ప్రధాని నరేంద్రమోదీకి అరుదైన గౌరవం లభించింది.ఈ మేరకు ప్రధాని మోదీకి బార్బడోస్‌ దేశం ప్రతిష్ఠాత్మకమైన ‘ఆనరరీ ఆర్డర్‌ ఆఫ్‌ ఫ్రీడం ఆఫ్‌ బార్బడోస్‌’పురస్కారాన్ని ప్రదానం చేసింది.కాగా కొవిడ్‌ మహమ్మారి సమయంలో మోదీ సమర్థ నాయకత్వం,విలువైన సహాయాన్ని గుర్తించి ఈ అవార్డును ప్రదానం చేసింది.తాజాగా బార్బడోస్‌లోని బ్రిడ్జ్‌టౌన్‌లో జరిగిన ఓ కార్యక్రమంలో ప్రధాని తరఫున విదేశాంగ సహాయ మంత్రి పబిత్రా మార్గెటిటా ఈ అవార్డును అందుకున్నారు.ఈ మేరకు అవార్డు కు సంబంధించిన విషయాన్నీ విదేశాంగ మంత్రిత్వ శాఖ ఓ ప్రకటనలో పేర్కొంది. Grateful to the Government and the people of Barbados for this honour. Dedicate the ‘Honorary Order of Freedom of Barbados’ Award to the 1.4 billion Indians and to the close relations between India and Barbados. @DameSandraMason @miaamormottley https://t.co/Ab11qHSAyA— Narendra Modi (@narendramodi) March 7,…
Author: admin
రేపు అంతర్జాతీయ మహిళా దినోత్సవాన్ని పురస్కరించుకుని గుజరాత్ లోని నవ్‌సారీ జిల్లాలో నిర్వహించబోయే ఉమెన్స్‌ డే వేడుకలో ప్రధాని నరేంద్రమోదీ పాల్గొననున్నారు.ఈ కార్యక్రమానికి మహిళా పోలీసులే భద్రత కల్పించనున్నారని తెలుస్తుంది.ప్రధాని పాల్గొనే ఈ ఈవెంట్‌లో కేవలం మహిళా పోలీసు సిబ్బందితో భద్రతా వ్యవస్థను ఏర్పాటు చేయనున్నట్లు గుజరాత్ మంత్రి హర్ష్‌ సంఘవి తెలిపారు.కాగా హెలిప్యాడ్‌ నుండి వేదిక వరకూ ప్రధాని మోదీ భద్రతా ఏర్పాట్లను మహిళా పోలీసులు మాత్రమే నిర్వహిస్తారని పేర్కొనారు.అయితే ప్రధాని పాల్గొనే ఈ కార్యక్రమానికి కేవలం మహిళా పోలీసులే కాపలా కాయడం దేశ చరిత్రలో ఇదే మొదటిసారి కావడం విశేషం.
భారత్ అమెరికాల మధ్య నెలకొన్న సుంకాల అంశానికి సంబంధించి కేంద్ర ఆర్థిక శాఖ మంత్రి నిర్మలా సీతారామన్ మాట్లాడారు. అమెరికా సుంకాలు పెంపుతో మనపై నష్ట ప్రభావం లేకుండా చేసే అన్ని ప్రయత్నాలు చేస్తున్నట్లు తెలిపారు. అమెరికా ప్రతినిధులతో మాట్లాడేందుకు మన వాణిజ్య మంత్రి పీయూష్ గోయల్ అక్కడికి వెళ్లినట్లు తెలిపారు. వారితో చేసే చర్చలు ఫలవంతంగా ఉంటాయనే ఆశా భావం వ్యక్తం చేశారు. విశాఖపట్నం లో కేంద్ర బడ్జెట్ పై ఆమె వివిధ రంగాల ప్రతినిధులతో సమావేశమై సూచనలు స్వీకరించారు. ఈ సందర్భంగా MSME సంస్థల కోసం ‘న్యూ క్రెడిట్ అసెస్మెంట్ మోడల్ ‘ ను ప్రారంభించారు. కేంద్ర ఆర్థిక శాఖ సహాయ మంత్రి పంకజ్ చౌదరి మరియు ఇతర అధికారులతో కలిసి మీడియా ప్రశ్నలకు సమాధానం ఇచ్చారు. ఇక ఆంధ్రప్రదేశ్ కు అన్ని విధాలుగా కేంద్రం సహాకారం అందిస్తుందని తెలిపారు. పోలవరం, అమరావతి, విశాఖ స్టీల్ ప్లాంట్ నిధుల…
రాష్ట్రంలో సీజనల్ హాస్టళ్ల పనితీరును మెరుగుపరుస్తామని శాసనసభలో సభ్యులు అడిగిన ప్రశ్నకు విద్యా శాఖ మంత్రి నారా లోకేష్ సమాధానం ఇచ్చారు. యువగళం పాదయాత్ర ఆలూరు, ఆదోనిలో కొనసాగుతున్నపుడు కుటుంబాలు మూకుమ్మడిగా వలసలు వెళ్లడం చూశానన్న ఆయన అవన్నీ చూశాక ఇరిగేషన్ ప్రాజెక్టులు పూర్తిచేసి.. సాగు, తాగునీరు ఇస్తామని హామీ ఇచ్చినట్లు పేర్కొన్నారు. డీఎస్సీలో కర్నూలుకు ఎక్కువమంది ఉపాధ్యాయులు రాబోతున్నారు. సీజనల్ హాస్టల్స్ కు సంబంధించి కేవలం భోజనం పెట్టడానికి మాత్రమే అవకాశం ఉంది, హాస్టళ్లలో వసతులు లేవు. కరువు ప్రాంతాల్లో ప్రజలు వేరేచోటకు వలసలు వెళ్లిన సమయంలో అక్కడ అడ్మిషన్లు ఇచ్చే అంశాన్ని పరిశీలిస్తున్నాం. రాబోయే మూడేళ్లలో సీజనల్ హాస్టళ్ల పనితీరులో మార్పు తెస్తామని తెలిపారు. ఇక రాష్ట్ర చరిత్రలో తొలిసారి టీచర్ల సీనియారిటీ జాబితా ప్రకటిస్తామని వారి బదిలీల కోసం ప్రత్యేక చట్టం తీసుకొస్తామని తెలిపారు.
దేశంలోనే మొట్టమొదటి సారిగా వాట్సాప్ గవర్నెన్స్ మనమిత్రను ఆంధ్రప్రదేశ్ ప్రభుత్వం ప్రారంభించింది. దీని ద్వారా తొలిదశలో 161 పౌరసేవలు అందుబాటులోకి వచ్చాయి.కాగా ప్రస్తుతం ఆ సేవలు 200 వరకు విస్తరించబడ్డాయి. ప్రభుత్వం కేటాయించిన వాట్సప్ నెంబర్ 9552300009 ను ఉపయోగించి మనమిత్ర సేవలను అందుకోవచ్చు. ప్రజలు వివిధ కార్యాలయాల చుట్టూ తిరిగే పనిలేకుండా వారు సులభతరమైన సేవలు పొందే విధంగా మనమిత్రను ప్రభుత్వం రూపొందించింది. పాలనలో పారదర్శకతను పెంచడమే లక్ష్యంగా గతేడాది అక్టోబర్ లో ప్రముఖ సాంకేతిక దిగ్గజ సంస్థ ‘మెటా’ ప్రతినిధులతో ప్రభుత్వం ఒప్పందం చేసుకుంది. మనమిత్ర వాట్సాప్ గవర్నెన్స్ సేవలు ఫిబ్రవరి 4వ తేదీ నుండి ప్రారంభమయ్యాయి.
ఏపీ శాసనమండలి సమావేశాలు జరుగుతున్నాయి. కాగా, పలువురు ఎమ్మెల్సీలు జిల్లాల పునర్వ్యవస్థీకరణ పై అడిగిన ప్రశ్నలకు మంత్రి అనగాని సత్య ప్రసాద్ సమాధానాలు ఇచ్చారు. జిల్లాలో పునర్వ్యవస్థీకరణ ప్రతిపాదనేది ప్రభుత్వం వద్ద లేదని ఈసందర్భంగా తెలిపారు. గత ప్రభుత్వం దీనిపై క్యాబినెట్ లో చర్చించలేదని జిల్లాల పునర్వ్యవస్థీకరణను వారు అస్తవ్యస్తంగా చేశారన్నారు. మడకశిర, అద్దంకి రెవెన్యూ డివిజన్ల ఏర్పాటుపై సానుకూలంగా ఉన్నట్లు తెలిపారు. ఉదయగిరి, ఎమ్మిగనూరు రెవెన్యూ డివిజన్లుగా మార్చాలని ప్రతిపాదనలు ఉన్నట్లు సత్యప్రసాద్ పేర్కొన్నారు.
ఢిల్లీ పర్యటనలో ఏపీ సీఎం చంద్రబాబు బిజీబిజీగా గడిపారు. పలువురు కేంద్ర మంత్రులను కలిశారు. కేంద్ర హోం మంత్రి అమిత్ షా, ఆర్థిక మంత్రి నిర్మలా సీతారామన్, కేంద్ర మంత్రి నితిన్ గడ్కరీ లతో సమావేశమైన రాష్ట్రానికి సంబంధించిన పలు కీలక అంశాలపై చర్చలు జరిపారు. కేంద్ర పట్టణాభివృద్ధి శాఖామంత్రి మనోహర్‌లాల్ ఖట్టర్‌ తో కూడా భేటీ అయ్యారు. ఏపీ పట్టణాభివృద్ధికి సంబంధించిన కీలక అంశాలపై చర్చించారు.ఆంధ్రప్రదేశ్ సామాజిక, ఆర్థికాభివృద్ధికి కీలకమైన విశాఖపట్నం, విజయవాడ మెట్రోరైల్ ప్రాజెక్టులకు త్వరగా అనుమతులు ఇప్పించడంపై కేంద్ర మంత్రితో ఫలవంతమైన చర్చలు జరిగాయి. మన విజ్ఞప్తికి సంపూర్ణంగా మద్దతు పలికిన కేంద్ర మంత్రికి ధన్యవాదాలని సీఎం చంద్రబాబు ‘ఎక్స్’లో పేర్కొన్నారు.ఇక ఢిల్లీలో రిపబ్లిక్ టీవీ నిర్వహించిన కార్యక్రమంలో పాల్గొని తన అభిప్రాయాలను పంచుకున్నారు.
సౌతాఫ్రికా ఆల్ రౌండర్ వియాన్ ముల్డర్ ఈ ఏడాది ఐపీఎల్ లో సన్ రైజర్స్ హైదరాబాద్ తరపున బరిలోకి దిగనున్నాడు. ఇంగ్లాండ్ ఆటగాడు బ్రైడెన్ కార్స్ గాయం కారణంగా దూరమవడం తో అతని స్థానంలో ముల్డర్ ను తీసుకున్నట్లు సన్ రైజర్స్ తెలిపింది. రూ.75 లక్షలకు అతనిని సన్ రైజర్స్ తీసుకుంది. కాగా, ముల్డర్ 18 టెస్టులు, 25 వన్డేలు, 11 టీ 20లలో సౌతాఫ్రికా కు ప్రాతినిధ్యం వహించాడు.
భారత ఫుట్ బాల్ దిగ్గజం సునీల్ ఛెత్రి మళ్లీ గ్రౌండ్ లో కనిపించనున్నాడు. ” సునీల్ ఛెత్రి తిరిగి వచ్చాడు” భారత కెప్టెన్ మార్చి లో ఫిఫా మ్యాచ్ లు ఆడేందుకు సిద్దమవుతున్నాడని ఆల్ ఇండియా ఫుట్ బాల్ ఫెడరేషన్ ‘ఎక్స్’ లో పేర్కొంది. గతేడాది జూన్ లో ఈ దిగ్గజ ఆటగాడు రిటైర్మెంట్ ప్రకటించిన విషయం తెలిసిందే. ఇంటర్నేషనల్ గేమ్ కు గుడ్ బై చెప్పిన ఈ 40 ఏళ్ల ఆటగాడు ఇండియన్ సూపర్ లీగ్ లో ఆడుతున్నాడు. ఈ సీజన్ లో 12 గోల్స్ తో సత్తా చాటాడు. అత్యుత్తమ ఫామ్ లో ఉన్న సునీల్ ఆల్ ఇండియా ఫుట్ బాల్ ఫెడరేషన్ విజ్ఞప్తి మేరకు రిటైర్మెంట్ వెనక్కి తీసుకున్నాడు.
భారత రాష్ట్రపతి శ్రీమతి ద్రౌపది ముర్ము రాష్ట్రపతి భవన్ లో ‘వివిధతా కా అమృత్ మహోత్సవ్’ రెండవ ఎడిషన్ ను ప్రారంభించారు. ఈ కార్యక్రమం 6 నుండి 9 వరకు మూడు రోజులపాటు రాష్ట్రపతి భవన్ వేదికగా జరగనుంది. దక్షిణ భారతదేశానికి చెందిన పలు రకాల హస్తకళలు, సంస్కృతులు గురించి ప్రజలు అవగాహన చేసుకునేందుకు తోడ్పడుతుంది. కళాకారులు, చేనేతకారులు ఈ మహోత్సవంలో భాగమయ్యారు. ఈ మహోత్సవాన్ని దేశ అత్యద్భుతమైన వైవిధ్యతను చాటి చెప్పేందుకు వేడుకగా నిర్వహిస్తున్నారు. ఏడు ఎడిషన్ లుగా రూపొందించి, నిర్వహిస్తున్నారు. ఈశాన్య రాష్ట్రాలు, దక్షిణ, ఉత్తర, తూర్పు, పశ్చిమ, మధ్య భారతదేశం మరియు కేంద్రపాలిత ప్రాంతాల హస్తకళలు, సంస్కృతిని ఈ వేదికగా ప్రదర్శించనున్నారు. ఇది రెండో ఎడిషన్ కాగా, ఈశాన్య రాష్ట్రాలైన అస్సాం, అరుణాచల్ ప్రదేశ్, నాగాలాండ్, మణిపూర్, త్రిపుర, మిజోరాం, మేఘాలయ, సిక్కింకు చెందిన హస్తకళలు, సంస్కృతుల పై దృష్టి సారిస్తూ ‘వివిధతా కా అమృత్ మహోత్సవ్’…