ఏపీ డిప్యూటీ సీఎం పవన్ కళ్యాణ్ అల్లూరి సీతారామరాజు జిల్లాలో పర్యటిస్తున్నారు. ఈసందర్భంగా రూ.1,005 కోట్ల అభివృద్ధి పనులు ప్రారంభించారు. అడవి తల్లి బాట కార్యక్రమం ద్వారా చేపట్టే రహదారి పనులకి శంకుస్థాపన చేశారు. అనంతరం ఏర్పాటు చేసిన సభలో ప్రసంగించారు. అరకు, మన్యం ప్రాంతంలో డోలీ మోతలు ఉండకూడదని ఏ గర్భిణీ స్త్రీ వైద్యం సకాలంలో అందక ఇబ్బంది పడకూడదు అనే లక్ష్యంతో రోడ్ల నిర్మాణం చేపట్టామన్నారు. గిరిజన ప్రాంతాల్లో మౌలిక సదుపాయాలు కల్పించాలనే ఆకాంక్షకు ప్రధాని మోడీ నేతృత్వంలోని కేంద్ర ప్రభుత్వ ప్రధానమంత్రి జన్ మన్ పథకం ద్వారా PVTG, PMGSY పథకాల ద్వారా గిరిజన ప్రాంతాలకు, సీఎం చంద్రబాబు నేతృత్వంలో గిరిజన అభివృద్ధికి నిధులు అడగగానే కేటాయించడంతో అడవి తల్లి బాట కార్యక్రమం శ్రీకారం చుట్టామన్నారు. గత 5 ఏళ్లలో వైసీపీ ప్రభుత్వం గిరిజన ప్రాంతాల్లో 90 కిలోమీటర్ల రోడ్ల నిర్మాణం కూడా పూర్తి చేయలేకపోయింది. కూటమి…
Author: admin
మనఇల్లు – మనలోకేష్ కార్యక్రమంలో భాగంగా 3వరోజు మంగళగిరి డాన్ బాస్కో స్కూలు వద్ద ఏర్పాటుచేసిన సభలో తాడేపల్లి మండలం కొలనుకొండకు చెందిన 231మందికి, పద్మశాలి బజార్ కి చెందిన 127మంది పేదలకు శాశ్వత ఇంటి పట్టాలను మంత్రి నారా లోకేష్ అందజేశారు. ప్రతిపక్షంలో ఐదేళ్లపాటు సొంత నిధులతో మంగళగిరిలో సేవా కార్యక్రమాలు నిర్వహించాం. సొంతగా 26సంక్షేమ కార్యక్రమాలను అమలుచేశాం. ఇటీవల ఎన్నికల్లో ఎవరూ ఊహించని విధంగా ప్రజలు 91వేల మెజారిటీతో గెలిపించి తనను శాసనసభకు పంపించారని ఇచ్చిన మాట ప్రకారం ఇప్పుడు 3వేలమందికి పట్టాలు అందజేస్తున్నామని ఈ సందర్భంగా ఏర్పాటుచేసిన సభలో లోకేష్ చెప్పారు.
ఏపీ లోని ప్రతి నియోజకవర్గంలో 100 నుండి 300 బెడ్స్ హాస్పిటల్స్ నిర్మించడానికి ప్రణాళికలు సిద్ధం చేస్తున్నట్లు సీఎం చంద్రబాబు తెలిపారు. రాజధాని అమరావతిలో గ్లోబల్ మెడ్ సిటీని ఏర్పాటు చేయాలని యోచిస్తున్నట్లు పేర్కొన్నారు. వైద్యం, ఆరోగ్యంపై మీడియా ఎదుట సీఎం చంద్రబాబు పవర్ పాయింట్ ప్రజెంటేషన్ ఇచ్చారు.రాష్ట్రంలో ఏ జిల్లాలో, ప్రజలకు ఎలాంటి ఆరోగ్య సమస్యలు ఉన్నాయి, వాటి నివారణకు ప్రభుత్వం తీసుకునే చర్యల పై సీఎం ప్రెజెంటేషన్ ఇచ్చారు. రాష్ట్రంలో పెరిగిన వైద్య ఖర్చులు, వివిధ వ్యాధుల గురించి మాట్లాడారు. కుప్పంలో డిజిటల్ హెల్త్ నర్వ్ సెంటర్ ఏర్పాటు చేశాం. కొన్నిచోట్ల హార్ట్ డిసీజెస్, డయాబెటిస్, హైపర్టెన్షన్, శ్వాసకోశ వ్యాధులు విస్తృతంగా పెరుగుతున్నారు . రాష్ట్రంలో పురుషుల కంటే మహిళల్లో హైపర్టెన్షన్ అధికంగా కనిపిస్తోందని ఆహారపు అలవాట్ల వల్ల డయాబెటిస్ కొన్ని జిల్లాల్లో ఎక్కువగా ఉందని సీఎం తెలిపారు. వ్యాధుల నివారణ కోసం మంచి ఆహారపు అలవాట్లు ఆచారించాలన్నారు.…
ఏపీ రాజధాని అమరావతి కోసం కేంద్ర ప్రభుత్వం తాజాగా నిధులు విడుదల చేసింది. వరల్డ్ బ్యాంకు, ఆసియా డెవలప్మెంట్ బ్యాంకు మద్ధతుతో అమరావతికి రూ.4200 కోట్లు విడుదల చేసినట్లు ప్రకటించింది. రాష్ట్రంలో కూటమి ప్రభుత్వం ఏర్పాటైన తర్వాత రాష్ట్ర అభివృద్ధితో పాటు అమరావతి అభివృద్ధిపై ప్రత్యేక దృష్టి కేంద్రీకరించింది. రాజధాని అభివృద్ధి కోసం సీఎం చంద్రబాబు పలుమార్లు ఢిల్లీకి వెళ్లి కేంద్ర మంత్రులను కలిసి విజ్ఞప్తి చేశారు.ఈ క్రమంలోనే కేంద్రం తాజాగా అమరావతి అభివృద్ధికి నిధులు విడుదల చేసింది. పోలవరం, విశాఖ స్టీల్ ప్లాంట్ ప్రాజెక్టులకు సైతం తోడ్పాటు అందిస్తోంది. వేల కోట్ల నిధులను ఇప్పటికే అందించింది. ఈ విషయంపై కూటమి పార్టీల ఎంపీలు మాట్లాడుతూ సీఎం చంద్రబాబు, డిప్యూటీ సీఎం పవన్ ల కృషి వల్లే రాష్ట్రానికి నిధులు వస్తున్నాయని పేర్కొన్నారు. తాజాగా విడుదల చేసిన నిధులతో రాష్ట్రానికి మరింత అభివృద్ధి చెందుతుందని ఆశాభావం వ్యక్తం చేశారు.
నందమూరి కల్యాణ్‌రామ్‌ హీరోగా నటిస్తున్న యాక్షన్ ఫ్యామిలీ ఎంటర్టైనర్‌ ‘అర్జున్ సన్నాఫ్‌ వైజయంతి’ ఈ నెల 18న విడుదల కానుంది. ఈ సినిమాలో విజయశాంతి ఓ పవర్‌ఫుల్‌ పోలీసాఫీసర్‌గా ఆకట్టుకోనున్నారు.ప్రదీప్‌ చిలుకూరి దర్శకత్వం వహిస్తున్న ఈ చిత్రాన్ని అశోక్ వర్ధన్ ముప్పా,సునీల్ బలుసు నిర్మిస్తున్నారు.శ్రీరామనవమి సందర్భంగా ఆదివారం సినిమా కొత్త పోస్టర్‌ను విడుదల చేశారు.ఈ పోస్టర్‌లో కల్యాణ్‌రామ్‌, విజయశాంతి డైనమిక్ లుక్‌తో మెస్మరైజ్‌ చేశారు. మేకర్స్‌ గ్రాండ్‌ ప్రీ రిలీజ్‌ ఈవెంట్‌ నిర్వహించనున్నట్లు, ఆ ఈవెంట్‌లో ట్రైలర్‌ రిలీజ్‌ అవుతుందని తెలిపారు.ఈ సినిమాలో సాయి మంజ్రేకర్‌ కథానాయికగా నటిస్తుంది.ఈ చిత్రంలో సోహైల్‌ ఖాన్‌,యానిమల్‌ పృథ్వీరాజ్‌ కీలక పాత్రలు పోషిస్తున్నారు.ఈ చిత్రానికి అజనీష్ లోకనాథ్ సంగీతం అందిస్తున్నాడు.ఈ సినిమా కల్యాణ్‌రామ్‌ కెరీర్‌లో మరో హై ఎనర్జీ ప్రాజెక్ట్‌గా నిలవనుందని తెలుస్తుంది.
స్టార్ బాయ్ సిద్ధు జొన్నలగడ్డ నటించిన ‘జాక్‌ – కొంచెం క్రాక్‌’ ఈ నెల 10న విడుదల కానుంది.ఈ చిత్రానికి బొమ్మరిల్లు భాస్కర్ దర్శకత్వం వహిస్తున్నాడు.ఈ చిత్రంలో వైష్ణవి చైతన్య కథానాయికగా నటిస్తోంది.బీవీఎస్‌ఎన్‌ ప్రసాద్ నిర్మిస్తున్న ఈ చిత్రం ప్రమోషన్‌లో భాగంగా భీమవరం విష్ణు కాలేజ్‌లో యూనిట్ సందడి చేసింది.ఈ సందర్భంగా సిద్ధు,వైష్ణవి మాట్లాడుతూ, “యూత్‌కి బాగా కనెక్ట్ అయ్యే కథ ఇది. థియేటర్లలో చూసి మమ్మల్ని ఎంజాయ్ చేయండి” అని కోరారు.నిర్మాత ప్రసాద్ ఈ సినిమా సిద్ధుని హీరోగా మరో స్థాయికి తీసుకెళ్లుతుందని పేర్కొన్నారు.కాలేజ్ స్టూడెంట్స్‌తో కలిసి యూనిట్ మేగాస్టార్ లెవెల్లో ఎనర్జీ చూపించింది.ఈ సినిమాలో వినూత్నమైన కథాంశం, యాక్షన్, ఎమోషన్స్‌ అన్నీ మిక్స్‌ అయ్యి ఉంటాయని యూనిట్ తెలిపింది. సినిమా ప్రీరిలీజ్ హైప్ మంచి స్థాయిలో కొనసాగుతోంది.
యాక్షన్ కింగ్ అర్జున్ దర్శకత్వంలో రూపొందుతున్న తాజా చిత్రం ‘సీతా పయనం’ ప్రస్తుతం హైదరాబాద్‌లో శరవేగంగా షూటింగ్ జరుపుకుంటోంది.ఈ చిత్రంలో అర్జున్ కుమార్తె ఐశ్వర్య అర్జున్ ప్రధాన పాత్ర పోషిస్తుండగా, ధ్రువ సర్జా ‘పవన్’ అనే శక్తివంతమైన పాత్రలో కనిపించనున్నారు.శ్రీరామనవమి సందర్భంగా ధ్రువ సర్జా ఫస్ట్‌లుక్ పోస్టర్‌ను విడుదల చేశారు.లాంగ్ హెయిర్‌, డెన్స్ గడ్డంతో మాస్ లుక్‌లో ఆయన ఆకట్టుకున్నారు.ఈ చిత్రంలో నిరంజన్, సత్యరాజ్, ప్రకాష్ రాజ్, కోవై సరళ కీలక పాత్రల్లో నటిస్తున్నారు.అర్జున్ కూడా ఓ ప్రధాన పాత్రలో కనిపించనున్నాడు.సినిమాకి మాటలు సాయిమాధవ్ బుర్రా అందించగా, సంగీతం అనుప్ రూబెన్స్ స్వరపరిచారు.కెమెరామాన్‌గా జి. బాలమురుగన్ పని చేస్తున్నారు. శ్రీరామ్ ఫిల్మ్ ఇంటర్నేషనల్ బ్యానర్‌పై ఈ చిత్రం నిర్మితమవుతోంది.అభిమానులు సినిమా పై భారీ అంచనాలు పెట్టుకున్నారు
రానున్న 5 5 ఏళ్లలో ప్రపంచవ్యాప్తంగా కోడింగ్‌లో 95 శాతం కృత్రిమ మేధస్సుతోనే (AI) జరుగుతుందని మైక్రోసాఫ్ట్ సీటీఓ కెవిన్ స్కాట్ తెలిపారు.రొటీన్‌, లైన్-బై-లైన్ కోడింగ్‌ ఇక మాన్యువల్‌గా జరగదని,డెవలపర్లు ఇన్నోవేషన్‌పై దృష్టి పెట్టాలన్నారు. సంక్లిష్ట ఇంజినీరింగ్ సమస్యలకు మాత్రం మానవ డెవలపర్లే కీలకమని చెప్పారు.ఏఐ,డెవలపర్లకు ప్రత్యామ్నాయం కాకుండా, వారి పనితీరును మెరుగుపరుస్తుందని స్పష్టం చేశారు.అనుభవజ్ఞులైన కోడర్లకు ఇది ఫోర్స్ మల్టిప్లయర్‌గా పనిచేస్తుందని వివరించారు.ఏఐ టూల్స్‌తో నాన్-టెక్‌ యూజర్లు కూడా యాప్‌లు, వెబ్‌సైట్లు తయారుచేసే అవకాశాలు పెరిగాయని తెలిపారు.భవిష్యత్తులో బాయిలర్‌ప్లేట్ కోడ్ రాయడం కన్నా సృజనాత్మకతపై ఫోకస్ పెరుగుతుందని అభిప్రాయపడ్డారు.ప్రారంభ అభివృద్ధి దశల్లో యూఐ/యూఎక్స్‌, క్యూఏ వంటి మధ్యంతర పాత్రలు తగ్గుతాయని చెప్పారు. ప్రపంచంలోని క్లిష్టమైన కంప్యూటేషన్ సమస్యల పరిష్కారానికి కంప్యూటర్ సైంటిస్టుల అవసరం ఎప్పటికీ ఉంటుందని వ్యాఖ్యానించారు AI, డెవలపర్ సామర్థ్యాన్ని విస్తృతం చేయనున్నదని ఆయన నమ్మకం వ్యక్తం చేశారు.
ప్రఖ్యాత భారతీయ సైకత శిల్పి సుదర్శన్ పట్నాయక్‌కు అరుదైన గౌరవం లభించింది.ఇసుక శిల్ప కళలో చేసిన విశిష్ట సేవలకు గాను ఆయనకు ‘ద ఫ్రెడ్ డారింగ్టన్ శాండ్ మాస్టర్ అవార్డ్’ లభించింది.ఈ అవార్డును శనివారం ఇంగ్లండ్‌లోని వేమౌత్‌లో ప్రారంభమైన 2025 ఇంటర్నేషనల్ శాండ్ ఆర్ట్ ఫెస్టివల్‌లో అందజేశారు.నగర మేయర్ జాన్ ఓరెల్ ప్రత్యేకంగా మెడల్‌తో పాటు అవార్డును ఆయనకు ప్రదానం చేశారు.కార్యక్రమంలో సుదర్శన్ ‘ప్రపంచ శాంతి’ అనే సందేశంతో వినాయకుడి 10 అడుగుల ఎత్తు శిల్పాన్ని ఆవిష్కరించారు.ఈ ఘనతను సాధించిన తొలి భారతీయ కళాకారుడిగా ఆయన రికార్డు సృష్టించారు.ప్రపంచవ్యాప్తంగా 65 మంది శిల్పకళాకారులు ఈ వేడుకలో పాల్గొన్నారు.ఫ్రెడ్ డారింగ్టన్ పేరిట ప్రతీవ సంవత్సరం ఈ పురస్కారాన్ని బ్రిటన్ అందజేస్తోంది.భారతీయ కళను ప్రపంచానికి పరిచయం చేసిన పట్నాయక్ కృషికి ఇది గుర్తింపుగా నిలిచింది.
ప్రపంచ ప్రముఖులైన మైక్రోసాఫ్ట్ వ్యవస్థాపకుడు బిల్ గేట్స్ తన వారసత్వ ఆస్తిపై ఆసక్తికర వ్యాఖ్యలు చేశారు.తన సంపూర్ణ ఆస్తిని పిల్లలకు ఇచ్చే ఉద్దేశం లేదని స్పష్టంగా తెలిపారు. తన 155 బిలియన్ డాలర్ల ఆస్తిలో కేవలం ఒక్క శాతం మాత్రమే వారసత్వంగా వారి వద్దకు వెళ్తుందని వెల్లడించారు. పిల్లలు తమ భవిష్యత్తును తాము నిర్మించుకోవాలనీ,వారసత్వానికి ఆసరపడకూడదని పాడ్‌కాస్ట్‌లో చెప్పారు. పిల్లలకు మంచి విద్య, సౌకర్యాలు ఇచ్చామని, ఇకపై వారు స్వయం సమర్థులై ఎదగాలని ఆకాంక్షించారు.అధిక ఆస్తి పిల్లల అభివృద్ధికి అడ్డుపడొచ్చని, వారు స్వతంత్రంగా ఆలోచించేందుకు అవకాశాలు ఇవ్వాలన్నారు. తన సంపదలో మెజారిటీ విరాళాలుగా వినియోగించనున్నట్టు తెలిపారు.ఆస్తి అనేది విలువలకు సంబంధించినదని, కేవలం డబ్బుకే పరిమితం కాదన్నారు.బిల్ గేట్స్ వ్యాఖ్యలు ప్రపంచవ్యాప్తంగా చర్చనీయాంశంగా మారాయి.ఆయన అభిప్రాయం ఆధునిక తల్లిదండ్రులకు పెద్ద సందేశంగా నిలుస్తోంది.