ప్రభాస్‌తో దర్శకుడు సందీప్‌రెడ్డి వంగా రూపొందించనున్న ‘స్పిరిట్‌’ సినిమా గురించి ఆసక్తికరమైన విషయాలు బయటపడ్డాయి. ఇప్పటి వరకూ ఇండియన్‌ సినిమాల్లో ఎన్నో కాప్‌ కథలు వచ్చినా, ‘స్పిరిట్‌’లో చూపించబోయే పోలీస్‌ పాత్ర పూర్తిగా విభిన్నంగా ఉంటుందని దర్శకుడు స్వయంగా చెప్పారు. “ఇది ఒక కథకుడిగా నా భరోసా – ఈ తరహా పోలీస్‌ను ఇండియన్‌ ఆడియన్స్‌ ఇప్పటివరకు చూడలేదు,” అని సందీప్‌రెడ్డి తెలిపారు. స్క్రిప్ట్ వర్క్ పూర్తయ్యిందనీ, హర్షవర్ధన్‌ రామేశ్వర్‌ మ్యూజిక్‌ సిట్టింగ్స్‌ కూడా పూర్తి చేసారని తెలిపారు. ప్రస్తుతం నటీనటుల ఎంపికపై దృష్టి పెట్టిన సందీప్‌, ఈ చిత్రంలో కొరియన్‌, అమెరికన్‌ నటులూ భాగస్వామ్యం కానున్నట్టు సమాచారం. మరొక హైలైట్ ఏమంటే, మలయాళ సూపర్‌స్టార్‌ మమ్ముట్టి ఇందులో కీలక పాత్ర పోషించనున్నారు. ఆయన పాత్ర అత్యంత శక్తివంతంగా ఉండనుందని చిత్రబృందం చెబుతోంది. ‘స్పిరిట్‌’ షూటింగ్ ఈ ఏడాది ద్వితీయార్థంలో మొదలవనుంది. టి-సిరీస్ మరియు భద్రకాళి పిక్చర్స్‌ సంయుక్తంగా ఈ ప్రతిష్టాత్మక…
Author: admin
హైదరాబాద్‌లోని కంచె గచ్చిబౌలి భూముల వ్యవహారంపై ప్రధాని నరేంద్ర మోదీ తీవ్ర వ్యాఖ్యలు చేశారు.వన్యప్రాణుల ప్రాణాలకు హాని చేస్తూ, ప్రకృతిని నాశనం చేయడం కాంగ్రెస్ పాలనకు నిదర్శనమని ఆయన విమర్శించారు.హరియాణాలోని యమునా నగర్‌లో 800 మెగావాట్ల థర్మల్‌ పవర్‌ ప్లాంట్‌ శంకుస్థాపన సందర్భంగా ఆయన ఈ వ్యాఖ్యలు చేశారు.కాంగ్రెస్ పాలనను మర్చిపోవద్దని, 2014కు ముందు దేశాన్ని అంధకారంలోకి నెట్టిన విధానాలు ఇప్పటికీ కొన్ని రాష్ట్రాల్లో కొనసాగుతున్నాయని అన్నారు.హిమాచల్ ప్రదేశ్‌లో పనులు ఆగిపోయాయని,కర్ణాటకలో అవినీతి నంబర్‌వన్ స్థాయికి చేరిందని ఆరోపించారు. తెలంగాణలో గ్యారంటీల పేరిట ప్రజలను మోసం చేసి, అడవుల్లో బుల్డోజర్లు నడిపిస్తున్నారని మండిపడ్డారు. కాంగ్రెస్ ప్రభుత్వం ప్రకృతిని ధ్వంసం చేస్తోంది, వన్యప్రాణులకు హాని కలిగిస్తోంది అని ఆగ్రహం వ్యక్తం చేశారు. తాము పర్యావరణాన్ని కాపాడుతుంటే, కాంగ్రెస్ అటవీ సంపదను నాశనం చేస్తోందని విమర్శించారు. అధికారంలోకి వచ్చి హామీల అమలుపై శ్రద్ధ వహించకుండా ప్రకృతిని ధ్వంసించడమే ముఖ్యంగా చేసుకున్నదని ప్రధాని అన్నారు.
వీసాల గడువు ముగిసిన తర్వాత కూడా భారతదేశంలో అక్రమంగా ఉండిపోయిన 15 మంది విదేశీయులను అధికారులు గుర్తించి దేశం నుంచి పంపించేశారు.వీరిలో 12 మంది నైజీరియన్‌లు, ఇద్దరు బంగ్లాదేశీయులు, మరొకరు ఐవరీ కోస్ట్‌కు చెందినవారు ఉన్నారు.ఢిల్లీలోని మోహన్‌ గార్డెన్, ఉత్తమ్‌నగర్‌ ప్రాంతాల్లో ప్రత్యేక ఆపరేషన్‌ నిర్వహించిన పోలీసులు వీరిని పట్టుకున్నారు.ఆ తర్వాత వీరిని డిటెన్షన్‌ కేంద్రాలకు తరలించి, విచారణ నిర్వహించారు.విచారణలో వీరు వీసా గడువు దాటినా స్వదేశాలకు తిరిగి వెళ్లకుండా అక్రమంగా నివసిస్తున్నట్టు నిర్ధారణ అయ్యింది. దాంతో ఫారినర్స్‌ రీజనల్‌ రిజిస్ట్రేషన్‌ ఆఫీస్‌ (FRRO) ఆదేశాల మేరకు వీరిని స్వదేశాలకు పంపారు.ఈ చర్యను అధికారులు గట్టిగా అమలు చేస్తూ, దేశ భద్రతకు సంబంధించిన అంశాల్లో ఎలాంటి అజాగ్రత్తలూ తీసుకోబోమని స్పష్టం చేశారు. దేశ భద్రతను కాపాడేందుకు ఇలాంటి ఆపరేషన్‌లు కొనసాగుతాయని పేర్కొన్నారు.
భారత రాజవంశానికి చెందిన గోల్కొండ బ్లూ డైమండ్‌ త్వరలో వేలం వేయనున్నారు.గోల్కొండ గనుల్లో లభించిన ఈ అరుదైన నీలి వజ్రం 23.24 క్యారెట్స్‌ బరువు కలిగి ఉంది.దీని విలువ సుమారుగా రూ.300 కోట్లు నుంచి రూ.430 కోట్ల వరకు ఉండొచ్చని వజ్రాల డిజైనింగ్‌ సంస్థ జార్‌ వెల్లడించింది. ఈ బ్లూ డైమండ్‌ను అమెరికాలోని క్రిస్టీస్ సంస్థ మే 14న స్విట్జర్లాండ్‌లోని జనీవా నగరంలో వేలం వేయనుంది.ఒకప్పుడు ఇది ఇండోర్ మహారాజుకు చెందిన ఉంగరంలో పొదిగిఉండేది. ఇప్పుడు అదే ఉంగరం వేలానికి రావడం అరుదైన పరిణామంగా చర్చనీయాంశమైంది.డైమండ్‌ రంగంలో ప్రఖ్యాతమైన క్రిస్టీస్ సంస్థ ఆధ్వర్యంలో జరుగుతున్న ఈ వేలం అంతర్జాతీయంగా ఆసక్తిని రేపుతోంది. గోల్కొండ గనులు ఇటీవలి శతాబ్దాల్లో ప్రపంచాన్ని దిమ్మతిరిగే వజ్రాలను అందించిన ప్రసిద్ధికెక్కిన ప్రదేశాలు.ఈ డైమండ్‌ భారత ప్రాచీన వారసత్వానికి ప్రతీకగా నిలుస్తోంది.వేలం ద్వారా ఈ వజ్రానికి నూతన యజమాని లభించనున్నాడు.
ఉత్తర అట్లాంటిక్ మహాసముద్రంలో ఉన్న ఫారో దీవులు ఇప్పుడు ప్రపంచ శక్తి రంగంలో నూతన శోధనలకు కేంద్రంగా మారుతున్నాయి.బ్రిటన్‌కు సమీపంగా ఉన్న ఈ చిన్న దీవులు,భూమి మీద నుంచే చంద్రుడి గురుత్వ శక్తిని ఉపయోగించి విద్యుత్ ఉత్పత్తి చేయాలని వినూత్న ప్రాజెక్టును ప్రారంభించాయి.చంద్రుడి కారణంగా సముద్రాల్లో ఏర్పడే అలల శక్తిని విద్యుతుగా మార్చే ప్రయత్నం ఈ కార్యక్రమంలో భాగం. అలల శక్తిని విద్యుతుగా మార్చే టెక్నాలజీ:- ఈ ప్రాజెక్టులో భాగంగా ఫారో దీవులు ప్రముఖ బేరింగ్ తయారీ సంస్థ ఎస్కేఎఫ్ (SKF) మరియు సముద్ర శక్తి అభివృద్ధి సంస్థ మినెస్టో (Minesto)తో కలిసి పనిచేస్తున్నాయి. సముద్రపు గర్భంలో లూనా (LUNA) అనే గాలిపటాన్ని ఉపయోగించి అలల శక్తిని సేకరిస్తున్నారు. ఈ గాలిపటం ఎప్పటికప్పుడు అలలను పట్టుకొని నిరంతర విద్యుత్ ఉత్పత్తి చేస్తుంది. ఒక్క లూనా పరికరం సుమారు 1.2 మెగావాట్ల విద్యుత్‌ను ఉత్పత్తి చేయగలదు.ప్రస్తుతం ఈ టెక్నాలజీ ద్వారా 200 గృహాలకు…
ప్రపంచవ్యాప్తంగా తమకంటూ ఒక ప్రత్యేక స్థానం సంపాదించుకున్న టెక్ దిగ్గజం యాపిల్. ఈ ఫోన్లకు ఉన్న గిరాకీ గురించి చెప్పాల్సిన అవసరమే లేదు. అయితే తమ ఉత్పత్తుల కోసం యాపిల్ ఎక్కువగా ఎందుకు చైనా పైనే ఆధారపడుతుంది అనే దానికి ఆ సంస్థ సీఈఓ టిమ్ కుక్ మాట్లాడిన పాత వీడియో ఒకటి సోషల్ మీడియా లో వైరల్ అవుతోంది. అక్కడ అత్యంత స్కిల్ కలిగిన కార్మికులు ఒకే చోట లభించడం కంపెనీలకు అడ్వాంటేజ్ అని పేర్కొన్నారు. యాపిల్ ఉత్పత్తికి అత్యాధునిక టూల్స్, అత్యంత కచ్చితత్వం అవసరమని పరికరాల వినియోగంలో నిపుణుల విషయంలో చైనా ముందుందని తెలిపారు. అమెరికాతో పోలిస్తే చైనాలో టూలింగ్ నిపుణులు ఎక్కువని తెలిపారు. చైనాలోని తయారీ రంగ నెట్వర్క్ పై యాపిల్ ఆధారపడుతోంది. అదే సమయంలో ఇతర మార్కెట్ల పై కూడా దృష్టి పెడుతోంది. ముఖ్యంగా భారత్ లోని ఎలక్ట్రానిక్స్ తయారీ రంగం బలపడుతోంది దీంతో ఇక్కడ…
వక్ఫ్ సవరణ చట్టాన్ని వ్యతిరేకిస్తూ కాంగ్రెస్ చేస్తున్న నిరసనలపై ప్రధాని మోడీ ఫైర్ అయ్యారు. కాంగ్రెస్ అధికారం కోసం పవిత్రమైన రాజ్యాంగాన్ని ఆయుధంలా వాడుకుంటూ ఓటు బ్యాంకు వైరస్ ను వ్యాప్తి చేసిందని అన్నారు. ముస్లింలకు మద్దతుగా నిరసనలు చేస్తున్న కాంగ్రెస్ అధికారంలో ఉన్నపుడు ఎందుకు వారికి పార్టీలో ఉన్నత పదవులు ఇవ్వలేదని ప్రశ్నించారు. ముస్లిం అభ్యర్థులకు 50 శాతం టికెట్లు ఎందుకు రిజర్వ్ చేయలేదని దుయ్యబట్టారు. హార్యానా లోని హిస్సార్ ఎయిర్ పోర్ట్ ప్రారంభోత్సవంలో ప్రధాని మోడీ మాట్లాడారు. రాష్ట్ర అభివృద్ధిలో ఈ ఎయిర్ పోర్ట్ ఒక ముఖ్యమైన మైలురాయిగా నిలుస్తుందన్నారు. రాజ్యాంగ నిర్మాత డా. బీఆర్ అంబేద్కర్ ను ఈసందర్భంగా గుర్తు చేసుకున్నారు. ఆయన పాటించిన విధానాలే తమ ప్రభుత్వానికి స్ఫూర్తినిస్తున్నాయన్నారు. అయితే దేశ ప్రజల కోసం ఆయన రూపొందించిన రాజ్యాంగాన్ని కాంగ్రెస్ అధికారం పొందేందుకు ఒక సాధనంగా వాడుకుంటోందని విమర్శించారు. ఇందిరాగాంధీ హయాంలో ఎమర్జెన్సీ విధించిన సమయంలో…
రాజ్యాంగ నిర్మాత డాక్టర్ బి.ఆర్ అంబేద్కర్ జయంతి సందర్భంగా, తాడికొండ నియోజకవర్గం పొన్నెకల్లులో ఏపీ సీఎం చంద్రబాబు పర్యటించారు . ఈసందర్భంగా ఆయన విగ్రహానికి పూలమాలవేసి ఘన నివాళులు అర్పించి జయంతి కార్యక్రమంలో పాల్గొన్నారు. గ్రామంలో పలు అభివృద్ధి కార్యక్రమాలకు సీఎం శంకుస్థాపన చేశారు. అంబేడ్కర్ చిత్రపటాల ప్రదర్శనను చూశారు. అనంతరం పీ4 కార్యక్రమాల లబ్దిదారులతో చంద్రబాబు భేటీ అయ్యారు. మార్గదర్శులు, బంగారు కుటుంబం లబ్దిదారులతో ముఖాముఖి మాట్లాడారు. స్వయం సహాయక సంఘాల మహిళలతో సీఎం మాట్లాడి వారి కష్టసుఖాలు తెలుసుకున్నారు. విదేశీ విద్యాదీవెన కోసం గతంలో రూ.467 కోట్లు ఖర్చు చేసినట్లు తెలిపారు. ఎస్సీల ఆదాయం పెంచే దిశగా ప్రత్యేక కార్యక్రమాలు చేస్తున్నామని తెలిపారు. సమాజంలో ఉన్నత స్థాయికి ఎదిగిన వారు పేదలను ఆదుకోవాలని కోరారు. విజన్ 2047 ద్వారా స్వర్ణాంధ్రప్రదేశ్ సాధన కోసం కృషి చేస్తున్నాం. ప్రపంచంలో చాలా మంది తెలుగువారు ఉన్నారు. ప్రవాసాంధ్రులు రాష్ట్ర అభివృద్ధికి సహకరించాలని…
కూటమి ప్రభుత్వానికి భూదోపిడిపై పెట్టే శ్రద్ధ.. ప్రజా రాజధాని అమరావతి నిర్మాణంపై పెట్టడం లేదని ఏపీసీసీ చీఫ్ షర్మిల ఆరోపించారు. సేకరించిన భూముల్లో ముందు రాజధాని కట్టాలన్న చిత్తశుద్ధి లేదని రాజధాని అమరావతి పేరుతో సేకరించిన 34 వేల ఎకరాల్లో అభివృద్ధికే దిక్కులేదు పునరుజ్జీవనం పేరుతో ఇప్పుడు మరో 44 వేల ఎకరాలు అర్జెంటుగా అవసరం వచ్చిందట అని సోషల్ మీడియా ‘ఎక్స్’ లో సెటైర్ లు వేశారు. అరచేతిలో వైకుంఠం చూపించడం, AI పేరుతో గ్రాఫిక్స్ మాయ చేయడం, లేనిది ఉన్నట్లు నమ్మించడం ఒక్క బాబు గారికే తెలిసిన విద్య అంటూ ఎద్దేవా చేశారు. రాజధాని విస్తరణ పేరుతో, విలువైన రైతుల భూములను మళ్ళీ అగ్గువకే కాజేసి, తన అనుయాయులకు కట్టబెట్టి, రియల్ ఎస్టేట్ వ్యాపారం చేయాలని చూసే కుట్ర తప్పా మరోటి కాదని ఆమె ఆరోపించారు. రాజధాని విస్తరణకు భూములు సేకరించడం తప్పు కాదు. అఖండ అమరావతికి మోకాలడ్డు…
భారత రక్షణ రంగం మరో కీలక ముందడుగు వేసింది.30 కిలోవాట్ల శక్తి కలిగిన లేజర్‌ ఆధారిత ఆయుధ వ్యవస్థను డీఆర్‌డీవో విజయవంతంగా పరీక్షించింది.కర్నూలులో జరిగిన ఈ పరీక్షలో, డీఈడబ్ల్యూ ఎంకే–2(ఏ) అనే ఆయుధం యూఏవీలు, డ్రోన్లను లక్ష్యంగా చేసుకొని నేలకూల్చింది.ఈ ఆయుధం 5 కి.మీ దూరంలోని లక్ష్యాలను సులభంగా ఛేదించగలదు.విమానాలు, క్షిపణులు,డ్రోన్లను కేవలం లేజర్‌ కిరణాలతో ఛేదించడం ద్వారా,ఇది భవిష్యత్తు యుద్ధాలలో కీలక భూమిక పోషించనుంది.అమెరికా,చైనా,రష్యా, ఇజ్రాయెల్ వంటి అగ్రరాజ్యాల సరసన భారత్ నిలిచింది.కమ్యూనికేషన్‌ జామింగ్‌,శాటిలైట్‌ సిగ్నల్స్‌ నిలిపివేత వంటి ఎలక్ట్రానిక్‌ యుద్ధ నైపుణ్యం దీనిలో ఉంది.ఇది రోడ్డు,రైలు,సముద్రం, గగన మార్గాల్లో ప్రయోగించగలదు.పూర్తిగా స్వదేశీ సాంకేతికతతో అభివృద్ధి చేయబడిన ఈ ఆయుధం,దేశం కోసం ఒక గొప్ప ఆవిష్కరణగా నిలుస్తోంది.ప్రస్తుతం దీని పునర్వికాస దశలో 20 కి.మీ దూరం వరకు ఛేదించే సూర్యా లేజర్‌ ఆయుధాన్ని కూడా అభివృద్ధి చేస్తున్నారు.