Author: admin

కోస్ట్ గార్డ్, గుజరాత్ యాంటీ టెర్రరిస్టు స్క్వాడ్ (ఏటీఎస్) అరేబియా సముద్రంలో స్మగ్లర్లు పడేసిన రూ.1800 కోట్ల విలువైన డ్రగ్స్ ను స్వాధీనం చేసుకున్నాయి. అరేబియా సముద్రంలో భారత సముద్ర జలాల సరిహద్దు వద్ద ఈనెల 12-13 అర్థరాత్రి సమయంలో కోస్ట్ గార్డ్, ఏటీఎస్ కలిసి ఈ ఆపరేషన్ చేపట్టాయి. ఈక్రమంలో ఒక బోటులో అనుమానాస్పద కదలికలు పసిగట్టి దానిని సమీపించాయి. కోస్ట్ గార్డ్ షిప్ ను చూసి స్మగ్లర్లు తమ దగ్గర ఉన్న సరుకును సముద్రంలో పడేసి పారిపోయారు. కోస్ట్ గార్డ్, ఏటీఎస్ సిబ్బంది సముద్రం నుండి సరుకు బయటకు తీశారు. దానిలో 300 కిలోల నిషేధిత డ్రగ్స్ ఉన్నట్లు తెలిపారు. వాటి విలువ రూ.1800 కోట్లు పైనే ఉంటుందని పేర్కొన్నారు.

ఆర్చరీ వరల్డ్ కప్ స్టేజ్-1 టోర్నీలో భారత్ మరో మెడల్ ను గెలుచుకుంది. తెలుగు ఆర్చర్ బొమ్మ దేవర ధీరజ్ టీమ్ సిల్వర్ మెడల్ సాధించింది. మెన్స్ రికర్వ్ టీమ్ విభాగం ఫైనల్ లో ధీరజ్, తరుణ్ దీప్ రాయ్, అతాను దాస్ లతో కూడిన భారత జట్టు 1-5 తేడాతో లి జాంగ్ యున్, వాంగ్ యన్, కావో వెన్ చావో లతో కూడిన చైనా టీమ్ చేతిలో ఓడింది. మొదటి సెట్ లో రెండు టీమ్ లు హోరాహోరీగా తలపడ్డాయి. రెండు టీమ్ లు కూడా 54 పాయింట్లతో నిలిచాయి. రెండో సెట్ లో 58-55తో పైచేయి సాధించింది. మూడో సెట్ లో కూడా 55-54తో గెలిచి గోల్డ్ మెడల్ కైవసం చేసుకుంది. ఇక ఈ విభాగంలో బ్రాంజ్ మెడల్ కూడా చైనా కే దక్కింది. ఈ టోర్నీలో భారత్ కు మూడు మెడల్స్ దక్కాయి.

నేచురల్ స్టార్ నాని కథానాయకుడిగా తెరకెక్కుతున్న చిత్రం ‘హిట్-3’. విజయవంతమైన ‘హిట్’ ఫ్రాంచైజీ నుండి వస్తుండడంతో భారీ అంచనాలు ఉన్నాయి. ప్రస్తుతం ఈ చిత్రం శరవేగంగా చిత్రీకరణ జరుపుకుంటుంది. శైలేష్ కొలను దర్శకత్వం వహిస్తున్నాడు.వాల్ పోస్టర్స్ సినిమా, యునానిమస్ ప్రొడక్షన్స్ పతాకాలపై రూపొందుతోంది. తిపిరినేని ప్రశాంతి నిర్మించారు. ఇందులో నాని అర్జున్ సర్కార్ అనే పవర్ ఫుల్ పోలీస్ ఆఫీసర్ గా కనిపించనున్నారు. నాని పుట్టినరోజు సందర్భంగా విడుదలైన టీజర్‌ చిత్రంపై మరింత ఆసక్తిని పెంచేసింది. ఇక తాజాగా ఈ చిత్ర ట్రైలర్ కు సంబంధించి కీలక ప్రకటన వెలువడింది. ఈరోజు ఉదయం 11:07 కు విడుదల చేశారు. పవర్ ఫుల్ యాక్టింగ్ తో నాని మరోసారి తన మార్క్ చూపించాడు. ఇక ఇందులో నానికి జోడిగా శ్రీనిధి శెట్టి నటించారు.ఈ చిత్రానికి మిక్కీ జే మేయర్ సంగీతం అందించారు. మే లో వేసవి కానుకగా ప్రేక్షకుల ముందుకు రానుంది. https://youtu.be/kAtfaaUgDRU?si=w66-AN4KulOEsrm8

ఏపీ డిప్యూటీ సీఎం ప‌వ‌న్ సతీమణి అన్నా లెజినోవా తాజాగా తిరుమ‌ల స్వామివారిని ద‌ర్శించుకున్న విష‌యం తెలిసిందే. ఈరోజు వేకువ‌జామున ఆమె స్వామివారి సుప్ర‌భాత సేవ‌లో పాల్గొన్నారు. ద‌ర్శ‌నం అనంతరం అన్నాకు అర్చ‌కులు శ్రీవారి తీర్థ‌ప్ర‌సాదాలు అంద‌జేశారు. ఇటీవల వారి కుమారుడు మార్క్ శంకర్ సింగపూర్ లోని స్కూల్లో జ‌రిగిన‌ అగ్ని ప్ర‌మాదంలో స్వ‌ల్ప గాయాల‌తో బ‌య‌ట‌ప‌డ‌టంతో ఆమె స్వామివారిని ద‌ర్శించుకొని మొక్కులు చెల్లించుకున్నారు. త‌మ కుమారుడు పేరు మీద ఈరోజు అన్న‌దానం కార్య‌క్ర‌మం నిర్వ‌హిస్తున్నారు. ఇందుకోసం మాతృశ్రీ త‌రిగొండ వెంగ‌మాంబ అన్న‌ప్ర‌సాద కేంద్రంలో మ‌ధ్యాహ్నం భోజ‌నానికి రూ. 17ల‌క్ష‌లు ఆమె విత‌ర‌ణ చేశారు.

భారత రాజ్యాంగ నిర్మాత, స్వంతంత్ర భారత తొలి న్యాయశాఖ మంత్రి , స్వాతంత్రోద్యమ వీరుడు… ఆధునిక భారత సమాజ నిర్మాణ పునాదులు వేసిన “బాబా సాహెబ్ అంబేద్కర్” జయంతి సందర్భంగా ఏపీ సీఎం చంద్రబాబు ఘన నివాళులు అర్పించారు. ఎప్పుడూ అప్రమత్తులై, విద్యావంతులై ఆత్మగౌరవంతో, ఆత్మ విశ్వాసంతో ఉన్నప్పుడే ఆ జాతి బాగుపడుతుంది” అన్నారు భారతరత్న డా॥ భీంరావు రాంజీ అంబేద్కర్. ఆ మహాశయుని వాక్కు స్ఫూర్తిగా బడుగు వర్గాల ఆత్మగౌరవాన్ని నిలపడానికి, వారిలో ఆత్మవిశ్వాసాన్ని నింపడానికి అంకితభావంతో మనందరం కృషి చేద్దామని పిలుపునిచ్చారు. అంబేద్కర్ కలలుగన్న సమసమాజాన్ని సాధించుకుందాం. భారత రాజ్యాంగ నిర్మాతగా, స్వంతంత్ర భారత తొలి న్యాయశాఖ మంత్రిగా , స్వాతంత్రోద్యమ వీరుడిగా… ఆధునిక భారత సమాజ నిర్మాణానికి పునాదులు వేసిన అంబేద్కర్ జయంతి సందర్భంగా ఆ మహానుభావుని దేశసేవను స్మరించుకుందాం. దళితాభ్యుదయానికి అందరం పునరంకితమవుదామని పునరుద్ఘాటించారు.

ఐసీసీ మెన్స్ కమిటీ చైర్మన్ గా మరోసారి భారత మాజీ కెప్టెన్ సౌరవ్ గంగూలీ నియమితులయ్యారు. దుబాయ్ లో జరిగిన వార్షిక సర్వసభ్య సమావేశంలో సౌరవ్ ను మరోసారి ఎన్నుకున్నారు. అనిల్ కుంబ్లే స్థానంలో 2021లో గంగూలీ బాధ్యతలు స్వీకరించారు. మరో దిగ్గజ ఆటగాడు వీవీఎస్ లక్ష్మణ్ కూడా సభ్యుడిగా ఈ కమిటీలో కొనసాగనున్నారు. వెస్టిండీస్ కు చెందిన డెస్మండ్ హేన్స్, అఫ్గానిస్థాన్ కు చెందిన హమిద్ హసన్ , సౌతాఫ్రికా కు చెందిన బవుమా , ఇంగ్లాండ్ కు చెందిన జొనాథన్ ట్రాట్ కమిటీలో ఇతర సభ్యులుగా ఉండనున్నారు. న్యూజిలాండ్ కు చెందిన కేథరిన్ క్యాంప్బెల్ నేతృత్వంలోని మహిళల కమిటీలో ఆస్ట్రేలియాకు చెందిన అవ్రిల్ ఫహే , సౌతాఫ్రికాకు చెందిన మొసెకి సభ్యులుగా ఉన్నారు.

రాజస్థాన్ రాయల్స్: 173-4 (20). రాయల్ ఛాలెంజర్స్ బెంగళూరు: 175-1 (17.3). ఐపీఎల్ సీజన్ 18 లో భాగంగా నేడు జైపూర్ లోని సవాయ్ మాన్ సింగ్ స్టేడియం వేదికగా రాజస్థాన్ రాయల్స్- రాయల్ ఛాలెంజర్స్ బెంగళూరు మధ్య జరిగిన మ్యాచ్ లో బెంగళూరు 9 వికెట్ల తేడాతో ఘన విజయం సాధించింది. టాస్ గెలిచిన బెంగళూరు ముందుగా బౌలింగ్ ఎంచుకుంది. దీంతో మొదట బ్యాటింగ్ చేసిన రాజస్థాన్ జట్టు నిర్ణీత 20 ఓవర్లలో 4 వికెట్ల నష్టానికి 173 పరుగులు చేసింది. యశస్వీ జైశ్వాల్ 75 (47; 10×4, 2×6) హాఫ్ సెంచరీతో రాణించాడు. రియాన్ పరాగ్ 30 (22; 3×4, 1×6) , ధ్రువ్ జురెల్ 35 నాటౌట్ (23; 2×4, 2×6) పరుగులతో ఫర్వాలేదనిపించారు. బెంగళూరు బౌలర్లలో భువనేశ్వర్ కుమార్, యశ్ దయాళ్, హేజల్ వుడ్, కృనాల్ పాండ్య ఒక్కో వికెట్ తీశారు. అనంతరం బెంగళూరు కేవలం…

ఆంధ్రప్రదేశ్ లో 8 మంది ఐఏఎస్ అధికారులు బదిలీ అయ్యారు. దీనికి సంబంధించి ప్రభుత్వ ప్రధాన కార్యదర్శి విజయానంద్ నేడు ఉత్తర్వులు విడుదల చేశారు. ప్రస్తుతం రెవెన్యూశాఖ ప్రత్యేక ప్రధాన కార్యదర్శిగా ఉన్న ఆర్పీ సిసోడియా చేనేత, జౌళి పరిశ్రమల మంత్రిత్వశాఖ ప్రత్యేక ప్రధాన కార్యదర్శిగా సీసీఎస్ఏ, స్పెషల్ చీఫ్ సెక్రటరీగా ఉన్న జయలక్ష్మికి రెవెన్యూశాఖ అదనపు బాధ్యతలు అప్పగించారు. ఐటీ కార్యదర్శి కాటమనేని భాస్కర్ కు ఏపీ హెన్ఆర్డీఐ డైరెక్టర్ జనరల్ గా అదనపు బాధ్యతలు అప్పగించారు. రాష్ట్ర ప్రభుత్వం పంచాయతీరాజ్, గ్రామాణాభివృద్ధిశాఖ కమిషనర్ గా ముత్యాలరాజును నియమించింది. ఆయుష్ డైరెక్టర్గా దినేష్ కుమార్, రైతు బజార్ల సీఈవోగా కె.మాధవీలత, ట్రైబల్ వెల్ఫేర్ రెసిడెన్సియల్ ఎడ్యుకేషనల్ ఇన్స్టిట్యూషన్ సొసైటీ కార్యదర్శిగా గౌతమి, వైద్య ఆరోగ్య కుటుంబ సంక్షేమశాఖ డైరెక్టర్ గా నీలకంఠారెడ్డిని నియమిస్తూ ఉత్తర్వులు జారీ అయ్యాయి.

ఇటీవల సింగపూర్‌లో తన కుమారుడు మార్క్ శంకర్ సమ్మర్ క్యాంప్‌లో అగ్ని ప్రమాదం బారినపడగా, సత్వరం స్పందించి సహాయం అందించారంటూ ప్రధానమంత్రి నరేంద్ర మోడీకి, పీఎంవోకు ఏపీ డిప్యూటీ సీఎం పవన్ కల్యాణ్ కృతజ్ఞతలు తెలిపారు. సింగపూర్ అధికారులు, సింగపూర్ లోని భారత హైకమిషన్ కార్యాలయం సమన్వయంతో అందించిన సహాయం కష్ట సమయంలో ఎంతో భరోసానిచ్చిందని తెలిపారు. ‘అడవి తల్లి బాట’ కార్యక్రమంలో పాల్గొని, ఎన్డీయే ప్రభుత్వం తీసుకువచ్చిన అభివృద్ధి పథకాలను ప్రారంభిస్తుండగా ఈ బాధాకరమైన వార్త తనకు అందిందని తన కుమారుడికి, ప్రమాదంలో చిక్కుకున్న ఇతర పిల్లలకు సకాలంలో సహాయం అందించడం ద్వారా తన కుటుంబానికి ఎంతో ధైర్యం, ఉపశమనం లభించిందని పేర్కొన్నారు. ప్రత్యేకంగా గిరిజనుల జీవితాలను మెరుగుపరచడానికి మీకున్న దార్శనిక నిబద్ధతకు అడవి తల్లి బాట నిదర్శనం. ఈ వర్గాల అవసరాలను తీర్చేందుకు మీరు తీసుకున్న అనేక చర్యలలో ఇది ఒకటి. వారి జీవితాలను మార్చేందుకు మీరు చేస్తున్న…

మంగళగిరి సమీపం చినకాకాని వద్ద వంద పడకల ప్రభుత్వ ఆసుపత్రి నిర్మాణానికి ఏపీ మంత్రి నారా లోకేష్ శంకుస్థాపన చేశారు. కూటమి నేతలతో కలిసి భూమిపూజ నిర్వహించిన అనంతరం శిలఫలకాన్ని ఆవిష్కరించారు. 1984లో స్వర్గీయ అన్న ఎన్టీఆర్ గారు వైవీసీ క్యాన్సర్ ఆసుపత్రి నిర్మాణానికి శంకుస్థాపన సందర్భంగా ఏర్పాటుచేసిన శిలాఫలకం వద్ద లోకేష్ సెల్ఫీ దిగారు. మంగళగిరి పట్టణంలో 40 ఏళ్ల క్రితం 30 పడకల ఆసుపత్రికి అన్న ఎన్టీఆర్ గారు శంకుస్థాపన చేశారు. 40 ఏళ్ల తర్వాత 100 పడకల ఆసుపత్రి నిర్మాణానికి నేను శంకుస్థాపన చేయడం ఆనందంగా ఉందని లోకేష్ పేర్కొన్నారు. మంగళగిరి ప్రజల మూడు దశాబ్దాల కల వంద పడకల ఆసుపత్రి. ఏడాదిలోగా ఆ కలను నెరవేరుస్తామని ఈ సందర్భంగా చెప్పారు.