Author: admin

ముంబైకి చెందిన పరిశోధకులు బ్లడ్ క్యాన్సర్‌కు కొత్త చికిత్సను అభివృద్ధి చేశారు.సీఏఆర్‌ టీ-సెల్‌ థెరపీ ద్వారా క్యాన్సర్‌పై సమర్థవంతంగా పోరాడే విధానాన్ని కనుగొన్నారు.ఈ చికిత్స భారతీయులపై పరీక్షించగా, 73 శాతం రోగుల్లో ఇది విజయవంతమైంది.టాటా మెమోరియల్ హాస్పిటల్, ఐఐటీ-బాంబే పరిశోధకులు ఈ థెరపీని అభివృద్ధి చేశారు.టీ-సెల్స్ అనేవి రోగనిరోధక కణాలు,ఇవి క్యాన్సర్‌పై పోరాడేందుకు సహాయపడతాయి.క్లినికల్ ట్రయల్స్‌లో మొదటి దశలో 14 మంది, రెండో దశలో 50 మంది రోగులపై పరీక్షలు నిర్వహించారు.పరిశోధకుల అభిప్రాయం ప్రకారం, ఈ చికిత్స ఇతర దేశాలలో లభ్యమయ్యే చికిత్సల కంటే తక్కువ ఖర్చుతో అందుబాటులో ఉంటుంది. లాన్సెట్ హెమటాలజీ జర్నల్‌లో ఈ పరిశోధన ప్రచురించబడింది.బీ-సెల్ లుకేమియా, లింపోమా వంటి రకాల క్యాన్సర్‌లకు ఇది ప్రభావవంతంగా పనిచేస్తుందని వెల్లడించారు.11 ఏళ్ల పరిశోధనలో భాగంగా టాలికాబ్టజీన్‌ ఆటోల్యూసెల్‌ ఇంజెక్షన్‌ను అభివృద్ధి చేశారు.రోగులకు పునర్జన్మ లాంటి ఈ చికిత్స త్వరలో మరింత విస్తృతంగా అందుబాటులోకి వచ్చే అవకాశముంది.

కోల్‌కతాలో 45 ఏండ్ల మహిళ అరుదైన ‘హ్యూమన్‌ కరోనా వైరస్‌’ (హెచ్‌కేయూ1) బారినపడ్డారు.గత 15 రోజులుగా జలుబు, జ్వరం,దగ్గుతో బాధపడుతూ దవాఖానలో చికిత్స పొందుతున్నారు. వైద్యులు ఆమెను ఐసొలేషన్‌లో ఉంచారు. హెచ్‌కేయూ1 సాధారణంగా తేలికపాటి శ్వాసకోశ వ్యాధులతో ముడిపడి ఉంటుందని నిపుణులు తెలిపారు.ఇది మహమ్మారిగా మారే అవకాశం లేదని వైద్యులు స్పష్టం చేశారు.ఈ వైరస్‌కు ప్రత్యేక చికిత్స,వ్యాక్సిన్‌ లేకపోవడం గమనార్హం.ప్రజలు భయపడకుండా జాగ్రత్తలు పాటించాలని వైద్యులు సూచిస్తున్నారు.

నాగ్‌పూర్‌లో సోమవారం అర్ధరాత్రి తీవ్ర ఉద్రిక్తతలు చోటుచేసుకున్నాయి.విహెచ్‌పీ చేసిన డిమాండ్లతో మొదలైన వివాదం చివరకు అల్లర్లకు దారితీసింది. రాళ్లు రువ్వడం,వాహనాలకు నిప్పు పెట్టడం వంటి హింసాత్మక ఘటనలు చోటుచేసుకున్నాయి.పరిస్థితిని అదుపులోకి తెచ్చేందుకు పోలీసులు లాఠీచార్జి చేసి, భాష్పవాయువు ప్రయోగించారు.హంసపురి ప్రాంతంలో రెండు వర్గాల మధ్య ఘర్షణలు జరిగాయి.కొన్ని షాపులు,నివాసాలు ధ్వంసం చేయబడ్డాయి.ఈ ఘటనల్లో 20 మంది గాయపడగా,15 మంది పోలీసు సిబ్బందే. హింసను ప్రేరేపించిన 17 మందిని పోలీసులు అదుపులోకి తీసుకున్నారు. మహల్ ప్రాంతంలో ఛత్రపతి శివాజీ విగ్రహం వద్ద జరిగిన ప్రదర్శనతో ఉద్రిక్తతలు మొదలైనట్లు సమాచారం.కొన్ని ప్రాంతాల్లో మత గ్రంథాలను కాల్చారనే వదంతులతో మరింత ఉద్రిక్తత పెరిగింది.ఔరంగజేబు సమాధి వద్ద భద్రతను పెంచారు.శంభాజీనగర్‌ ఖుల్దాబాద్‌లోని సమాధిని సందర్శించేవారు గుర్తింపు పత్రాలు చూపాల్సి ఉంటుందని అధికారులు తెలిపారు.పోలీసులు నగరంలోని కొత్వాలి, గణేశ్‌పేట్‌, శాంతినగర్ తదితర ప్రాంతాల్లో కర్ఫ్యూ విధించారు.నిబంధనలు ఉల్లంఘిస్తే కఠిన చర్యలు తీసుకుంటామని పోలీసులు హెచ్చరించారు.మహారాష్ట్ర సీఎం దేవేంద్ర ఫడణవీస్…

తప్పుడు నిర్ణయాలతో పాకిస్థాన్ క్రికెట్ పతనమవుతోందని ఆ జట్టు మాజీ కెప్టెన్ ఇంజమాముల్ హాక్ ఆందోళన వ్యక్తం చేశాడు. సరైన దిశలో పనిచేయడం లేదని చాలా విషయాల్లో తప్పుడు నిర్ణయాలు తీసుకున్నట్లు పేర్కొన్నాడు. పాకిస్థాన్ క్రికెట్ బోర్డు ఈ తప్పుల నుండి పాఠాలు నేర్చుకోవాలని అభిప్రాయపడ్డాడు. గత కొంత కాలంగా జరుగుతున్న తప్పులను పునరావృతం కాకుండా చూడాలని అందరూ కూర్చొని సమీక్షించుకోవాలని ఎక్కడ తప్పులు జరుగుతున్నాయో చూసుకుని సరిదిద్దు కోవాలి పేర్కొన్నాడు. సరైన దిశలో పనిచేయకపోతే పాక్ క్రికెట్ మరింత పతనమవుతుందని పేర్కొన్నాడు.

పరిమిత ఓవర్ల క్రికెట్ లో భారత జట్టు వరుస విజయాలతో దూసుకుపోతున్న సంగతి తెలిసిందే. గతేడాది టీ20 ప్రపంచ కప్, తాజాగా ఐసీసీ ఛాంపియన్స్ ట్రోఫీ వంటి మెగా ఈవెంట్లలో అదరగొట్టింది. ఇక టెస్టు క్రికెట్ లో మాత్రం భారత జట్టు ప్రదర్శన అంత మెరుగ్గా లేదనే అభిప్రాయం వ్యక్తమవుతోంది. ప్రపంచ టెస్టు ఛాంపియన్ షిప్ మొదలైనప్పటి నుండి వరుసగా రెండు సార్లు ఫైనల్ చేరిన భారత్ ఈసారి ఫైనల్ చేయలేకపోయింది. స్వదేశంలో న్యూజిలాండ్ చేతిలో ఘోర పరాజయం ఆస్ట్రేలియా వేదికగా జరిగిన బోర్డర్ గవాస్కర్ ట్రోఫీ లో 1-3తో సిరీస్ కోల్పోవడంతో టెస్టుల్లో భారత్ మరింత పటిష్టం కావాలని భావిస్తున్నారు. తాజాగా భారత మాజీ కెప్టెన్, దిగ్గజ ఆటగాడు సౌరవ్ గంగూలీ కూడా టెస్టు క్రికెట్ లో భారత ప్రదర్శనపై అసంతృప్తి వ్యక్తం చేశాడు. భారత కెప్టెన్ రోహిత్ శర్మ వైట్ బాల్ క్రికెట్ లో రాణిస్తున్నా టెస్టులలో సరిగా…

అనంతపురానికి చెందిన ఎన్ఆర్ఐ విద్యార్థి సిద్ధార్థ్ నంద్యాల ఏపీ సీఎం చంద్రబాబు, డిప్యూటీ సీఎం పవన్ కళ్యాణ్ ను నేడు కలిశారు.వీరి కుటుంబం 2010లో అమెరికాలో స్థిరపడింది. 14 ఏళ్ల సిద్ధార్థ్ ఏఐ సాయంతో సిర్కాడియావీ యాప్‌ను రూపొందించాడు. ఇది ఏడు సెకెన్లలోనే గుండె జబ్బులు నిర్ధారిస్తుంది. స్మార్ట్‌ఫోన్‌ ద్వారా గుంటూరు జీజీహెచ్‌లో రోగులకు పరీక్షలు కూడా నిర్వహించాడు. దాదాపు అరగంట పాటు అతనితో సీఎం చంద్రబాబు మాట్లాడారు. ఆంధ్రప్రదేశ్ ప్రభుత్వం నుండి అన్నిరకాల సహాయ సహకారాలు అందిస్తామని తెలిపారు. ఇక ఈ కార్యక్రమంలో మంత్రి సత్యాకుమార్ సిద్ధార్థ్ తండ్రి మహేష్ ఉన్నారు.

మూడు దశాబ్దాలకు పైగా తన సంగీత ప్రస్థానంలో ఎన్నో డిఫరెంట్ ఎమోషన్స్ కు సంగీత రూపాన్ని ఇచ్చి మన రోజువారీ జీవితంలో భాగమైన పాటలతో మైమరిపించి తెలుగు చిత్రసీమను,సినీ అభిమానులను అలరించిన లెజెండరీ సంగీత దర్శకుడు ఎంఎం కీరవాణి ఈ సుదీర్ఘ సినీ ప్రస్థానంలో మొట్టమొదటిసారిగా లైవ్ మ్యూజికల్ కన్సర్ట్ నిర్వహించనున్నారు.”నా టూర్” పేరుతో ఈ గ్రాండ్ ఈవెంట్ మార్చి 22న హైదరాబాద్ హైటెక్స్ వేదికగా జరగనుంది.హైదరాబాద్ టాకీస్ సంస్థ ఈ ప్రత్యేకమైన సంగీత సంబరాన్ని నిర్వహిస్తోంది.కీరవాణి తన కెరీర్‌లో అద్భుతమైన హిట్ పాటలను ఈ కార్యక్రమంలో ప్రత్యక్షంగా ఆలపించనుండటంతో కీరవాణి సంగీతపు జల్లుల్లో తడిసి పసైందైన పాటలు విందుతో ఆహ్లాదం పొందాలని సంగీతాభిమానులు ఆకాంక్షిస్తున్నారు. https://youtu.be/9fu56-Uw4R0?si=tOVRZTqpKVKIEYrp ఆస్కార్ గెలుచుకున్న తర్వాత మెగా ఈవెంట్ “నాటు నాటు” పాటకు ఆస్కార్ అవార్డు గెలుచుకున్న కీరవాణి, అంతర్జాతీయ స్థాయిలో విశేష గుర్తింపు తెచ్చుకున్నారు.తన సంగీత ప్రయాణంలో కొత్త అధ్యాయంగా, భారీ స్థాయిలో ఈ…

ఏపీ అసెంబ్లీలో స్వర్ణాంధ్ర విజన్-2047 డాక్యుమెంట్ పై చర్చ జరిగింది. ఏపీ సీఎం చంద్రబాబు దీనిపై మాట్లాడారు. వికసిత్ భారత్ 2047 నాటికి దేశం 30 ట్రిలియన్ డాలర్ల జీడీపీకి చేరాలని అన్నారు. వికసిత్ భారత్ ను ప్రధాని మోడీ అవలంభిస్తున్నారు. పేదరిక నిర్మూలన వంటి పది సూత్రాలను లక్ష్యంగా పెట్టుకున్నాం. రంగాల వారీగా ఎప్పటికప్పుడు ప్రణాళికలు రూపొందిస్తున్నాం. జిల్లాల వారీగా ఆర్థిక పరిస్థితులను అధ్యయనం చేస్తాం. మారిన ఆర్థిక పరిస్థితులకు అనుగుణంగా ప్రణాళికలు అమలు చేస్తామని వివరించారు. చేపలు ఇవ్వడం కాదు.. చేపలు పట్టేలా ప్రోత్సహించడమే తమ ప్రభుత్వ లక్ష్యమని పేర్కొన్నారు. 2029 లోపు మనం ఏమి సాధించాలి అనేది స్పష్టంగా ఒక విజన్ పెట్టుకున్నాం. ప్రతీ కుటుంబానికి సామాజిక భద్రత కల్పించాల్సి ఉంది. ప్రతీ కుటుంబానికి నివాసస్థలం, ఇల్లు, సురక్షిత నీరు, గ్యాస్ కనెక్షన్, సోలార్ కరెంట్, ఇంటర్నెట్, ఇలా అన్ని సౌకర్యాలు అందించడమే మా ప్రభుత్వం లక్ష్యం.…

దేశీయ స్టాక్ మార్కెట్లు నేటి ట్రేడింగ్ లో లాభాలను ఆర్జించాయి. గత వారంలో నష్టాలతో ఒడిదుడుకుల్లో కదలాడిన సూచీలు ఈ వారాన్ని లాభాలతో ప్రారంభించాయి. బాంబే స్టాక్ ఎక్స్ చేంజ్ సూచీ సెన్సెక్స్ 341 పాయింట్లు లాభంతో 74,169 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 112 పాయింట్లు లాభపడి 22,509 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.86.80గా కొనసాగుతోంది. సెన్సెక్స్ 30లో మహీంద్రా అండ్ మహీంద్రా, బజాజ్ ఫిన్ సర్వ్, యాక్సిస్ బ్యాంకు, అదానీ పోర్ట్స్, బజాజ్ ఫైనాన్స్ షేర్లు లాభాల్లో ముగిశాయి.

జపాన్‌కు చెందిన ఆకీ దోయి అనే 38 ఏళ్ళ మహిళ, ఒడిశా రాష్ట్రంలోని పూరీ బీచ్ పరిశుభ్రత కోసం అంకితభావంతో శ్రమిస్తోంది.2022లో తొలిసారి భారత్‌కి వచ్చిన ఆమె,పూరీపై ప్రత్యేకమైన అనుబంధాన్ని ఏర్పరచుకుంది.తన రెండవ ఇంటిగా భావిస్తూ, అక్కడి బీచ్‌ పరిసరాలను శుభ్రంగా ఉంచేందుకు ప్రతి రోజు కృషి చేస్తోంది.ఈ సేవా తపన ఇప్పుడు స్థానికులను, పర్యాటకులను ప్రేరేపిస్తోంది. ప్రతి రోజు ఉదయం శుభ్రతా కార్యక్రమం రెండు నెలలుగా ఆకీ దోయి ప్రతి తెల్లవారుజామున పూరీ బీచ్ పరిసరాల్లో చెత్తను తొలగిస్తూ, ప్రజలకు పరిశుభ్రతపై అవగాహన కల్పిస్తోంది.ప్రజలు నిర్లక్ష్యంగా చెత్త వేయకుండా, అందుబాటులో ఉన్న డస్ట్‌బిన్‌లలో వేయాలని సూచిస్తోంది.తన పనిని మరింత ప్రభావవంతంగా చేయడానికి జగన్నాథ స్వామి బొమ్మతో కూడిన బ్యానర్ పట్టుకుని శుభ్రత సందేశాలను ప్రజలకు చేరవేస్తోంది. స్థానికుల మద్దతుతో ముందుకెళ్తున్న ఉద్యమం ఆమె సేవా తపనను చూసిన పూరీ వాసులు, హోటల్ యజమానులు ప్రశంసిస్తున్నారు. కొన్ని హోటళ్ల యజమానులు కూడా…