Author: admin

టాలీవుడ్‌లో ఎన్నో బ్లాక్‌బస్టర్ చిత్రాలను అందించిన పూరీ జగన్నాథ్ ఇటీవల వరుస ఫ్లాప్‌లతో ఇబ్బందులు ఎదుర్కొంటున్నాడు. లైగర్, డబుల్ ఇస్మార్ట్ వంటి చిత్రాలు ఆశించిన స్థాయిలో నిలవకపోవడంతో తెలుగు హీరోలు పూరీని పట్టించుకోవడం లేదని వార్తలు వచ్చాయి. అయితే ఇప్పుడు తమిళ స్టార్ హీరో విజయ్ సేతుపతి ప్రధాన పాత్రలో ఓ భారీ ప్రాజెక్ట్‌ను ప్రకటించి మళ్లీ దృష్టిని ఆకర్షించాడు. పూరీ కనెక్ట్స్ బ్యానర్‌పై పూరీ జగన్నాథ్, ఛార్మి నిర్మించనున్న ఈ సినిమా పాన్-ఇండియా స్థాయిలో రూపొందనుంది. ఈ చిత్ర షూటింగ్ జూన్‌లో ప్రారంభమవుతుందని అధికారికంగా వెల్లడించారు. ఇటీవల మహారాజాతో భారీ విజయాన్ని సాధించిన విజయ్ సేతుపతి హీరో, విలన్, క్యారెక్టర్ ఆర్టిస్ట్‌గా అన్ని భాషల్లో మంచి గుర్తింపు తెచ్చుకున్నాడు. తెలుగులో కూడా ఆయనకు మంచి ఫ్యాన్ బేస్ ఉండటంతో ఈ ప్రాజెక్ట్‌పై భారీ అంచనాలు నెలకొన్నాయి. విజయ్ సేతుపతి ఎంచుకునే కథలు వైవిధ్యంగా ఉంటాయి కాబట్టి, ఈ సినిమాపై కూడా…

సన్ రైజర్స్ హైదరాబాద్:163-10 (18.4). ఢిల్లీ క్యాపిటల్స్:166-3 (16). “ఢిల్లీ క్యాపిటల్ ఈ సీజన్ లో వరుసగా రెండో విజయాన్ని అందుకుంది. తాజాగా విశాఖ లోని వైసీఏ స్టేడియం వేదికగా హైదరాబాద్ తో జరిగిన మ్యాచ్ లో 7 వికెట్ల తేడాతో విజయం సాధించింది. హైదరాబాద్ కు వరుసగా రెండో పరాజయాన్ని చవిచూసింది.” మ్యాచ్ లో టాస్ గెలిచిన హైదరాబాద్ బ్యాటింగ్ ఎంచుకుని 18.4 ఓవర్లలో 163 పరుగులకే కుప్పకూలింది. అనికేత్ వర్మ 74 (41; 5×4, 6×6) అద్భుత పోరాటం కనబరిచాడు. క్లాసిన్ (32), హెడ్ (22) పరుగులు చేశారు. మిగతా బ్యాటర్లు విఫలమయ్యారు. ఢిల్లీ బౌలర్లలో మిచెల్ స్టార్క్ 5 వికెట్లు, కుల్దీప్ యాదవ్ 3 వికెట్లు, మోహిత్ శర్మ 1 వికెట్ తీశారు. ఢిల్లీ లక్ష్య ఛేదనలో 3 వికెట్లు మాత్రమే కోల్పోయి 16 ఓవర్లలోనే ఛేదించింది. ఫాఫ్ డుప్లెసిస్ 50 (27; 3×4, 3×6) జాక్…

అట్టడుగు ప్రజలకు సంపన్న కుటుంబాల తోడ్పాటే లక్ష్యంగా ఏపీలో పీ4 కార్యక్రమానికి రాష్ట్ర ప్రభుత్వం శ్రీకారం చుట్టింది.సీఎం చంద్రబాబు పీ4 కార్యక్రమాన్ని ప్రారంభించారు. జీరో పావర్టీ పేరుతో పోర్టల్‌ ను సీఎం ఆవిష్కరించారు. డిప్యూటీ సీఎం పవన్ కళ్యాణ్, మంత్రులు, ఎంపీలు హాజరయ్యారు. మేఘా కృష్ణారెడ్డి, పలువురు పారిశ్రామిక వేత్తలు కూడా కార్యక్రమంలో పాల్గొన్నారు. ఈ పీ4లో ప్రభుత్వం, ప్రైవేటు, ప్రజల భాగస్వామ్యం ఉండనుంది. పేదల బాగుకు మార్గదర్శి-బంగారు కుటుంబం నినాదంతో ఈ అద్భుతమైన కార్యక్రమం రానుంది. పేదరికం నుంచి ప్రజలను పైకి తేవాలనేది పీ4 పథకం ముఖ్య ఆశయం. జీరో పావర్టీ-పీ4 లోగో, వెబ్ సైట్ ని ఏపీ సీఎం చంద్రబాబు డిప్యూటీ సీఎం పవన్ కళ్యాణ్ లు ఆవిష్కరించారు.

విజయవాడ తుమ్మలపల్లి కళాక్షేత్రంలో ప్రభుత్వం ఆధ్వర్యంలో ఉగాది వేడుకలు ఘనంగా నిర్వహించారు. ఉగాది వేడుకల్లో సీఎం చంద్రబాబు నాయుడు పాల్గొన్నారు. ఈ సందర్భంగా సీఎం ఉగాది పచ్చడిని స్వీకరించారు. పండితులు మాడుగుల నాగఫణిశర్మ పంచాగ శ్రవణం చేశారు. ఈ వేడుకల్లో మంత్రులు, ఎమ్మెల్యేలు, కార్పొరేషన్ ఛైర్మన్‌లు, అధికారులు పాల్గొన్నారు. వివిధ రంగాల ప్రముఖులకు సీఎం చేతుల మీదుగా పురస్కారాలు అందజేశారు. ఈసందర్భంగా సీఎం చంద్రబాబు మాట్లాడుతూ రాష్ట్ర ప్రజలకు, ప్రపంచంలో ఉన్న తెలుగు వారందరికీ ఉగాది శుభాకాంక్షలు తెలిపారు. నాగరికత, సంస్కృతి మరిచిపోతే మన ఉనికిని కోల్పోతాం. నాగరికత, సంస్కృతిని అనుసంధానిస్తూ ముందుకెళ్తున్నామని వివరించారు. ఆర్థిక అసమానతలు రూపుమాపేందుకు ఈ రోజు మార్గదర్శి – బంగారు కుటుంబం పేరుతో పీ-4 కార్యక్రమం ప్రారంభిస్తున్నట్లు పేర్కొన్నారు.

ఏపీ మాజీ సీఎం వైఎస్ జగన్ ఉగాది శుభాకాంక్షలు తెలిపారు. ప్ర‌పంచ వ్యాప్తంగా ఉన్న తెలుగువారంద‌రికీ శ్రీ విశ్వావసు నామ సంవ‌త్స‌ర ఉగాది శుభాకాంక్ష‌లు. ఈ ఏడాది అంద‌రూ ఆయురారోగ్యాలు, సుఖ‌సంతోషాల‌తో ఉండేలా చూడాల‌ని ఆ దేవుడిని ప్రార్థిస్తూ ఉగాది పండుగను ఇంటిల్లిపాది ఘ‌నంగా జ‌రుపుకోవాల‌ని మ‌న‌స్ఫూర్తిగా కోరుకుంటున్నానని సోషల్ మీడియా ‘ఎక్స్’ లో పోస్ట్ చేశారు. ఏపీసీసీ చీఫ్ షర్మిల: ఈ కొత్త సంవత్సరం మీ కుటుంబంలో సుఖం, శాంతి, సంపదలను తీసుకురావాలని మనస్ఫూర్తిగా కోరుకుంటూ రాష్ట్ర ప్రజలకు విశ్వావసు నామ సంవత్సర ఉగాది శుభాకాంక్షలు.

ఉగాది పర్వదినాన్ని అందరూ సంతోషంగా జరుపుకోవాలని మంత్రి నారా లోకేష్ ఆకాంక్షించారు. తెలుగువారందరికీ శ్రీ విశ్వావసు నామ సంవత్సర ఉగాది శుభాకాంక్షలు. తెలుగువారిలో కొత్త ఆనందాలు తెచ్చే పండుగల్లో ఉగాది ప్రత్యేకమైంది. ఈ తెలుగు సంవత్సరాది మీ ఆశలు, ఆశయాలు నెరవేర్చి.. ఏడాది పొడవునా సుఖసంతోషాలతో జీవించాలని ఆకాంక్షిస్తూ ప్రపంచవ్యాప్తంగా ఉన్న తెలుగువారందరికీ మరొక్కసారి శ్రీ విశ్వావసు నామ సంవత్సర ఉగాది శుభాకాంక్షలు తెలియజేస్తున్నానని ఆయన ‘ఎక్స్’ లో పోస్ట్ చేశారు.

ఉగాది పర్వదినాన్ని పురస్కరించుకుని ఏపీ సీఎం చంద్రబాబు ప్రజలందరికీ శుభాకాంక్షలు తెలిపారు. విశ్వవ్యాప్తంగా ఉన్న తెలుగు ప్రజలకు విశ్వావసు నామ సంవత్సర ఉగాది శుభాకాంక్షలు. వచ్చేవన్నీ మంచి రోజులనే సానుకూల దృక్పథంతో కొత్త ఏడాదిని స్వాగతిస్తాం. కొత్త కార్యక్రమాలకు శ్రీకారం చుడతాం. మీ ఆకాంక్షలకు అనుగుణంగా ప్రతి ఒక్కరూ రాబోయే కాలంలో గణనీయమైన ప్రగతి సాధించాలని మనస్ఫూర్తిగా కోరుకుంటున్నాను. విశ్వావసు నామ సంవత్సరం తెలుగు ప్రజలందిరిలో సంతోషాన్ని నింపాలని, సకల విజయాలను అందించాలని మనస్ఫూర్తిగా కోరుకుంటూ… ప్రతి ఒక్కరికీ ఉగాది శుభాకాంక్షలు తెలుపుతున్నానంటూ ఆయన ‘ఎక్స్’ లో పోస్ట్ చేశారు.

కాంగ్రెస్ అగ్రనేత, వయనాడ్ ఎంపీ ప్రియాంక గాంధీ వాద్రా కేంద్ర ప్రభుత్వం పై ఆరోపణలు చేశారు. పార్లమెంటులో చర్చలు సరిగ్గా జరగకుండా బీజేపీ అడ్డుకుంటోందని ఆరోపించారు. చర్చలను నివారించేందుకు పలు వ్యూహాలు వేస్తుందని అన్నారు. పార్లమెంటు ఆవరణలో ఆమె మీడియాతో మాట్లాడారు. ప్రజాస్వామ్య ప్రక్రియను చిన్న చూపు చూస్తుందని విమర్శలు గుప్పించారు. గడిచిన కొన్ని సమావేశాలను గమనిస్తున్నాను. ఏదైనా అంశంపై ప్రతిపక్షాలు నిరసనలు చేసే సమయంలో వారిని రెచ్చగొట్టి విపక్ష నేతను మాట్లాడకుండా అడ్డుకోవడం జరుగుతుందని ఆక్షేపించారు. ఈవిధంగా చేయడం విచారకరమని అన్నారు.

ఇటీవల మయన్మార్ లో సంభవించిన భూకంపంలో 1000 మందికి పైగా మృతి చెందారు. కాగా, వీరిలో భారతీయులు ఎవరూ లేరని విదేశాంగ శాఖ తెలిపింది. భారత్ మయన్మార్ కు ఆపన్నహాస్తం అందించిన విషయం తెలిసిందే. ఇప్పటికే అత్యవసర సామాగ్రి, సహాయక సిబ్బందిని పంపించింది. మయన్మార్ లో భూకంపం సంభవించిన వెంటనే మన ప్రధాని మోడీ స్పందించారు. ఆపదలో ఉన్న మయన్మార్ ప్రజలకు, ప్రభుత్వానికి అన్నివిధాలా సహాయక చర్యలు అందించేందుకు భారత్ సిద్ధంగా ఉందని చెప్పారు. ఈరోజు కూడా సీనియర్ జనరల్ మిన్ ఆంగ్ హిలాయింగ్ తో ప్రధాని మోడీ మాట్లాడారు. బాధిత కుటుంబాలకు భారత్ తరపున ప్రగాఢ సానుభూతి తెలియజేశారు. ఈ ఉదయం ‘ఆపరేషన్ బ్రహ్మ’ ప్రారంభించినట్లు 80 మంది ఎన్డీఆర్ఎఫ్ సిబ్బందిని కూడా భారత వాయుసేన విమానాల్లో పంపిస్తున్నట్లు సహాయక సామగ్రి చేరవేతకు ఇండియన్ నేవీని రంగంలోకి దించినట్లు భారత విదేశాంగశాఖ అధికార ప్రతినిధి రణ్ ధీర్ జైశ్వాల్ తెలిపారు.

సూర్యలంక బీచ్ లో పర్యావరణాన్ని కాపాడుతూనే పర్యాటకానికి పెద్దపీట వేసే దిశగా ఏపీ ప్రభుత్వం చర్యలు చేపడుతోంది. బ్లూఫ్లాగ్ బీచ్ గా సూర్యలంక బీచ్ ను రూపాంతరం చెందిస్తామన్న మంత్రి దుర్గేష్ స్పష్టం చేశారు. బాపట్ల జిల్లా అవిడి గ్రామంలో వి రిసార్ట్స్ లో వాటర్ పార్క్ ప్రారంభోత్సవంలో మంత్రి కందుల దుర్గేష్ పాల్గొన్నారు. పర్యాటకుల భద్రతకు,అంతర్జాతీయ ప్రమాణాలకు పెద్దపీట వేస్తున్న వి రిసార్ట్స్ యాజమాన్యానికి అభినందనలు తెలిపారు. చీరాల, బాపట్ల మధ్యలో టూరిజం సర్క్యూట్ ఏర్పాటు చేసేందుకు సన్నాహాలు చేస్తున్నామని వెల్లడించారు.