Author: admin

స్పెషల్ ఒలింపిక్స్ వరల్డ్ వింటర్ గేమ్స్‌లో భారత అథ్లెట్లు 8 స్వర్ణాలు, 18 రజతాలు మరియు 7 కాంస్యాలతో సహా 33 పతకాలతో అద్భుతమైన ప్రతిభ కనబరిచిన సంగతి తెలిసిందే. ఈసందర్భంగా భారత్ చేరుకున్న వారిని ప్రధాని మోడీ కలిశారు. పార్లమెంటులో ఈ బృందాన్ని కలిసి, వారి విజయాలకు అభినందనలు తెలిపారు. ఇటలీలోని టురిన్‌లో జరిగిన స్పెషల్ ఒలింపిక్స్ వరల్డ్ వింటర్ గేమ్స్‌లో దేశానికి కీర్తిని తెచ్చిన మన అథ్లెట్ల పట్ల ఎంతో గర్వపడుతున్నట్లు సోషల్ మీడియా ‘ఎక్స్’ లో తెలిపారు. స్పెషల్ ఒలింపిక్స్ లో భారత్ ఆల్పైన్ స్కైయింగ్ లో 10 మెడల్స్, స్నోషూయింగ్ లో 10 మెడల్స్, స్నో బోర్డింగ్ లో 6 మెడల్స్, షార్ట్ ట్రాక్ స్పీడ్ ట్రాకింగ్ లో 4 మెడల్స్, క్రాస్ కంట్రీ స్కైయింగ్ లో 2 మెడల్స్, ఫ్లోర్ బాల్ లో ఒక మెడల్ లభించాయి.

అసెంబ్లీ ఆవరణలో ఎమ్మెల్యేలు, ఎమ్మెల్సీలు, మంత్రులతో శాసన సభ స్పీకర్ అయ్యన్నపాత్రుడు, డిప్యూటీ స్పీకర్ రఘురామ కృష్ణంరాజు, శాసన మండలి చైర్మన్ మోషేస్ రాజు, సీఎం చంద్రబాబు, డిప్యూటీ సీఎం పవన్ కళ్యాణ్ లు గ్రూప్ ఫోటోలు దిగారు. ముందుగా ఎమ్మెల్యేలు, ఆ తర్వాత ఎమ్మెల్సీల ఫొటో సెషన్ జరిగింది. ఇక ఈ ఫోటో సెషన్ సందర్భంగా మరో ఆసక్తికర సన్నివేశం చోటుచేసుకుంది. ఫొటో సెషన్ ముగించుకుని వెళుతున్న సమయంలో డిప్యూటీ సీఎం పవన్ కళ్యాణ్ ను వైసీపీ ఎమ్మెల్సీ బొత్స సత్యనారాయణ ఆత్మీయంగా పలకరించారు. ‘ఎలా ఉన్నారు? బాగున్నారా?’ అని బొత్స పలకరించారు. ఇద్దరూ కరచాలనం చేసుకున్నారు.

అన్ని ప్రభుత్వ పాఠశాలల్లో ఫిజికల్ ఎడ్యుకేషన్, ఎన్సీసీ ఉండేందుకు అన్ని ప్రయత్నాలు చేస్తున్నట్లు ఏపీ విద్యా శాఖ మంత్రి నారా లోకేష్ అన్నారు. కేంద్ర రక్షణ శాఖ మంత్రి రాజ్ నాథ్ సింగ్ గారు ఎన్సీసీ విషయంలో సానుకూలంగా స్పందించారని తెలిపారు. ఇక బిట్స్ అమ‌రావ‌తిలో ఏర్పాటు కానున్నట్లు తెలిపారు . టాటా గ్రూప్, ఎల్ అండ్ టీ , ఐఐటీ మ‌ద్రాస్ క‌లిసి డీప్ టెక్ యూనివ‌ర్సిటీని తీసుకొచ్చేందుకు సీఎం కృషి చేస్తున్నట్లు పేర్కొన్నారు. విశాఖ‌లో ఏఐ వ‌ర్సిటీ ఏర్పాటుకు య‌త్నిస్తున్నామని తెలిపారు. దేశంలోని టాప్ యూనివ‌ర్సిటీల‌ను ఏపీలో అన్ని ప్రాంతాల‌కు తీసుకొచ్చే ల‌క్ష్యంతో ప‌నిచేస్తున్నామని వివరించారు.. ఇక ఏపీ ప్రైవేటు విశ్వవిద్యాలయాల స్థాపన, క్రమబద్దీకరణ సవరణ బిల్లు-2025ను మంత్రి నారా లోకేశ్ శాసనసభలో ప్రవేశపెడుతూ… దేశంలో విదేశీ విశ్వవిద్యాలయాలను కేంద్రప్రభుత్వం పెద్ద ఎత్తున ప్రోత్సహిస్తోందన్నారు. వివిధ ఫారిన్ వర్సిటీల క్యాంపస్ లను రాష్ట్రానికి రప్పించాలన్నది సభ్యుల అభిమతం అని…

సినీ నటుడు,వైసీపీ మాజీ నేత పోసాని కృష్ణమురళిను సీఐడీ కస్టడీకి అనుమతించాలన్న విజ్ఞప్తిని గుంటూరు సివిల్ కోర్టు ఆమోదించింది. సోమవారం కోర్టు ఉత్తర్వులు జారీ చేయడంతో మంగళవారం సీఐడీ పోలీసులు పోసానిని తమ కస్టడీలోకి తీసుకున్నారు.ముందుగా గుంటూరు జీజీహెచ్ ఆసుపత్రిలో వైద్య పరీక్షలు నిర్వహించి, అనంతరం విచారణకు తరలించనున్నట్లు అధికారులు వెల్లడించారు. పూర్వ సీఎం చంద్రబాబు,ఉప ముఖ్యమంత్రి పవన్‌ కల్యాణ్‌ పై పోసాని అనుచిత వ్యాఖ్యలు చేయడంతో పాటు మార్ఫింగ్‌ చేసిన చిత్రాలు మీడియా ముందు ప్రదర్శించినట్లు ఆరోపణలున్నాయి.టీడీపీ,జనసేన నేతల ఫిర్యాదుతో సీఐడీ కేసు నమోదు చేసి, దర్యాఫ్తులో భాగంగా గుంటూరు జిల్లా జైలులో ఉన్న పోసానిని కస్టడీకి ఇవ్వాలని కోర్టులో పిటిషన్‌ దాఖలు చేసింది.

గుండె సంబంధిత వ్యాధుల‌తో బాధ‌ప‌డుతున్న చిన్నారుల‌కు ఉచితంగా ఆప‌రేష‌న్లు చేయిస్తూ తనదైన శైలిలో దాతృత్వ సేవలు కొనసాగిస్తున్న సూప‌ర్ స్టార్ మ‌హేశ్ బాబు ఇప్పటివరకు 4,500 ఆపరేషన్లు చేయించారు. ఈ సంఖ్య తాజాగా 4,500 దాటిన‌ట్లు ఆంధ్రా హాస్పిట‌ల్స్ ప్ర‌క‌టించింది. ఈ విష‌యాన్ని తెలియ‌జేస్తూ మహేష్ అభిమానులు, నెటిజన్లు సోష‌ల్ మీడియాలో ఆయనను ప్రశంసిస్తూ పోస్ట్ లు పెడుతున్నారు. త‌మ అభిమాన హీరో చేస్తున్న స‌మాజ సేవ ప‌ట్ల వారు హ‌ర్షం వ్య‌క్తం చేస్తున్నారు. ఎన్నో ఏళ్లుగా మ‌హేశ్ బాబు ఫౌండేష‌న్ ఈ కార్య‌క్ర‌మాన్ని నిర్వ‌హిస్తోంది. ఇక మహేష్ సతీమణి న‌మ్ర‌తా శిరోద్క‌ర్ ఏపీలో మ‌ద‌ర్స్ మిల్క్ బ్యాంక్‌తో పాటు బాలిక‌ల‌కు ఉచితంగా గ‌ర్భాశ‌య క్యాన్స‌ర్ టీకాను అందించే కార్య‌క్ర‌మాన్ని తాజాగా ప్రారంభించారు.

తమిళ అగ్ర నటుడు విజయ్‌ సేతుపతి వినూత్న కథలతో ప్రేక్షకులను అలరిస్తూ విలక్షణ నటుడిగా గుర్తింపు తెచ్చుకున్నారు. తాజాగా, పూరి జగన్నాథ్‌ దర్శకత్వంలో ఓ చిత్రానికి గ్రీన్‌సిగ్నల్‌ ఇచ్చినట్లు సమాచారం.పూరి చెప్పిన కాన్సెప్ట్‌ కొత్తగా అనిపించడంతో,తన పాత్ర డిజైన్‌ కూడా నచ్చడంతో విజయ్‌ సేతుపతి వెంటనే అంగీకరించారని తెలుస్తోంది.కథ ఇంప్రెస్‌ చేయడంతో త్వరగా ఈ సినిమాను ప్రారంభించాలని కోరినట్లు వార్తలు వినిపిస్తున్నాయి. ఈ చిత్రానికి సంబంధించిన అధికారిక ప్రకటన త్వరలో రానుంది. ప్రస్తుతం విజయ్‌ సేతుపతి ‘ట్రెయిన్‌’ అనే సినిమా, పాండిరాజ్‌ దర్శకత్వంలో మరో చిత్రం చేస్తున్నారు.

మెగాస్టార్ చిరంజీవి లండన్‌ చేరుకున్నాడు.సినీ రంగానికి ఆయన అందించిన విశేష సేవలకు గానూ యూకే ప్రభుత్వం లైఫ్‌టైమ్ అచీవ్‌మెంట్ అవార్డు ప్రకటించింది.లేబర్‌ పార్టీ ఎంపీ నవేందు మిశ్రా ఆధ్వర్యంలో మార్చి 19న ఈ అవార్డు ప్రదానోత్సవం జరుగనుంది.మెగాస్టార్ చిరంజీవికి లండన్‌ ఎయిర్‌పోర్ట్‌ వద్ద అభిమానులు ఘనస్వాగతం పలికారు.సినిమాల విషయానికి వస్తే,ప్రస్తుతం ‘విశ్వంభర’ అనే సైన్స్ ఫిక్షన్‌ మైథలాజికల్‌ చిత్రంలో నటిస్తున్నారు.ఈ చిత్రానికి వశిష్ట దర్శకత్వం వహిస్తున్నాడు.ఈ చిత్రంలో త్రిష కథానాయికగా నటిస్తోంది.కాగా శ్రీకాంత్ ఓదెలా మరియు అనిల్ రావిపూడి దర్శకత్వంలో కొత్త ప్రాజెక్ట్‌లు కూడా చేయనున్నట్లు సమాచారం. Megastar #Chiranjeevi garu receives a warm welcome from fans at #Heathrow today! He will be honoured with the ‘Lifetime Achievement Award’ for excellence in public service through cultural leadership on 19 March 2025.@KChiruTweets pic.twitter.com/WzIScQJNMv— 𝐕𝐚𝐦𝐬𝐢𝐒𝐡𝐞𝐤𝐚𝐫 (@UrsVamsiShekar) March 18,…

చేనేత కళాకారులకు 200 యూనిట్లు, పవర్ లూమ్ ఉన్నవారికి 500 యూనిట్లు ఉచిత విద్యుత్ ఇవ్వాలనే ప్రతిపాదనకు సీఎం చంద్రబాబు అధ్యక్షతన సమావేశమైన మంత్రిమండలి ఆమోదముద్ర వేయడం పట్ల మంత్రి లోకేష్ హార్షం వ్యక్తం చేశారు. అధికారంలోకి వచ్చిన 9 నెలలలోగానే నేను ఇచ్చిన మాటను మంత్రిమండలి కార్యరూపంలో పెట్టడం మా ఎన్డీఏ ప్రభుత్వం నిబద్ధతకు నిదర్శనమైన పేర్కొన్నారు.ఒక హామీ నెరవేర్చితే ఏదో నా బాధ్యత తీరిపోయినట్టు కాదు.. భారం దించుకున్నట్టు కాదు.. లక్షలాది బతుకులకు అది వెలుగు దారి కావాలనే నా ఆశయం నెరవేరుతుందనే ఆనందం ఇదని లోకేష్ సోషల్ మీడియా ‘ఎక్స్’ లో పోస్ట్ చేశారు. 2019 ఎన్నికలలో మంగళగిరి నియోజకవర్గం నుంచి పోటీ చేసి తక్కువ ఓట్లతో ఓడిపోయానన్న లోకేష్ అయినా నియోజకవర్గాన్ని వీడిపోలేదని ఆ రోజు నుండి నియోజకవర్గంలో ప్రజల్లో ఒకడిగా మారానన్నారు. మంగళగిరిలో చేనేత కళాకారుల కుటుంబాలు చాలా ఎక్కువ. వారి ఇళ్లకు, పని…

అల్లరి నరేష్‌ ప్రధాన పాత్రలో నటిస్తున్న తాజా చిత్రం ‘12ఏ రైల్వే కాలనీ’ టీజర్‌ విడుదలైంది.నాని కాసరగడ్డ దర్శకత్వం వహిస్తున్న ఈ చిత్రానికి ‘పొలిమేర’ ఫేమ్‌ డాక్టర్‌ అనిల్‌ విశ్వనాథ్‌ షోరన్నర్‌గా వ్యవహరిస్తున్నారు.టీజర్‌లో అల్లరి నరేష్‌ ఓ వ్యక్తిని హత్య చేసి నవ్వుతుండటం ఆసక్తికరంగా మారింది.అతీంద్రియ సంఘటనలు,ఆత్మల గురించి పలు ప్రశ్నలు రేకెత్తించేలా టీజర్‌ ఉత్కంఠను పెంచింది.భీమ్స్‌ సిసిరోలియో సంగీతం అందిస్తున్న ఈ చిత్రాన్ని ఈ వేసవిలో విడుదల చేయనున్నట్లు మేకర్స్‌ ప్రకటించారు.శ్రీనివాసా చిట్టూరి నిర్మాణంలో తెరకెక్కుతున్న ఈ చిత్రంపై ప్రేక్షకుల్లో భారీ అంచనాలు నెలకొన్నాయి. https://youtu.be/iy5ucs_sT-c?si=TMFUjx1mDzQwj54W

కాంగ్రెస్‌ పాలిత రాష్ట్రాలు ఆర్థిక సంక్షోభంలో పడుతున్నాయి.హిమాచల్‌ ప్రదేశ్‌ ఇప్పటికే దివాలా అంచుకు చేరగా,తాజాగా కర్ణాటక,తెలంగాణ కూడా అదే దిశగా వెళుతున్నాయి.కర్ణాటక సీఎం సిద్ధరామయ్య,తెలంగాణ సీఎం రేవంత్‌ రెడ్డి అప్పులపై చేసిన వ్యాఖ్యలు దీనికి నిదర్శనం. కర్ణాటకలో గ్యారెంటీల అమలుకు భారీగా రుణాలు తెచ్చుకుంటున్నారని ఇన్ఫోసిస్‌ మాజీ సీఎఫ్‌వో మోహన్‌దాస్‌ పాయ్‌ మండిపడ్డారు.ఆయన కర్ణాటక ప్రభుత్వ విధానాలను ‘ఎక్స్‌’ వేదికగా విమర్శించారు.రాష్ట్ర భవిష్యత్తును అప్పుల ఊబిలోకి నెడుతున్నారని ఆగ్రహం వ్యక్తం చేశారు. తెలంగాణలో ఆర్థిక స్థితి బలహీనంగా మారిందని సీఎం రేవంత్‌ అసెంబ్లీలో చెప్పడం వివాదాస్పదమైంది.ఉద్యోగులకు జీతాల కోసం రాష్ట్ర ప్రభుత్వం ఆర్‌బీఐ నుంచి రూ.4,000 కోట్లు రుణం తీసుకున్నట్టు వెల్లడించారు.డీఏ చెల్లింపులపై కూడా ఆంక్షలు విధించారు.ఈ పరిణామాలపై జాతీయ మీడియా ‘టైమ్స్‌ నౌ’ ప్రత్యేక కథనం ప్రసారం చేసింది.తెలంగాణ ఆర్థిక సంక్షోభంలోకి జారిపోతోందని విశ్లేషకులు అభిప్రాయపడుతున్నారు. ఇదే తరహాలో కొనసాగితే రాష్ట్రం నాశనమవుతుందని ఆందోళన వ్యక్తమవుతోంది. కర్ణాటకలో 2024-25 ఆర్థిక…