Author: admin

టైటానిక్ దుర్ఘటనలో బయటపడిన సర్వైవర్ కల్నల్ ఆర్చిబాల్డ్ గ్రేసీ.. టైటానిక్ షిప్ మునిగిపోవడానికి కొన్ని రోజుల ముందు రాసిన లేఖ యూకేలో జరిగిన వేలంలో రికార్డు స్థాయిలో విక్రయించబడడం విశేషం . వైల్ట్‌ షైర్‌ లోని హెన్రీ ఆల్డ్రిడ్జ్ అండ్ సన్ నిర్వహించిన వేలంలో ఆ లేఖకు రికార్డు స్థాయిలో రూ.3.4 కోట్ల ధర పలికింది. 1912 ఏప్రిల్ 15న ప్రమాదవశాత్తు టైటానిక్ షిప్ ఒక ఐస్ బర్గ్ ను ఢీకొని మునిగిపోయిన సంగతి తెలిసిందే. సుమారు 1500 మంది ఈ దుర్ఘటనలో మరణించారు. అయితే ఈ ప్రమాదం నుండి బతికి బయటపడిన అతి తక్కువ మందిలో ఆర్చిబాల్డ్ గ్రేసీ కూడా ఉన్నారు. ఆ ప్రమాదం నుంచి బయటపడినప్పటికీ అతి తక్కువ ఉష్ణోగ్రత కారణంగా, గాయాల వల్ల అనారోగ్యానికి గురై ఆ తర్వాత అనారోగ్య సమస్యలతో కొద్ది నెలలకే డిసెంబర్ 1912లో గ్రేసీ మరణించారు. ఇక గ్రేసీ తాను రచించిన ‘ది…

ముంబై ఇండియన్స్:215-7 (20). లక్నో సూపర్ జెయింట్స్:161-10 (20). ఐపీఎల్ సీజన్ 18 లో ముంబై ఇండియన్స్ మరో విజయం నమోదు చేసింది. నేడు వాంఖడే స్టేడియం వేదికగా లక్నో సూపర్ జెయింట్స్ తో జరిగిన మ్యాచ్ లో 54 పరుగుల తేడాతో గెలిచింది. మ్యాచ్ లో టాస్ గెలిచిన లక్నో సూపర్ జెయింట్స్ ముందు బౌలింగ్ ఎంచుకుంది. దీంతో మొదట బ్యాటింగ్ చేసిన ముంబై నిర్ణీత 20 ఓవర్లలో 7 వికెట్ల నష్టానికి 215 పరుగుల భారీ స్కోరు చేసింది. రికెల్టన్ 58 (32; 6×4, 4×6), సూర్య కుమార్ యాదవ్ 54 (28; 4×4, 4×6) హాఫ్ సెంచరీలతో రాణించారు. విల్ జాక్స్ (29), నమన్ ధీర్ (25 నాటౌట్), కార్బిన్ బాస్ (20) పరుగులు చేశారు. లక్నో బౌలర్లలో మయాంక్ యాదవ్ 2 వికెట్లు, ఆవేష్ ఖాన్ 2 వికెట్లు, ప్రిన్స్ యాదవ్, దిగ్వేష్ రాఠీ, రవి…

ఆంధ్రప్రదేశ్ రాజధాని అమరావతి పునః నిర్మాణ పనులకు శరవేగంగా అడుగులు పడుతున్నాయి. మే2న ప్రధాని మోడీ చేతుల మీదుగా పునః ప్రారంభించేందుకు ప్రభుత్వం ఏర్పాట్లు చేస్తోంది. ఇటీవలే సీఎం చంద్రబాబు ఢిల్లీ వెళ్లి ప్రధాని మోడీని ఈ భారీ కార్యక్రమానికి ఆహ్వానించారు. ఇక ఈ నేపథ్యంలో మంత్రి నారా లోకేష్ ఆసక్తికర పోస్ట్ చేశారు. గ్రహణం అనేది ఎంతో కాలం ఉండదు. స్వయం ప్రకాశకాలు అయిన సూర్యచంద్రుల మాదిరిగానే… స్వయం సమృద్ధి ప్రాజెక్ట్ అయిన ప్రజా రాజధాని అమరావతి కూడా ఐదేళ్ళ గ్రహణం నుండి బయటపడి మళ్ళీ వెలుగుబాట పట్టింది. పునర్నిర్మాణానికి సిద్ధం అవుతోందని ఒక వీడియోను కూడా తన పోస్ట్ కు జత చేశారు. గ్రహణం అనేది ఎంతో కాలం ఉండదు. స్వయం ప్రకాశకాలు అయిన సూర్యచంద్రుల మాదిరిగానే… స్వయం సమృద్ధి ప్రాజెక్ట్ అయిన ప్రజా రాజధాని అమరావతి కూడా ఐదేళ్ళ గ్రహణం నుండి బయటపడి మళ్ళీ వెలుగుబాట పట్టింది.…

ఐదేళ్ల తర్వాత కైలాస్- మానస సరోవర్ యాత్ర పునః ప్రారంభించేందుకు ప్రభుత్వం చర్యలు చేపడుతోంది. ఈ ఏడాది జూన్ నుండి తిరిగి ఈ యాత్ర ప్రారంభిస్తున్నట్లు కేంద్ర ప్రభుత్వం అధికారికంగా ప్రకటించింది. జూన్ నుంచి ఆగస్టు వరకూ జరగనుంది. ఈ యాత్ర ఉత్తరాఖండ్, సిక్కింలలో ప్రారంభం కానుంది. ఉత్తరాఖండ్ లోని లిపులేఖ్ పాస్ నుంచి ’50 మంది యాత్రికుల చొప్పున 5 బృందాలు, సిక్కిం నాథులా పాస్ నుంచి 10 బృందాలు ఈ యాత్రకు తరలివెళ్లనున్నాయి. కైలాస్-మానసరోవర్ యాత్ర కోసం దరఖాస్తులను KMY.GOV.IN ద్వారా పంపించాలి. కంప్యూటర్ జనరేటెడ్ విధానం ఆధారంగా యాత్రికులను ఎంపిక చేస్తారు. గతంలో కొవిడ్ కారణంగా కైలాస పర్వతం, మానసరోవర్ సరస్సు యాత్ర 2020లో ఆగిపోయింది. ఆ తర్వాత గాల్వాన్ వ్యాలీ ఘర్షణల నేపథ్యంలో భారత్, చైనాల మధ్య సంబంధాలు క్షీణించడంతో యాత్ర పునరుద్ధరణ చర్యలు జరగలేదు.

తెలుగు సినీ చరిత్రలో ఆల్ టైం బెస్ట్ మూవీస్ లో ఒకటిగా నిలిచిన చిత్రం ‘జగదేకవీరుడు అతిలోక సుందరి ‘. సోషియో ఫాంటసీ జానర్ లో ఒక మైలురాయిగా నిలిచి ఘన విజయం సాధించింది. మెగాస్టార్ చిరంజీవి, శ్రీదేవి జోడీ. ఇళయరాజా సంగీతం. రాఘవేంద్ర రావు దర్శకత్వం, వైజయంతి మూవీస్ వంటి ప్రతిష్టాత్మక నిర్మాణ సంస్థ ప్రొడక్షన్ ప్రమాణాలు. అత్యద్భుతమైన కథా కథనాలు ఈచిత్రాన్ని అత్యున్నత చిత్రాల్లో అగ్రభాగాన నిలిపాయి. 1990 మే9న విడుదైలైన ఈ చిత్రం అప్పట్లో తుఫాన్ ప్రభావాన్ని కూడా తట్టుకుని నిలబడి భారీ కలెక్షన్లు సాధించి ఇండస్ట్రీ హిట్ గా నిలచింది. అప్పటి తరం వారికి మరీ ముఖ్యంగా 80, 90 దశాబ్దంలో వారికి ఈ చిత్రం ఎంతో ప్రత్యేకం. కాగా, మళ్లీ ఈ జెనరేషన్ వారిని కూడా అలరించేందుకు చిత్ర నిర్మాణ సంస్థ తిరిగి విడుదల చేయాలని నిర్ణయించింది. మూడున్నర దశాబ్దాల తర్వాత తిరిగి వెండితెరపై…

ఇటీవల జమ్ముకాశ్మీర్ లోని పహాల్గాంలో పర్యాటకులపై జరిగిన దాడి కేసుని ఆ రాష్ట్ర పోలీసుల నుండి నేషనల్ ఇన్వెస్టిగేషన్ ఏజెన్సీ (NIA) అధికారికంగా తీసుకుంది. ఘటనపై సెక్యూరిటీ ఫోర్సెస్, జమ్మూ కాశ్మీర్ పోలీసులు కలిసి ఇన్విస్టిగేషన్ చేస్తున్నాయి. కేంద్ర హోం మంత్రిత్వ శాఖ ఆదేశాల మేరకు తాజాగా ఈ కేసును NIA తీసుకుంది. NIA బృందాలు పహాల్గాంలో విచారణ చేపట్టాయి. ఘటన జరిగిన సమయంలో ఉగ్రవాదులను చూసిన టూరిస్ట్ లను పోలీసు ఇన్స్పెక్టర్ జనరల్, డిప్యూటీ ఇన్స్పెక్టర్ జనరల్ ఆఫ్ పోలీస్, ఉగ్రవాద నిరోధక సంస్థకు చెందిన పోలీసు సూపరింటెండెంట్ పర్యవేక్షణలో విచారిస్తున్నట్లు అధికారులు తెలిపారు. అక్కడ టూరిస్ట్ లు తీసుకున్న ఫోటోలు, వీడియోలు క్షుణ్ణంగా పరిశీలిస్తున్నట్లు తెలిపారు. అనుమానాస్పద వ్యక్తులు కనిపిస్తే సమాచారం ఇవ్వాలని కోరారు. పహాల్గాం ఎంట్రీ, ఎగ్జిట్ ప్రదేశాలలో ఫోరెన్సిక్ టీమ్ సహాయంతో తనీఖీలు ముమ్మరం చేశారు.

పోలవరం ఎత్తు తగ్గించి ఆర్థిక భారం తగ్గించుకోవాలని చూడడం బీజేపీ కుట్ర అని ఏపీసీసీ చీఫ్ షర్మిల ఆరోపించారు. పోలవరం విషయంలో జగన్, బాబు, బీజేపీ అంతా దుర్మార్గులేనంటూ తీవ్ర వ్యాఖ్యలు చేశారు. గత వైసీపీ ప్రభుత్వంలో జగన్ గారు బీజేపీతో 41.15 మీటర్ల ఎత్తుకు ఒప్పందం చేసుకున్నారు. పోలవరం మీద జగన్ కాంప్రమైజ్ అయ్యారు. వైఎస్ ఆర్ కొడుకు జగన్ గారు అని ప్రజలు అధికారం ఇచ్చారు. జగన్ గారు అధికారంలో వస్తే ప్రాజెక్ట్ పూర్తి చేస్తారని అనుకున్నారు. కానీ దారుణంగా మోసం చేశారు. ఇప్పుడు అదే విధానాన్ని చంద్రబాబు అమలు చేస్తున్నారు.. . 45.7 మీటర్ల ఎత్తులో నిర్మిస్తే 85 వేల కుటుంబాలకు పరిహారం ఇవ్వాలి. 41.15మీటర్లకు కుదిస్తే 20వేల కుటుంబాలకు మాత్రమే పరిహారం ఇవ్వాలి. 65వేల కుటుంబాలకు ఇవ్వాల్సిన రూ.33వేల కోట్ల పరిహారం ఎగ్గొటేందుకు ఎత్తు తగ్గించారని ఆరోపించారు. ప్రతిపక్షంలో ఉండగా చంద్రబాబు పోలవరంపై కపట ప్రేమ…

మాడ్రిడ్ ఓపెన్ లో సెర్బియన్ టెన్నిస్ దిగ్గజం నొవాక్ జకోవిచ్ మొదటి రౌండ్ లోనే ఓటమితో వెనుదిరిగాడు. పురుషుల 10 లో జకోవిచ్ 3-6, 4-6తో ఇటలీకి చెందిన మాటో ఆర్నాల్డీ చేతిలో ఓడిపోయాడు. ఆతనితో ఆడడం జకోవిచ్ కు ఇదే మొదటి సారి. ఈ సీజన్ లో ఇది జకోవిచ్ కు మూడో పరాజయం. మాడ్రిడ్ ఓపెన్ కు ముందు మియామీ ఫైనల్, మాంటె కార్లో మాస్టర్స్ లో ప్రీ క్వార్టర్స్ లో పరాజయం చెందాడు. మే 25న ప్రతిష్టాత్మక ఫ్రెంచ్ ఓపెన్ ప్రారంభం కానుంది.

ఇటీవ‌ల ‘తండేల్‌’ తో అలరించిన అక్కినేని నాగచైతన్య ప్రస్తుతం విరూపాక్ష ఫేం కార్తీక్ దండు దర్శకత్వంలో ఓ మూవీ చేస్తున్నారు. ఈ సినిమా మైథలాజికల్ థ్రిల్లర్ గా ఉండనుంది. ఇది చైతూకు 24వ మూవీ (ఎన్‌సీ24). ఇప్ప‌టివ‌రకు తెలుగు తెర‌పై చూడ‌ని స‌రికొత్త మైథ‌లాజిక‌ల్ థ్రిల్ల‌ర్ క‌థాంశంతో ద‌ర్శ‌కుడు దీన్ని రూపొందిస్తున్నట్లు తెలుస్తోంది. ఇప్పటికే విడుదలైన మూవీ ప్రీలుక్ పోస్టర్ ఆకట్టుకుంది. తాజాగా ఈ చిత్రానికి సంబంధించిన ఓ ప్రత్యేక వీడియోను యూనిట్ విడుద‌ల చేసింది. ఇందులో ఈ సినిమా కోసం వేసిన ప్ర‌త్యేక సెట్స్‌, నాగ‌చైత‌న్య లుక్‌, తదితర విష‌యాల‌ను ప్రేక్షకుతో పంచుకున్నారు. పలు విషయాలతో తీర్చిదిద్దిన వీడియో సినిమాపై మరింత ఆసక్తిని పెంచింది. ఈ మూవీకి అజనీష్ లోక్‌నాథ్ సంగీతం అందిస్తున్నారు. శ్రీ వెంకటేశ్వర సినీ చిత్ర, సుకుమార్ రైటింగ్స్ బ్యాన‌ర్లు సంయుక్తంగా నిర్మిస్తున్నాయి. https://youtu.be/7y9YSusitog?si=PrvefEsEsMHhixll

కాశ్మీర్ లోని కుప్వారా జిల్లాలో ఉగ్రవాదుల రహాస్య స్థావరాన్ని భద్రతా బలగాలు గుర్తించి ధ్వంసం చేసినట్లు అధికారులు తెలిపారు. పహాల్గాం ఉగ్రదాడి తర్వాత భద్రతా బలగాలు ఉగ్రవాదుల కోసం గాలింపు చర్యలు ముమ్మరం చేశాయి. ఈనేపథ్యంలో వారి స్థావరాల నుండి భారీగా వెపన్స్, మందుగుండు సామాగ్రిని స్వాధీనం చేసుకున్నట్లు తెలిపారు. ఉగ్రవాదుల స్థావరాలు ఉన్నాయని నిర్థిష్ట నిఘా వర్గాల సమాచారం మేరకు నార్త్ కాశ్మీర్ జిల్లాలోని సెడోరి నాలా ఫారెస్ట్ ఏరియాలో భద్రతా దళాలు సెర్చింగ్ చేపట్టాయని తెలిపారు. సైన్యం ఉగ్రస్థావరాలను ధ్వంసం చేయడం ఉగ్రవాదాన్ని అణిచివేసే దిశగా మరో ముందడుగు వేసినట్లయింది.