న్యూజిలాండ్ ప్రధాని క్రిస్టఫర్ లక్సన్ భారతలో పర్యటిస్తున్నారు.ఈ మేరకు ఆయన ఢిల్లీలో సరదాగా కాసేపు క్రికెట్ ఆడి సందడి చేశారు.కాగా కివీస్ మాజీ క్రికెటర్ రాస్ టేలర్‌తో కలిసి ఢిల్లీలో స్థానిక పిల్లలతో క్రికెట్ ఆడారు.ఈ క్షణాలను ఆయన సోషల్ మీడియాలో పంచుకోగా, ఫోటోలు వైరల్‌గా మారాయి.తన పర్యటనలో భాగంగా రాష్ట్రపతి ద్రౌపదీ ముర్ము, ప్రధాన మంత్రి నరేంద్ర మోదీతో పాటు పలువురు కేంద్ర మంత్రులను కలిశారు.ఇరుదేశాల మధ్య ద్వైపాక్షిక సంబంధాలను బలోపేతం చేయాలని లక్ష్యంగా పెట్టుకుని మోదీ,లక్సన్ విస్తృత చర్చలు జరిపారు.ఈ భేటీలో వాణిజ్యం, పెట్టుబడులు, విద్య, టెక్నాలజీ వంటి అంశాలపై చర్చించారు.భారత పర్యటన తనకు మధురానుభూతిని ఇచ్చిందని క్రిస్టఫర్ లక్సన్ పేర్కొన్నారు. Prime Minister of New Zealand Christopher Luxon, during his visit to Delhi, shared pictures of him and former New Zealand international cricketer Ross Taylor playing cricket…
Author: admin
వైసీపీకి మరో కీలక నేత గుడ్ బై చెప్పారు. ఎమ్మెల్సీ మర్రి రాజశేఖర్ తాజాగా ఆ పార్టీని వీడుతున్నట్లు తెలిపారు. ఈమేరకు రాజీనామా చేసి ఆయన తన రాజీనామా లేఖను స్పీకర్ కు పంపించారు. ఇప్పటికే ఆ పార్టీకి నలుగురు ఎమ్మెల్సీలు రాజీనామా చేశారు.అందులో పోతుల సునీత, కర్రి పద్మ శ్రీ, కళ్యాణ చక్రవర్తి, జయమంగళ వెంకటరమణ ఉన్నారు. తాజాగా మరో ఎమ్మెల్సీ రాజీనామా చేయడంతో ఆ సంఖ్య 5కు చేరింది.
వైఎస్సార్ జిల్లాను తిరిగి వైఎస్సార్ కడప జిల్లా పేరుతో సవరించడంలో అభ్యంతరం లేకపోయినా.. కృష్ణా జిల్లా తాడిగడప మున్సిపాలిటీకి వైఎస్సార్ పేరును తీసెయ్యడాన్ని ఖండిస్తున్నట్లు ఏపీసీసీ చీఫ్ షర్మిల తెలిపారు. అనాడు జగన్ చేసిన తప్పే నేడు చంద్రబాబు చేస్తున్నారని మండిపడ్డారు. అధికారంలో ఉండగా స్వర్గీయ ఎన్టీఆర్ పేరు మార్చి వైసీపీ ప్రభుత్వం అభిమానుల మనోభావాలు దెబ్బతినేలా చేస్తే.. ఇప్పుడు కూటమి ప్రభుత్వం మహానేత వైయస్ పేరు చెరిపి ప్రతీకారం తీర్చుకుంటుందని ఆరోపించారు. కోట్లాది మంది తెలుగు ప్రజల హృదయాలను ఇది గాయపరిచిందని ఆమె ‘ఎక్స్’ లో పోస్ట్ చేశారు. వైఎస్సార్ అంటే ఎందుకింత కక్ష అని ప్రశ్నించారు. వైఎస్సార్ జిల్లాలో తిరిగి కడప పేరు చేర్చినప్పుడు విజయవాడ కేంద్రంగా ఉన్న ఎన్టీఆర్ జిల్లాకు ఎన్టీఆర్ విజయవాడ అనో లేక పాత కృష్ణ జిల్లాకు ఎన్టీఆర్ కృష్ణా జిల్లాగా పేరు ఎందుకు మార్చలేదని ప్రశ్నించారు.
ఈ సీజన్ లో లక్నో సూపర్ జెయింట్స్ టీమ్ కు కొత్త కెప్టెన్ గా ఎంపికైన రిషబ్ పంత్ పై వెస్టిండీస్ స్టార్ హిట్టర్ నికోలస్ పూరన్ కీలక వ్యాఖ్యలు చేశాడు. జట్టు నుండి అతనికి పూర్తి మద్దతు ఉందని పేర్కొన్నాడు. ఈ సీజన్ లో లక్నో మార్చి 24న విశాఖపట్నం వేదికగా ఢిల్లీ క్యాపిటల్స్ తో తొలి మ్యాచ్ ఆడనుంది. ఈక్రమంలో పూరన్ ఈ వ్యాఖ్యలు చేశాడు. ఈ సీజన్ విజేతగా నిలిచేందుకు టీమ్ సమతూకంతో ఉందని పేర్కొన్నాడు. ఈ సీజన్ మాకు మంచి అవకాశం. అనుభవంతో కూడిన ఆటగాళ్లతో పాటు యువ ఆటగాళ్లతో టీమ్ ఉంది. రిషబ్ పంత్ కు టాలెంట్, అనుభవం, నైపుణ్యం ఉన్నాయని అన్నాడు. అతను ఎలా రాణిస్తాడోనని ఆసక్తిగా మేమంతా ఎదురుచూస్తున్నాం. జట్టు నుండి అతనికి వంద శాతం మద్దతు ఉంటుందని స్పష్టం చేశాడు.
దాదాపు 9 నెలల పాటు అంతరిక్షంలోనే ఉండిపోయినభారత సంతతి వ్యోమగామి సునీతా విలియమ్స్ ఎట్టకేలకు పుడమిని చేరుకున్న సంగతి తెలిసిందే. ఆమెతో పాటు మరో ముగ్గురితో భూమికి బయల్దేరిన స్పేస్ ఎక్స్ క్రూ డ్రాగన్ ఈరోజు తెల్లవారుజామున ఫ్లోరిడా సముద్ర తీరంలో దిగింది. ఆ సమయంలో ఈ స్పేస్ షిప్ చుట్టూ డాల్ఫిన్లు కలియదిరిగిన దృశ్యాలు ప్రస్తుతం సోషల్ మీడియా లో వైరల్ అవుతున్నాయి. There are a bunch of dolphins swimming around SpaceX's Dragon capsule. They want to say hi to the Astronauts too! lol pic.twitter.com/sE9bVhgIi1— Sawyer Merritt (@SawyerMerritt) March 18, 2025
భారత సంతతికి చెందిన ఆస్ట్రోనాట్ సునీతా విలియమ్స్ మరో ఆస్ట్రోనాట్ బుచ్ విల్మోర్లు దాదాపు 9 నెలల తర్వాత భూమిపైకి చేరుకున్నారు. కొన్ని సాంకేతిక కారణాల వలన అంతరిక్షంలోనే ఉండిపోయిన వీరిద్దరూ మరో ఇద్దరు ఆస్ట్రోనాట్లతో కలిసి సురక్షితంగా భూమిని చేరారు. అంతర్జాతీయ అంతరిక్ష కేంద్రం (ఐ.ఎస్.ఎస్) నుండి బయల్దేరిన క్రూ డ్రాగన్ వ్యోమనౌక నేటి తెల్లవారుజామున 3: 27 గంటలకు ఫ్లోరిడా తీరంలోని సముద్ర జలాల్లో దిగింది. గంటకు 17 వేల మైళ్ల వేగంతో భూమివైపు ప్రయాణించిన డ్రాగన్ క్యాప్సుల్ క్రమంగా వేగాన్ని తగ్గించుకుంటూ గంటకు వేగం 116 మైళ్లకు చేరుకున్నాక పారాచూట్ల సాయంతో వేగాన్ని మరింత తగ్గించుకొని క్యాప్సుల్ సురక్షితంగా సముద్ర జలాల్లో దిగింది. నాసా సిబ్బంది అక్కడికి చేరుకొని చిన్న చిన్న బోట్ల సాయంతో దానిని ఓ నౌకపైకి తీసుకొచ్చి ఒడ్డుకు చేర్చారు. అనంతరం వారిని హ్యూస్టన్లోని జాన్సన్ స్పేస్ సెంటర్ కు తరలించనున్నారు. అక్కడ వారికి…
అటవీ శాఖ సిబ్బందికి సంబంధించిన ట్రైనింగ్ బలోపేతం చేసే విధంగా తూర్పు గోదావరి జిల్లా దివాన్ చెరువు సమీపంలో స్టేట్ ఫారెస్ట్ అకాడమీని నెలకొల్పాలని రాష్ట్ర ప్రభుత్వం నిర్ణయించింది. అటవీ శాఖ ఉద్యోగులు అటవీ, వన్య ప్రాణి సంరక్షణపై పటిష్టమైన శిక్షణ పొందేందుకు అనువైన వాతావరణం ఉండాలని, దానికి తగినట్లుగా ఏర్పాట్లు చేయాలని ఏపీ డిప్యూటీ సీఎం, అటవీ పర్యావరణ శాఖ మంత్రి పవన్ కళ్యాణ్ ఉన్నతాధికారులకు సూచించారు. శాఖ పరిధిలో ఉన్న కొన్ని స్థలాలను సూచించారు. దివాన్ చెరువు దగ్గర ఉన్న రక్షిత అటవీ ప్రాంతంలో అకాడమీని ఏర్పాటు చేస్తే సిబ్బందికి అవసరమైన శిక్షణ, అటవీ వాతావరణాన్ని కల్పించడంతోపాటు రవాణా, తత్సంబంధిత మౌలిక సదుపాయాలూ ఉంటాయని పవన్ కళ్యాణ్ అభిప్రాయపడ్డారు. ఇక అకాడమి ఏర్పాటుకి సంబంధించి ప్రధాని మోడీ, కేంద్ర పర్యావరణ అటవీ శాఖ మంత్రి భూపేంద్ర యాదవ్, ఏపీ సీఎం చంద్రబాబుకు డిప్యూటీ సీఎం పవన్ కృతజ్ఞతలు తెలిపారు.
ఆంధ్రప్రదేశ్ సచివాలయంలో మార్కెట్ ధరల పర్యవేక్షణపై పౌరసరఫరాల శాఖ మంత్రి నాదెండ్ల మనోహర్ అధ్యక్షతన మంత్రుల బృందం భేటీ అయింది. ఈ సమావేశంలో ఆర్థిక శాఖ మంత్రి పయ్యావుల కేశవ్, వ్యవసాయ శాఖ మంత్రి అచ్చెన్నాయుడు, ఆరోగ్యశాఖ మంత్రి సత్య కుమార్ యాదవ్, ఉన్నతాధికారులు పాల్గొన్నారు. ద్రవ్యోల్బణాన్ని నియంత్రించేందుకు ప్రత్యేక చర్యలు తీసుకుంటున్నట్టు మంత్రులు వివరించారు. జాతీయ సగటు 3.61% కంటే ఆంధ్రప్రదేశ్ ద్రవ్యోల్బణం రేటు 2.44% తక్కువగా ఉందని దేశవ్యాప్తంగా తక్కువగా ద్రవ్యోల్బణం నమోదవుతున్న రాష్ట్రాలలో ఏపీ నాలుగో స్థానంలో ఉందని తెలిపారు. వరుసగా 3 నెలలు జాతీయ సగటు కన్నా రాష్ట్ర ద్రవ్యోల్బణం తక్కువగా నమోదు అవుతోందని పేర్కొన్నారు.
దేశీయ స్టాక్ మార్కెట్లు భారీ లాభాలతో నేటి ట్రేడింగ్ ముగించాయి. అంతర్జాతీయ సానుకూల సంకేతాలకు తోడు మెటల్, ఫైనాన్షియల్ షేర్లు రాణించడంతో సూచీలు భారీ లాభాలతో కళకళలాడాయి. బాంబే స్టాక్ ఎక్స్ చేంజ్ సూచీ సెన్సెక్స్ 1131 పాయింట్లు లాభంతో 75,301 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 325 పాయింట్లు లాభపడి 22,834 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.86.55గా కొనసాగుతోంది. సెన్సెక్స్ 30లో జొమాటో, ఐసీఐసీఐ బ్యాంక్, టాటా మోటార్స్, మహీంద్రా అండ్ మహీంద్రా, ఎల్ అండ్ టీ షేర్లు ప్రధానంగా లాభాల్లో ముగిశాయి. మార్కెట్లు చాలా సెషన్స్ నుండి నష్టపోతున్న నేపథ్యంలో పలు రకాల కంపెనీల షేర్లు ఆకర్షణీయంగా ఉండడంతో ఇన్వెస్టర్లు కొనుగోళ్లకు మొగ్గు చూపడం కూడా మార్కెట్ కు కలిసొచ్చింది.
ఆంధ్రప్రదేశ్ లో కూటమి ప్రభుత్వం అధికారంలోకి వచ్చిన తర్వాత తీసుకువచ్చిన వాట్సాప్ ఈ-గవర్నెన్స్ సేవలు ‘మన మిత్ర వాట్సాప్ గవర్నెన్స్” ఈ నెలాఖరుకు 300 సర్వీసులను ప్రభుత్వం తీసుకువస్తుందని మంత్రి నారా లోకేష్ అన్నారు. వాట్సాప్ ఈ-గవర్నెన్స్ ద్వారా 200 రకాల పౌరసేవలు అందించగలుగుతున్నామని, సర్టిఫికెట్ల జారీ ఎంతో సులభంగా మారిందని వివరించారు. గతంలో చంద్రబాబు పౌరసేవలను ఈ-సేవగా మార్చి ప్రజలకు వద్దకు పాలన తీసుకువెళ్లారని గుర్తు చేశారు. తాను గతేడాది నిర్వహించిన యువగళం పాదయాత్ర ద్వారా, రాష్ట్రంలో ప్రజలు ఎదుర్కొంటున్న సమస్యలను పూర్తిగా అర్థం చేసుకున్నానని పేర్కొన్నారు. ప్రజల కోసం సులభతరంగా పౌరసేవలు అందించాలని నిర్ణయించామని దానిలో భాగంగా వాట్సాప్ ఈ-గవర్నెన్స్ తీసుకువచ్చామని మంత్రి నారా లోకేష్ తెలిపారు.