Author: admin

ప్రపంచంలోని కాలుష్య నగరాల్లో ఒకటిగా ఉన్న దేశ రాజధాని ఢిల్లీ లోని వాయు కాలుష్యంపై తాజాగా కేంద్ర మంత్రి నితిన్ గడ్కరీ చేసిన వ్యాఖ్యలు మరోసారి కాలుష్య తీవ్రతను తెలియజేస్తున్నాయి. ఒక కార్యక్రమంలో ఆయన మాట్లాడుతూ మూడు రోజులు ఢిల్లీలో ఉంటే అనారోగ్యం ఖాయమని అన్నారు. ఢిల్లీ, ముంబై నగరాలు రెడ్ జోన్ లో ఉన్నాయన్నారు. ఢిల్లీలో పరిస్థితి ఇదే విధంగా కొనసాగితే అక్కడి ప్రజల ఆయుర్దాయం 10 ఏళ్లు తగ్గుతుందని హెల్త్ రీసెర్చ్ ను ఉటంకించారు. ప్రజలు ఇప్పటికైనా ఇంధనం వినియోగాన్ని తగ్గించాలని సూచించారు . పర్యావరణానికి కూడా మౌలిక సదుపాయాల కల్పన, ఆర్థిక వ్యవస్థలలాగా ముఖ్యమైన విషయాల్లో ఒకటిగా పరిగణలోకి తీసుకోవాలని పేర్కొన్నారు. దాదాపుగా రూ.22 లక్షల కోట్ల విలువైన శిలాజ ఇంధనాలు దిగుమతి చేసుకుంటున్నామని వాటికి ప్రత్యామ్నాయంగా ఇతర ఇంధనాలపై దృష్టి పెట్టాల్సిన ఆవశ్యకత ఉందన్నారు. 5 ట్రిలియన్ డాలర్ల ఆర్థిక వ్యవస్థ వైపు దూసుకుపోతున్న భారత్…

తమిళనాడు ప్రభుత్వం,గవర్నర్ ఆర్‌.ఎన్‌.రవి మధ్య బిల్లుల ఆమోదంపై తలెత్తిన విభేదాల నేపథ్యంలో ముఖ్యమంత్రి ఎంకే స్టాలిన్ నేతృత్వంలోని ప్రభుత్వం స్వయం ప్రతిపత్తిపై దృష్టి పెట్టింది.ఈ లక్ష్యంతో సుప్రీంకోర్టు మాజీ న్యాయమూర్తి కురియన్ జోసెఫ్ నేతృత్వంలో ఒక ఉన్నత స్థాయి కమిటీని ఏర్పాటు చేసింది.ఈ కమిటీలో మాజీ ఐఏఎస్ అధికారి అశోక్ వర్ధన్ శెట్టి, రాష్ట్ర ప్రణాళికా సంఘం మాజీ ఉపాధ్యక్షుడు ఎం.నాగనాథన్ సభ్యులుగా ఉన్నారు.రాష్ట్రానికి స్వయం నిర్ణయాధికారం లభించేలా చర్యలు ఏవి అవసరమో ఈ కమిటీ రెండేళ్లలో నివేదిక సమర్పించనుంది. తమిళనాడు ప్రభుత్వం అసెంబ్లీ ఆమోదించిన పలు బిల్లులను గవర్నర్ ఆమోదించకపోవడం, తిరిగి ఆమోదించిన బిల్లులను రాష్ట్రపతికి పంపడం రాజ్యాంగ విరుద్ధమని సుప్రీంకోర్టు పేర్కొంది. ఏప్రిల్ 8న ఇచ్చిన ఈ తీర్పులో, గవర్నర్ ఈ చర్య ద్వారా ఆర్టికల్ 200ను ఉల్లంఘించారని స్పష్టం చేసింది. రాజ్యాంగ ప్రకారం, శాసనసభ మళ్లీ ఆమోదించిన బిల్లును గవర్నర్ తప్పనిసరిగా ఆమోదించాల్సి ఉంటుంది. ఇది న్యాయపరంగా…

ఆర్థికవృద్ధి రేటులో దేశంలోనే రెండో స్థానం ఆంధ్రప్రదేశ్ రాష్ట్రం సాధించిందని జిఎస్డీపీ సర్వే వెల్లడించింది. 2024-25 ఆర్థిక వృద్ధిరేటులో జీఎన్డీపి భారత ప్రభుత్వ సర్వే ప్రకా ప్రకారం దేశంలోనే ద్వితీయ స్థానంలో నిలిచింది. రాష్ట్రంలో మౌలిక సదుపాయాల కల్పన, పెట్టుబడుల ఆకర్షణ కోసం ఏపీ ప్రభుత్వం చేస్తున్న కృషి, కఠోర శ్రమకు ఇది నిదర్శనమని విశ్లేషకులు అంటున్నారు. త్వరలో ప్రథమ స్థానానికి చేరుకుంటామనడానికి కూడా ఇది ఒక సంకేతంగా పేర్కొంటున్నారు. దీనిపై ఏపీ సీఎం చంద్రబాబు కూడా సానుకూలంగా స్పందిస్తూనే నంబర్ 2 అంటే మనం ఇంకా కష్టపడి పని చేయాలని పేర్కొన్నారు. In my first tenure as CM of AP in the 1990s, I remember Hyderabad started out as second to Bangalore. Today Hyderabad is the No. 1 city in India in all parameters. Today is…

అయోధ్య శ్రీరామ జన్మభూమి ఆలయ నిర్మాణ కమిటీ కీలక నిర్ణయాలు తీసుకుంది. ఆలయ నిర్మాణ కమిటీ చైర్ పర్సన్ నృపేంద్ర మిశ్రా తెలిపారు. ఆలయం చుట్టూ రక్షణగా 4 కిమీ ప్రహరీ గోడ నిర్మించాలని నిర్ణయించారు. ఇది 18 నెలల్లో పూర్తి చేయాలని భావిస్తున్నారు. ఈ గోడను ఇంజినీర్స్ ఇండియా సంస్థ నిర్మిస్తోందని దాని ఎత్తు, వెడల్పు , డిజైన్ వంటివి నిర్ణయించినట్లు తెలిపారు. సాయిల్ టెస్టు తర్వాత పని ప్రారంభించనున్నట్లు తెలిపారు. ఆలయ నిర్మాణ కమిటీ సమావేశంలో మూడో రోజు పలు కీలక విషయాలపై చర్చించారు. ప్రధానంగా ఆలయ నిర్మాణంలో పురోగతి, కొత్తగా చేసిన భద్రతా ఏర్పాట్లు, విగ్రహాల ప్రతిష్ఠాపన, ఆలయ పరిసరాల్లో అభివృద్ధి వంటి విషయాలు సమావేశంలో చర్చించారు. మందిర నిర్మాణం మరో ఆరు నెలల్లో అన్ని విధాలుగా పూర్తవుతుందని తెలిపారు. రామాలయ సముదాయంలోనే 10 ఎకరాల్లో ధ్యాన మందిరాన్ని నిర్మిస్తామని తెలిపారు. ప్రయాణికుల సౌకర్యార్థం మరో 10…

కాంగ్రెస్ అగ్రనేత, వయనాడ్ ఎంపీ ప్రియాంక గాంధీ భర్త రాబర్ట్ వాద్రాకు ఎన్ఫోర్స్మెంట్ డైరెక్టరేట్ (ఈడీ) సమన్లు జారీ చేసింది. హర్యానాలోని ల్యాండ్ అగ్రిమెంట్ కేసుకు సంబంధించిన కేసులో సమన్లు జారీ చేసినట్లు తెలుస్తోంది. నోటీసులు అందుకున్న వాద్రా ఈడీ విచారణకు హాజరయ్యారు. ఈ నేపథ్యంలో ఆయన మీడియాతో మాట్లాడారు. ఇది బీజేపీ రాజకీయ ప్రతీకారంతో చేసిన చర్య అని తాను ప్రజల పక్షాన తన గొంతు వినిపించిన ప్రతిసారి దానిని అణిచివేసేందుకు ప్రయత్నిస్తున్నారని ఆరోపించారు. ఈడీ విచారణకు సహకరిస్తానని అడిగే ప్రశ్నలకు సమాధానం ఇస్తానని పేర్కొన్నారు. |

ప్రముఖ పుణ్యక్షేత్రం శబరిమల ఆలయంలో ట్రావెన్ కోర్ దేవస్థానం బోర్డు ఆవిష్కరించిన అయ్యప్పస్వామి రూపం ఉన్న గోల్డ్ లాకెట్ల విక్రయాలు ప్రారంభమయ్యాయి. కేరళ దేవాదాయ శాఖ మంత్రి వీ.ఎన్. వాసవన్ పవిత్ర విషు పర్వదినం సందర్భంగా నిన్న ఈ కార్యక్రమం ప్రారంభించారు. ఆంధ్రప్రదేశ్ కు చెందిన భక్తుడు ఆన్ లైన్ ద్వారా మొదటి లాకెట్ ను కొనుగోలు చేశారు. శబరిమల ఆలయ గర్భగుడిలో పూజించిన ఈ లాకెట్లను దేవస్థానం భక్తులకు అమ్ముతోంది. అయ్యప్ప 2 గ్రాముల లాకెట్ రూ.19,300, 4 గ్రాముల లాకెట్ రూ.38,600, 8 గ్రాముల లాకెట్ రూ.77,200గా నిర్ణయించారు.

ఇంకా ఎన్నాళ్లు ఆడతాడు, జట్టుకు భారంగా మారాడు అని వస్తున్న విమర్శలకు తన ఆటతీరుతో ధీటైన సమాధానం ఇచ్చాడు భారత మాజీ కెప్టెన్, ఐపీఎల్ లో చెన్నై సూపర్ కింగ్స్ కు సీనియర్ ఆటగాడిగా, కెప్టెన్ గా వ్యవహరిస్తున్న మహేంద్ర సింగ్ ధోనీ నిన్న ల‌క్నో సూప‌ర్ జెయింట్స్ తో జ‌రిగిన మ్యాచ్‌లో ధోనీ చెన్నై విజయంలో కీల‌క‌పాత్ర పోషించాడు. కీపింగ్ లో బ్యాటింగ్ లో సత్తా చాటాడు. 11 బంతుల్లోనే 26 ప‌రుగులు చేసి, ‘ప్లేయ‌ర్ ఆఫ్ ది మ్యాచ్’ అవార్డు గెలుచుకున్నాడు. దీంతో ఐపీఎల్ చ‌రిత్ర‌లో ఈ అవార్డు అందుకున్న ఓల్డెస్ట్ ప్లేయ‌ర్ (43 ఏళ్ల 281 రోజులు)గా ధోనీ నిలిచాడు. ఇదివరకు ఈ రికార్డు స్పిన్న‌ర్ ప్ర‌వీణ్ తాంబే (43 ఏళ్ల 60 రోజులు) పేరిట ఉండేది. ఇక మరిన్ని రికార్డులు తన పేరిట లిఖించాడు. ఐపీఎల్‌లో 200 డిస్మిసల్స్ (స్టంపౌట్లు, ర‌నౌట్లు, క్యాచ్‌లు) చేసిన తొలి…

దిగ్గజ నటుడు, మక్కల్ నీది మయ్యం పార్టీ అధినేత కమల్ హాసన్ త్వరలో రాజ్యసభ సభకు వెళ్లనున్నారు. మక్కల్ నీది మయ్యం పార్టీ ఉపాధ్యక్షుడు తంగవేల్ దీనిపై కీలక ప్రకటన చేశారు. తమిళనాడులోని కోయంబత్తూరులో తాజాగా జరిగిన అంబేద్కర్ జయంతి వేడుకల్లో పాల్గొన్న తంగవేల్ మీడియాతో మాట్లాడుతూ, కమల్ హాసన్‌ను రాజ్యసభకు పంపాలని పార్టీ ఏకగ్రీవంగా తీర్మానించిందని తెలిపారు. త్వరలో రాజ్యసభ సభ్యుడిగా పదవీ బాధ్యతలు చేపట్టనున్నారని ఆయన స్పష్టం చేశారు. 2021 అసెంబ్లీ ఎన్నికల్లో డీఎంకేతో పొత్తుపెట్టుకున్న మక్కళ్ నీది మయ్యం పార్టీకి రాజ్యసభ సీటు ఒకటి కేటాయించేలా ఒప్పందం కుదిరింది. డీఎంకేకు చెందిన ఇద్దరు రాజ్యసభ సభ్యుల పదవీకాలం జులైలో ముగియనుంది. ఒకరి స్థానంలో కమల్ హాసన్ కు అవకాశం కల్పించవచ్చని వార్తలు వస్తున్నాయి.

ఇటీవల బ్యూనస్ ఎయిర్స్ లో జరిగిన వరల్డ్ కప్ ఫస్ట్ స్టేజ్ టోర్నీలో మంచి ప్రదర్శన కనబరిచిన భారత షూటర్లు మరో టోర్నీకి సమాయత్తమయ్యారు. నేటి నుండి ప్రారంభం కానున్న స్టేజ్-2 పోటీల బరిలోకి దిగనున్నారు. మొదటి రోజు పిస్టల్ విభాగంలో మను బాకర్, సురుచి, సైన్యం, సౌరభ్ చౌదరి, వరుణ్ తోమర్, రవీందర్ పోటీలో ఉన్నారు. మొత్తం పిస్టల్, రైఫిల్, షాల్గన్ విభాగాల్లో 43 దేశాల నుండి 400పైగా షూటర్లు ఈ టోర్నీలో పోటీపడుతున్నారు. 35 మంది సభ్యులతో కూడిన భారత టీమ్ 15 విభాగాల్లో పోటీలో ఉంది. బ్యూనస్ఎయిర్స్ లో నాలుగు గోల్డ్ మెడల్స్ సహా ఎనిమిది మెడల్స్ గెలుచుకున్న సంగతి తెలిసిందే.

లక్నో సూపర్ జెయింట్స్: 166-7 (20). చెన్నై సూపర్ కింగ్స్:168-5 (19.3). ఈ సీజన్ లో వరుస పరాజయాలతో సతమతమవుతున్న చెన్నై సూపర్ కింగ్స్ ఎట్టకేలకు మరో విజయం సాధించి తిరిగి తన సత్తా చాటింది. తాజాగా లక్నో వేదికగా లక్నో సూపర్ జెయింట్స్ తో జరిగిన మ్యాచ్ లో 5 వికెట్ల తేడాతో విజయం సాధించింది. ఆఖర్లో కెప్టెన్ ధోనీ మెరుపులు చెన్నై అభిమానులకు అదనపు ఆనందాన్నిచ్చాయి. మ్యాచ్ లో టాస్ ఓడి మొదట బ్యాటింగ్ చేసిన లక్నో సూపర్ జెయింట్స్ జట్టు నిర్ణీత 20 ఓవర్లలో 7 వికెట్ల నష్టానికి 166 పరుగులు చేసింది. చెన్నై బౌలర్లు కట్టుదిట్టంగా బౌలింగ్ చేసి తక్కువ స్కోరుకే లక్నోను పరిమితం చేశారు. రిషబ్ పంత్ 63 (49; 4×4, 4×6) హాఫ్ సెంచరీ చేసి కెప్టెన్ ఇన్నింగ్స్ తో ఆకట్టుకున్నాడు. మిచెల్ మార్ష్ 30 (25; 2×4, 2×6), ఆయుష్ బదోనీ…