Author: admin

అనకాపల్లి జిల్లా, కోటవురట్లలో బాణసంచా తయారీ కేంద్రంలో అగ్నిప్రమాదం చోటుచేసుకుంది. ఈ ప్రమాదంలో ఆరుగురు కార్మికులు మృతి చెందడం పట్ల ఏపీ సీఎం చంద్రబాబు దిగ్భ్రాంతి వ్యక్తం చేశారు. మృతుల సంఖ్య పెరిగే అవకాశం ఉందన్న సమాచారం ఆందోళన కలిగించిందన్నారు. ఘటనపై జిల్లా కలెక్టర్, ఎస్పీ, హోంమంత్రి శ్రీమతి అనితతో ఫోన్‌లో మాట్లాడారు. ప్రమాదంలో గాయపడిన వారికి మెరుగైన వైద్య సేవలు అందించాలని ఆదేశించారు. అగ్నిప్రమాద సమయంలో కర్మాగారంలో ఎంతమంది కార్మికులు ఉన్నారు, వారి పరిస్థితి ప్రస్తుతం ఎలా ఉందని ఆరా తీశారు. బాధిత కుటుంబాలను ఆదుకుంటాము. ధైర్యంగా ఉండాలని కోరారు. ఘటనపై విచారణ చేసి నివేదించాలని ఆదేశించారు.

పంజాబ్ కింగ్స్:245-6 (20). సన్ రైజర్స్ హైదరాబాద్:247-2 (18.3). సన్ రైజర్స్ హైదరాబాద్ జూలు విదిలించింది. వరుస పరాజయాలకు అడ్డుకట్ట వేస్తూ భారీ లక్ష్యాన్ని ఛేదించి మరోసారి తన స్టామినా చూపింది. ఉప్పల్ స్టేడియం వేదికగా పంజాబ్ కింగ్స్ తో జరిగిన మ్యాచ్ లో 8 వికెట్ల తేడాతో ఘన విజయం సాధించి ట్రోఫీ రేసులో తగ్గేదేలేదని తేల్చి చెప్పింది. మ్యాచ్ లో టాస్ గెలిచి మొదట బ్యాటింగ్ చేసిన పంజాబ్ కింగ్స్ నిర్ణీత 20 ఓవర్లలో 6 వికెట్లకు 245 పరుగులు చేసింది. కెప్టెన్ శ్రేయాస్ అయ్యర్ 82 (36; 6×4, 6×6) టాప్ స్కోరర్. ప్రభ్ సిమ్రాన్ 42 (23; 7×4, 1×6) , స్టోయినీస్ 34 నాటౌట్ (11; 1×4, 4×6), నేహాల్ వధేరా 27 (22; 2×4, 1×6) పరుగులు చేయడంతో భారీ లక్ష్యాన్ని హైదరాబాద్ ముందుంచింది. అయితే ఈ టార్గెట్ హైదరాబాద్ కు ఏమాత్రం…

గుజరాత్ టైటాన్స్: 180-6 (20). లక్నో సూపర్ జెయింట్స్:186-4 (19.3). ఐపీఎల్ సీజన్ 18 లో భాగంగా నేడు గుజరాత్ టైటాన్స్-లక్నో సూపర్ జెయింట్స్ జట్ల మధ్య జరిగిన మ్యాచ్ లో లక్నో 6 వికెట్ల తేడాతో విజయం సాధించింది. మ్యాచ్ లో ముందు బ్యాటింగ్ చేసిన గుజరాత్ టైటాన్స్ నిర్ణీత 20 ఓవర్లలో 6 వికెట్ల నష్టానికి 180 పరుగులు చేసింది. శుభ్ మాన్ గిల్ 60 (38; 6×4, 1×6), సాయి సుదర్శన్ 56 (37; 7×4, 1×6) హాఫ్ సెంచరీలతో రాణించారు. లక్నో బౌలర్లలో శార్థుల్ ఠాకూర్ 2 వికెట్లు, రవి బిష్ణోయ్ 2 వికెట్లు, దిగ్వేష్ రాఠీ, ఆవేష్ ఖాన్ ఒక్కో వికెట్ చొప్పున పడగొట్టారు. అనంతరం లక్ష్య ఛేదనలో లక్నో మరో మూడు బంతులు మిగిలి ఉండగానే 4 వికెట్లు మాత్రమే కోల్పోయి 186 పరుగులు చేసింది. నికోలస్ పూరన్ 61 (34; 1×4,…

తమిళనాడు రాష్ట్ర బీజేపీ అధ్యక్షుడిగా తిరునల్వేలి శాసనసభ్యుడు నైనార్ నాగేంద్రన్ ఎన్నికయ్యారు. చెన్నైలో జరిగిన పార్టీ సమావేశంలో కేంద్ర మంత్రి కిషన్ రెడ్డి, పార్టీ జాతీయ ప్రధాన కార్యదర్శి తరుణ్ చుగ్ ఈమేరకు ప్రకటన చేశారు. 2026 తమిళనాడులో అసెంబ్లీ ఎన్నికలు జరగనున్న నేపథ్యంలో బీజేపీ, అన్నాడీఎంకే ఇటీవలే పొత్తు పెట్టుకున్న సంగతి తెలిసిందే. కన్యాకుమారి జిల్లాలోని నాగర్‌కోయిల్ సమీపం వడివీశ్వరంలో 1960లో నాగేంద్రన్ జన్మించారు. ఆయన మొదట అన్నాడీఎంకేలో ఉండగా, ఆ తర్వాత బీజేపీలో చేరారు. 2020 జులై నుండి ఆయన బీజేపీ రాష్ట్ర ఉపాధ్యక్షుడిగా కొనసాగుతున్నారు. గతంలో జయలలిత, పన్నీరుసెల్వం ప్రభుత్వాలలో పలు శాఖలకు మంత్రిగా పనిచేశారు.

అలహాబాద్ హైకోర్టు కీలక తీర్పులో అరెస్టు సమయంలో కారణాలు తెలియజేయకపోతే అది రాజ్యాంగ ఉల్లంఘనగా పరిగణించాలన్నారు.రాజ్యాంగంలోని ఆర్టికల్ 22(1) ప్రకారం, అరెస్టైన వ్యక్తికి కారణాలు స్పష్టంగా,అతడికి అర్థమయ్యే భాషలో తెలియజేయాల్సి ఉంటుందని పేర్కొన్నారు.ఉత్తరప్రదేశ్‌కు చెందిన మంజీత్ సింగ్‌పై ఫిబ్రవరిలో నమోదైన కేసులో ఆయనను అరెస్ట్ చేసినపుడు కారణాలు తెలపలేదని పిటిషన్ దాఖలైంది.ఈ నేపథ్యంలో 2024 డిసెంబర్ 26న జారీ చేసిన రిమాండ్ ఆర్డర్‌ను హైకోర్టు రద్దు చేసింది.మంజీత్ సింగ్ అరెస్ట్‌ను ఏప్రిల్ 9న హైకోర్టు నిలిపివేసింది.చట్టబద్ధమైన పరిమితులు ఉన్నా,మౌలిక హక్కుల ఉల్లంఘన జరిగితే బెయిల్ మంజూరు సాధ్యమవుతుందని పేర్కొంది.న్యాయమూర్తులు మహేష్ చంద్ర త్రిపాఠి, ప్రశాంత్ కుమార్‌ల నేతృత్వంలోని బెంచ్ ఈ తీర్పును ఇచ్చింది.అరెస్టు సమయంలో వ్యక్తికి వాస్తవాలను తెలియజేయాల్సిన బాధ్యత అధికారులదేనని హైకోర్టు స్పష్టం చేసింది.ఈ తీర్పు మౌలిక హక్కుల పరిరక్షణలో కీలక మైలురాయిగా భావిస్తున్నారు.అయితే ఈ ప్రక్రియలో పారదర్శకత,న్యాయనిర్ణయాలకు ఇది మార్గదర్శకంగా నిలుస్తుందని అభిప్రాయపడ్డారు.

కేరళ రాష్ట్ర ప్రభుత్వం మంత్రుల ఉపయోగార్థం కొత్తగా 13 ఇన్నోవా క్రిస్టా కార్లు కొనుగోలు చేసింది.ఈ ప్రక్రియలో మొత్తం రూ.2.71 కోట్లు ఖర్చు చేసినట్లు కేరళ ముఖ్యమంత్రి పినరయి విజయన్ వెల్లడించారు.అసెంబ్లీలో ఎంఎల్‌ఏ ఎల్డోస్ పీ కున్నప్పిల్లి అడిగిన ప్రశ్నకు సీఎం లిఖితపూర్వకంగా సమాధానం ఇచ్చారు.2022 నుండి 2024 మధ్యకాలంలో ఈ కార్లను దశలవారీగా కొన్నారు.2022లో మొత్తం 8 కార్లను,అలాగే 2024లో మరో 3 కార్లను కొనుగోలు చేశారు.ఒక్కో కారుకి 2022లో రూ.24.28 లక్షలు,2024లో రూ.25.78 లక్షల వరకు ఖర్చయ్యాయి.మంత్రులందరూ ఇన్నోవా క్రిస్టాను తమకు అనుకూలమైన వాహనంగా అభిప్రాయపడినట్లు కేరళ సీఎం పేర్కొన్నారు. ఈ కార్లను ఉపయోగిస్తున్న మంత్రుల్లో కే రాజన్, రోషీ ఆగస్టిన్, సాజి చెరియన్, పీ ప్రసాద్, వీ శివన్‌కుట్టి, మహ్మద్ రియాస్, వీణా జార్జ్, అబూ రహిమాన్ ఉన్నారు.2024లో వీఎన్ వాసవన్, ఆర్ బిందు, జీఆర్ అనిల్ కోసం మూడు కొత్త కార్లు కొనుగోలు చేశారు.ప్రస్తుతం ఉన్న…

ప్రఖ్యాత కథక్‌ నర్తకి కుముదిని లఖియా ఇకలేరు.ఆమె 95 ఏళ్ల వయస్సులో వృద్ధాప్య సంబంధ అనారోగ్యంతో శనివారం ఉదయం గుజరాత్‌లోని అహ్మదాబాద్‌లో తన నివాసంలో తుదిశ్వాస విడిచారు. కుటుంబసభ్యులు ఆమె మరణాన్ని ధృవీకరించారు.1930లో అహ్మదాబాద్‌లో జన్మించిన కుముదిని లఖియా, కథక్‌ నృత్యాన్ని సాంప్రదాయ మౌలికతలతో పాటు ఆధునిక భావప్రయోగాలతో విస్తృతంగా అభివృద్ధి చేశారు.1967లో ఆమె స్థాపించిన కదంబ్‌ సెంటర్ ఫర్ డ్యాన్స్ ద్వారా అనేక శిష్యులను తీర్చిదిద్దారు.ఆమె నృత్యంపై అంకితభావం, సృజనాత్మకతకు గుర్తింపుగా పద్మశ్రీ, పద్మభూషణ్‌ వంటి అత్యున్నత పురస్కారాలను ఇప్పటికే అందుకున్న ఆమెను,2025లో భారత ప్రభుత్వం పద్మవిభూషణ్‌తో సత్కరించింది.కథక్‌ను పాశ్చాత్య ప్రేక్షకులకు పరిచయం చేయడంలోనూ ఆమె పాత్ర ఎనలేనిది.కుముదిని లఖియా మరణం భారత నాట్య కళా ప్రపంచానికి తీరని లోటు.ఆమె కళా పయనం, సంప్రదాయ నృత్యరంగంలో చేసిన మార్గదర్శక కృషి భావితరాలకు స్ఫూర్తిగా నిలుస్తుంది.

ఉత్తరాఖండ్‌లో అత్యంత పవిత్రమైన చార్‌ధామ్‌ యాత్రకు ఈ నెల 30వ తేదీ నుండి ఘనంగా ఆరంభం కాబోతోంది.భక్తులు యమునోత్రి, గంగోత్రి, కేదార్‌నాథ్‌, బద్రీనాథ్‌లను దర్శించుకునేందుకు సిద్ధమవుతున్నారు.ఈ యాత్ర ప్రతి సంవత్సరం లక్షలాది మంది భక్తులు వచ్చే అవకాశం ఉంది. యమునోత్రి, గంగోత్రి ఆలయాలు ఏప్రిల్‌ 30న తెరుచుకోనున్నాయి.మే 2న కేదార్‌నాథ్‌, మే 4న బద్రీనాథ్‌ ఆలయాలు భక్తుల కోసం తెరవనున్నారు.దర్శనానికి తరలివచ్చే భక్తుల కోసం ప్రభుత్వం విస్తృత ఏర్పాట్లు చేసింది. భక్తులు యాత్రలో పాల్గొనడానికి ముందుగా ఆన్‌లైన్‌ ద్వారా తమ పేరు నమోదు చేయవచ్చు. అంతేకాక, డెహ్రాడూన్‌, హరిద్వార్‌, గుప్తకాశి, సోన్‌ప్రయాగ్‌ వంటి ముఖ్య కేంద్రాల్లో ఏర్పాటు చేసిన కౌంటర్ల ద్వారా కూడా నమోదు చేసుకునే అవకాశం కలిపిస్తుంది.రవాణా,వసతి, వైద్య సేవల వంటి సదుపాయాలపై అధికారులు ప్రత్యేక దృష్టి పెట్టారు. ఈ యాత్ర భక్తులకు శారీరకంగా, ఆధ్యాత్మికంగా గొప్ప అనుభవాన్ని అందిస్తుందని విశ్వాసం. రాష్ట్ర ప్రభుత్వం యాత్రను సురక్షితంగా, క్రమబద్ధంగా నిర్వహించేందుకు…

అమెరికాలో ఉన్నత విద్యను అభ్యసించాలనే లక్ష్యంతో ఉన్న వేలాది మంది భారతీయ విద్యార్థుల్లో తీవ్ర అనిశ్చితి నెలకొంది.ఇందుకు కారణం,ఆప్షనల్ ప్రాక్టికల్ ట్రైనింగ్ (ఓపీటీ) ప్రోగ్రామ్‌ను రద్దు చేయాలని కోరుతూ అమెరికన్ కాంగ్రెస్‌లో తాజాగా ప్రవేశపెట్టిన “ఫెయిర్‌నెస్ ఫర్ హై స్కిల్డ్ అమెరికన్ యాక్ట్ – 2025” బిల్లు.ఈ పరిణామం వల్ల గత ఏడాదితో పోలిస్తే ఈ ఏడాది మార్చి నాటికి అమెరికాలో భారతీయ విద్యార్థుల సంఖ్య 28 శాతం తగ్గింది.సైన్స్, టెక్నాలజీ, ఇంజినీరింగ్, మ్యాథ్స్ (స్టెమ్) కోర్సులు చేసే విద్యార్థులు ఓపీటీ ద్వారా మూడేళ్లపాటు అక్కడ ఉద్యోగాల కోసం ఉండే వీలుంది.కానీ ప్రస్తుత బిల్లు ఆ అవకాశాన్ని తిరస్కరిస్తుంది.2024 జులైలో 3.48 లక్షల మంది భారతీయ విద్యార్థులు అమెరికాలో చదువుతున్నా, 2024 మార్చి నాటికి వారి సంఖ్య 2.55 లక్షలకు పడిపోయింది.వీసా జారీ ప్రక్రియలో అనిశ్చితి,ట్యూషన్ ఖర్చుల పెరుగుదల,రూపాయి విలువ తగ్గుదల కూడా ఈ పడిపోయే సంఖ్యకు కారణంగా సూచించారు. ఓపీటీ…

అమెరికాలో హిందువులపై విద్వేషపూరిత దాడులు పెరుగుతున్న నేపథ్యంలో, హిందూఫోబియాను అధికారికంగా గుర్తించేందుకు జార్జియా రాష్ట్రం కీలక ముందడుగు వేసింది. జార్జియా స్టేట్‌ అసెంబ్లీలో ప్రవేశపెట్టిన ఓ ప్రత్యేక బిల్లు ద్వారా హిందూఫోబియాను గుర్తించాలని ప్రతిపాదించారు.ఈ బిల్లు చట్టంగా మారితే, జార్జియా పీనల్ కోడ్‌ (శిక్షాస్మృతి)ను సవరించనున్నారు.దీంతో అక్కడి దర్యాప్తు సంస్థలు హిందువులపై వివక్ష,విద్వేషపూరిత వ్యాఖ్యలు, దాడులపై చర్యలు తీసుకోవడానికి న్యాయపరమైన ఆధారం లభిస్తుంది.ఈ నెల 4న ప్రవేశపెట్టిన బిల్లుకు డెమోక్రాట్లు, రిపబ్లికన్లు కలసి మద్దతు ఇవ్వడం విశేషం.ఈ చర్యతో జార్జియా రాష్ట్రం అమెరికాలో హిందూఫోబియాను గుర్తించిన తొలి రాష్ట్రంగా చరిత్ర సృష్టించింది.ఈ పరిణామంపై కొయలిషన్ ఆఫ్ హిందూస్ ఆఫ్ నార్త్ అమెరికా (CoHNA) హర్షం వ్యక్తం చేసింది.బిల్లుకు మద్దతు తెలిపిన ప్రతీ ఒక్కరికీ ధన్యవాదాలు తెలిపింది.ఈ చట్టం అమలులోకి వస్తే హిందువుల హక్కులకు మరింత రక్షణ లభిస్తుందని విశ్లేషకులు అభిప్రాయపడుతున్నారు.