Author: admin

దేశీయ స్టాక్ మార్కెట్లు నేటి ట్రేడింగ్ లో కూడా భారీ లాభాలతో ముగిశాయి. అంతర్జాతీయ సానుకూల సంకేతాలతో కీలక రంగాల్లో షేర్లకు కొనుగోళ్ల మద్దతు లభించింది. కొద్దిసేపు ఒడిదుడుకులకు లోనైనా స్థిరంగా పుంజుకుని లాభాల్లోకి దూసుకెళ్లాయి. బాంబే స్టాక్ ఎక్స్ చేంజ్ సూచీ సెన్సెక్స్ 609 పాయింట్లు లాభంతో 74,340 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 207 పాయింట్లు లాభపడి 22,544 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.87.09గా కొనసాగుతోంది. సెన్సెక్స్ 30లో ఏషియన్ పెయింట్స్, రిలయన్స్, ఎన్టీపీసీ, బజాజ్ ఫైనాన్స్ షేర్లు ప్రధానంగా లాభపడ్డాయి.

ప్రముఖ పవిత్ర పుణ్యక్షేత్రం అమర్నాథ్ యాత్ర తేదీలు ఖరారయ్యాయి. సౌత్ కాశ్మీర్లో 3,880 మీటర్ల ఎత్తులో ఉన్న అమర్నాథ్ పుణ్యక్షేత్రాన్ని భక్తులు దర్శించుకునేందుకు ప్రతి సంవత్సరం వైభవంగా నిర్వహించే యాత్ర జులై 3 నుండి ప్రారంభం కానుంది . లెఫ్టినెంట్ గవర్నర్ మనోజ్ సిన్హాతో శ్రీ అమర్నాథ్ ఆలయ బోర్డు జరిపిన సమావేశంలో ఈ నిర్ణయాన్ని తీసుకున్నట్లు మీడియలో వార్తలు వస్తున్నాయి. అనంతనాగ్ జిల్లాలోని పహల్గామ్ మార్గం, గాందర్బల్ జిల్లాలోని బాల్టాల్ మార్గాల నుండి ఒకేసారి జులై 3న అమర్నాథ్ యాత్ర ప్రారంభమవుతుంది. 38 రోజుల తర్వాత ఆగస్టు 9న యాత్ర ముగుస్తుందని తెలుస్తోంది.

ఇటీవల ఐసీసీ ఛాంపియన్స్ ట్రోఫీలో భాగంగా దుబాయ్ వేదికగా భారత్ – ఆస్ట్రేలియా మధ్య జరిగిన సెమీ ఫైనల్ లో మ్యాచ్ లో భారత్ ఘన విజయం సాధించిన సంగతి తెలిసిందే.అయితే ఆ మ్యాచ్ లో మొహ్మద్ షమీ మంచి నీళ్ళు తాగుతూ కనిపించారు.కాగా రంజాన్ ఉపవాస వేళ షమీ కూల్ డ్రింక్ తాగడాన్ని కొంతమంది వివాదంగా మార్చారు.ఈ మేరకు రంజాన్ మాసంలో ఆస్ట్రేలియాతో జరిగిన మ్యాచులో మహ్మద్ షమీ డ్రింక్ తాగడం షరియా ప్రకారం నేరమని ఇండియా ముస్లిం జమాత్ జాతీయ అధ్యక్షుడు ప్రెసిడెంట్ మౌలానా షహాబుద్దీన్ రిజ్వీ అన్నారు.మొహమ్మద్ షమీ మ్యాచ్ సమయంలో ఎనర్జీ డ్రింక్ తాగాడు. షమీ శారీరకంగా ఫిట్‌గా ఉన్నాడు అయినప్పటికి ఆయన ఉపవాసం పాటించకుండా బహిరంగంగా ఎనర్జీ డ్రింక్ తాగడమే కాకుండా..ఉపవాసాన్ని పాటించలేదని ముస్లిం మండిపడ్డాడు.షరియత్ దృష్టిలో, అతను నేరస్థుడు.అతన్ని అల్లా కచ్చితంగా శిక్షిస్తాడని ఆల్ ఇండియా ముస్లిం జమాత్ జాతీయ అధ్యక్షుడు మౌలానా…

అమెరికా ప్రెసిడెంట్ డొనాల్డ్ ట్రంప్ హమాస్ కు హెచ్చరించారు హామాస్ ఆధీనంలో ఉన్న మిగిలిన బందీలను వెంటనే విడుదల చేయకపోతే గాజాను నాశనం చేస్తామని సీరియస్ వార్నింగ్ ఇచ్చారు. సోషల్ మీడియా వేదిక “ట్రూత్” లో ఆయన దీనిపై స్పందించారు. బందీలను హమాస్ వెంటనే విడుదల చేయాలని అన్నారు. అలాగే మరణించిన వారి మృతదేహాలను అప్పగించాలని పేర్కొన్నారు. లేకపోతే తీవ్ర పరిణామాలను ఎదుర్కొనాల్సివస్తుందని హెచ్చరించారు. ఇందుకోసం ఇజ్రాయెల్ కు కావాలిసిన ప్రతిదాన్ని పంపనున్నట్లు పేర్కొన్నారు . హమాస్ కు చెందిన ఎవరూ సురక్షితంగా ఉండరని హెచ్చరించారు. ఇదే వారికి చివరి హెచ్చరిక అని గాజా ప్రజల కోసం అందమైన భవిష్యత్తు ఎదురుచూస్తోందని హామాస్ గాజాను వదిలిపెట్టాలని తీవ్ర హెచ్చరికలు పంపారు.

పిల్లల ఆత్మహత్యలు బాధాకరం. మానవతా దృక్పథంతో మన పిల్లలు అనే భావనతో ప్రతి ఒక్కరూ పనిచేయాల్సిన అవసరం ఉందని శాసనమండలిలో విద్యా శాఖ మంత్రి నారా లోకేష్ అన్నారు. విద్యార్థులలో ఆత్మహత్య ఆలోచన లక్షణాలను ముందే గుర్తించి, వారిని స్నేహపూర్వకంగా ఆదరించి, ధైర్యం నింపాలని పేర్కొన్నారు. ఇక ఇంటర్మీడియట్ విద్యలో సంస్కరణలు తీసుకొస్తున్నట్లు వివరించారు.ప్రభుత్వ జూనియర్ కాలేజీలలో మెరుగైన విద్య అందించాలనే లక్ష్యంతో పని చేస్తున్నట్లు తెలిపారు. ప్రజల నుండి ఫీడ్ బ్యాక్ తీసుకుని దానికనుగుణంగా చేయనున్నట్లు వివరించారు. విద్యార్థులకు మానసిక ఒత్తిడి తగ్గించే చర్యలు తీసుకుంటున్నట్లు తెలిపారు.యాక్టివ్ ఏపీ పేరుతో వచ్చే విద్యాసంవత్సరం నుంచి అన్ని ప్రభుత్వ స్కూళ్లు, కాలేజీల్లో క్రీడలు, ఎన్సీసీ, స్కౌట్స్ అండ్ గైడ్స్ ఉండేలా చర్యలు తీసుకుంటామని స్పష్టం చేశారు. అభివృద్ధి వికేంద్రీకరణ ఫలాలు విద్యార్థులకు అందేలా ఆయా కళాశాలలు- సంస్థల అనుసంధానం జరగాలన్నారు.

విశాఖలో జరిగిన మాజీ మంత్రి దగ్గుబాటి వెంకటేశ్వరరావు రచించిన ‘ప్రపంచ చరిత్ర’ పుస్తకావిష్కరణ సభలో ఏపీ సీఎం చంద్రబాబు పాల్గొన్నారు . కేంద్ర మంత్రి నిర్మలా సీతారామన్, మాజీ ఉప రాష్ట్రపతి వెంకయ్య నాయుడు , ఎంపీలు పురందేశ్వరి, భరత్ తదితరులు పాల్గొన్నారు. ఈ సందర్భంగా చంద్రబాబు మాట్లాడారు. దగ్గుబాటి వెంకటేశ్వరరావు తాను ఎన్టీఆర్ వద్ద ఇద్దరూ అన్నీ నేర్చుకున్నామని తెలిపారు . ఆయన పుస్తకం రాస్తారని తానెప్పుడూ అనుకోలేదని రచయిత కానటువంటి రచయిత వెంకటేశ్వరరావు. ఎవరూ చేయని సాహసాన్ని ఆయన చేశారని కొనియాడారు. ప్రపంచ చరిత్రలో ఆది నుంచి ఇప్పటి వరకు మొత్తం వివరాలను పుస్తకంలో పొందుపరిచారు. ఎన్ని కష్టాలున్నా సంతోషంగా కనిపిస్తారు. ఇటీవల ఎన్నికల్లో దగ్గుబాటి‌ పురందేశ్వరి చొరవను ఈసందర్భంగా ఆయన ప్రస్తావించారు . రాష్ట్ర ప్రజలకు మంచి చేసేందుకు అది ఉపయోగపడిందని చంద్రబాబు అన్నారు. దాదాపు 30 సంవత్సరాల తర్వాత దగ్గుబాటి వెంకటేశ్వరరావు చంద్రబాబు ఒక వేదికపై…

బాలీవుడ్ పై ప్రముఖ దర్శకుడు, నటుడు అనురాగ్ కశ్యప్ సంచలన వ్యాఖ్యలు చేశారు. అంతేగాక తాను బాలీవుడ్ ను వీడుతున్నట్లు తెలిపారు. పరిశ్రమ టాక్సిక్ గా మారిందని తీవ్ర వ్యాఖ్యలు చేశారు. బాలీవుడ్ విషతుల్యంగా మారిపోయిందని, బాక్సాఫీసు వద్ద అంకెలకే ప్రాధాన్యం తప్ప సృజనాత్మక స్వేచ్ఛకు స్థానం లేకుండా మార్చేశారని అనురాగ్ కశ్యప్ తీవ్ర విమర్శలు చేశారు. అందుకే బాలీవుడ్ ను వదిలేస్తున్నానని సంచలన ప్రకటన చేశారు. సృజనాత్మకతకు ఏమాత్రం విలువ లేకుండా పోయిందని, ప్రతీ ఒక్కరూ 500 కోట్లు, 800 కోట్లు వసూలు చేయడమే లక్ష్యంగా సినిమాలు రూపొందించే ప్రయత్నం చేస్తున్నారని విమర్శించారు. బాక్సాఫీసు వద్ద రాబట్టిన వసూళ్ల ఆధారంగా సినిమాను నిర్ణయించేస్తున్నారంటూ ఆయన తీవ్ర ఆవేదన వ్యక్తం చేశారు. తాను ముంబైకు గుడ్ బై చెప్పాలనుకుంటున్నట్లు ఇదివరకే తెలిపిన ఆయన తాజాగా బెంగుళూరుకు వెళ్లనున్నట్లు తెలుస్తోంది.

ఇప్పటి వరకు హైదరాబాద్ నుంచి వివిధ సేవా కార్యక్రమానులను నిర్వహిస్తోన్న ఎన్టీఆర్ మెమోరియల్ ట్రస్ట్ ఇప్పడు ఆంద్రప్రదేశ్ నుంచి  సేవా కార్యక్రమాలు నిర్వహించి ఆపన్నులకు ఎల్లవేళలా అండగా ఉండాలనే ఉద్దేశంతో విజయవాడలో ఎన్టీఆర్ మెమోరియల్ ట్రస్ట్ కు నేడు ఎన్టీఆర్ ట్రస్ట్ మేనేజింగ్ ట్రస్టీ నారా భువనేశ్వరి శంకుస్థాపన చేశారు. ఈ కార్యక్రమంలో విజయవాడ ఎంపీ కేశినేని శివనాథ్ తదితరులు పాల్గొన్నారు. ఈ ఎన్టీఆర్ మెమోరియల్ ట్రస్ట్ భవన్ లో తలసేమియా కేర్ సెంటర్, బ్లడ్ సెంటర్, మరియు పలు సమాజ సేవా కార్యక్రమాలు నిర్వహించబడనున్నాయి. ఈ తలసేమియా కేర్ సెంటర్ ద్వారా, అవసరమైన వారికి సంక్షేమ వైద్యం, రక్తదానం సౌకర్యాలు, మరియు సమాజ సేవా కార్యక్రమాలను సమర్థంగా అందించేందుకు ఎన్టీఆర్ ట్రస్ట్ కృషి చేయనుంది.

కేంద్రమంత్రి నితిన్ గడ్కరీతో ఆంధ్రప్రదేశ్ ముఖ్యమంత్రి చంద్రబాబు సమావేశమయ్యారు. ఈ సమావేశంలో కూటమి ఎంపీలు పాల్గొన్నారు. పెండింగ్ ప్రాజెక్టులు, ఏపీకి కావలసిన నిధులపై ఈ సమావేశంలో చర్చించారు. ఇక చంద్రబాబు ఢిల్లీ టూర్ లో పలు కీలక సమావేశాల్లో పాల్గొన్నారు. ఢిల్లీలో మూడు కీలక సమావేశాలు జరిగాయి. రాజకీయ పరిణామాల గురించి హోం మంత్రి అమిత్ షాతో చర్చించాం. ఎన్డీయే మున్ముందు ఏవిధంగా ముందుకెళ్లాలనే దానిపై చర్చ జరిగింది. అలాగే రాష్ట్రానికి సంబంధించి ఏపీ ల్యాండ్ గ్రాబింగ్ ప్రొవిజన్ బిల్లు గురించి చర్చించాం. ల్యాండ్ గ్రాబింగ్ బిల్లుకు ఆమోదం వచ్చాక నేరాలపై పీడీ కేసులు పెడతామని చంద్రబాబు తెలిపారు. ఇక రాష్ట్రంలో గంజాయి కట్టడికి అనేక చర్యలు తీసుకుంటున్నట్లు తెలిపారు. గంజాయి సాగు ఆపేసిన వారికి ఉపాధితో పాటు ప్రోత్సాహకాలు ఇస్తాం. గంజాయి, డ్రగ్స్ నిర్మూలనకు మరో బిల్లు తీసుకువస్తున్నట్లు తెలిపారు.

పోలవరం ప్రాజెక్టుపై మాట్లాడే నైతికత వైసీపీకి లేదని ఏపీసీసీ చీఫ్ షర్మిల దుయ్యబట్టారు. స్వర్గీయ రాజశేఖర్ రెడ్డి గారి పేరు ఉచ్చరించే హక్కు లేనే లేదు. పోలవరం ప్రాజెక్టు పేరు వింటే వైఎస్ గుర్తుకు వచ్చే మీకు.. 5 ఏళ్లు అధికారం ఇస్తే ఏం చేశారు? వైఎస్సార్ జీవిత ఆశయం పోలవరం అని మీకు తెలియదా ? అధికారంలో ఉండగా తట్టెడు మట్టి అయినా తీశారా ? అని ప్రశ్నించారు. ఈమేరకు ఆమె ‘ఎక్స్’ లో పోస్ట్ చేశారు. ప్రాజెక్టు ఎత్తు 45.72 మీటర్ల నుంచి 41.15 మీటర్లకు కుదించే ప్రతిపాదనకు ఒప్పుకున్నది మీరు కాదా ? నాడు ప్రధానికి రాసిన లేఖల్లోనూ 41.15 మీటర్ల మేరకు నిధులు విడుదల చేయాలని అడగలేదా ? వరదలకు డయాఫ్రమ్‌ వాల్‌ కొట్టుకుపోవడానికి మీ అనాలోచిత నిర్ణయాలే కారణం అని పోలవరం అథారిటీ ఇచ్చిన రిపోర్ట్ మీ నిర్లక్ష్యానికి నిదర్శనం కాదా ? రివర్స్…