Author: admin

అగ్ర నటుడు యంగ్ టైగ‌ర్ ఎన్‌.టీ.ఆర్, ప్ర‌ముఖ ద‌ర్శ‌కుడు ప్ర‌శాంత్ నీల్ కలయికలో ఒక భారీ చిత్రం తెర‌కెక్క‌నున్న సంగతి తెలిసిందే. కాగా, ఈచిత్రం నుండి తాజాగా ఒక అప్ డేట్ వ‌చ్చింది. ఈ నెల 22 నుండి ఎన్.టీ.ఆర్ ఈ మూవీ షూటింగ్‌లో పాల్గొంటార‌ని మూవీ టీమ్ అధికారికంగా ప్ర‌క‌టించింది. దీంతో అభిమానులు సోషల్ వేదికగా తమ సంతోషాన్ని వ్యక్తం చేస్తున్నారు. కాగా, ఇప్ప‌టికే ఈ మూవీ షూటింగ్ మొదలైంది. ‘డ్రాగ‌న్’ అనే టైటిల్ ప‌రిశీల‌న‌లో ఉన్నట్లు తెలుస్తోంది. ఈ సినిమాకు రవి బస్రూర్‌ సంగీతం అందించనున్నారు. ఈ భారీ ప్రాజెక్ట్‌ను మైత్రీ మూవీ మేక‌ర్స్‌, ఎన్‌టీఆర్ ఆర్ట్స్ బ్యాన‌ర్ లు సంయుక్తంగా నిర్మిస్తున్నాయి. దేశవ్యాప్తంగా భారీ అంచనాలు ఈసినిమా పై ఉన్నాయి.

Read More

అమెరికా ప్రెసిడెంట్ డొనాల్డ్ ట్రంప్ పలు దేశాలపై రెసిప్రోకల్ టారిఫ్స్ విధించిన సంగతి తెలిసిందే. తమ దేశం విధించే టారిఫ్ లకు అనుగుణంగానే ఆయా దేశాలపై తాను టారిఫ్ లు వసూలు చేస్తున్నట్లు ట్రంప్ స్పష్టం చేశారు. తాజాగా ఈ టారిఫ్ లకు సంబంధించి కీలక వివరాలను ఆయన తెలిపారు. తాజాగా వైట్ హౌస్ లో కేబినెట్ సభ్యులు, మీడియా ప్రతినిధులతో మాట్లాడారు. తాజా టారిఫ్ లతో అమెరికాకు భారీగా లాభం చేకూరుతుందన్నారు. రోజుకు 2 బిలియన్ డాలర్లు అమెరికా వాల్ట్ లో జమవుతున్నాయని తెలిపారు. అమెరికాకు దిగుమతయ్యే అన్ని వస్తువులపై వసూలు చేస్తున్న మినిమమ్ టారిఫ్ ధనం కూడా ఇందులో ఉందన్నారు. కాగా, టారిఫ్ ల విషయంలో చర్చలకు తాను సిద్ధమని ట్రంప్ మరోమారు పేర్కొన్నారు. ఈ విషయంలో జపాన్, సౌత్ కొరియా దేశాలు ముందుకు వచ్చాయని అన్నారు. ట్రంప్ జపాన్ పై 24 శాతం, సౌత్ కొరియాపై 25…

Read More

షూటింగ్ వరల్డ్ కప్ మహిళల 10మీ ఎయిర్ పిస్టల్లో భారత షూటర్ సురుచి సింగ్ గోల్డ్ మెడల్ సాధించింది. ఎనిమిది మంది తలపడిన ఫైనల్లో 18 ఏళ్ల సురుచి 244.6 పాయింట్లు స్కోర్ చేసింది. టోర్నీలో భారత్ కు ఇది మూడో గోల్డ్ మెడల్. అంతకుముందు క్వాలిఫికేషన్ రౌండ్లో సురుచి 583 పాయింట్లతో అగ్రస్థానంలో నిలిచింది. చైనా షూటర్లు కియాన్వి (241.9) సిల్వర్, జియాంగ్ రాక్సిన్ (221.0) బ్రాంజ్ గెలిచారు. మను బాకర్ (574) 11వ స్థానంలో నిలిచింది.

Read More

కీల‌క వ‌డ్డీ రేట్ల‌ను రిజ‌ర్వ్ బ్యాంక్ ఆఫ్ ఇండియా (ఆర్‌బీఐ) వ‌రుస‌గా రెండోసారి స‌వ‌రించింది. ద్ర‌వ్య‌ ప‌ర‌ప‌తి విధాన క‌మిటీ నిర్ణ‌యాల‌ను ఆర్‌బీఐ గ‌వ‌ర్న‌ర్ సంజ‌య్ మ‌ల్హోత్రా వెల్ల‌డించారు. ఇక రెపో రేటును 0.25 శాతం మేర త‌గ్గించింది. దీంతో 6.25 నుండి 6 శాతానికి రెపో రేటు తగ్గింది. దీంతో హోమ్‌, వెహిక‌ల్‌, ప‌ర్స‌న‌ల్ లోన్స్ పై వ‌డ్డీరేట్లు త‌గ్గ‌నున్నాయి. కాగా, ఫిబ్ర‌వ‌రిలో కూడా వ‌డ్డీ రేట్ల‌ను రిజ‌ర్వ్ బ్యాంక్ ఆఫ్ ఇండియా 25 బేసిస్ పాయింట్ల మేర త‌గ్గించిన విష‌యం తెలిసిందే. ప్ర‌స్తుతం దేశీయంగా ద్రవ్యోల్బణం కంట్రోల్ ఫేజ్ లోనే ఉంది. 2025 ఫిబ్ర‌వ‌రిలో రిటైల్ ద్ర‌వ్యోల్బ‌ణం 3.6 శాతానికి తగ్గింది. ప్ర‌ధానంగా ఆహార ప‌దార్థాల ధ‌ర‌లు తగ్గడం కారణంగా రిటైల్ ద్ర‌వ్యోల్బ‌ణం త‌గ్గింది. ఈ క్ర‌మంలోనే బ‌లహీనంగా ఉన్న ఆర్థిక వృద్ధికి ప్రాధాన్య‌త ఇవ్వ‌డం కోసం ఆర్బీఐ కీలక రేట్ల‌ను త‌గ్గించింది.

Read More

విద్యాశాఖలో సంస్కరణలు, మెగా డీఎస్సీ, ఎస్ఎస్ సి, ఇంటర్ ఫలితాలు, డ్యాష్ బోర్డు రూపకల్పన తదితర అంశాలపై ఏపీ విద్యా ఐటీ శాఖ మంత్రి నారా లోకేష్ అధికారులతో సమీక్షించారు. జూన్ నాటికి విద్యాశాఖలో సంస్కరణలు పూర్తిచేసి, రాబోయే నాలుగేళ్లు విద్యాప్రమాణాల మెరుగుదలపైనే దృష్టి సారించాలి. సాధ్యమైనంత త్వరగా మెగా డీఎస్సీ ప్రకటనకు ఏర్పాట్లు చేయాలి. ఎలాంటి సమస్యలు తలెత్తకుండా పకడ్బందీగా ఎస్ ఎస్ సి, ఇంటర్ ఫలితాల ప్రకటన విడుదలకు చర్యలు తీసుకోవాలి. ఆగస్టులో వివిధ రాష్ట్రాల విద్యామంత్రుల కాంక్లేవ్ కు విస్తృతమైన ఏర్పాట్లు చేయాలని అధికారులను ఆదేశించారు.

Read More

ఈ నెల 15 నుంచి ఇంటింటికీ మ‌న మిత్ర‌ ద్వారా వాట్సాప్ గ‌వ‌ర్నెన్స్‌పై ప్ర‌జ‌ల‌కు అవ‌గాహ‌న కార్య‌క్ర‌మాన్ని ఏపీ ప్రభుత్వం చేపట్టనుంది. స‌చివాల‌య సిబ్బంది ఇంటింటికీ వెళ్లి అవ‌గాహ‌న క‌ల్పించ‌నున్నారు. ప్ర‌జ‌ల‌కు అవ‌గాహ‌న పెంచేలా ప్ర‌త్యేక క‌ర‌ప‌త్రం, వీడియో సందేశం ఉండనుంది.జిల్లా క‌లెక్ట‌ర్ల‌కు కార్య‌క్ర‌మ ప‌ర్య‌వేక్ష‌ణ బాధ్య‌త‌లు చేపట్టనున్నారు. త‌దుప‌రి ద‌శ‌లో 1000కిపైగా సేవ‌ల క‌ల్పించాల‌న్న‌ది ప్ర‌భుత్వ అంతిమ ల‌క్ష్యంగా పెట్టుకున్నారు. ప్ర‌తి ఒక్క‌రూ వాట్సాప్ గ‌వ‌ర్నెన్స్ ఉప‌యోగించుకునేలా కార్య‌క్ర‌మం రూప‌క‌ల్ప‌న‌ చేశారు. ఇప్పటికే ఐటీ, రియ‌ల్ టైమ్ గ‌వ‌ర్నెన్స్ శాఖ‌ ఏర్పాట్లు పూర్తి చేసింది. రాష్ట్ర ప్ర‌భుత్వం ప్ర‌స్తుతం వాట్సాప్ గ‌వ‌ర్నెన్స్ ద్వారా 250కి పైగా సేవ‌లందిస్తుంది.జూన్ నెల‌కు 500కుపైగ సేవ‌ల అందించాల‌నే దిశ‌గా చ‌ర్య‌లు చేపడుతున్నారు. పౌరులంద‌రూ త‌మ మొబైల్ ఫోనులో మ‌న‌మిత్ర పేరిట 9552300009 నంబ‌రును సేవ్ చేసుకోవాల‌ని ప్ర‌భుత్వం సూచించింది.

Read More

ఫిర్యాదుల పరిష్కారాల్లో వేగం పెంచాలని ఏపీ సీఎం చంద్రబాబు ఆదేశించారు. గ్రీవెన్స్‌లపై సీఎం చంద్రబాబు సమీక్షించారు. వినతుల స్థితిని ఎప్పటికప్పుడు తెలియజేయాలన్నారు. రెవెన్యూ, పోలీస్, మున్సిపల్ శాఖల్లోనే అత్యధిక ఫిర్యాదులు ఉన్నాయని అధికారులు సీఎంకు వివరించారు. ఎప్పటికప్పుడు దరఖాస్తుదారులకు గ్రీవెన్స్ స్థితిని తెలియజేసే సమాచారం అందించాలని, ఇందుకోసం ఏఐ వంటి ఆధునిక టెక్నాలజీని వినియోగించుకోవాలని సీఎం అధికారులను ఆదేశించారు. పరిష్కరించగలిగే వినతులను నిర్ణీత కాలవ్యవధిలోగా పరిష్కరించాలని స్పష్టం చేశారు. అలాగే పరిష్కరించలేని వినతుల విషయంలో ఫిర్యాదుదారులకు ఎందుకు పరిష్కరించలేకపోతున్నామనే విషయాన్ని సవివరంగా తెలియజేయాలని పేర్కొన్నారు. నేరుగా వచ్చే గ్రీవెన్స్‌లను ఆయా జిల్లాల కలెక్టర్లు స్వయంగా కంప్లైంట్ చేసిన వారిని సంప్రదించి ఫాలోఅప్ చేయడం ద్వారా సమస్యను త్వరితగతిన పరిష్కరించాలని సీఎం సూచించారు.

Read More

ఐపీఎల్ లో చెన్నై సూపర్ కింగ్స్ మరో ఓటమి చవిచూసింది. తాజాగా న్యూ చండీఘర్ ముల్లాన్ పూర్ స్టేడియం వేదికగా పంజాబ్ కింగ్స్‌ తో జరిగిన మ్యాచ్‌లో ఓటమి పాలైంది. చెన్నైకి ఇది వరుసగా నాలుగో ఓటమి కాగా, పంజాబ్‌కు ఇది మూడో విజయం. మొదట బ్యాటింగ్ చేసిన పంజాబ్ నిర్ణీత 20 ఓవర్లలో 6 వికెట్ల నష్టానికి 219 పరుగులు చేసింది. 8 ఓవర్లకే 5 కీలక వికెట్లు కోల్పోయి కష్టాల్లో ఉన్న ఆ జట్టును యువ ఆటగాడు ప్రియాంశ్ ఆర్య ఆదుకున్నాడు. ఫోర్లు, సిక్సర్లతో విరుచుకుపడుతూ చెన్నై బౌలింగ్ ను చీల్చి చెండాడాడు. 39 బంతుల్లోనే సెంచరీతో సత్తా చాటాడు. మొత్తంగా 42 బంతులు ఆడిన ప్రియాంశ్ 7 ఫోర్లు, 9 సిక్సర్లతో 103 పరుగులు చేసి ఔటయ్యాడు. చివర్లో శశాంక్‌సింగ్ (52), మార్కో జాన్సెన్ (34) కూడా ధాటిగా ఆడడం తో బ్యాట్ ఝళిపించారు. చెన్నై బౌలర్లలో…

Read More

లక్నో సూపర్ జెయింట్స్:238-3 (20). కోల్ కతా నైట్ రైడర్స్:234-7 (20). కోల్ కతా వేదికగా జరిగిన కోల్ కతా నైట్ రైడర్స్- లక్నో సూపర్ జెయింట్స్ మ్యాచ్ లో లక్నో సూపర్ జెయింట్స్ 4 పరుగుల తేడాతో విజయం సాధించింది. పరుగుల వరదపారిన ఈ మ్యాచ్ లో టాస్ ఓడి మొదట బ్యాటింగ్ చేసిన లక్నో జట్టు నిర్ణీత 20 ఓవ‌ర్ల‌లో 3 వికెట్ల‌కు 238 ప‌రుగుల భారీ స్కోర్ న‌మోదు చేసింది. ఓపెన‌ర్లు మార్క్‌క్ర‌మ్, మిచెల్ మార్ష్ ఏకంగా 99 ప‌రుగుల కీలక పార్టనర్ షిప్ అందించారు. మార్క్‌క్ర‌మ్ 28 బంతుల్లో 47 ప‌రుగుల చేశాడు. ఆ త‌ర్వాత క్రీజులోకి వ‌చ్చిన నికోల‌స్ పూర‌న్‌ మార్ష్ విధ్వంసకర బ్యాటింగ్ తో విరుచుకుప‌డ్డారు. మార్ష్ 48 బంతుల్లోనే 81 పరుగులు చేశాడు. ఈ ఇన్నింగ్స్ లో 5 సిక్స‌ర్లు, 6 ఫోర్లు ఉన్నాయి. నికోలస్ పూరన్ అజేయంగా 36 బంతుల్లో…

Read More

ఏపీ డిప్యూటీ సీఎం పవన్ కళ్యాణ్ చిన్న కొడుకు మార్క్ శంకర్ పవనోవిచ్ అగ్నిప్రమాదంలో గాయపడ్డ సంగతి తెలిసిందే. సింగపూర్ లో మార్క్ శంకర్ చదువుతున్న స్కూల్లో అగ్నిప్రమాదం జరిగింది. ఈ ప్రమాదంలో మార్క్ శంకర్ కాళ్లు, చేతులకు గాయాలయ్యాయి. మార్క్ శంకర్ గాయపడ్డ విషయం తెలుసుకున్న ప్రధాని మోడీ… పవన్ కల్యాణ్ కు ఫోన్ చేశారు. చిన్నారి ఆరోగ్య పరిస్థితి గురించి అడిగి తెలుసుకున్నారు. ప్రమాదం వివరాలు తెలుసుకుని… చిన్నారి త్వరగా కోలుకోవాలని ఆకాంక్షించారు. ధైర్యంగా ఉండాలని పవన్ కు చెప్పారు. సింగపూర్ లో ఎటువంటి సహాయం కావాలన్నా తాము సిద్ధంగా ఉన్నానని పేర్కొన్నారు. ఇక మార్క్ శంకర్ త్వరగా కోలుకోవాలని ఏపీ సీఎం చంద్రబాబు, తెలంగాణ సీఎం రేవంత్ రెడ్డి, ఏపీ మంత్రి నారా లోకేష్, బీ.ఆర్.ఎస్ అగ్రనేతలు కే.టీ.ఆర్, హారీష్ రావు, ఏపీ మాజీ సీఎం వైఎస్ జగన్ తదితరులు ఆకాంక్షిస్తూ సోషల్ మీడియా ‘ఎక్స్’ లో…

Read More