‘ఎర్త్ అవర్’ ప్రాముఖ్యతను వివరిస్తూ ఏపీ సీఎం చంద్రబాబు సోషల్ మీడియా వేదికగా పోస్ట్ చేశారు. భూమి మన ఏకైక నివాసం, కాబట్టి దానిని రక్షించేందుకు మనం సాధ్యమైన ప్రతి ప్రయత్నం చేయాలని పేర్కొన్నారు. ప్రతి సంవత్సరం, Earth Hour ప్రపంచవ్యాప్తంగా కోట్లాది మందిని ఏకతాటిపైకి తీసుకువస్తూ, మన గ్రహాన్ని పరిరక్షించేందుకు దోహదం చేస్తుందని 60 నిమిషాల పాటు అందరినీ ఏకతాటిపైకి తెస్తుందని పేర్కొన్నారు. ఈ సంవత్సరం ఇది మార్చి 22న వస్తోంది, అలాగే ఈరోజు ప్రపంచ జల దినోత్సవం కూడా. వనరులను సంరక్షించేందుకు స్థిరమైన రేపటి కోసం ఆంధ్ర ప్రదేశ్ ప్రభుత్వం తన వంతు కృషి చేస్తోంది, కానీ ఈ ప్రయత్నాలు ప్రతి వ్యక్తి భాగస్వామ్యంతోనే నిజమైన అర్థం పొందుతాయని స్పష్టం చేశారు. చిన్న పనులే గొప్ప మార్పుకు దారి తీస్తాయి. మనమంతా కలిసి పని చేస్తే, ఒక విప్లవాత్మక ప్రభావాన్ని కలిగించగలమని పేర్కొన్నారు. అందరూ తమంతటతాముగా ఈ కార్యక్రమంలో…
Author: admin
స్విస్ ఓపెన్ సూపర్ 300 బ్యాడ్మింటన్ టోర్నీలో భారత యువ షట్లర్ శంకర్ ముత్తుస్వామి సుబ్రహ్మణియన్ పురుషుల సింగిల్స్ ప్రి క్వార్టర్స్ లో ప్రపంచ నెంబర్ 2 ర్యాంకర్ డెన్మార్క్ కు చెందిన ఆండ్రెస్ ఆంటోన్ సెన్ పై 18-21, 12-21, 21-5తో విజయం సాధించి సంచలనం సృష్టించాడు. దీంతో క్వార్టర్స్ చేరాడు. మెరుగైన ఆటతీరుతో ఆకట్టుకున్నాడు. మరోవైపు మహిళల డబుల్స్ క్వార్టర్స్ లో గాయత్రీ గోపీచంద్-ట్రీసాజాలీ ద్వయం 21-18, 21-14తో హాంకాంగ్ కు చెందిన యంగ్ లామ్-తింగ్ యెంగ్ జోడీ పై గెలిచింది.
ఇంటర్నేషనల్ ఒలింపిక్ కమిటీ (ఐవోసీ) అధ్యక్షపదవికి ఒలింపిక్ మాజీ స్విమ్మర్ క్రిస్టీ కోవెంట్రీ ఎన్నికయ్యారు. 12 సంవత్సరాల పాటు ఆ పదవిలో కొనసాగిన థామస్ బాచ్ స్థానంలో జూన్ 23న క్రిస్టీ కోవెంట్రీ బాధ్యతలు తీసుకుంటారు. ఈమె 2033 వరకు పదవీలో ఉంటారు. 131 ఏళ్ల చరిత్రలో ఐవోసీ అధ్యక్షపదవి బాధ్యతలు చేపట్టనున్న తొలి మహిళగా, ఆఫ్రికా జాతీయురాలిగా జింబాబ్వేకు చెందిన క్రిస్టీ కోవెంట్రీ అరుదైన ఘనత అందుకోనున్నారు. జింబాబ్వేకు చెందిన క్రిస్టీ కోవెంట్రీ ఒలింపిక్స్ లో స్విమ్మింగ్ లో రెండు సార్లు బంగారు పతకాలు సాధించారు.
భారత్-చైనాల మధ్య సరిహద్దు వివాదంపై పరిష్కారానికి చర్చలు జరుగుతున్న వేళ చైనా మరోసారి తన కపట బుద్ది చూపుతూ కవ్వింపు చర్యలకు ఉపక్రమించింది. లద్దాఖ్ ప్రాంతంలో కొన్ని చోట్ల కౌంటీలను ఏర్పాటు చేస్తోంది. భారత్ దీనిపై తీవ్ర ఆగ్రహం వ్యక్తం చేసింది. ఇటువంటి దురాక్రమణలను ఉపేక్షించేది లేదని స్పష్టం చేసింది. రెండు కొత్త కౌంటీలను చైనా ఏర్పాటు చేయడం మా దృష్టికి వచ్చింది. అక్కడ కొన్ని భూభాగాలు లద్దాఖ్ పరిధిలోకి వస్తాయి. భారత భూభాగాలు ఆక్రమించడం ఎప్పటికీ సహించబోమని పేర్కొంది. భారత సార్వభౌమాధికారానికి సంబంధించి మా దీర్ఘకాల, స్థిరమైన వైఖరిపై ఈ కౌంటీల ఏర్పాటు ప్రభావం చూపదని ఈ చర్యలు చైనా చేస్తున్న బలవంతపు ఆక్రమణలకు చట్టబద్ధత కల్పించలేవని కేంద్ర విదేశాంగ శాఖ సహాయ మంత్రి కీర్తి వర్థన్ సింగ్ పార్లమెంటుకు తెలిపారు. దీనిపై భారత్ నిరసనను దౌత్య మార్గాల ద్వారా తెలియజేసినట్లు వివరించారు.
మూడు దశాబ్దాలుగా తాను ఇచ్చిన ఒకే మాట మీద చంద్రబాబు ఉన్నారని ఎమ్మార్పీఎస్ అధ్యక్షుడు మంద కృష్ణ మాదిగ అన్నారు. ఎన్ని అడ్డంకులు, అవాంతరాలు, ఒత్తిడులు వచ్చినా, న్యాయం కోసం నిలబడిన వ్యక్తి చంద్రబాబు అని కొనియాడారు.ఎస్సీ వర్గీకరణపై ఏపీ శాసనసభ ఏకగ్రీవ తీర్మానం చారిత్రక విజయమని పేర్కొన్నారు. ఎస్సీ వర్గీకరణపై ఏకగ్రీవ తీర్మానంలో చంద్రబాబుదే కీలకపాత్ర. 1997-98లో తొలిసారి తీర్మానం ప్రవేశపెట్టిన ఘనత చంద్రబాబుదేనని స్పష్టం చేశారు. 1997లో తాను చంద్రబాబు తల్లి ఆశీస్సులు తీసుకుని పాదయాత్ర ప్రారంభించానని గుర్తుచేసుకున్నారు. 30 ఏళ్ల పోరాటంలో అమరులైన వారికి ఈ విజయం అంకితం ఇస్తున్నామని అన్నారు. తమ ఉద్యమంలో న్యాయం ఉందనే దానికి ఈ ఏకగ్రీవ తీర్మానాలే నిదర్శనం అని పేర్కొన్నారు. ప్రధాని మోడీ, కేంద్ర హోంమంత్రి అమిత్ షా, మాజీ ఉపరాష్ట్రపతి వెంకయ్యనాయుడు, కేంద్రమంత్రి కిషన్ రెడ్డి తమకు అండగా నిలిచారని మంద కృష్ణ మాదిగ పేరుపేరునా కృతజ్ఞతలు తెలిపారు.…
తన మనవడు నారా దేవాన్ష్ పుట్టినరోజు సందర్భంగా కుటుంబ సభ్యులతో కలిసి తిరుమల శ్రీ వేంకటేశ్వరస్వామిని ఏపీ సీఎం చంద్రబాబు దర్శించుకున్నారు. ఇక అనంతరం ఆయన మీడియాతో మాట్లాడారు. రోజూ ఎంతో మంది భక్తులు తిరుమలకు వస్తున్నారు. అన్నదానానికి చాలామంది వితరణ ఇస్తున్నారు. భక్తులకు ప్రసాదాలు వడ్డిస్తే వచ్చే తృప్తి వెలకట్టలేనిదని పేర్కొన్నారు. సమాజహితం కోసం అందరూ పనిచేయాలని పిలుపునిచ్చారు. ఆ నాడు ఎన్టీఆర్ గారు ప్రారంభించిన అన్నదానం ట్రస్ట్, రోజు రోజుకీ దిగ్విజయంగా ముందుకు వెళ్తుందని అన్నారు. గత ప్రభుత్వంలో తిరుమలలో జరిగినవి అన్నీ ప్రజలు చూసారని ఎన్నో అపవిత్ర కార్యక్రమాలు ఇక్కడ జరిగాయని దుయ్యబట్టారు. ఆ రోజే చెప్పిన విధంగా ఇక్కడ నుంచే రాష్ట్ర పునర్నిర్మాణం ప్రారంభించానని పేర్కొన్నారు. తిరుమలలో పరిశుభ్రతకు ప్రథమ ప్రాధాన్యత ఇస్తున్నట్టు తెలిపారు. ఏడుకొండలను ఆనుకొని ముంతాజ్ హోటల్ కు అప్పట్లో అనుమతిచ్చారు. 35.32 ఎకరాల్లో హోటల్ కు అనుమతులు రద్దుచేస్తున్నట్లు పేర్కొన్నారు. ఏడుకొండలను…
ప్రముఖ సినీ నటుడు పోసాని కృష్ణమురళికి గుంటూరు కోర్టు బెయిల్ మంజూరు చేసింది.సీఐడీ నమోదు చేసిన కేసులో ఆయనకు ఈ ఊరట లభించింది.పోసాని బెయిల్ పిటిషన్‌పై కోర్టు బుధవారం విచారణ జరిపి తీర్పును వాయిదా వేసింది.చివరకు నేడు విచారణ కొనసాగించి బెయిల్ మంజూరు చేస్తూ ఉత్తర్వులు జారీ చేసింది.గుంటూరు జిల్లా జైలులో రిమాండ్ ఖైదీగా ఉన్న పోసాని, తనకు బెయిల్ ఇవ్వాలని కోరుతూ సీఐడీ కోర్టులో పిటిషన్ దాఖలు చేశారు.కాగా, ఫిబ్రవరి 26న హైదరాబాద్‌లో అరెస్టయిన పోసానిపై ఏపీలో మొత్తం 19 కేసులు నమోదైనట్లు సమాచారం.అవార్డుల అంశంపై సినీ పరిశ్రమలో విద్వేషాలు రెచ్చగొట్టేలా వ్యాఖ్యలు చేశారనే ఆరోపణలతో, చంద్రబాబు, పవన్ కల్యాణ్, నారా లోకేశ్‌లపై అనుచిత వ్యాఖ్యలు చేశారని ఫిర్యాదుల నేపథ్యంలో ఈ కేసులు నమోదయ్యాయి.
ప్రధాన షేర్లలో ఇన్వెస్టర్లు కొనుగోళ్లకు ఆసక్తి చూపడంతో దేశీయ స్టాక్ మార్కెట్లు వరుసగా ఐదో రోజు లాభాలతో ట్రేడింగ్ ముగించాయి. బాంబే స్టాక్ ఎక్స్ చేంజ్ సూచీ సెన్సెక్స్ 557 పాయింట్లు లాభంతో 76,905 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 159 పాయింట్లు లాభపడి 23,350 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.86.01గా కొనసాగుతోంది. సెన్సెక్స్ 30లో టాటా మోటార్స్, ఐసీఐసీఐ బ్యాంక్, యాక్సిస్ బ్యాంకు, సన్ ఫార్మా, నెస్లే ఇండియా, ఎన్టీపీసీ, బజాజ్ ఫైనాన్స్, కోటక్ మహీంద్రా బ్యాంక్, ఎల్ అండ్ టీ షేర్లు లాభాలతో ముగిశాయి.
ఆంధ్రప్రదేశ్ ముఖ్యమంత్రి నారా చంద్రబాబు అధ్యక్షతన ఏప్రిల్ 3న రాష్ట్ర మంత్రివర్గం సమావేశం కానుంది. రాజధాని అమరావతిలోని సచివాలయంలో ఉదయం 11 గంటలకు సమావేశమవనుంది. ఈ సమావేశంలో ప్రతిపాదించే అంశాలను ఈనెల 27వ తేదీలోగా పంపించాలని ప్రభుత్వ శాఖలకు ఆదేశాలు జారీ చేశారు.
విశాఖపట్నం మహా నగరపాలక సంస్థ కొత్త మాస్టర్ ప్లాన్ నాలుగు నెలల్లో తయారు చేస్తామని మంత్రి నారాయణ తెలిపారు. ఈ మాస్టర్ ప్లాన్ పై సచివాలయంలో అధికారులు, విశాఖ ఎమ్మెల్యేలతో సమావేశమయ్యారు. అనంతరం మీడియాతో మాట్లాడారు. మే నెలాఖరు నాటికి విశాఖ మెట్రో రైలు టెండర్లు పూర్తి చేయాలని నిర్ణయించారు. ఆర్థిక నగరం విశాఖపట్నం మాస్టర్ ప్లాన్ పై సమీక్షించినట్లు పేర్కొన్నారు. ప్రజలు నేతల అభిప్రాయాలతో నాలుగు నెలల్లో కొత్త మాస్టర్ ప్లాన్ రూపొందించనున్నట్లు తెలిపారు. మెట్రో ట్రైన్ గురించి కూడా చర్చించినట్లు తెలిపారు. టీడీఆర్ బాండ్స్ విషయంలో గతంలో అక్రమాలు జరిగాయని విశాఖలో 600 టీడీఆర్ బాండ్స్ పెండింగ్ లో ఉన్నాయని పేర్కొన్నారు. వీటిని కలెక్టర్ త్వరగా క్లియర్ చేయాలని ఆదేశించారు. భోగాపురం ఎయిర్ పోర్ట్ కు ఇబ్బంది లేకుండా రోడ్లు వేస్తామని చెప్పారు. వైసీపీ హాయాంలో మాస్టర్ ప్లాన్ కు విరుద్ధంగా డీవియేషన్ జరిగిందని తెలిపారు.