Author: admin

పశ్చిమ బెంగాల్ ఉపాధ్యాయ నియామక కుంభకోణంపై సుప్రీంకోర్టు కీలక వ్యాఖ్యలు చేసింది. సీబీఐ దర్యాప్తుపై హైకోర్టు ఇచ్చిన కొన్ని ఆదేశాలను పక్కన పెట్టింది.ముఖ్యంగా అదనపు టీచర్ పోస్టుల సృష్టిపై దర్యాప్తు అవసరం లేదని తెలిపింది.విద్యాశాఖ నిపుణుల కమిటీ సలహాలతోే ఆ నిర్ణయం తీసుకుందని,గవర్నర్ ఆమోదించిన విషయాన్ని ధర్మాసనం గుర్తు చేసింది.ఈ విషయంలో న్యాయస్థానం జోక్యం అవసరం లేదని పేర్కొంది.అయితే 25,753 మంది నియామకాలపై సీబీఐ దర్యాప్తు కొనసాగుతుందని స్పష్టం చేసింది.2016లో 24,650 పోస్టుల భర్తీకి పరీక్ష నిర్వహించగా,23 లక్షల మంది దరఖాస్తు చేసుకున్నారు.పరీక్ష అనంతరం ప్రభుత్వం 25,753 మందికి అపాయింట్‌మెంట్ లెటర్లు జారీ చేసింది.ఖాళీల కన్నా ఎక్కువ మందిని నియమించడంపై వివాదం మొదలైంది.దీనిపై హైకోర్టు నియామకాలు చెల్లవని పేర్కొంటూ సీబీఐ దర్యాప్తు ఆదేశించింది.

భారత మాజీ క్రికెటర్ కేదార్ జాదవ్ రాజకీయ రంగ ప్రవేశం చేశారు.మహారాష్ట్రకు చెందిన జాదవ్ బీజేపీలో చేరారు.ముంబైలోని బీజేపీ కార్యాలయంలో చంద్రశేఖర్ బవాంకులే సమక్షంలో కాషాయ కండువా కప్పుకున్నారు.జాదవ్ దేశం తరపున 73 వన్డేలు ఆడి 1389 పరుగులు చేశాడు.2014లో శ్రీలంకతో అరంగేట్రం చేసిన జాదవ్ రెండు సెంచరీలు, ఆరు హాఫ్ సెంచరీలు చేశాడు.ఐపీఎల్‌లో 95 మ్యాచ్‌లు ఆడి 1208 పరుగులు నమోదు చేశాడు.జాదవ్ చెన్నై, ఢిల్లీ, హైదరాబాద్ జట్లకు ప్రాతినిధ్యం వహించాడు.క్రికెట్ అనంతరం రాజకీయాల్లో జాదవ్ కొత్త అధ్యాయాన్ని ప్రారంభించాడు.

నిన్నటి భారీ నష్టాల నుండి కోలుకుని తిరిగి సూచీలు లాభాలతో కళకళలాడాయి. టారిఫ్ ల అంశంలో ప్రపంచ దేశాలతో అమెరికా చర్చలకు సిద్ధమన్న సంకేతాల నేపథ్యంలో ఆసియా మార్కెట్లతో పాటు మన మార్కెట్లు లాభాల్లోకి దూసుకెళ్లాయి. బాంబే స్టాక్ ఎక్స్ చేంజ్ సూచీ సెన్సెక్స్ 1089 పాయింట్ల లాభంతో 74,227 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 374 పాయింట్లు లాభపడి 22,535 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.86.28గా కొనసాగుతోంది. సెన్సెక్స్ 30లో పవర్ గ్రిడ్ షేర్లు మినహా మిగిలిన అన్ని షేర్లు లాభాలతో ముగిశాయి. మిగిలిన దేశాలతో పోలిస్తే అమెరికా టారిఫ్ ల ప్రభావం మన దేశం మీద పెద్దగా ప్రభావం చూపదన్న అంచనాలు ఇన్వెస్టర్లకు కొంత ఉపశమనం కలిగించాయి.

భోగాపురం ఎయిర్ పోర్ట్ పనులు 71శాతం పూర్తయ్యాయని కేంద్ర పౌరవిమానయాన శాఖ మంత్రి రామ్మోహన్ నాయుడు తెలిపారు. ఈ ఎయిర్ పోర్ట్ దేశ రూపురేఖలు మారనున్నట్లు తెలిపారు. నేడు ఆయన భోగాపురం విమానాశ్రయాన్ని సందర్శించారు. అక్కడ జరుగుతున్న పనుల పురోగతికి సంబంధించి జీఎంఆర్ ప్రతినిధులతో సమీక్షించారు. ఈ సందర్భంగా రామ్మోహన్ నాయుడు మాట్లాడుతూ భవిష్యత్ అవసరాలను దృష్టిలో ఉంచుకొని ఈ విమానాశ్రయం నిర్మిస్తున్నట్లు తెలిపారు. అభివృద్ధి సంబంధిత పనులు చాలా వేగవంతంగా జరుగుతున్నాయి. మట్టి పనులు 100% , రన్‌వే పనులు97% , టాక్సీ వే పనులు 92% మరియు రూఫింగ్ పనులు 60% ఇప్పటికే పూర్తయ్యాయి. NDA కూటమి కేవలం 9 నెలల్లో, ప్రాజెక్ట్ నిర్మాణ పనులు 23% నుండి 71% పూర్తి చేసాము. ఈ ప్రతిష్టాత్మక ప్రాజెక్ట్ ఉత్తరాంధ్ర ప్రాంతానికి గేమ్ ఛేంజర్‌గా మారనుంది, ఉపాధి అవకాశాలు మరియు ఆర్థిక వృద్ధి రెండింటినీ పెంచుతుందని పేర్కొన్నారు. 2026 నాటికి…

శ్రీ సత్యసాయి జిల్లా పెనుకొండలోని కియా మోటార్స్ లో పెద్ద ఎత్తున కారు ఇంజిన్లు మాయమైనట్లు వార్తలు వస్తున్నాయి . కాగా, ఈ ఘటన ఆలస్యంగా వెలుగులోకి వచ్చింది. 900 ఇంజిన్లు కనిపించడం లేదంటూ కియా యాజమాన్యం మార్చి 19న పోలీసులకు కంప్లైంట్ చేసింది. కియా ప్రతినిధులు పోలీసులకు ఫిర్యాదు చేయడంతో విచారణ చేపట్టారు. విచారణ కోసం స్పెషల్ టీమ్ ను పోలీసు ఉన్నతాధికారులు నియమించారు. కియా పరిశ్రమకు విడి భాగాలు ఒక్కో చోటు నుండి వస్తుంటాయి. కారు ఇంజిన్లు తమిళనాడు నుండి వస్తాయి. అక్కడి నుండి వస్తుండగా మార్గమధ్యంలో చోరీ అయ్యాయా? కియా పరిశ్రమకు వచ్చాక దొంగిలించారా? అనే కోణంలో పోలీసులు విచారణ కొనసాగిస్తున్నారు. కేసు విచారణ దాదాపు పూర్తయినట్లు సమాచారం. త్వరలో మీడియా సమావేశం నిర్వహించి వివరాలను వెల్లడించే అవకాశమున్నట్లు తెలుస్తోంది.

ప్రపంచవ్యాప్తంగా ‘పుష్ప’ సినిమాలతో భారీ క్రేజ్ సంపాదించుకున్న నటుడు అల్లు అర్జున్. నేడు ఆయన పుట్టిన‌రోజు సంద‌ర్భంగా ఆయ‌న న‌టించ‌నున్న కొత్త సినిమా నుంచి అప్‌డేట్ వ‌చ్చింది. ప్ర‌ముఖ ద‌ర్శ‌కుడు అట్లీతో ఆయన కొత్త చిత్రానికి సన్నాహాలు జరుగుతున్నాయి. ‘AA22’ చిత్ర ప్ర‌క‌ట‌న వీడియోను నిర్మాణ సంస్థ స‌న్ పిక్చ‌ర్స్ సోష‌ల్ మీడియాలో పోస్ట్‌ చేసింది. అట్లీ, బ‌న్నీ ప్రాజెక్ట్ వివ‌రాల‌ను వీడియోలో తెలిపారు. పలువురు హాలీవుడ్ టెక్నీషియన్స్ తో హీరో, డైరెక్టర్ కలవడం వంటివి ఈ వీడియోలో చూపించారు. ఈ మూవీ ప్రీప్రొడ‌క్ష‌న్ ప‌నులు జ‌రుగుతున్న‌ట్లు వివరించారు. అభిమానుల అంచనాలకు మించి ఈ సినిమా ఉండేలా తెరకెక్కించనున్నారు. పుష్ప‌-2 వంటి భారీ హిట్ త‌ర్వాత అల్లు అర్జున్ అలాగే జవాన్ వంటి సూప‌ర్ హిట్ త‌ర్వాత అట్లీ చేస్తున్న ప్రాజెక్ట్ కావ‌డంతో దీనిపై భారీ అంచ‌నాలు నెలకొన్నాయి. ఇక ఇది అల్లు అర్జున్‌కు 22వ చిత్రం కాగా, అట్లీకి ద‌ర్శ‌కుడిగా…

అరకు లో 21,850 మంది ఒకచోట చేరి… ‘మహా సూర్య వందనం’ కార్యక్రమం నిర్వహించారు. 108 నిమిషాలలో 108 సూర్య నమస్కారాలతో ఒక రికార్డు సృష్టించారు. కాగా, దీనిపై ఏపీ సీఎం చంద్రబాబు స్పందించారు. అధికారులను, ఈ కార్యక్రమంలో పాల్గొన్న వారిని అభినందించారు. అరకు వేదికగా 21,850 మంది ఒకచోట చేరి… ‘మహా సూర్య వందనం’ కార్యక్రమం నిర్వహించడం గొప్ప విషయం. 108 నిమిషాలలో 108 సూర్య నమస్కారాలు చేసి రికార్డు సృష్టించిన మన గిరిజన విద్యార్థులకు, కార్యక్రమాన్ని స్ఫూర్తివంతంగా నిర్వహించిన అధికారులకు అభినందనలు అంటూ చంద్రబాబు ‘ఎక్స్’ లో పోస్ట్ చేశారు.

భారత్ కీలక ముందడుగు వేస్తోంది. అమెరికాతో ముందస్తు వాణిజ్యం దిశగా వెళుతోంది. దీనిపై అమెరికా విదేశాంగ మంత్రితో చర్చించినట్లు భారత విదేశాంగ మంత్రి జై శంకర్ తెలిపారు. ఇటీవల అమెరికా ప్రెసిడెంట్ డొనాల్డ్ ట్రంప్ రెసిప్రోకల్ టారిఫ్స్ నేపథ్యంలో ఇతర దేశాల కంటే భారత్ భిన్నంగా స్పందిస్తోంది. ఆ దేశంతో ద్వైపాక్షిక వాణిజ్య ఒప్పందం కుదుర్చుకోవడంపై దృష్టి పెట్టింది. దీనిపై రెండు దేశాల విదేశాంగ మంత్రులు ఫోన్ ద్వారా చర్చలు జరిపారు. దీనిపై ఇరు దేశాలు ఒక అంగీకారానికి వచ్చాయని మన విదేశాంగ శాఖ మంత్రి జై శంకర్ సోషల్ మీడియా ‘ఎక్స్’ వేదికగా తెలిపారు. అమెరికా విదేశాంగ మంత్రి రూబీయోతో మాట్లాడం ఆనందంగా ఉంది. ఇండో-పసిఫిక్, భారత ఉపఖండం, యూరోప్, మధ్య ప్రాచ్యం/పశ్చిమ ఆసియా మరియు కరిబియన్ ప్రాంతాలలో నెలకొన్న పరిస్థితులపై అభిప్రాయాలను పంచుకున్నాం. ద్వైపాక్షిక వాణిజ్య ఒప్పందాన్ని వీలైనంత త్వరగా పూర్తిచేయాలనే దానిపై ఏకాభిప్రాయానికి వచ్చాం . భవిష్యత్తులో…

అమెరికా ప్రెసిడెంట్ డొనాల్డ్ ట్రంప్ చైనాకు మరోసారి గట్టి హెచ్చరిక ఇచ్చారు. అమెరికాపై విధించిన 34 శాతం రెసిప్రోకల్ టారిఫ్స్ ను వెంటనే రద్దు చేయాలని పేర్కొన్నారు. 24 గంటల్లో వాటిని రద్దు చేయకుంటే చైనాపై అదనంగా 50 శాతం టారిఫ్స్ విధిస్తామని హెచ్చరించారు. ఈ నిర్ణయం ఈ నెల 9 నుండి అమలులోకి వస్తుందని ట్రంప్ స్పష్టం చేశారు. ఈ మేరకు ట్రంప్ తన సోషల్ మీడియా ప్లాట్ ఫాం ‘ట్రూత్ సోషల్’ లో ఒక పోస్టు పెట్టారు. ప్రపంచ దేశాలన్నీ అమెరికాపై భారీగా ట్యాక్స్ లు విధిస్తున్నాయని ఆరోపిస్తూ ట్రంప్ ఇటీవల విదేశాలపై టారిఫ్ లు విధించిన సంగతి తెలిసిందే. ఇందులో భాగంగానే చైనాపైనా 34 శాతం టారిఫ్ లు విధిస్తున్నట్లు ప్రకటించారు. దీనిపై చైనా తీవ్రంగా స్పందిస్తూ అమెరికాపైనా అంతే మొత్తంలో (34 శాతం) టారిఫ్ లు విధించింది. ఈ నెల 10 నుంచి ఈ టారిఫ్…

ఆంధ్రప్రదేశ్ ప్రభుత్వం మరో కీలక నిర్ణయం తీసుకుంది. సుప‌రిపాల‌న కోసం రాష్ట్ర ప్రభుత్వానికి స‌ల‌హా మండ‌లి ఏర్పాటు చేయాలని సీఎం చంద్రబాబు నిర్ణయించారు. ఆర్టీజీఎస్ పై సీఎం చంద్రబాబు సమీక్ష నిర్వహించారు. స‌భ్యులుగా గేట్స్ ఫౌండేష‌న్‌, ఐఐటీ సహా వివిధ రంగాల నిపుణులు ఉండనున్నారు. జూన్ 12 కల్లా వాట్సాప్ గ‌వ‌ర్నెన్స్‌ పరిధిలోకి అన్ని సేవలు అందుబాటులోకి తీసుకురానున్నారు. ప్రజలకు మరింత మేలు చేసేలా, గుడ్ గవర్నెన్స్ అందించేందుకు ఇంకా ఏమేమి చేయొచ్చనే దానిపై ఈ అడ్వైజరీ కౌన్సిల్ అధ్యయనం చేసి సూచనలు చేసేలా ఉండాలన్నారు. ప్రజలకు ఎలాంటి ప్రభుత్వ సేవలు కావాలన్నా ఆన్‌లైన్, డిజిటల్, వాట్సాప్ గవర్నెన్స్ తదితర సాంకేతిక మార్గాల ద్వారా అందించేలా చర్యలు తీసుకోవాలని తెలిపారు. మొబైల్ ఫోను ద్వారా మనమిత్ర వాట్సాప్ గవర్నెన్స్ వినియోగించుకుని ప్రజలు సేవలు పొందేలా అవగాహన కల్పించడంతో పాటు వాట్సప్ గవర్నెన్స్‌ను మరింత విస్తృతం చేసేలా చూడాలని ఆదేశించారు.