక్షుడిగా నియమించాల్సిన అవసరం ఉందని పేర్కొన్నారు.

భారత మహిళా క్రికెట్ టీమ్ కెప్టెన్ హార్మన్ ప్రీత్ కౌర్, వైస్ కెప్టెన్ స్మృతి మంథాన, ఆల్ రౌండర్ దీప్తి శర్మ బీసీసీఐ సెంట్రల్ కాంట్రాక్టులో ఎ-గ్రేడ్ ను నిలబెట్టుకున్నారు. బీసీసీఐ తాజాగా ప్రకటించిన లిస్ట్ లో ఈ ముగ్గురిని ఎ-గ్రేడ్ లో కొనసాగించింది. జెమీమా రోడ్రిగ్స్, రిచా ఘోష్, రేణుకా ఠాకూర్, షెఫాలీ వర్మ లు బీ-గ్రేడ్ లో, రాధ యాదవ్, యాస్తిక భాటియా, శ్రేయాంక పాటిల్, టిటాస్ సాధు, అరుంధతి రెడ్డి, అమన్ జ్యోత్, ఉమా ఛెత్రి, స్నేహ్ రాణా, పూజా వస్త్రాకర్ లు సీ-గ్రేడ్ లో స్థానం సంపాదించుకున్నారు. ఏ-గ్రేడ్ క్రికెటర్ లకు ఏడాదికి రూ.50లక్షలు, బీ-గ్రేడ్ కు రూ.30 లక్షలు, సీ-గ్రేడ్ కు రూ.10లక్షలు లభించనున్నాయి.

విశాఖపట్నం వేదికగా ఢిల్లీ క్యాపిటల్స్, లక్నో సూపర్ జెయింట్స్ మధ్య జరిగిన ఉత్కంఠ భరిత మ్యాచ్ లో ఢిల్లీ అదరగొట్టింది. ఒక వికెట్ తేడాతో ఢిల్లీ క్యాపిటల్స్ విజయం సాధించింది. టాస్ గెలిచిన ఢిల్లీ మొదట ఫీల్డింగ్ ఎంచుకుంది. దీంతో ముందుగా బ్యాటింగ్ చేసిన లక్నో నిర్ణీత 20 ఓవర్లలో 8 వికెట్ల నష్టానికి 209 పరుగులు చేసింది.మిచెల్ మార్ష్ 72 (36; 6×4, 6×6), నికోలస్ పూరన్ 75 (30; 6×4, 7×6) విధ్వంసకర బ్యాటింగ్ తో ఢిల్లీ బౌలర్లపై విరుచుకుపడ్డారు. డేవిడ్ మిల్లర్ (27 నాటౌట్) కూడా ఫర్వాలేదనిపించాడు. అయితే వరుసగా వికెట్లు కోల్పోయింది. ఢిల్లీ బౌలర్లలో మిచెల్ స్టార్క్ 3 వికెట్లు, కుల్ దీప్ యాదవ్ 2 వికెట్లు, విప్రజ్ నిగమ్, ముకేశ్ కుమార్ లు చెరొక వికెట్ తీశారు. టార్గెట్ ఛేజింగ్ లో ఢిల్లీ ఫ్రేజర్ మెక్ గుర్క్ (1), అభిషేక్ పోరెల్ (0), సమీర్…

ఆంధ్రప్రదేశ్‌లో ఉన్నత విద్యకు మహత్తర ముందడుగు పడింది. జార్జియా నేషనల్ యూనివర్శిటీ (GNU) ఉత్తరాంధ్ర లో అంతర్జాతీయ విశ్వవిద్యాలయాన్ని స్థాపించేందుకు ₹1,300 కోట్ల పెట్టుబడితో ఏపీ ప్రభుత్వంతో మంత్రి నారా లోకేష్ సమక్షంలో ఒప్పందాన్ని కుదుర్చుకుంది. ఈ భాగస్వామ్యం గ్లోబల్ విద్యా ప్రమాణాలను మెరుగుపరచడంతో పాటు 500కుపైగా ఉద్యోగ అవకాశాలను సృష్టించి, విద్యార్థులను ప్రపంచస్థాయి నైపుణ్యాలతో సిద్దం చేయడానికి దోహదం చేస్తుంది. ఆంధ్రప్రదేశ్‌ను గ్లోబల్ ఎడ్యుకేషన్ హబ్‌గా మార్చేందుకు సంకల్పం మరింత బలంగా ఉందని లోకేష్ పేర్కొన్నారు.