Author: admin

భారత టేబుల్ టెన్నిస్ లో తనకంటూ ప్రత్యేక గుర్తింపు పొందిన అగ్రశ్రేణి ఆటగాడు ఆచంట శరత్ కమల్ తన 22 సంవత్సరాల సుదీర్ఘ కెరీర్ కు తెరదించుతూ కీలక నిర్ణయం తీసుకున్నాడు. వరల్డ్ టేబుల్ టెన్నిస్ స్టార్ కంటెండర్ టోర్నీతో టేబుల్ టెన్నిస్ కు గుడ్ బై చెప్పనున్నాడు. ఈనెల 25 నుండి 30 వరకు ఈ టోర్నీ జరగనుంది. భారత టేబుల్ టెన్నిస్ చరిత్రలో 42 సంవత్సరాల శరత్ కమల్ ది ప్రత్యేక స్థానం. కామన్వెల్త్ క్రీడలలో 7 గోల్డ్, 3 సిల్వర్, 3 కాంస్య పతకాలు, ఆసియా క్రీడల్లో 2 కాంస్యాలు, ఆసియా ఛాంపియన్ షిప్ లో 2 కాంస్యాలు సాధించాడు. 10 సార్లు నేషనల్ ఛాంపియన్ గా నిలిచిన ఒకే ఒక్క ఆటగాడిగా అరుదైన ఘనత సాధించాడు. 2004లో అర్జున అవార్డు, 2022లో అత్యున్నత క్రీడా అవార్డైన మేజర్ ధ్యాన్ చంద్ అవార్డులతో కేంద్ర ప్రభుత్వం ఆతనిని…

Read More

ఇటీవల ఆంధ్రప్రదేశ్ తెలంగాణ రాష్ట్రాలలో ఎమ్మెల్సీ ఎన్నికలలో విజయం సాధించిన అభ్యర్థులకు ప్రధాని మోడీ శుభాకాంక్షలు తెలిపారు. ఈమేరకు ఆయన ‘ఎక్స్’ లో ట్వీట్ చేశారు. తెలంగాణ ఎమ్మెల్సీ ఎన్నికల్లో బీజేపీకు ఇంత అద్భుతమైన మద్దతు ఇచ్చినందుకు తెలంగాణ ప్రజలకు నేను కృతజ్ఞతలు తెలుపుతున్నాను. కొత్తగా ఎన్నికైన మా అభ్యర్థులకు అభినందనలు‌ అంటూ ప్రధాని మోడీ ట్వీట్ చేశారు. కార్యకర్తల కృషిని ప్రశంసించారు. ఇక ఆంధ్రప్రదేశ్ రాష్ట్రంలో బీజేపీ-జనసేన-టీడీపీ ఎన్డీయే కూటమి అధికారంలో ఉంది.ఈ కూటమి అభ్యర్థులు ఘన విజయం సాధించిన నేపథ్యంలో వారికి కూడా అభినందనలు తెలిపారు. గెలిచిన అభ్యర్థులకు అభినందనలు. కేంద్రంలోని మరియు ఆంధ్రప్రదేశ్‌లోని ఎన్డీయే ప్రభుత్వాలు రాష్ట్ర ప్రజలకు సేవ చేస్తూనే ఉంటాయి మరియు రాష్ట్ర అభివృద్ధి ప్రయాణాన్ని మరింతశిఖరాలకు తీసుకెళతాయని పేర్కొన్నారు.

Read More

ఛాంపియన్స్ ట్రోఫీ 2025లో భాగంగా సౌతాఫ్రికా -న్యూజిల్యాండ్ జట్ల మధ్య నేడు జరిగిన రెండో సెమీ ఫైనల్ లో 50 పరుగుల తేడాతో గెలిచి న్యూజిలాండ్ ఫైనల్ చేరింది. మ్యాచ్ లో టాస్ గెలిచిన న్యూజిలాండ్ ముందుగా బ్యాటింగ్ చేసి నిర్ణీత 50 ఓవర్లలో 6 వికెట్ల నష్టానికి 362 పరుగుల భారీ స్కోరు చేసింది. రచిన్ రవీంద్ర 108 (101; 13×4, 1×6), కేన్ విలియమ్సన్ 102 (94; 10×4, 2×6) సెంచరీలతో కివీస్ భారీ స్కోరు చేయడంలో కీలక పాత్ర పోషించారు. డేరీ మిచెల్ 49 (37; 4×4, 1×6), గ్లెన్ ఫిలిప్స్ 49 నాటౌట్ (27; 6×4, 1×6) కూడా ఆకట్టుకున్నారు. సౌతాఫ్రికా బౌలర్లలో లుంగి ఎంగిడి 3 వికెట్లు, రబడా 2 వికెట్లు, ముల్డర్ 1 వికెట్ తీశారు. ఇక భారీ లక్ష్యాన్ని ఛేదించే క్రమంలో 50 ఓవర్లలో 9 వికెట్లు కోల్పోయి 312 పరుగులు…

Read More

దేశీయ స్టాక్ మార్కెట్లు వరుస నష్టాలకు తెర దించుతూ నేటి ట్రేడింగ్ లో భారీ లాభాలను ఆర్జించాయి. అంతర్జాతీయ సానుకూల సంకేతాలతో ఉదయం లాభాలతో ప్రారంభమైన మార్కెట్లు ఆద్యంతం అదే జోరును కనబరిచాయి. క్రూడ్ ఆయిల్ ధరలు తగ్గడం వంటి కారణాలు మార్కెట్లకు కలిసొచ్చాయి. బాంబే స్టాక్ ఎక్స్ చేంజ్ సూచీ సెన్సెక్స్ 740 పాయింట్లు లాభంతో 73,730 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 254 పాయింట్లు లాభపడి 22,337 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.87.04గా కొనసాగుతోంది. సెన్సెక్స్ 30లో అదానీ పోర్ట్స్, టాటా స్టీల్, ఎన్టీపీసీ, పవర్ గ్రిడ్ కార్పొరేషన్, మహీంద్రా అండ్ మహీంద్రా షేర్లు ప్రధానంగా లాభపడ్డాయి.

Read More

శాసన సభ్యుల కోటాలో నిర్వహించే ఎమ్మెల్సీ ఎన్నికలకు కూటమిలో భాగంగా జనసేన అభ్యర్థిగా కొణిదెల నాగబాబు పేరును పార్టీ అధినేత పవన్ ఖరారు చేశారు. పార్టీ రాష్ట్ర ప్రధాన కార్యదర్శిగా నాగబాబు సేవలందిస్తున్నారు. ఎమ్మెల్సీ అభ్యర్థిగా నామినేషన్ దాఖలు చేయాలని నాగబాబుకి సమాచారం ఇచ్చినట్లు నామినేషన్ కు అవసరమైన పత్రాలు సిద్ధం చేయాలని పార్టీ కార్యాలయాన్ని పవన్ కళ్యాణ్ ఆదేశించినట్లు పార్టీ ఒక ప్రకటనలో తెలిపింది. గతేడాది జరిగిన సార్వత్రిక ఎన్నికల్లో అనకాపల్లి ఎంపీగా పోటీ చేయాల్సి ఉన్నా పొత్తులో భాగంగా జనసేన ఆ స్థానాన్ని బీజేపీకి ఇచ్చింది. ఇక ఇప్పుడు ఆయన ఎమ్మెల్సీ పోటీలో నిలిచారు. ఆయనను మంత్రి వర్గంలోకి తీసుకోనున్నట్లు ఇదివరకే సీఎం చంద్రబాబు ప్రకటించిన విషయం తెలిసిందే.

Read More

లోక్ సభ నియోజకవర్గాల పునర్విభజన అంశంపై బీజేపీ నేతృత్వంలోని కేంద్ర ప్రభుత్వం మరియు కొన్ని ఇతర పార్టీల మధ్య డైలాగ్ వార్ నడుస్తున్న సంగతి తెలిసిందే. తాజాగా తమిళ వెట్రి కళగం (టీ.వీ.కే) అధినేత సినీ నటుడు విజయ్ దీనిపై కీలక వ్యాఖ్యలు చేశారు. పార్లమెంటులో దక్షిణాది ప్రాభవాన్ని నియోజకవర్గ పునర్విభజన తగ్గిస్తుందని పేర్కొన్నారు. నియోజకవర్గాల పునర్విభజనపై కేంద్రం ఆయా రాష్ట్రాలకు స్పష్టమైన వివరణ ఇవ్వాలి. ఈ ప్రక్రియ ప్రస్తుత జనాభా లెక్కల ఆధారంగా ఉంటే పార్లమెంటులో దక్షిణాది రాష్ట్రాల ప్రాతినిధ్యం గణనీయంగా తగ్గే ప్రమాదం ఉందని అభిప్రాయపడ్డారు. దీన్ని ఏమాత్రం అంగీకరించమని స్పష్టం చేశారు. గత 50 ఏళ్లుగా తమిళనాడు సహా ఇతర దక్షిణాది రాష్ట్రాలు జనాభా పెరుగుదలను నియంత్రించాయి. ఈనేపథ్యంలో ప్రస్తుత జనాభా లెక్కల ఆధారంగా పునర్విభజన సరికాదని పేర్కొన్నారు. ఒకరి గెలుపు కోసం ఇంకొకరిని శిక్షించడం అన్యాయం. దక్షిణాది రాష్ట్రాల్లోని నియోజకవర్గాల సంఖ్య తగ్గినా అదే సమయంలో…

Read More

వైఎస్సార్‌సీపీ కేంద్ర కార్యాలయంలో ఆ పార్టీ అధినేత, మాజీ సీఎం వైఎస్ జగన్ మీడియాతో మాట్లాడారు.‌ఈ సందర్భంగా ఆయన కూటమి ప్రభుత్వంపై విమర్శలు గుప్పించారు. సూపర్ – 6 హామీల అమలుపై ప్రభుత్వాన్ని ప్రశ్నించారు. హామీల అమలుకు ఈ ఏడాదికి రూ.79,867 కోట్లు అవసరం. కానీ ఈ ఏడాది బడ్జెట్ లో చంద్రబాబు కేటాయించింది రూ.17,179 కోట్లు మాత్రమేనని అన్నారు. కూటమి ప్రభుత్వం ప్రవేశపెట్టిన రెండు బడ్జెట్స్ లో ప్రజల్ని చంద్రబాబు మోసం చేసిన తీరు తేటతెల్లమైందని పరనింద.. ఆత్మస్తుతితో 9 నెలలుగా సరిపెడుతున్నారని ఆరోపించారు. సూపర్-6 హామీల అమలు సంగతేంటని ప్రశ్నిస్తే.. కూటమి నేతల నోటి నుంచి సమాధానం రావడం లేదని పేర్కొన్నారు. మహిళలకు ఉచిత బస్సు ప్రయాణం హామీ, యువతకు నిరుద్యోగ భృతి ఇలా ఇచ్చిన హామీల అమలుపై ప్రభుత్వాన్ని ప్రశ్నించారు. ఇక ఏకంగా నాలుగు లక్షల ఉద్యోగాలు ఇచ్చినట్లు చెప్పుకుంటున్న చంద్రబాబు యువతను మోసం చేశారని ఆరోపించారు…

Read More

ఉత్తరాంధ్ర టీచర్స్ ఎమ్మెల్సీగా విజయం సాధించిన గాదె శ్రీనివాసులు నాయుడు ఏపీ సీఎం చంద్రబాబుని ఉండవల్లి నివాసంలో కలిశారు. తన విజయానికి అన్ని విధాలా సహకరించినందుకు సీఎంకు, కూటమి పెద్దలకి ఆయన ధన్యవాదాలు తెలిపారు. ఈ సందర్భంగా శ్రీనివాసులును సీఎం అభినందించారు. ఉపాధ్యాయుల సమస్యలను పరిష్కరించడంతో పాటు, వారిని అన్ని వేళలా గౌరవిస్తామని సీఎం భరోసా ఇచ్చారు. టీచర్ల సమస్యల పరిష్కారానికి మంత్రి నారా లోకేష్ విశేషంగా కృషి చేస్తున్నారని, ప్రభుత్వ పాలసీల రూపకల్పన విషయంలో ఉపాధ్యాయ సంఘాలతో చర్చించాకే నిర్ణయాలు తీసుకుంటున్నామని సీఎం చంద్రబాబు పేర్కొన్నారు. సీఎంను కలిసిన వారిలో బీజేపీ సీనియర్ నాయకులు, మాజీ ఎమ్మెల్సీ మాధవ్, పీఆర్‌టీయు రాష్ట్ర అధ్యక్షులు మిట్టా కృష్ణయ్య, ఏపీ ఉపాధ్యాయ సంఘం రాష్ట్ర అధ్యక్షులు ఎస్ బాలజీ తదితరులు ఉన్నారు.

Read More

ఆస్ట్రేలియా స్టార్ క్రికెటర్,మాజీ కెప్టెన్ స్టీవ్ స్మిత్‌ వ‌న్డేల‌కు రిటైర్మెంట్ ప్ర‌క‌టించాడు.ఈ క్ష‌ణం నుంచి వ‌న్డే క్రికెట్ నుండి విర‌మ‌ణ తీసుకుంటున్న‌ట్లు చెప్పాడు.ప్రస్తుతం జ‌రుగుతున్న ఐసీసీ చాంపియ‌న్స్ ట్రోఫీలో…ఆస్ట్రేలియా కెప్టెన్ గా చేశాడు.నిన్న జ‌రిగిన మ్యాచ్‌లో ఆస్ట్రేలియా ఓట‌మి పాలైంది.దీనితో 35 ఏళ్ల స్మిత్‌..వ‌న్డేల నుండి త‌ప్పుకుంటున్న‌ట్లు వెల్లడించాడు.అయితే స్టీవ్ స్మిత్ త‌న కెరీర్‌లో 170 వ‌న్డేలు ఆడాడు.వాటిల్లో 5800 పరుగులు చేశాడు.దీనితో 12 సెంచ‌రీలు,35 హాఫ్ సెంచ‌రీలు ఉన్నాయి.

Read More

భారత్‌ లో ఊబకాయుల ఎక్కువ అవుతున్నట్లు లాన్సెట్‌ నివేదిక హెచ్చరించింది.2050 నాటికి దేశంలో 45 కోట్ల మంది ఊబకాయులు ఉంటారని అంచనా వేసింది.అదే సమయంలో ప్రపంచవ్యాప్తంగా సగానికి పైగా వయోజనులు ఊబకాయం బారినపడతారని పేర్కొంది.కాగా 2021లో చైనా తర్వాత భారత్‌లోనే స్థూలకాయులు ఎక్కువగా ఉన్నారని తెలిపింది.అయితే పిండి పదార్థాలు, తీపి పదార్థాలను తినడం తగ్గించి, ప్రొటీన్లను ఎక్కువగా తీసుకోకపోతే యువత, పిల్లలు స్థూలకాయం బారిన పడే ప్రమాదం మరింత పెరుగుతుందని హెచ్చరించింది.

Read More