Author: admin

భారత సాయుధ దళాల సామర్థ్యంపై తమకు పూర్తి నమ్మకం ఉందని ప్రధాని నరేంద్ర మోడీ అన్నారు. ఉగ్రవాదాన్ని అణిచివేసే విధంగా మన దళాలకు పూర్తి స్వేచ్ఛ ఇస్తున్నట్లు పేర్కొన్నారు. నేడు ఢిల్లీ లోని ప్రధాని నివాసంలో కీలక సమావేశం జరిగింది. దాదాపు గంటన్నర పాటు జరిగిన ఈ సమావేశంలో రక్షణా మంత్రి రాజ్ నాథ్ సింగ్, చీఫ్ డిఫెన్స్ స్టాఫ్ అనిల్ చౌహాన్, నేషనల్ సెక్యూరిటీ అడ్వైజర్ అజిత్ దోవల్ ఆర్మీ, నేవీ, ఎయిర్ ఫోర్స్ చీఫ్ లు, ఇతర ఉన్నతాధికారులు పాల్గొన్నారు. దేశంలోని అంతర్గత భద్రత మరియు సరిహద్దులలో నెలకొన్న పరిస్థితులపై చర్చించారు. ఉగ్రవాదాన్ని అణిచిపారేయడం జాతీయ సంకల్పమని ఈ సందర్భంగా ప్రధాని మోడీ స్పష్టం చేశారు. తాము ఉగ్రవాదాన్ని నిర్మూలించడంలో ధృఢనిశ్చయంతో ఉన్నట్లు తెలిపారు. పహాల్గాం దాడికి ధీటుగా బదులిస్తామని పునరుద్ఘాటించారు.

ఏపీ సీఎం చంద్రబాబు అధ్యక్షతన నేడు సచివాలయంలో రాష్ట్ర స్థాయి బ్యాంకర్ల సమావేశం జరిగింది. 2025-26 వార్షిక రుణ ప్రణాళికను ఖరారు చేసే ఈ సమావేశంలో మంత్రులు కె అచ్చెన్నాయుడు, పయ్యావుల కేశవ్, కొండపల్లి శ్రీనివాస్, రాష్ట్ర ప్రభుత్వ ప్రధాన కార్యదర్శి కె. విజయానంద్, వివిధ బ్యాంకులకు చెందిన ప్రతినిధులు పాల్గొన్నారు.

ఈరోజు ట్రేడింగ్ లో దేశీయ స్టాక్ మార్కెట్లు స్వల్ప లాభాలకే పరిమితమయ్యాయి. ఆసియా మార్కెట్లు కూడా మిశ్రమంగా కదలాడాయి. దేశీయ మార్కెట్లో కొనుగోళ్ల జోరు తగ్గింది. దీంతో బాంబే స్టాక్ ఎక్స్ చేంజ్ సూచీ సెన్సెక్స్ 70 పాయింట్లు లాభపడి 80,288 వద్ద స్థిరపడగా… నేషనల్ స్టాక్ ఎక్స్ చేంజ్ సూచీ నిఫ్టీ కూడా దాదాపు 7 పాయింట్ల లాభంతో 24,335 వద్ద స్థిరపడింది. డాలర్ తో రూపాయి మారకం విలువ రూ.85.13గా కొనసాగుతోంది. సెన్సెక్స్ 30లో రిలయన్స్, ఇన్ఫోసిస్, టెక్ మహీంద్రా, హెచ్.సీ.ఎల్ టెక్నాలజీ తదితర షేర్లు లాభాలతో ముగిశాయి.

కూటమి ప్రభుత్వం అధికారంలోకి వచ్చిన తర్వాత గిరిజన ప్రాంతాల్లో రూ.1300 కోట్లతో అభివృద్ధి పనులు జరుగుతున్నాయని రాష్ట్ర మహిళా శిశు సంక్షేమం,గిరిజన సంక్షేమ శాఖామంత్రి గుమ్మిడి సంధ్యారాణి అన్నారు. లక్ష ఎకరాల్లో అరకు కాఫీ పెంపకానికి చర్యలు, గిరిజన ప్రాంతాల్లో 1000 కోట్ల రూ.లతో రహదారుల అభివృద్ది, 1600 గిరిజన గ్రామాల్లో తాగునీటి వసతి కల్పించేందుకు కృషి చేస్తున్నట్లు తెలిపారు. 1100 అంగన్వాడీ కేంద్రాల్లో 53 కోట్ల రూ.లతో.తాగునీటి సౌకర్యం, 6 ఐటిడిఏల్లో ఒక్కొక్కటి కోటి రూ.ల ఖర్చుతో 6 గిరిజన బజారులు ఏర్పాటు చర్యలు, ప్రతి గిరిజన అసెంబ్లీ నియోజకవర్గంలో ఒక కంటెయినర్ హాస్పిటల్ వంటి సౌకర్యాలను ప్రజల కోసం తీసుకొచ్చినట్లు పేర్కొన్నారు.

జమ్మూ కాశ్మీర్ లోని పహల్గాంలో జరిగిన ఉగ్రవాదదాడి నేపథ్యంలో పార్లమెంటులో ప్రత్యేక సమావేశాలు నిర్వహించాలని కోరుతూ ప్రధాని మోడీకి కాంగ్రెస్ అగ్రనేత, లోక్ సభ ప్రతిపక్ష నేత రాహుల్ గాంధీ, కాంగ్రెస్ అధ్యక్షుడు మల్లిఖార్జున్ ఖర్గే లేఖ రాశారు. సోషల్ మీడియా ‘ఎక్స్’ వేదికగా రాహుల్ ఈ విషయం తెలిపారు. పహాల్గాం లో జరిగిన ఉగ్రవాదదాడి ప్రతి ఒక్క భారతీయుడిని ఆగ్రహానికి గురి చేసింది. ఈ క్లిష్ట సమయంలో మనమంతా ఉగ్రవాదానికి వ్యతిరేకంగా కలిసి ఉంటామని అందరికీ తెలపాలని పార్లమెంటు రెండు సభల్లో ప్రత్యేక సమావేశాలు నిర్వహించాలని ప్రతిపక్షాలు విశ్వసిస్తున్నట్లు పేర్కొన్నారు. ఇక ఇదే అంశంపై మల్లిఖార్జున్ ఖర్గే కూడా ప్రధానికి లేఖ రాశారు. ఇప్పటికే ప్రతిపక్షాలు ఉగ్రదాడిని తీవ్రంగా ఖండిస్తున్నట్లు స్పష్టం చేశాయి. దీనిపై కేంద్ర ప్రభుత్వం ఎలాంటి చర్యలు తీసుకున్నా మద్దతుగా నిలుస్తామని పేర్కొన్నాయి.

జమ్మూ & కాశ్మీర్ లో ఇటీవల పర్యాటకులపై జరిగిన ఉగ్రవాద దాడిని నిరసిస్తూ, జనసేన పార్టీ మంగళగిరి లోని CK కన్వెన్షన్ లో ధోనీసేన పార్టీ నాయకత్వంతో ఏర్పాటు చేసిన నివాళి కార్యక్రమంలో ఆ పార్టీ అధినేత, డిప్యూటీ సీఎం పవన్ పాల్గొన్నారు.26 మంది మృతులకు నివాళులు అర్పించారు. అందులో జనసేన పార్టీ క్రియాశీలక సభ్యుడు సోమిశెట్టి మధుసూదన రావు మృతి చెందటం బాధాకరమని అన్నారు. ఆయన కుటుంబానికి పార్టీ తరపున రూ.50 లక్షలు పరిహారం ప్రకటించారు. ఉగ్రవాద దాడికి దీటైన సమాధానం ప్రధాని మోడీ నాయకత్వంలో కేంద్రం బలంగా చెబుతుందని నమ్ముతున్నట్లు పేర్కొన్నారు. నిరాయుదులపై ఎప్పుడూ ఎవరూ దాడి చెయ్యరు, కానీ పహల్గాం లో పర్యాటకులపై క్రూరంగా దాడి చేసి చంపేశారని ఆవేదన వ్యక్తం చేశారు. లక్షలాది మంది కాశ్మీరీ పండిట్ లను తరిమికొట్టారు, ఊచకోత కోశారు. 1986 సమయంలో షూటింగ్ ల కోసం వెళ్ళినప్పుడు ఎంతో ప్రశాంతంగా ఉండేది,…

ఎప్పుడూ తనదైన శైలిలో వెరైటీ చిత్రాలతో ప్రేక్షకులను అలరించే నటుడు శ్రీ విష్ణు. కొత్తదనంతో కూడిన కామెడీ సినిమాలతో బెస్ట్ ఎంటర్టైనర్ గా ఆయనకు అన్ని వర్గాల ప్రేక్షకులలో మంచి ఇమేజ్ ఉంది. తాజాగా ఆయన ‘సింగిల్’ అనే మరో కామెడీ ఎంటర్టైనర్ తో రానున్నారు. కేతిక శర్మ, ఇవానా హీరోయిన్లుగా నటించారు. వెన్నెల కిషోర్ కీలక పాత్రలో కనిపించనున్నారు. అల్లు అరవింద్ సమర్పణలో విద్య కొప్పినీడి, భాను ప్రతాప్, రియాజ్ చౌదరి కలిసి నిర్మించారు. కార్తీక్ రాజు తెరకెక్కించారు. తాజాగా ఈ మూవీ ట్రైలర్ విడుదల చేశారు. ఇందులో ఆద్యంతం కామెడీతో నవ్వులు పండించారు. మే 9న విడుదల కానుంది. వినోదమే ప్రధాన లక్ష్యంగా ఈ సినిమాను రూపొందించినట్లు చెబుతున్నారు. https://youtu.be/q2KdzXF_svA?si=9en6fze7lWV1SFcs

ఉమ్మడి చిత్తూరు జిల్లాలో ఏనుగుల గుంపుచే పంటల ధ్వంసం… రైతు దుర్మరణంపై డిప్యూటీ సీఎం, అటవీశాఖ మంత్రి పవన్ సమీక్ష జరిపి ఆదేశాలు జారీ చేయడంతో ప్రత్యేక టాస్క్ ఫోర్స్ ఏర్పాటు చేశారు.ఇలాంటి ఘటనలు చోటు చేసుకొంటున్న క్రమంలో అటవీ శాఖ అధికారులు అప్రమత్తంగా ఉండాలని స్పష్టం చేశారు. ఇటీవలే తిరుపతి జిల్లా చిన్నగొట్టిగల్లులో ఒక కౌలు రైతు ఏనుగుల దాడిలో చనిపోవడం, తాజాగా పాకాల మండలం గానుగపెంటలో పంటలు ధ్వంసం చేసిన ఘటనలపై అటవీ శాఖ ఉన్నతాధికారులతో టెలీ కాన్ఫరెన్స్ ద్వారా సమీక్షించారు. ఏనుగుల మూలంగా ప్రజలకు, ప్రజల మూలంగా ఏనుగులకు హాని కలగకుండా తక్షణ చర్యలు చేపట్టాల్సిన అవసరం ఉందని ఆయన తెలిపారు. ఏనుగుల మందలు అటవీ ప్రాంతాల నుంచి సమీప గ్రామాలకు అడవుల్లోకి వచ్చేస్తున్న పరిస్థితులను దృష్టిలో ఉంచుకొని అటవీ ప్రాంతాల్లో చేపట్టాలసిన చర్యలను తీసుకోవాలని ఆదేశించారు. అదే విధంగా ఎలిఫెంట్ కారిడార్ లో భాగంగా ఏనుగుల…

ప్రజా రాజధాని అమరావతికి మళ్లీ ఊపిరి పోద్దామనిరాష్ట్ర పౌర సరఫరాల శాఖ మంత్రి, పార్టీ పీఏసీ ఛైర్మన్ నాదెండ్ల మనోహర్ అన్నారు. మంగళగిరి నియోజకవర్గం బేతపూడి గ్రామంలో నర్వ్ రచ్చబండ కార్యక్రమంలో ఆయన పాల్గొన్నారు. వైసీపీ నాయకులు ప్రణాళికబద్ధంగా అమరావతిని నాశనం చేశారని విమర్శించారు. 10వేల మంది కార్మికుల పొట్ట కొట్టారని మండిపడ్డారు. అమరావతి లేకపోతే మనకు అడ్రస్ లేదని పేర్కొన్నారు. జగన్ చేసిన వినాశనం గురించి తెలిసే ప్రధాని మోడీ రెండోసారి రాజధాని శంకుస్థాపనకు వస్తున్నారని ప్రధాని పర్యటన విజయవంతం చేద్దామని పిలుపునిచ్చారు. గత ఐదేళ్ల వైసీపీ పాలనలో రాజధాని రైతులు, మహిళలు ఎన్నో ఇబ్బందులు, అవమానాలు ఎదుర్కొన్నారు. చేయని తప్పులకు కేసుల్లో ఇరుక్కున్నారు. గత ప్రభుత్వం ఎన్ని ఇబ్బందులు పెట్టినా అలుపెరుగని పోరాటం చేశారని పేర్కొన్నారు. ఇక రాజధాని అభివృద్ధి కోసం 33 వేల ఎకరాలు కాకుండా మరో 44 వేల ఎకరాలు సేకరిస్తున్నారనే ప్రచారం జోరుగా జరుగుతోంది.…

ఓటీటీ ఫ్లాట్ ఫామ్ లు, సోషల్ మీడియాలలో అశ్లీల కంటెంట్ పై దేశ అత్యున్నత న్యాయస్థానం సుప్రీంకోర్టు ఆందోళన వ్యక్తం చేసింది. ఆయా ఫ్లాట్ ఫామ్ లపై అటువంటి అశ్లీల ప్రసారాలను నిషేధించాలని దాఖలైన పిటిషన్ పై సమాధానం చెప్పాలని కేంద్ర ప్రభుత్వానికి, ఇతరులకు నోటీసులు జారీ చేసింది. ఈ విషయంలో పార్లమెంటు, శాసనసభలు లేదా వ్యవస్థ చర్యలు తీసుకోవాలని జస్టిస్ బీఆర్ గవాయ్, జస్టిస్ అగస్టీన్ జార్జ్ మసీహ్ల ధర్మాసనం పేర్కొంది. ఇది మా పరిధిలోని అంశం కాదు. ఇప్పటికే మేము శాసన నిర్మాణ, కార్యనిర్వాహక వర్గాల అధికారాల్లో జోక్యం చేసుకుంటున్నామని ఆరోపణలున్నాయని న్యాయస్థానం వ్యాఖ్యానించింది. ఈ అంశంపై వాక్ స్వాతంత్ర్యానికి, 19(2) అధికరణానికి మధ్య సమతౌల్యం సాధించే పరిష్కారాన్ని మేం కనుగొంటామని సొలిసిటర్ జనరల్ తుషార్ మెహతా కేంద్ర ప్రభుత్వం తరపున సుప్రీంకోర్టుకు హామీ ఇచ్చారు. మరోవైపు, ఈ పిటిషన్ ఎవరిమీదా వ్యతిరేక భావనతో వేసింది కాదని, ఓవర్…