Author: admin

మిల్కీ బ్యూటీ తమన్నా ప్రధాన పాత్రలో నటిస్తున్న సూపర్‌నాచురల్ థ్రిల్లర్‌ *ఓదెల 2* ట్రైలర్‌ను చిత్రబృందం విడుదల చేసింది. 2021లో వచ్చిన “ఓదెల రైల్వే స్టేషన్”కి సీక్వెల్‌గా రూపొందిన ఈ సినిమాలో, తమన్నా నాగ సాధువుగా ప్రేక్షకుల ముందుకు రానుంది. ట్రైలర్‌ చూస్తుంటే గత చిత్ర కథానాయికగా కాకుండా, ఈ సారి ఆమె పాత్ర మరింత గంభీరంగా, రహస్యాలతో నిండి ఉండనుందని స్పష్టమవుతోంది.టాలీవుడ్ దర్శకుడు సంపత్ నంది ఈ సినిమాకు కథ అందించగా, అశోక్ తేజ దర్శకత్వం వహిస్తున్నారు.డి. మధు నిర్మాణంలో మధు క్రియేషన్స్, సంపత్ నంది టీమ్‌వర్క్స్ బ్యానర్లపై రూపొందిన ఈ చిత్రం ఏప్రిల్ 17న విడుదలకు సిద్ధమవుతోంది. ట్రైలర్‌లోని విజువల్స్, బ్యాక్‌గ్రౌండ్ స్కోర్, తమన్నా పాత్ర మిస్టీరియస్‌ షేడ్స్ సినిమాపై అంచనాలను పెంచేశాయి. ఓదెల గ్రామంలో జరుగుతున్న అనూహ్య సంఘటనల చుట్టూ నడిచే కథ సస్పెన్స్‌ థ్రిల్లర్‌ను ఊహించిస్తోంది. https://youtu.be/76oCSUojxXI?si=Nnlv_h1VVu7uRTDA

యువ హీరో అక్కినేని అఖిల్ కెరీర్‌లో ఓ బ్లాక్‌బస్టర్ కోసం ఎదురు చూస్తున్న వేళ,‘లెనిన్’ అనే టైటిల్‌తో కొత్త చిత్రం ప్రకటించారు.మురళీ కిషోర్ అబ్బూరి దర్శకత్వంలో తెరకెక్కుతున్న ఈ సినిమా టైటిల్ గ్లింప్స్‌ను అఖిల్ బర్త్‌డే సందర్భంగా మేకర్స్ విడుదల చేశారు.“పుట్టేటప్పుడు ఊపిరి ఉంటాది.. పేరు ఉండదు, పోయేటప్పుడు ఊపిరి ఉండదు.. పేరు మిగులుతాది” అనే పవర్‌ఫుల్ డైలాగ్‌తో వీడియో ప్రారంభమవుతుంది. ఈ గ్లింప్స్‌ను చూస్తుంటే చిత్రం ఓ రూరల్ లవ్ డ్రామా అంచనాలను పెంచింది.ఇందులో అఖిల్‌ సరసన శ్రీలీల కథానాయికగా నటిస్తుంది.ఈ చిత్రానికి ఎస్ ఎస్ థమన్ సంగీతం అందిస్తున్నారు.అన్నపూర్ణ స్టూడియోస్, సితార ఎంటర్‌టైన్‌మెంట్స్ బ్యానర్లపై నాగార్జున, నాగవంశీ సంయుక్తంగా ఈ చిత్రాన్ని నిర్మిస్తున్నారు.‘ఏజెంట్’ ఫెయిల్యూర్‌ తర్వాత అఖిల్‌ చాలా కేర్‌ఫుల్‌గా ఈ ప్రాజెక్ట్‌ను ప్లాన్‌ చేసినట్లు తెలుస్తోంది.గ్లింప్స్‌కు మంచి స్పందన వస్తుండగా, ఫ్యాన్స్‌ అఖిల్‌కు మాస్ హిట్ ఖాయమని భావిస్తున్నారు. https://youtu.be/w2ZbnBobkuQ?si=17dIImkiHaOj4Ldg

వాలంటీర్ల పేరుతో గత పాలకులు వంచించారని ఏపీ డిప్యూటీ సీఎం పవన్ కళ్యాణ్ అన్నారు. వాలంటీర్లకు సంబంధించి ఎలాంటి అధికారిక జీవోలు లేవని స్పష్టం చేశారు. ఏజెన్సీ రెండు రోజుల పర్యటనలో భాగంగా కురిడి గ్రామంలో రచ్చబండ కార్యక్రమం నిర్వహించారు. ఈ సందర్భంగా ఆయన మాట్లాడుతూ ప్రభుత్వ ఉద్యోగాలు అంటూ యువతను మోసం చేశారని వాలంటీర్లకు గతంలో ఇచ్చిన హామీపై క్యాబినెట్ లో పలుమార్లు చర్చించినట్లు తెలిపారు. ఇక పలు అభివృద్ధి కార్యక్రమాలను ఈ పర్యటనలో భాగంగా ప్రారంభించారు. కురిడి గ్రామ అభివృద్ధి నిమిత్తం సొంత నిధుల నుంచి రూ. 5 లక్షలు ప్రకటించారు. పంచాయతీరాజ్ గ్రామీణాభివృద్ధి శాఖ, పర్యాటకశాఖ సంయుక్త కార్యాచరణలో గ్రామంలో ప్రకృతి వ్యవసాయం, టూరిజంకి ప్రోత్సాహకాలు కల్పించడం ద్వారా ఉపాధి కల్పిస్తామని హామీ ఇచ్చారు. ఏజెన్సీ ప్రాంతంలో ఉమ్మడి సేంద్రీయ వ్యవసాయం పెరగాలని కేరళ తరహా పర్యాటకం మన దగ్గర అధికమవ్వాలని పేర్కొన్నారు. పలు ప్రాంతాల్లో పర్యటించి…

సోష‌ల్ మీడియా వేదికగా వివాదాస్ప‌ద పోస్టులు పెట్టినందుకు బ్రిటన్‌లో అరెస్టుల సంఖ్య వేగంగా పెరుగుతున్నది. టైమ్స్ పత్రిక విడుదల చేసిన డేటా ప్రకారం, ప్రతి సంవత్సరం సుమారు 12,000 మందిని పోలీసులు అరెస్టు చేస్తున్నారు. ముఖ్యంగా 2003 కమ్యూనికేష‌న్స్ యాక్ట్ సెక్షన్ 127, 1988 చట్టంలోని సెక్షన్ 1 ప్రకారం అసభ్య, అశ్లీల కాంటెంట్ షేర్ చేసిన యూజర్లపై కేసులు నమోదవుతున్నాయి.2023లో 37 పోలీసు శాఖల నుంచి 12,183 మందిని అదుపులోకి తీసుకున్నట్లు సమాచారం. అంటే రోజుకు సగటున 33 మందిని అరెస్టు చేస్తున్నట్టు అంచనా.2019తో పోలిస్తే ఇది 58 శాతం పెరుగుదల.అయితే ఈ కేసుల్లో నేర నిర్ధారణ, కోర్టు తీర్పుల సంఖ్య కేవలం సగం మాత్రమే ఉన్నట్లు తెలుస్తోంది.చాలా కేసులు కోర్టు వెలుపలే సెటిల్ అవుతున్నాయి.ఇది పౌర హక్కుల పరిరక్షకుల్లో ఆందోళనకు దారితీస్తోంది.సోషల్ మీడియా పోస్టుల ఆధారంగా అతిగా పోలీసులు వ్యవహరిస్తున్నారన్న ఆరోపణలు వెల్లువెత్తుతున్నాయి.

ప్రస్తుతం భారతదేశంలో తలదాచుకున్న బంగ్లాదేశ్ మాజీ ప్రధాని షేక్ హసీనా, తాజాగా తన పార్టీ అవామీ లీగ్ నేతలతో భేటీ సందర్భంగా సంచలన వ్యాఖ్యలు చేశారు. బంగ్లాదేశ్ ఉగ్రవాద దేశంగా మారిందని, తమ పార్టీ నేతలు, పోలీసులు, లాయర్లు, జర్నలిస్టులు, కళాకారులు టార్గెట్ అవుతున్నారని ఆవేదన వ్యక్తం చేశారు. అల్లా ఓ ప్రత్యేక కారణం కోసం తానెన్నో ముప్పుల మధ్య బతికిపోయానని, తను లక్ష్యంగా పెట్టుకున్నవారికి శిక్షించే రోజు వస్తుందన్నారు. దేశప్రభుత్వాన్ని ప్రస్తుతం నడుపుతున్న మొహమ్మద్ యూనుస్‌ను తీవ్రంగా విమర్శించారు. ప్రజల కోసం కాదని, అతని స్వలాభం కోసం పనిచేశారని, అతని వల్ల దేశం నాశనమైపోతుందన్నారు. గతంలో అభివృద్ధికి ఆదర్శంగా నిలిచిన బంగ్లాదేశ్ ఇప్పుడు తీవ్రమైన నేరాల కేంద్రంగా మారిందని పేర్కొన్నారు. మీడియాపై ఆంక్షలు, నేర ఘటనలపై చప్పగా వ్యవహరించడం, నివేదికలపై చానళ్లు, పత్రికలపై దాడులు జరుగుతున్నాయని ఆరోపించారు. దేశం రక్షణ అవసరమైందని హసీనా తీవ్రంగా పేర్కొన్న ఈ వ్యాఖ్యలు సోషల్…

ఉత్తర కొరియా సైన్యం దక్షిణ కొరియా సరిహద్దులోకి చొరబడటంతో వార్నింగ్‌ షాట్లు పేలాయని సౌత్‌ కొరియా ప్రకటించింది.తూర్పు సరిహద్దులోని సైనికరహిత ప్రాంతంలో కిమ్‌ సేనలు ఉల్లంఘనకు పాల్పడ్డాయని తెలిపింది.వెంటనే హెచ్చరికలు జారీ చేస్తూ కాల్పులు జరిపామని, దీంతో పది మంది ఉత్తర కొరియా సైనికులు వెనక్కు వెళ్లిపోయారని వెల్లడించింది.ఇటీవలి నెలలుగా ఇలాంటి ఘటనలు పునరావృతమవుతున్నాయని దక్షిణ కొరియా తెలిపింది.గత జూన్‌లో కూడా ఇలాంటి ఉల్లంఘన నమోదైందని గుర్తుచేసింది.అయితే తాజా చొరబాటుకు కారణం ఇంకా తెలియలేదని పేర్కొంది. ఈ నేపథ్యంలో ఉత్తర కొరియా అణు ప్రయోగాలు, రష్యాకు మద్దతు వంటి చర్యలపై అంతర్జాతీయ సమాజం ఆందోళన వ్యక్తం చేస్తోంది.అణు నిరాయుధీకరణ చర్చలను పునఃప్రారంభించాలని అమెరికా, దక్షిణ కొరియా కోరుతున్నప్పటికీ ఉత్తర కొరియా స్పందించకపోవడం గమనార్హం.గతంలో అమెరికా మాజీ అధ్యక్షుడు ట్రంప్ కిమ్‌ను భేటీకి ఆహ్వానించినా,ఉత్తర కొరియా ఎటువంటి ప్రతిస్పందన ఇవ్వలేదు.మరోవైపు, దక్షిణ కొరియా తమ భద్రతపై పూర్తిగా అప్రమత్తంగా ఉందని వెల్లడించింది.

మైక్రోసాఫ్ట్ 50వ వార్షికోత్సవంలో జరిగిన నిరసన ఘటనతో ఇద్దరు ఉద్యోగులు ఉద్యోగాలు కోల్పోయారు.రెడ్‌మోండ్‌లోని ప్రధాన కార్యాలయంలో నిర్వహించిన ఈ కార్యక్రమంలో కన్‌స్యూమర్ ఏఐ చీఫ్ ముస్తాఫా సులేమాన్ ప్రసంగిస్తుండగా,ఉద్యోగి ఇబితల్ అబొసాద్ ఆయనను అడ్డుకున్నారు. ఇజ్రాయిల్‌ను కస్టమర్ల జాబితా నుంచి తొలగించాలని డిమాండ్ చేశారు.మరోవైపు,సత్య నాదెళ్ల,బిల్ గేట్స్, స్టీవ్ బాల్మర్ పాల్గొన్న కార్యక్రమంలో వనియా అగర్వాల్ నిరసన తెలుపుతూ క్యూఅండ్‌ఏ సెషన్‌ను అడ్డుకున్నారు.వీరిద్దరినీ మైక్రోసాఫ్ట్ కార్యాలయం వేదిక వద్దే వెళ్లిపోవాలని కోరింది.అబొసాద్‌కు టర్మినేషన్ లేఖ పంపించగా, అగర్వాల్ రాజీనామాను కంపెనీ తక్షణమే ఆమోదించింది. అధికారిక ప్రకటన ఇవ్వకపోయినా, మైక్రోసాఫ్ట్ అభిప్రాయ భేదాల కోసం ఉద్యోగుల చర్యలను అనుమతించదన్న సంకేతాలు పంపింది. ఇదే సమయంలో కంపెనీలో అభిప్రాయ స్వేచ్ఛపై చర్చలు మొదలయ్యాయి.

సోషల్ మీడియా ఇన్‌ఫ్లూయెన్సర్ శృతి చతుర్వేదికి అమెరికాలోని అలస్కా ఎయిర్‌పోర్టులో చేదు అనుభవం ఎదురైంది. పవర్ బ్యాంక్ అనుమానాస్పదంగా ఉందని ఎయిర్‌పోర్టు సెక్యూరిటీ సిబ్బంది ఆమెను ఎనిమిది గంటలపాటు నిర్బంధించారు. ఆమె వేసుకున్న గరం కోటును విప్పించి ఏసీ గదిలో కూర్చోబెట్టారు. శృతిని మహిళా సిబ్బంది కాకుండా మేల్ సెక్యూరిటీ తనిఖీ చేసినట్లు తెలుస్తోంది. వాష్‌రూమ్‌కు వెళ్లనివ్వకపోవడంతో పాటు ఫోన్ ఉపయోగించనివ్వకపోయారట. ఈ వేధింపుల విషయాన్ని శృతి చతుర్వేది సోషల్ మీడియా వేదికగా భారత విదేశాంగ శాఖ దృష్టికి తీసుకెళ్లారు. విదేశాంగ మంత్రి ఎస్ జైశంకర్‌ను ట్యాగ్ చేస్తూ తనపై జరిగిన అన్యాయాన్ని వివరించారు. శృతి “చాయ్‌పానీ” అనే పబ్లిక్ రిలేషన్ సంస్థను నడుపుతూ పలు సమాజపరమైన అంశాలపై తన అభిప్రాయాలు వ్యక్తం చేస్తుంటారు. ఆమెకు ఎదురైన అనుభవం సోషల్ మీడియాలో వైరల్‌గా మారింది. భారతీయ పౌరులపై విదేశాల్లో ఇలాంటి వేధింపులు కొనసాగుతున్నాయని పలువురు విమర్శిస్తున్నారు. భారత ప్రభుత్వం వెంటనే స్పందించి…

కర్ణాటక హోంమంత్రి జీ పరమేశ్వర “బెంగళూరు లాంటి పెద్ద నగరాల్లో లైంగిక వేధింపులు సాధారణం” అని చేసిన వ్యాఖ్యలు తీవ్ర విమర్శలకు లోనయ్యాయి. మహిళల భద్రతను తేలికగా తీసుకున్నట్లు భావించిన నెటిజన్లు, మహిళా సంఘాలు, ప్రతిపక్ష పార్టీలు ఆయనపై తీవ్రంగా మండిపడ్డారు. మంత్రి వ్యాఖ్యలపై తీవ్ర స్థాయిలో వ్యతిరేకత వ్యక్తమవ్వడంతో, ఆయన స్పష్టీకరణ ఇచ్చి క్షమాపణలు చెప్పారు. తన మాటలను తప్పుగా అర్థం చేసుకున్నారని, ఎవరికైనా బాధ కలిగించి ఉంటే విచారిస్తున్నానని పేర్కొన్నారు.బెంగళూరులో ఇటీవల జరిగిన లైంగిక వేధింపుల ఘటనపై పోలీసులు సుమోటోగా కేసు నమోదు చేసి దర్యాప్తు ప్రారంభించారు. ఘటనకు సంబంధించి నిందితుడిని అదుపులోకి తీసుకున్నట్లు హోంమంత్రి తెలిపారు. అతనిపై చట్టపరమైన చర్యలు తీసుకుంటామని చెప్పారు. మహిళల భద్రత కోసం నిర్భయ నిధులు సమర్థవంతంగా వినియోగిస్తున్నామని హోంమంత్రి పేర్కొన్నారు. అయితే, మంత్రిగా బాధ్యతగల పదవిలో ఉన్న పరమేశ్వర ఇలాంటి వ్యాఖ్యలు చేయడం సరికాదని విమర్శకులు అభిప్రాయపడుతున్నారు.

మాజీ సీఎం, వైఎస్సార్‌సీపీ అధినేత జగన్ నేడు శ్రీ సత్యసాయి జిల్లా రాప్తాడు నియోజకవర్గం పాపిరెడ్డిపల్లి పర్యటించారు. వైఎస్సార్సీపీ కార్యకర్త కురుబ లింగమయ్య కుటుంబాన్ని పరామర్శించారు. అనంతరం మీడియాతో మాట్లాడారు. ఈరోజు రాష్ట్రంలో ఉన్న పరిస్థితులు చూస్తే బీహార్‌లా ఉంది. దిగజారిన రాజకీయ పరిస్థితులు, రెడ్‌బుక్‌ పరిపాలన ఎలా కొనసాగనిస్తున్నారని కూటమి ప్రభుత్వంపై ఆరోపించారు. స్థానిక ఎన్నికల్లో తనకు బలం లేకపోయినా హింసను, ప్రలోభాలను ప్రోత్సహిస్తూ దిగజారిన రాజకీయాలు చేస్తున్నారు. 50 చోట్ల ఎన్నికలు జరిగితే 39 చోట్ల వైయస్ఆర్ సీపీ గెలిచింది. ముఖ్యమంత్రి అనే అహంకారంతో ఏ పదవైనా నాకే కావాలంటూ లా అండ్ ఆర్డర్‌ను నాశనం చేస్తూ చంద్రబాబు దౌర్జన్యం చేస్తున్నారని జగన్ ఆరోపించారు. రామగిరిలోనే కాదు రాష్ట్ర వ్యాప్తంగా కూటమి ప్రభుత్వం అన్యాయాలు చేస్తోందని మండిపడ్డారు. టీడీపీకి సంఖ్యాబలం లేకపోయినా స్థానిక ఎన్నికలన్నింటిలో దౌర్జన్యాలతోనే గెలవాలని చూస్తున్నారని రాష్ట్రం మొత్తం మీద రెడ్‌ బుక్‌ పాలన సాగిస్తున్నారు.…