Author: admin

నేడు అట్టహాసంగా అమరావతి పునర్నిర్మాణ ప్రారంభోత్సవ కార్యక్రమం జరుగనుంది. ఈ నేపథ్యంలో ప్రధాని నరేంద్ర మోడీకి డిప్యూటీ సీఎం పవన్ కళ్యాణ్ స్వాగతం పలికుతూ సోషల్ మీడియా ‘ఎక్స్’ లో పోస్ట్ చేశారు. ఆంధ్రప్రదేశ్ రాష్ట్ర ప్రజా రాజధాని అమరావతి నిర్మాణ పనులను పునః ప్రారంభించేందుకు ఈరోజు రాష్ట్రానికి విచ్చేస్తున్న గౌరవ భారత ప్రధాని మోడీ హృదయపూర్వక స్వాగతం… సుస్వాగతం. ఐదు కోట్ల ఆంధ్రుల ఆకాంక్షలకు ప్రతిరూపంగా రూపుదిద్దుకుంటున్న ప్రజా రాజధాని అమరావతి పున్నిర్మాణాన్ని మీ అమృత హస్తాలతో ప్రారంభిస్తున్నందుకు హృదయపూర్వక ధన్యవాదాలు తెలియజేస్తున్నానని పవన్ ‘ఎక్స్’ లో పోస్ట్ చేశారు.

దేశ అత్యున్నత క్రీడా అవార్డైన మేజర్ ధ్యాన్ చంద్ ఖేల్ రత్న అవార్డును భారత బ్యాడ్మింటన్ డబుల్స్ ఆటగాళ్లు సాత్విక్ సాయిరాజ్-చిరాగ్ శెట్టి అందుకున్నారు. గతేడాది ఖేల్ రత్న అవార్డులకు ఎంపికైన వీరిరువురూ వేరే దేశాలలో టోర్నీలలో ఉండడంతో రాష్ట్రపతి భవన్ లో అవార్డులు తీసుకోలేక పోయారు. ఇక తాజాగా కేంద్ర క్రీడా మంత్రి మాన్ సుఖ్ మాండవీయ వీరికి అవార్డులు అందించారు. స్పోర్ట్స్ అథారిటీ ఆఫ్ ఇండియా (SAI) కేంద్ర కార్యాలయంలో మంత్రి చేతుల మీదుగా అవార్డులు అందుకున్నారు. 2022 ఆసియా, కామన్ వెల్త్ గేమ్స్ లో ఈ జోడీ స్వర్ణ పతకాలు గెలుచుకుంది. 2023 ఆసియా ఛాంపియన్ షిప్ విజేతగా నిలిచింది. బ్యాడ్మింటన్ వరల్డ్ ఫెడరేషన్ వరల్డ్ ర్యాంకింగ్స్ లో నెంబర్ వన్ గా, వరల్డ్ టూర్ సూపర్ 1000లో టైటిల్ గెలుచుకున్న ఏకైక భారత ద్వయం గా ఘనత సాధించింది.

ముంబై ఇండియన్స్ మరో విజయంతో సత్తా చాటింది. ఆ జట్టుకు ఇది వరుసగా 6వ గెలుపు. జైపూర్ లోని సవాయ్ మాన్ సింగ్ స్టేడియం వేదికగా రాజస్థాన్ రాయల్స్ తో జరిగిన మ్యాచ్ లో ఆ జట్టు 100 పరుగుల తేడాతో ఘన విజయం సాధించింది. టాస్ ఓడి మొదట బ్యాటింగ్ చేసిన ముంబై నిర్ణీత 20 ఓవర్లలో 2 వికెట్ల నష్టానికి 217 పరుగుల భారీ స్కోరు చేసింది. రికెల్టన్ 61 (38; 7×4, 3×6), రోహిత్ శర్మ 53 (36; 9×4) హాఫ్ సెంచరీలతో అదిరే ఆరంభానిచ్చారు. సూర్య కుమార్ యాదవ్ 48 నాటౌట్ (23; 4×3, 3×6), హార్థిక్ పాండ్య 48 (23; 6×4, 1×6) ధాటిగా ఆడడంతో ముంబై ఇండియన్స్ రాజస్థాన్ రాయల్స్ ముందు భారీ లక్ష్యాన్ని ఉంచింది. ఇక లక్ష్యాన్ని ఛేదించే క్రమంలో రాజస్థాన్ రాయల్స్ మాత్రం 16.1 ఓవర్లలో కేవలం 117 పరుగులకే…

రాష్ట్ర అభివృద్ధిలో ఉపాధి హామీ పథకం వెన్నెముకలా నిలిచిందని ఏపీ ఉప ముఖ్యమంత్రి, పంచాయతీ రాజ్, గ్రామీణాభివృద్ధి శాఖ మంత్రి పవన్ కళ్యాణ్ అన్నారు. ఉపాధి శ్రామికులతో మేడే దినోత్సవ వేడుకల్లో ఆయన పాల్గొన్నారు. ఉపాధి హామీ శ్రామికుల సంక్షేమానికి కూటమి ప్రభుత్వం కట్టుబడి ఉందని ఈసందర్భంగా స్పష్టం చేశారు. ఉపాధి హామీ పథకం ద్వారా 75.23 లక్షల మందికి సొంత ఊళ్లలోనే ఉపాధి కలుగుతోందని అన్నారు. నీటి సంక్షోభ నివారణకు ప్రత్యేక కార్యచరణతో ముందుకు వెళ్తామని చెప్పారు.శిథిలమైన రాష్ట్ర ఆర్థిక వ్యవస్థకు పంచాయతీరాజ్ నిధులే ప్రాణంపోశాయని పేర్కొన్నారు . మద్యం అమ్మకాల్లో గత పాలకులు రూ. 3200 కోట్లు నొక్కేశారని విమర్శించారు.సారాయి సాణువుల మీద కోట్లు కూడబెట్టారని ఆక్షేపించారు. ప్రతి ఒక్కరు బాధ్యతగా నీటిని వినియోగించాలని ఈసందర్భంగా పిలుపునిచ్చారు. నీటి పరిరక్షణపై పాఠశాల, కాలేజీ విద్యార్థులతో అవగాహన ర్యాలీలు, ప్రచారాలు చేయిస్తామని పేర్కొన్నారు. ప్రకృతి నుండి వచ్చే ప్రతి నీటి…

వరల్డ్ ఆడియో విజువల్ అండ్ ఎంటర్టైన్మెంట్ సమ్మిట్ (WAVES) ముంబై లోని జియో వరల్డ్ కన్వెన్షన్ సెంటర్ వేదికగా ఘనంగా ప్రారంభమైంది. నాలుగు రోజులపాటు ప్రతిష్ఠాత్మకంగా నిర్వహిస్తున్న ఈ సదస్సును ప్రధాని మోడీ ప్రారంభించారు. ఈ సందర్భంగా ప్రధాని మోడీ మాట్లాడుతూ ఈ వేవ్స్ కేవలం పదం కాదని.. ఇది సంస్కృతి, సృజనాత్మకత, చలనచిత్ర సంగీతం, గేమింగ్, కథ చెప్పడం.. లాంటి కలయిక అంటూ.. పేర్కొన్నారు. గత 100 సంవత్సరాలలో, భారతీయ సినిమా ఉన్నత శిఖరాలకు చేరుకుందని ప్రధాని ఆశాభావం వ్యక్తం చేశారు. భారతదేశ సృజనాత్మక ప్రతిభకు ఈ వేవ్స్ సమ్మిట్ ప్రపంచ వేదికగా నిలవనుంది. మన దేశం సృజనాత్మక ప్రతిభను ప్రపంచానికి చాటిచెప్పడంతో పాటు ఈ రంగంలో పెట్టుబడులను ఆకర్షించడం అలాగే వీడియో గేమింగ్, ఎంటర్టైన్మెంట్ రంగాల్లో భారత్ ను హబ్ గా చేయాలనే లక్ష్యంతో కేంద్ర ప్రభుత్వం ఈ సమ్మిట్ నిర్వహిస్తోంది. భారత ప్రభుత్వం ‘కనెక్టింగ్ క్రియేటర్స్.. కనెక్టింగ్…

శ్రీ పొట్టి శ్రీరాములు నెల్లూరు జిల్లా, ఆత్మకూరు మండలం నెల్లూరుపాలెం గ్రామంలోని ఎస్టీ కాలనీలో ఆంధ్రప్రదేశ్ ముఖ్యమంత్రి చంద్రబాబు నేడు ఎన్టీఆర్ భరోసా పింఛన్ల పంపిణీ కార్యక్రమంలో పాల్గొన్నారు. అనంతరం ప్రజలతో మాట్లాడారు. ఈ సందర్భంగా అంకోజి సుమ అనే మహిళ తన కుమారుడికి ఉపాధి మార్గం చూపించాలని విన్నవించగా వ్యవసాయ శాఖ నుంచి డ్రోన్ అందించి శిక్షణ ఇచ్చి ఉపాధి చూపిస్తానని హామీ ఇచ్చారు. అనంతరం కాలనీ వాసుల నుంచి అర్జీలను స్వీకరించి పరిష్కారానికి హామీ ఇచ్చారు.

శ్రామికుల స్వేదం – దేశ ప్రగతికి ఇంధనం, దేశాభివృద్ధిలో వారి పాత్ర వెలకట్టలేనిదని డిప్యూటీ సీఎం పవన్ కళ్యాణ్ అన్నారు. ప్రపంచ కార్మిక, కర్షక, శ్రామిక సోదర, సోదరీమణలందరికీ “మే డే” శుభాకాంక్షలు తెలిపారు. ఆంధ్రప్రదేశ్ రాష్ట్ర గ్రామాల అభివృద్ధిలో కీలక పాత్ర పోషిస్తూ, రాష్ట్రాన్ని అభివృద్ధిపథంలో నడిపిస్తున్న గ్రామీణ ఉపాధి హామీ శ్రామికులకు (MGNREGS) అంతర్జాతీయ శ్రామిక దినోత్సవం సందర్భంగా వారి సేవలకు మనస్పూర్తిగా ధన్యవాదాలు తెలియజేస్తూ, శ్రామికుల సంక్షేమానికి కూటమి ప్రభుత్వం అన్ని విధాలుగా కృషి చేస్తుందని స్పష్టం చేశారు.

ఇండియన్ ఓపెన్ రిలే పోటీల్లో గుర్విందర్ సింగ్, మణికంఠ, అనిమేషన్, అమ్లాన్ లతో కూడిన మెన్స్ టీమ్ 4×100 రిలేలో నేషనల్ రికార్డు నెలకొల్పింది. 38.69 సెకన్లలో టార్గెట్ ను పూర్తి చేసింది. 15 ఏళ్ల నేషనల్ రికార్డును బద్దలుకొట్టి సరికొత్త రికార్డు సృష్టించింది. 2010 కామన్వెల్త్ గేమ్స్ లో సురేష్, షమీర్, రెహ్మాతుల్లా, ఖురేషీ లో టీమ్ 38.89 సెకన్ల రికార్డును అధిగమించింది. మహిళల 4×100 మీటర్ల విభాగంలో శర్వాణి, నిత్య, అభినయ, స్నేహ ల టీమ్ విజయం సాధించింది. 44.12 సెకన్లలో రేసు పూర్తి చేసింది.

రాష్ట్ర హోమ్, విపత్తు నిర్వహణల శాఖ మంత్రి శ్రీమతి అనిత గారు విపత్కర పరిస్థితులు నెలకొన్నప్పుడు బాధ్యతల నిర్వహణలో చూపుతున్న చొరవ, బాధితులకు బాసటగా నిలుస్తున్న తీరు అభినందనీయమని డిప్యూటీ సీఎం పవన్ కళ్యాణ్ అన్నారు. ప్రజా జీవితంలో ఉన్నవారు ఏ సమయంలోనైనా స్పందించడమే కాదు, శోకంలో ఉన్నవారికి సాంత్వన చేకూర్చాలి. శ్రీమతి అనిత గారు ఆ విధంగానే స్పందిస్తున్నారని ప్రశంసలు కురిపించారు. సింహాచలం దుర్ఘటన విషయం తెలియగానే తెల్లవారుజామున 3 గం.కే ఘటన ప్రదేశానికి చేరుకొని పరిస్థితులు సమీక్షిస్తూ అధికారులకు దిశానిర్దేశం చేశారు. మృతులు, క్షతగాత్రుల సంబంధీకులతో మాట్లాడి ఓదార్చారు. ఇటీవల పహల్గాం ఉగ్రదాడిలో మరణించిన చంద్రమౌళి కుటుంబానికి శ్రీమతి అనిత వెన్నంటి ఉండి మనో ధైర్యం ఇచ్చారు. కూటమి ప్రభుత్వం ఏ విధంగా స్పందిస్తుంది, బాధితులకు ఎలా భరోసా ఇస్తుందో చెప్పడానికి మంత్రి అనిత బాధ్యతల నిర్వహణ ఒక తార్కాణమని పేర్కొన్నారు.

చెన్నై సూపర్ కింగ్స్ ఈ సీజన్ లో మరో ఓటమితో పదో స్థానాన్ని పదిలం చేసుకుంది. తాజాగా పంజాబ్ కింగ్స్ చేతిలో ఓటమి పాలైంది. మ్యాచ్ లో టాస్ ఓడి మొదట బ్యాటింగ్ చేసిన చెన్నై 190 పరుగులు చేసింది. సామ్ కరన్ 88 (47; 9×4, 4×6) అద్భుతమైన ఆటతీరుతో ఆకట్టుకున్నాడు. బ్రెవిస్ 32 (26; 2×4, 1×6) పర్వాలేదనిపించాడు. పంజాబ్ బౌలర్లలో చాహాల్ హ్యాట్రిక్ తో అదరగొట్టాడు. అతను ఈ మ్యాచ్ లో 4 వికెట్లు పడగొట్టాడు. అర్ష్ దీప్ 2 వికెట్లు , యెన్సెన్ 2 వికెట్లు తీశారు. టార్గెట్ ఛేదించే క్రమంలో పంజాబ్ ఎక్కడా తడబడలేదు. కెప్టెన్ శ్రేయాస్ అయ్యర్ 72 (41; 5×4, 4×6), ప్రభ్ సిమ్రాన్ 54 (36; 5×4, 3×6) రాణించారు. దీంతో 19.4 ఓవర్లలో 6 వికెట్లు కోల్పోయి పంజాబ్ లక్ష్యాన్ని ఛేదించింది. ఈ ఓటమితో చెన్నై ప్లే ఆఫ్…