Author: admin

తెలుగు ప్రజలందరికీ ఆంధ్రప్రదేశ్ డిప్యూటీ సీఎం పవన్ కళ్యాణ్ ఉగాది శుభాకాంక్షలు తెలిపారు. పండుగలు, ఆచార వ్యవహారాలు, సంస్కృతి సంప్రదాయాలు, కళలు… జాతిని సజీవంగా నిలుపుతాయని అన్నారు. మన ముంగిళ్లకు వచ్చిన ‘ఉగాది’ తెలుగువారి వారసత్వపు పండుగ. విశ్వావసు అనే గంధర్వుడు పేరుతో వచ్చిన ఈ ఉగాది పండుగ తరుణాన తెలుగు ప్రజలందరికీ హృదయపూర్వక శుభాకాంక్షలు. జీవితం కష్టసుఖాల సమ్మేళనం. మన ఉగాది పచ్చడిని అందుకు సంకేతంగా భావిస్తాము. గత ప్రభుత్వ పాలన కష్టాలమయమైపోగా – ఇప్పుడు ప్రజలకు సుఖాలను అందించే మంచి పాలన ఆంధ్రప్రదేశ్ లో ప్రజల ముంగిటకు వచ్చింది. చైత్ర మాసపు శోభతో వసంతాన్ని మోసుకువచ్చిన శ్రీ విశ్వావసు నామ ఉగాది… తెలుగు లోగిళ్ళను సిరిసంపదలతో పచ్చగా ఉంచాలని మనస్పూర్తిగా ఆకాంక్షిస్తున్నానని డిప్యూటీ సీఎం కార్యాలయం ఒక ప్రకటనలో తెలిపింది.

భారతీయ రైల్వే ప్రయాణికుల సౌకర్యాన్ని దృష్టిలో ఉంచుకుని సరికొత్త సదుపాయాన్ని ప్రవేశపెట్టింది.ఇకపై రైల్వే కౌంటర్‌లో కొనుగోలు చేసిన టికెట్లనుఆన్‌లైన్‌లోనే రద్దు చేసుకునే అవకాశం కల్పించింది. ఈ విషయాన్ని రైల్వే శాఖ మంత్రి అశ్వినీ వైష్ణవ్ వెల్లడించారు. బీజేపీ ఎంపీ మేధా విశ్రం కుల్‌కర్ణి అడిగిన ప్రశ్నకు స్పందిస్తూ…ప్రయాణికులు తమ టికెట్లను రద్దు చేసుకోవడానికి స్టేషన్‌కు వెళ్లాల్సిన అవసరం లేదని తెలిపారు.ఐఆర్‌సీటీసీ వెబ్‌సైట్ లేదా 139 నంబర్‌కు కాల్ చేసి టికెట్ క్యాన్సిల్ చేసుకోవచ్చని వెల్లడించారు.అయితే క్యాన్సిల్ చేసిన టికెట్లకు డబ్బు తిరిగి పొందడానికి రిజర్వేషన్ సెంటర్‌ను సందర్శించాల్సి ఉంటుందని స్పష్టం చేశారు.ఈ కొత్త సౌకర్యం ప్రయాణికులకు మరింత సులభతరంగా మారనుంది.

భారత స్వాతంత్ర్య సంగ్రామ చరిత్రలో అత్యంత దారుణమైన సంఘటనగా నిలిచిన జలియన్ వాలాబాగ్ ఘటన ఆధారంగా ‘కేసరి చాప్టర్ 2’ సినిమా రాబోతోంది.బాలీవుడ్ స్టార్ అక్షయ్ కుమార్ ప్రధాన పాత్రలో నటిస్తుండగా, మాధవన్,రెజీనా కసాండ్రా,అనన్య పాండే కీలక పాత్రలు పోషిస్తున్నారు.కరణ్ సింగ్ త్యాగీ దర్శకత్వం వహిస్తున్న ఈ సినిమాను ధర్మ ప్రొడక్షన్స్ బ్యానర్‌పై కరణ్ జోహార్ నిర్మిస్తున్నారు.1919లో బ్రిటిష్ పాలకుల దురాగతాన్ని ఎదుర్కొన్న అమాయకుల కథను ఆధారంగా చేసుకుని ఈ సినిమా తెరకెక్కుతోంది.ఇటీవల విడుదలైన ఫస్ట్ లుక్ పోస్టర్ చూస్తుంటే,జలియన్ వాలాబాగ్ ఘటన వెనుక చెప్పలేని నిజాలను బయటపెడతామని మేకర్స్ హింట్ ఇచ్చారు.ఈ చిత్రం ఏప్రిల్ 18న విడుదల కానుంది. You know the massacre, now uncover the untold truth. #KesariChapter2 in cinemas 18th April, worldwide. pic.twitter.com/ZhG3lmOhFs— Dharma Productions (@DharmaMovies) March 29, 2025

మంచు ఫ్యామిలీ నుంచి వస్తున్న భారీ బడ్జెట్ హిస్టారికల్ ప్రాజెక్ట్ ‘కన్నప్ప’ విడుదల వాయిదా పడింది. దాదాపు రూ.100 కోట్ల బడ్జెట్‌తో తెరకెక్కుతున్న ఈ చిత్రంలో మంచు విష్ణు హీరోగా నటిస్తుండగా, మోహన్ బాబు నిర్మాతగా వ్యవహరిస్తున్నారు. అంతేకాదు, ప్రభాస్‌తో పాటు బాలీవుడ్, కోలీవుడ్‌ స్టార్స్ కూడా ఈ సినిమాలో కీలక పాత్రల్లో కనిపించనున్నారు. మహాభారతం ఫేమ్ ముఖేష్‌కుమార్‌ సింగ్‌ ఈ చిత్రానికి దర్శకత్వం వహిస్తున్నారు. మేకర్స్ ముందుగా ఏప్రిల్ 25న విడుదల చేయాలని భావించినప్పటికీ, VFX పనుల్లో ఆలస్యం కారణంగా సినిమా రిలీజ్ పోస్ట్‌పోన్ అయిందని మంచు విష్ణు ప్రకటించారు.”అత్యున్నత ప్రమాణాలతో సినిమాను అందించాలనే ఉద్దేశంతో కొంత సమయం పడుతుంది” అంటూ, కొత్త విడుదల తేదీని త్వరలో ప్రకటిస్తామని తెలిపారు. దీంతో అభిమానులు మళ్లీ కొత్త విడుదల తేదీ కోసం ఆసక్తిగా ఎదురుచూస్తున్నారు. My Sincere Apologies! pic.twitter.com/WbAUJIVzHq— Vishnu Manchu (@iVishnuManchu) March 29, 2025

పవర్ స్టార్ పవన్ కళ్యాణ్ రాజకీయాల్లో బిజీ అయినప్పటికీ,ఆయన నటించిన ‘ఓజీ’ సినిమాపై అభిమానులు భారీ అంచనాలు పెట్టుకున్నారు.ఈ చిత్రానికి సుజిత్ దర్శకత్వంలో తెరకెక్కుతున్న ఈ సినిమా 50% షూటింగ్ ఇప్పటికే పూర్తయినట్లు సమాచారం.ప్రస్తుతం ఉప ముఖ్యమంత్రి హోదాలో ఉన్న పవన్ కళ్యాణ్, మే-జూన్ నెలల్లో 25 రోజుల షెడ్యూల్‌లో మిగిలిన షూటింగ్‌ను పూర్తిచేయాలని నిర్మాతలు ప్లాన్ చేస్తున్నారు.ఈ సెప్టెంబర్‌లో ఈ సినిమాను గ్రాండ్‌గా విడుదల చేయాలని మేకర్స్ భావిస్తున్నారు.ఇందులో ప్రియాంక మోహన్ కథానాయికగా నటిస్తుండగా, ఇమ్రాన్ హష్మి విలన్ పాత్రలో కనిపించనున్నారు.డివివి ఎంటర్‌టైన్‌మెంట్స్ బ్యానర్‌పై దానయ్య భారీ బడ్జెట్‌తో ఈ చిత్రాన్ని నిర్మిస్తున్నారు.ఈ చిత్రానికి తమన్ సంగీతం అందిస్తున్నారు.అయితే ఇది పవన్ కళ్యాణ్ చివరి సినిమా అవుతుందా? లేదా ‘ఉస్తాద్ భగత్ సింగ్’ కూడా చేస్తారా? అనేది వేచి చూడాలి. https://youtu.be/7Y5q41D8_hs?si=l_DSwGN0EfWk3fyB

ప్రముఖ వెబ్ సిరీస్ ‘ది ఫ్యామిలీ మ్యాన్’ మూడో సీజన్ త్వరలోనే ప్రేక్షకుల ముందుకు రానుంది. మనోజ్ బాజ్‌పాయ్, ప్రియమణి ప్రధాన పాత్రల్లో నటించిన ఈ స్పై థ్రిల్లర్‌ సిరీస్ గత రెండు సీజన్లతో అమెజాన్ ప్రైమ్‌లో సంచలన విజయం సాధించింది. ప్రస్తుతం మూడో సీజన్ షూటింగ్ పూర్తయ్యి, పోస్ట్ ప్రొడక్షన్ దశలో ఉంది. ఈసారి కథ నార్త్ ఈస్ట్ ఇండియా బ్యాక్‌డ్రాప్‌లో సాగనుందని చిత్ర బృందం వెల్లడించింది. ‘పాతాళ్ లోక్’ ఫేమ్ జైదీప్ అహ్లావత్ ఈ సీజన్‌లో కీలక పాత్ర పోషించనున్నట్లు సమాచారం. నవంబర్‌లో ఈ సిరీస్ ప్రేక్షకులను అలరించనున్నట్లు హీరో మనోజ్ బాజ్‌పాయ్ వెల్లడించాడు. మూడో సీజన్‌లో శ్రీకాంత్ తివారీ తన కుటుంబం, ఉద్యోగం, కొత్త సవాళ్లను ఎలా ఎదుర్కొన్నాడనేది ఆసక్తికరంగా ఉండబోతోంది. ఈ వెబ్ సిరీస్‌పై ప్రేక్షకులలో భారీ అంచనాలు నెలకొన్నాయి.

ప్రముఖ మెసేజింగ్ యాప్ వాట్సాప్ తన యూజర్ల కోసం కొత్త ఫీచర్లను అందించడంలో ఎప్పుడూ ముందుంటుంది.తాజాగా, మాతృ సంస్థ మెటా మరో వినూత్న ఫీచర్‌ను అందుబాటులోకి తెచ్చింది.ఇకపై, యూజర్లు తమ వాట్సాప్ స్టేటస్‌లో మ్యూజిక్‌ను జోడించుకునే వీలుంటుంది.ఇన్‌స్టాగ్రామ్‌లో అందుబాటులో ఉన్న ఫీచర్‌లా, స్టేటస్ ఫొటోలు మరియు వీడియోలకు మ్యూజిక్ జోడించే అవకాశం లభిస్తుంది. అయితే, వినియోగదారులు ముందుగా అందుబాటులో ఉన్న పాటల నుంచే ఎంచుకోవాలి. స్వతంత్రంగా ఇష్టమైన పాటలను అప్‌లోడ్ చేసే అవకాశం ఉండదు.ఈ కొత్త ఫీచర్ గురించి శుక్రవారం వాట్సాప్ అధికారిక ప్రకటన విడుదల చేసింది. “వాట్సాప్ స్టేటస్ ఎప్పటికప్పుడు వినియోగదారులకు తమ జీవితంలోని ముఖ్యమైన క్షణాలను స్నేహితులు, కుటుంబ సభ్యులతో పంచుకునే అవకాశం కల్పిస్తుంది. ఇప్పుడు, మీ స్టేటస్ అప్‌డేట్‌లకు సంగీతాన్ని జోడించడం ద్వారా మరింత అనుభూతిని పంచుకోవచ్చు” అని పేర్కొంది. వాట్సాప్ స్టేటస్‌లో మ్యూజిక్ జోడించే విధానం వాట్సాప్ యాప్ తెరిచి ‘యాడ్ స్టేటస్’ పై ట్యాప్…

స్టార్‌ నటుడు మోహన్‌లాల్, పృథ్వీరాజ్ సుకుమారన్ ప్రధాన పాత్రల్లో నటించిన ‘ఎల్ 2 ఎంపురాన్’ చిత్రం వివాదంలో చిక్కుకుంది. రాష్ట్రీయ స్వయంసేవక్ సంఘ్ (ఆర్ఎస్ఎస్) ఈ చిత్రాన్ని హిందూ వ్యతిరేక చిత్రంగా అభివర్ణించింది. కాంగ్రెస్‌ ఈ మూవీకి మద్దతు ప్రకటించగా, బీజేపీ మౌనం వహించింది.ఆర్ఎస్ఎస్ కు చెందిన ‘ఆర్గనైజర్’లో ప్రచురించిన కథనం ప్రకారం, 2002 గోద్రా అల్లర్లను ప్రస్తావిస్తూ హిందూ వ్యతిరేక రాజకీయ ఎజెండాను ఈ చిత్రం ముందుకు తీసుకువస్తోందని ఆరోపించింది. ఈ మూవీ హిందువులను కించపరిచే విధంగా రూపొందించిందని, బీజేపీ వ్యతిరేక కథనాన్ని ప్రచారం చేసేందుకు మాధ్యమంగా మారిందని విమర్శించింది. భారతదేశంతో పాటు ఉపఖండంలో జరుగుతున్న సంఘటనల నేపథ్యంలో హిందువులను విలన్లుగా చూపించే ప్రయత్నం చేసినట్లు ఆరోపణలు వచ్చాయి. అయితే, బీజేపీ కేరళ ప్రధాన కార్యదర్శి పీ సుధీర్ మాట్లాడుతూ ఈ మూవీపై పార్టీ స్పందించదని, ప్రేక్షకులే తాము చూడాల్సిన సినిమా ఏదో నిర్ణయించుకోవాలని తెలిపారు. కేరళ యువజన కాంగ్రెస్…

భారీ భూకంపాలతో కుదేలైన మయన్మార్ కు భారత్ ఆపన్నహస్తం అందించింది. ఇటీవల మయన్మార్, థాయ్ ల్యాండ్ లు భూకంపంతో బెంబేలెత్తిపోయాయి. లక్షల సంఖ్యలో ప్రజలు గాయపడ్డారు. మృతుల సంఖ్య 1000 దాటింది. ప్రకృతి విపత్తుతో తీవ్రంగా నష్టపోయిన మయన్మార్ కు భారత్ ఆపన్నహస్తం అందించింది. ఇందులో భాగంగా ‘ఆపరేషన్ ‘బ్రహ్మ’ తో మయన్మార్ కు 15 టన్నుల సహాయక సామగ్రిని పంపించింది. టెంట్లు, దుప్పట్లు, స్లీపింగ్ బ్యాగులు, జనరేటర్లు ఆహార ప్యాకెట్లను పంపింది. ఐఎన్ఎస్ సాత్పురా మరియు ఐఎన్ఎస్ సవిత్రి 40 టన్నుల అవసరమైన మానవతా సహాయాన్ని యాంగోన్ పోర్ట్‌కు తీసుకుని వెళ్లాయి. అలాగే భారత్ 80 మంది ఎన్డీఆర్ఎఫ్ సిబ్బందిని అక్కడి తరలించి సహాయక చర్యల్లో తన వంతు సాయం అందించనుంది. అమెరికా, ఇండోనేషియా, చైనా కూడా తగిన సాయం అందిస్తామని తెలిపాయి. ప్రభావిత దేశాలకు సహాయక సామగ్రి పంపుతున్నట్లు యూ.ఎన్ (ఐక్యరాజ్యసమితి ) జనరల్ సెక్రటరీ ఆంటోనియో గుటెరస్…

ఈకామర్స్ దిగ్గజాలు ఫ్లిప్‌కార్ట్, అమెజాన్ గోడౌన్లపై బ్యూరో ఆఫ్ ఇండియన్ స్టాండర్డ్స్ (బీఐఎస్) అధికారులు జరిపిన దాడుల్లో నకిలీ, నాసిరకం ఉత్పత్తులను స్వాధీనం చేసుకున్నారు. ఢిల్లీలోని మోహన్ కోఆపరేటివ్ ఇండస్ట్రియల్ ఏరియాలో అమెజాన్ సెల్లర్స్ ప్రైవేట్ లిమిటెడ్ గోడౌన్‌లో జరిగిన తనిఖీల్లో గీజర్లు, మిక్సీలు, ఇతర ఎలక్ట్రికల్ వస్తువులను గుర్తించారు. వీటికి ఐఎస్ఐ గుర్తింపు లేకుండా నకిలీ లేబుళ్లతో విక్రయిస్తున్నట్లు తేలింది.ఇక ఫ్లిప్‌కార్ట్‌కు చెందిన ఇన్‌స్టాకార్ట్ సర్వీస్ ప్రైవేట్ లిమిటెడ్ గోడౌన్‌లోనూ నాసిరకం ఉత్పత్తులు ఉన్నట్లు అధికారులు వెల్లడించారు.డిస్పాచ్‌కు సిద్ధంగా ఉన్న స్పోర్ట్స్ ఫుట్‌వేర్‌లను సీజ్ చేశారు.వీటిపై తయారీ తేదీ, ఐఎస్ఐ ముద్ర లేవని తెలిపారు.మొత్తం రూ. 6 లక్షల విలువైన 590 జతల షూస్‌ను స్వాధీనం చేసుకున్నారు.గత వారం తమిళనాడులోనూ బీఐఎస్ అధికారులు 3,000 ఉత్పత్తులను సీజ్ చేశారు.నకిలీ ఉత్పత్తుల అమ్మకాన్ని నియంత్రించేందుకు కఠిన చర్యలు తీసుకుంటామని అధికారులు వెల్లడించారు. ప్రజలు నాణ్యతా ప్రమాణాలు లేని వస్తువులను కొనుగోలు చేసే…