Author: admin

ఇటీవల జమ్ముకాశ్మీర్ లోని పహాల్గాంలో ఉగ్ర‌వాద ఘ‌ట‌నపై పాకిస్థాన్ మాజీ కెప్టెన్ షాహిద్ ఆఫ్రిది భార‌త ప్ర‌భుత్వంతో పాటు ఇండియ‌న్ ఆర్మీపై అనుచిత వ్యాఖ్యలు చేసిన సంగతి తెలిసిందే. భార‌త ఆర్మీ వైఫ‌ల్యం, చేత‌గానిత‌నం కార‌ణంగానే దాడి జ‌రిగింద‌ని అన్నాడు. అలాగే భార‌త ప్ర‌భుత్వం త‌న త‌ప్పిదాల‌ను క‌ప్పిపుచ్చుకునేందుకు ప్ర‌తిసారి పాక్‌ ను నిందించ‌డం అలవాటుగా మారింద‌ని నోరు పారేసుకున్నాడు. దీంతో ఆఫ్రిది వ్యాఖ్య‌లు నెట్టింట దుమారం రేపాయి. చాలా మంది అత‌ని వ్యాఖ్య‌ల‌ను తీవ్రంగా ఖండించారు. తాజాగా భార‌త మాజీ క్రికెట‌ర్ శిఖర్ ధావన్ అతని వ్యాఖ్యల పై తీవ్రంగా స్పందించాడు. ఇంకెంత దిగ‌జారుతారు అంటూ పాక్ మాజీ క్రికెట‌ర్‌పై తీవ్ర స్థాయిలో ధ్వ‌జమెత్తాడు. కార్గిల్ యుద్ధంలో ఓడిపోయారు. ఇప్ప‌టికే చాలా దిగ‌జారారు. ఇంకెంత దిగ‌జారుతారు. ఇలాంటి అర్ధ‌ర‌హిత వ్యాఖ్య‌లు చేసే బ‌దులు మీ తెలివిని దేశాన్ని అభివృద్ధి చేయ‌డానికి ఉప‌యోగిస్తే బాగుంటుంది అని ఆఫ్రిదికి ధావ‌న్ చురకలంటించారు. మేము…

గుజరాత్ టైటాన్స్: 209-4 (20). రాజస్థాన్ రాయల్స్: 212-2 (15.5). పరాజయాలతో సతమతమవుతున్న రాజస్థాన్ రాయల్స్ నేడు యువ ఆటగాడు వైభవ్ సూర్యవన్షీ 101 (38; 7×4, 11×6) విధ్వంసకర బ్యాటింగ్ తో అద్భుతమైన విజయాన్ని అందుకుంది. జైపూర్ లోని సవాయి మాన్ సింగ్ స్టేడియం వేదికగా గుజరాత్ టైటాన్స్ తో జరిగిన మ్యాచ్ లో 8 వికెట్ల తేడాతో ఘన విజయం సాధించింది. మ్యాచ్ లో మొదట బ్యాటింగ్ చేసిన గుజరాత్ టైటాన్స్ నిర్ణీత 20 ఓవర్లలో 4 వికెట్ల నష్టానికి 209 పరుగులు చేసింది. కెప్టెన్ శుభ్ మాన్ గిల్ 84 (50; 5×4, 4×6), జాస్ బట్లర్ 50 నాటౌట్ (26; 3×4, 4×6) హాఫ్ సెంచరీలతో ఆకట్టుకున్నారు. సాయి సుదర్శన్ (39) ఫర్వాలేదనిపించారు. రాజస్థాన్ బౌలర్లలో తీక్షణ 2 వికెట్లు, జోఫ్రా ఆర్చర్, సందీప్ శర్మ తలో వికెట్ తీశారు. ఇక అనంతరం లక్ష్య ఛేదనలో…

దేశీయ స్టాక్ మార్కెట్లు భారీ లాభాలతో ట్రేడింగ్ ముగించాయి. ఒక పక్క భారత-పాక్ లో మధ్య ఉద్రిక్తతలు కొనసాగుతున్నప్పటికీ విదేశీ ఇన్వెస్టర్లు కొనుగోళ్లకు మొగ్గు చూపడం, మెరుగైన క్వార్టర్స్ రిజల్ట్స్ తో సూచీలు రాణించాయి. బాంబే స్టాక్ ఎక్స్ చేంజ్ సూచీ సెన్సెక్స్ 1005 పాయింట్లు లాభపడి 80,218 వద్ద స్థిరపడగా… నేషనల్ స్టాక్ ఎక్స్ చేంజ్ సూచీ నిఫ్టీ కూడా దాదాపు 289 పాయింట్ల లాభంతో 24,328 వద్ద స్థిరపడింది. డాలర్ తో రూపాయి మారకం విలువ రూ.85.04గా కొనసాగుతోంది. సెన్సెక్స్ 30లో రిలయన్స్, టాటా స్టీల్, మహీంద్రా అండ్ మహీంద్రా, ఎస్.బీ.ఐ షేర్లు లాభాలతో ముగిశాయి.

జమ్ముకశ్మీర్ సీఎం ఒమర్ అబ్దుల్లా అసెంబ్లీలో తీవ్ర భావోద్వేగానికి గురయ్యారు. ఇటీవల జరిగిన పహల్గామ్ ఉగ్రదాడి ఘటనపై జరిగిన అత్యవసర సమావేశంలో మాట్లాడుతూ, రాష్ట్రానికి వచ్చిన అతిథులను కాపాడటంలో తాను విఫలమయ్యానని ఈ దాడిలో మరణించిన 26 మంది ప్రాణాలను అడ్డం పెట్టుకుని రాష్ట్ర హోదా కోసం తాను డిమాండ్ చేయబోనని పేర్కొన్నారు. పహల్గామ్ దాడిపై చర్చించేందుకు నేడు జమ్మూకశ్మీర్ అసెంబ్లీ ప్రత్యేకంగా సమావేశమైంది. ఈ సందర్భంగా ఒమర్ అబ్దుల్లా మాట్లాడారు. గతంలో ఇలాంటి దాడులు చూశాం. కానీ, పహల్గామ్‌లోని బైసరన్‌ లో ఇంత పెద్ద స్థాయిలో దాడి జరగడం గత 21 ఏళ్లలో ఇదే మొదటిసారి. మరణించిన వారి కుటుంబ సభ్యులకు ఏవిధంగా క్షమాపణ చెప్పాలో కూడా తెలియడం లేదు. రాష్ట్రానికి వచ్చిన పర్యాటకులను సురక్షితంగా తిరిగి పంపాల్సిన బాధ్యత మాపై ఉంది. ఆ పని తాను చేయలేకపోయాను. క్షమాపణలు చెప్పేందుకు తన వద్ద మాటలు కరువయ్యాయని తీవ్ర ఆవేదన…

అమరావతి విట్ యూనివర్సిటీలో ‘వి లాంచ్‌పాడ్ 2025 – స్టార్టప్ ఎక్స్‌పో’లో ఏపీ సీఎం చంద్రబాబు పాల్గొన్నారు. యూనివర్సిటీ ప్రాంగణంలో గాంధీజీ విగ్రహాన్ని ఆవిష్కరించారు . మహాత్మాగాంధీ బ్లాక్, వి.వి.గిరి బ్లాక్, దుర్గాబాయి దేశ్‍ముఖ్ బ్లాక్ నూతన భవనాలను ప్రారంభించారు. గతంలో ఇన్ఫర్మేషన్ టెక్నాలజీని ప్రోత్సహించిన విధానాన్ని గుర్తు చేసుకున్నారు. అమరావతిలో 5 లక్షల మంది విద్యార్థులు చదవాలని పేర్కొన్నారు. విట్ లో 50 వేల మంది విద్యార్థులు ఉండాలని కేవలం ఏపీ విద్యార్థులే కాకుండా ఇతర రాష్ట్రాలు, దేశాల విద్యార్థులు ఉండాలని అన్నారు. అమరావతిలో 30శాతం పచ్చదనం, నీరుతో నిండి ఉంటుంది. ఇప్పుడున్న వర్సిటీలతోపాటు మరికొన్ని ప్రతిష్టాత్మక సంస్థలు వస్తున్నాయి. విశాఖలో “గూగుల్” సంస్థ భారీ పెట్టుబడులు.. త్వరలోనే అధికారిక ప్రకటన రానుందని అన్నారు. మే 2న ప్రధాని మోడీ అమరావతికి వస్తున్నారు. ప్రధాని చేతుల మీదుగా అమరావతి పునఃప్రారంభం కానుందని తెలిపారు. త్వరలో అమరావతిలో రతన్ టాటా ఇన్నోవేషన్…

మెడికల్ రంగంలో రోబోటిక్స్ వినియోగం పెరుగుతున్న నేపథ్యంలో టెస్లా, స్పేస్‌ఎక్స్ అధినేత, ప్రముఖ బిలియనీర్ ఎలాన్ మస్క్ కీలక వ్యాఖ్యలు చేశారు. రానున్న ఐదేళ్లలో అత్యుత్తమ మానవ సర్జన్లను సైతం రోబోలు అధిగమించగలవని సోషల్ మీడియా ‘ఎక్స్’ వేదికగా ఆయన అభిప్రాయపడ్డారు. కొన్ని సంవత్సరాలలోనే మంచి సర్జన్లను, ఐదేళ్లలో అత్యుత్తమ సర్జన్లను రోబోలు అధిగమిస్తాయని మస్క్ పేర్కొన్నారు. తన బ్రెయిన్-కంప్యూటర్ ఇంటర్ఫేస్ సంస్థ ‘న్యూరాలింక్’ కార్యకలాపాలే ఇందుకు నిదర్శనమని ఆయన తెలిపారు. మెదడులో ఎలక్ట్రోడ్లను అమర్చే ప్రక్రియ అత్యంత కచ్చితత్వంతో, వేగంగా జరగాలని, అది మానవులకు అసాధ్యమని, అందుకే తాము రోబోల సహాయం తీసుకోవాల్సి వచ్చిందని మస్క్ వివరించారు.అమెరికాకు చెందిన మెడికల్ డివైస్ కంపెనీ ‘మెడ్‌ట్రానిక్’ సాధించిన రోబోటిక్ సర్జరీ విజయాలపై ఇన్‌ఫ్లుయెన్సర్ మారియో నవ్‌ఫాల్ చేసిన పోస్ట్‌కు రిప్లై ఇస్తూ మస్క్ ఈ వ్యాఖ్యలు చేశారు.

సుదీర్ఘ సముద్ర తీరం ఉన్న మన రాష్ట్రంలో, తీర ప్రాంత అభివృద్ధి ద్వారా మత్స్యకార కుటుంబాలకు భరోసా కల్పించే దిశగా అడుగులు వేస్తున్నట్లు ఏపీ డిప్యూటీ సీఎం పవన్ కళ్యాణ్ అన్నారు. రాష్ట్రంలో మత్స్యకారుల వలసలు తగ్గించే దిశగా కూటమి ప్రభుత్వం అడుగులు వేస్తుందని, సముద్రంలో చేపల వేట నిషేధ సమయంలో ఇచ్చే భృతిని రెట్టింపు చేస్తామని ఎన్నికల సమయంలో ఇచ్చిన హామీని సీఎం చంద్రబాబు నేతృత్వంలోని కూటమి ప్రభుత్వం నిలబెట్టుకుందని స్పష్టం చేశారు. మత్స్యకారులకు వేట నిషేధ సమయంలో ఇచ్చే భృతిని రూ. 10,000 నుంచి రూ.20,000 పెంచాము. మత్స్యకారుల సేవ పథకం ద్వారా ఈ మొత్తాన్ని లబ్ధిదారుల ఖాతాల్లోకి జమ చేస్తున్నామని తెలిపారు. రాష్ట్రవ్యాప్తంగా ఉన్న 1,29,178 మత్స్యకార కుటుంబాలకు రూ.259 కోట్ల లబ్ధి చేకూరుతోందని పేర్కొన్నారు. చేపల వేటపై ఆధారపడ్డ కష్ట జీవులకి ఈ రెండు నెలలు జీవనానికి ఎలాంటి సమస్య రాకుండా చేసే దిశగా ఎన్నికల…

గ్రేటర్ విశాఖపట్నం మేయర్‌గా కూటమి అభ్యర్థి పిలా శ్రీనివాస్ రావు ఎన్నికయ్యారు. పీలా శ్రీనివాసరావు పేరును జనసేన ఎమ్మెల్యే వంశీ కృష్ణ యాదవ్ ప్రతిపాదించారు . బీజేపీ ఎమ్మెల్యే విష్ణుకుమార్ రాజు బలపరిచారు. దీంతో మేయర్ అభ్యర్థి ఎన్నిక ఏకగ్రీవం అయ్యింది. ఇక ప్రతిపక్ష వైసీపీ మేయర్ ఎన్నికను వైసీపీ బహిష్కరించింది. కోరం సరిపోవడంతో జీవీఎంసీ కౌన్సిల్ సమావేశం సోమవారం ఉదయం ప్రారంభమైంది. కూటమి టీడీపీ అభ్యర్థిగా పీలా శ్రీనివాసరావును జనసేన, బీజేపీ, కూటమి కార్పొరేటర్లు బలపరిచారు. పోటీలో ఇంకెవరూ లేనందున మేయర్‌గా పీలా శ్రీనివాసరావు ఎన్నికైనట్లు ఎన్నికల అధికారి, జాయింట్ కలెక్టర్ మయూరి అశోక్ ప్రకటించారు. పీలా శ్రీనివాసరావు మేయర్‌గా ఎన్నికైనట్లు ఎన్నిక ధృవపత్రాన్ని జాయింట్ కలెక్టర్ అందజేశారు. విశాఖ కొత్త మేయర్‌గా పీలా శ్రీనివాసరావుతో ఎన్నికల అధికారి మయూరి అశోక్ ప్రమాణ స్వీకారం చేయించారు. పీలా శ్రీనివాసరావు బాధ్యతలు చేపట్టారు.

పహల్గామ్ దాడి తదనంతర పరిణామాలతో పాకిస్థాన్ పౌరులకు జారీ చేసిన వీసాలను కేంద్ర ప్రభుత్వం రద్దు చేసిన విషయం తెలిసిందే. దాదాపు అన్ని రకాల వీసాలను రద్దు చేసి 72 గంటల్లోగా వారి దేశానికి వెళ్లిపోవాలంటూ గడువు విధించింది. సాధారణ వీసాల గడువు నిన్నటితో ముగియగా మెడికల్ వీసాలపై వచ్చిన వారికి రేపటి వరకు గడువు ఉంది. ఈ నేపథ్యంలో కేంద్రం విధించిన గడువు తర్వాత కూడా భారత్ లోనే ఉండిపోయిన పాకిస్థానీ పౌరులపై అధికారులు కఠిన చర్యలు తీసుకోనున్నారు. ఇమిగ్రేషన్ చట్టం ప్రకారం వీసా గడువు ముగిసిన తర్వాత కూడా దేశంలోనే ఉన్న విదేశీయులకు మూడేళ్ల జైలు శిక్ష లేదా రూ.3 లక్షల జరిమానా లేదా రెండూ విధించే అవకాశం ఉందని అధికార వర్గాలు తెలిపాయి. ఇక గత మూడు రోజులుగా పంజాబ్‌లోని అట్టారీ-వాఘా సరిహద్దు గుండా భారీగా ప్రజల తరలింపు జరిగింది. మన దేశానికి చెందిన వారు కూడా…

ట్రై యాంగిల్ వన్డే సిరీస్ లో భారత మహిళా క్రికెట్ జట్టు విజయంతో ఘనంగా ఆరంభించింది. శ్రీలంకపై 9 వికెట్ల తేడాతో విజయం సాధించింది. మ్యాచ్ ను వర్షం కారణంగా ఇన్నింగ్స్ ను 39 ఓవర్లకు కుదించారు. మొదటగా బ్యాటింగ్ చేసిన శ్రీలంక 147 (38.1) పరుగులకే కుప్పకూలింది. హాసిని పెరీరా (30), కనీషా (25) పరుగులతో ఫర్వాలేదనిపించారు. మిగిలిన బ్యాటర్లు పెద్దగా పరుగులు చేయలేకపోయారు. భారత బౌలర్లలో స్నేహ్ రాణా 3 వికెట్లు, శ్రీ చరణి 2 వికెట్లు, దీప్తి 2 వికెట్లతో ఆకట్టుకున్నారు. లక్ష్య ఛేదనలో భారత్ ప్రతీక రావెల్ (50 నాటౌట్), స్మ్రతి మంథాన (43), హార్లీన్ డియోల్ (48 నాటౌట్) రాణించారు. భారత్ తన తదుపరి మ్యాచ్ లో సౌతాఫ్రికాతో తలపడనుంది.