Author: admin

దేశ అత్యున్నత న్యాయస్థానం సుప్రీంకోర్టు మెడిసిన్ల అంశంపై కీలక వ్యాఖ్యలు చేసింది. రాష్ట్రాల వైఫల్యం కారణంగా మెడిసిన్స్ ధరలు సామాన్యులకు అందుబాటులో లేవని అంది. రాష్ట్ర ప్రభుత్వాల వైఫల్యమే ప్రైవేటు హాస్పిటల్స్ కు ప్రోత్సాహకంగా మారిందని చురకలంటించింది. ప్రైవేటు హాస్పిటల్స్ పేషెంట్లు వారి బంధువులను బలవంతంగా ఎక్కువ ధరలు ఉన్న మందులను కొనే విధంగా చేస్తున్నాయని దాఖలైన పిటిషన్ పై తాజాగా సుప్రీంకోర్టులో విచారణ జరిగింది. తమ ఫార్మసీల నుండే పేషెంట్లు మెడిసిన్ కొనేలా వారిని బలవంతం చేయకుండా ప్రైవేటు హాస్పిటల్స్ కు ఆదేశాలు జారీ చేయాలని పిటీషనర్ కోరారు. వీటిని కట్టడి చేయడంలో కేంద్ర రాష్ట్ర ప్రభుత్వాలు విఫలమయ్యాయని దాంతో పేషెంట్లు దోపిడికి గురవుతున్నారని పేర్కొన్నారు. ధర్మాసనం ఈ వాదనతో ఏకీభవించింది. పేషెంట్స్ కు సూచించిన మెడిసిన్ వేరే చోట తక్కువ ధరకు లభిస్తుందనే తమ వద్దే కొనుగోలు చేయాలని హాస్పిటల్స్ బలవంతం చేయకుండా చూడాలని రాష్ట్ర ప్రభుత్వాలకు సుప్రీంకోర్టు…

మా ప్రభుత్వం విద్యుత్ చార్జీలు పెంచలేదు, పెంచబోము..పెరిగిన చార్జీలు అన్నీ, వైసీపీ ప్రభుత్వంలో పెంచి వెళ్ళిన చార్జీలని ఏపీ విద్యుత్ శాఖ మంత్రి గొట్టిపాటి రవికుమార్ అన్నారు. మీరే పెంచి వెళ్ళిన చార్జీలపై, మీరే ఆందోళన చేయటం వింతగా ఉందని వైసీపీ సభ్యులపై అసెంబ్లీలో మండిపడ్డారు. మీ ప్రభుత్వం విద్యుత్ కొనుగోలుకి ఏడాదికి రూ.10 వేల కోట్లు ఖర్చు పెడితే, మా ప్రభుత్వం గత 9 నెలల్లో ఆ ఖర్చుని 60% తగ్గించింది. తాము ఎక్కువ విద్యుత్ ఉత్పత్తి చేసి, ప్రజలపై భారం పడకుండా చూస్తున్నట్లు పేర్కొన్నారు. వైసీపీ అధికారంలో ఉన్నప్పుడు 9 సార్లు విద్యుత్ ఛార్జీలు పెంచారని విమర్శించారు.

తిరుమల లడ్డు తయారీలో కల్తీ నెయ్యి కేసులో అరెస్టైన వారిలో ఇద్దరిని 2వ సారి సిట్‍ కస్టడీకి అనుమతిస్తూ…తిరుపతి రెండో అదనపు మెజిస్ట్రేట్‍ కోర్టు ఆదేశాలు జారీ చేసింది.ఈ మేరకు కల్తీ నెయ్యి కేసులో ఉత్తరాఖండ్‍ కు చెందిన భోలేబాబా డైయిరీ మాజీ డైరెక్టర్లు పోమిల్ జైన్, విపిన్ జైన్,వైష్ణవి డైయిరీ సీఈవో అపూర్వ వినయకాంత్ చావడా,తమిళనాడులోని ఏఆర్​ డైయిరీ ఎండీ రాజశేఖరన్‍ అరెస్టయ్యారు.గత నెల 13 తేదీన నుండి 5 రోజులపాటు సిట్‍ కస్టడీకి తీసుకుని విచారించింది.కాగా అరెస్ట్ అయినా నిందితుల్లో ఇద్దరు విచారణకు సహకరించలేదని సిట్‍ అధికారులు కోర్టుకదృష్టికి తీసుకువెళ్లారు.విచారణకు సహకరించని పోమిల్ జైన్,అపూర్వ వినయ్ కాంత్ చావడాలను మరోసారి కస్టడీకి ఇవ్వాలని ఫిబ్రవరి 19న పిటిషన్‍ దాఖలు చేశారు.ఈ పిటిషన్ పై విచారణ జరిపిన కోర్టు 3 రోజుల పాటు కస్టడీకి అనుమతిస్తూ…ఉత్తర్వులు ఇచ్చింది.

వీసీల రాజీనామా అంశంపై మండలిలో వైసీపీకి మంత్రి లోకేష్ ఛాలెంజ్ చేశారు. శాసనమండలి లో వీసీల రాజీనామా అంశంపై చర్చ జరిగింది. వైసీపీ ఆరోపణలపై నిజాలేంటని తెలుసుకునేందుకు ప్రివిలేజ్ కమిటీకి పంపాలని లోకేష్ స్పీకర్ ను కోరారు. వీసీల రాజీనామాలలో “Threatened” అనే పదం ఎక్కడ ఉందని ప్రశ్నించారు. వైసీపీ నియమించిన బీసీలకు బేసిక్ ఇంగ్లీష్ గ్రామర్ కూడా రాదని ఎద్దేవా చేశారు. రాజీనామా చేసిన ఒక వీసీ రాజారెడ్డి చెల్లెలి కోడలు, రాజీనామా చేసిన ప్రసాద్ రెడ్డి వైసీపీ కార్యకర్త జగన్ బర్త్ డే వేడుకలు వర్సిటీలో చేసిన వ్యక్తి ఈ‌ ప్రసాద్ రెడ్డి అని అన్నారు. ఆ పార్టీ కోసం సర్వేలు చేయించిన ఘనత ఆనాటి వీసీల దాని లోకేష్ వ్యాఖ్యానించారు.

ఉమ్మడి కృష్ణా-గుంటూరు జిల్లాల గ్రాడ్యుయేట్ ఎమ్మెల్సీ నియోజకవర్గంలో ఎన్డీయే కూటమి అభ్యర్థి ఆలపాటి రాజేంద్రప్రసాద్ ఘన విజయం అందుకున్నారు. ఇంకా రెండు రౌండ్ల లెక్కింపు మిగిలి ఉన్నప్పటికీ మ్యాజిక్ ఫిగర్‌ను దాటేశారు. సమాచారం అందే సమయానికి ఆయనకు 82,320 ఓట్ల ఆధిక్యం లభించింది. మొత్తం 9 రౌండ్లు పూర్తయ్యే సరికి సమీప ప్రత్యర్థి, పీడీఎఫ్ బలపరిచిన సిట్టింగ్ ఎమ్మెల్సీ కేఎస్ లక్ష్మణరావుపై 82,320 ఓట్ల ఆధిక్యంతో గెలుపొందారు. ఇక్కడ మొత్తం 2,41,873 ఓట్లు పోలైనట్లు తెలుస్తోంది. ఇక ఉత్తరాంధ్ర టీచర్ ఎమ్మెల్సీ నియోజకవర్గంలో గాదె శ్రీనివాసులు నాయుడు గెలుపొందారు. హోరాహోరీగా సాగిన ఈ ఎన్నికలో ఏపీటీఎఫ్ అభ్యర్థి పాకలపాటి రఘువర్మ మీద ఆయన విజయం సాధించారు. ఇక, ఉభయ గోదావరి జిల్లాల గ్రాడ్యుయేట్ ఎమ్మెల్సీ ఎన్నికల ఓట్ల లెక్కింపులో మొదటి రౌండ్ ముగిసేసరికి కూటమి అభ్యర్థి పేరాబత్తుల రాజశేఖర్ ఆధిక్యంలో కొనసాగుతున్నారు.

రైల్వేలకు సంబంధించి రెండు ప్రభుత్వ రంగ సంస్థలకు కేంద్ర ప్రభుత్వం నవరత్న హోదా ఇచ్చింది. ఫైనాన్షియల్ గా మరియు మేనేజ్మెంట్ పరంగా నిర్ణీత స్థాయికి చేరుకున్నాక ఆయా సంస్థలకు కేంద్రం ఈ హోదా ఇస్తుంది. కేంద్ర ప్రభుత్వ రంగ సంస్థలకు మినీ రత్న, నవరత్న, మహారత్న పేరుతో మూడు రకాల హోదాలను కేంద్రం వస్తుంటుంది. ఇక ఇండియన్ రైల్వే కేటరింగ్ అండ్ టూరిజం కార్పొరేషన్ (ఐ.ఆర్.టీ.సీ), ఇండియన్ రైల్వే ఫైనాన్స్ కార్పొరేషన్ (ఐ.ఇర్.ఎఫ్.సీ) లకు నవరత్న హోదా ఇచ్చింది. నవరత్న హోదా కలిగిన 25వ సంస్థగా ఐ.ఆర్.టీ.సీ, 26వ సంస్థగా ఐ.ఆర్.ఎఫ్.సీని అప్ గ్రేడ్ చేస్తూ కేంద్ర ప్రభుత్వం నిర్ణయించింది. ఈమేరకు పబ్లిక్ ఎంటర్ ప్రైజెస్ డిపార్ట్మెంట్ ‘ఎక్స్’ లో పోస్ట్ చేసింది. ఇక ఇప్పటికే హిందూస్తాన్ ఏరోనాటిక్స్, ఆయిల్ ఇండియా, విశాఖ స్టీల్, కంటెయినర్ కార్పొరేషన్, భారత్ ఎలక్ట్రానిక్స్ వంటి ప్రభుత్వ రంగ సంస్థలకు నవరత్న హోదా ఉంది.

దేశీయ స్టాక్ మార్కెట్లకు మరోసారి నష్టాల బాటలో పయనించాయి. రోజంతా ఒడిదుడుకులకు లోనయ్యాయి. చివరికి స్వల్ప నష్టాలతో ట్రేడింగ్ ముగించాయి. ఐటీ, మెటల్, ఫార్మా, రియాలిటీ, హెల్త్ కేర్ రంగాల్లో షేర్లలో కొనుగోళ్లు కనిపించగా… బ్యాంకింగ్, ఆయిల్ అండ్ గ్యాస్ షేర్లు అమ్మకాల ఒత్తిడి ఎదుర్కొన్నాయి. బాంబే స్టాక్ ఎక్స్ చేంజ్ సూచీ సెన్సెక్స్ 112 పాయింట్లు నష్టపోయి 73,085 వద్ద స్థిరపడింది. నేషనల్ స్టాక్ ఎక్స్ చేంజ్ నిఫ్టీ 5 పాయింట్ల నష్టంతో 22,119 వద్ద ట్రేడింగ్ ముగించింది. డాలర్ తో రూపాయి మారకం విలువ రూ.87.31గా కొనసాగుతోంది. సెన్సెక్స్ 30లో అల్ట్రా టెక్ సిమెంట్స్, భారతీ ఎయిర్టెల్, ఇన్ఫోసిస్, బజాజ్ ఫైనాన్స్, ఎన్టీపీసీ షేర్లు లాభాలతో ముగిశాయి.

క్రికెట్ అభిమానులుకు ఈ సమ్మర్ లో వినోదాన్ని అందించేందుకు ఈనెల 22 నుండి ఇండియన్ ప్రీమియర్ లీగ్ ప్రారంభం కానుంది. ఇక కొత్త సీజన్ ను మరింత కొత్తగా ప్రారంభించేందుకు డిఫెండింగ్ చాంపియన్ కోల్ కతా నైట్ రైడర్స్ తయారైంది. తమ టీమ్ కొత్త జెర్సీలను అలాగే తమ టీమ్ కెప్టెన్, వైస్ కెప్టెన్ ను ప్రకటించింది. సీనియర్ క్రికెటర్ అజింక్య రహానే టీమ్ కెప్టెన్ గా వ్యవహరించనున్నాడు. వెంకటేష్ అయ్యర్ కు వైస్ కెప్టెన్ బాధ్యతలు అప్పగించారు. ఈమేరకు ఫ్రాంచైజీ తమ అఫీషియల్ ‘ఎక్స్’ అకౌంట్ లో పోస్ట్ చేసింది. ఇక గతేడాది టైటిల్ విజేతగా నిలిచిన కోల్ కతా అప్పటి కెప్టెన్ శ్రేయాస్ అయ్యర్ ను రిటైన్ చేసుకోలేదు. అయితే అనూహ్యంగా సీనియర్ ఆటగాడు రహానేను తీసుకుంది. ఇక ఇప్పటి వరకు ఐపీఎల్ లో కోల్ కతా 2012, 2014, 2024లలో ఇలా మూడు సార్లు టైటిల్ విజేతగా…

రైతు సంక్షేమానికి మా ప్రభుత్వం కట్టుబడి ఉందని ఆంధ్రప్రదేశ్ విద్యుత్ శాఖ మంత్రి గొట్టిపాటి రవి కుమార్ తెలిపారు.తమ ప్రభుత్వం అధికారంలోకి వచ్చిన వెంటనే 40,336 వ్యవసాయ కనెక్షన్ లు మంజూరు చేశామని తెలిపారు.కాగా 22,709 కనెక్షన్ లు రైతులకు ఇచ్చి,ఇప్పటికే వినియోగంలోకి తెచ్చామని తెలిపారు.ఒక్కో వ్యవసాయ కనెక్షన్ కు రూ. 2.60 లక్షలు ఖర్చు చేస్తున్నామని వెల్లడించారు. అయితే ఉచిత విద్యుత్ కు రూ. 12,400 కోట్లు ఖర్చు చేస్తున్నామని తెలిపారు.గత ప్రభుత్వ హయాంలో వేర్వేరు రేట్లకు ట్రాన్స్ ఫార్మర్లు కొనుగోలు చేశారని…ఇకపై అలా జరగకుండా చూస్తామని గొట్టిపాటి అన్నారు.అలానే ట్రాన్స్ ఫార్మర్ల దొంగతనాలు జరిగితే వెంటనే ఫిర్యాదు చేసి వివరాలు ఇస్తే…కొత్త ట్రాన్స్ ఫార్మర్లు ఇస్తామని వెల్లడించారు.అదేవిధంగా డిస్కమ్ ల మధ్య రేట్లలో అంతరం లేకుండా చూస్తామని చెప్పారు.

భారత విదేశాంగ మంత్రి డాక్టర్ ఎస్ జైశంకర్ ఈరోజు న్యూఢిల్లీలో బెల్జియం ఉప ప్రధాన మంత్రి, విదేశాంగ మంత్రి మాగ్జిమ్ ప్రీవోట్‌తో భేటీ అయ్యారు. రెండు దేశాలు వాణిజ్యం, ఇండస్ట్రియల్, ఎడ్యుకేషన్, ఇన్నోవేషన్, సాంస్కృతిక రంగాలలో మంచి సంబంధాలు కొనసాగుతన్నాయని జైశంకర్ పేర్కొన్నారు. సెమీకండక్టర్, ఆర్టిఫీషియల్ ఇంటెలిజెన్స్, క్లీన్ ఎనర్జీ ఫార్మాస్యూటికల్స్, డిజిటల్, మొబిలిటీ మరియు రక్షణ రంగాలపై కూడా తాము చర్చలు జరిపినట్లు చెప్పారు. ఆయా రంగాల్లో ఇరు దేశాలు ద్వైపాక్షిక సహకారాన్ని ముందుకు తీసుకెళ్లడంపై సమగ్ర చర్చలు జరిగాయి. ఏడు రోజుల భారత పర్యటనలో ఉన్న బెల్జియం ప్రిన్సెస్ ఆస్ట్రిడ్ రేపు ప్రధాన మంత్రి నరేంద్ర మోడీని కలవనున్నారు.