Author: admin

జీవితమంతా మొక్కలు నాటుతూ పర్యావరణం కోసం ఎనలేని కృషి చేసిన ‘వనజీవి రామయ్య’ కన్నుమూశారు. ఆయన వయసు 85 సంవత్సరాలు. కోటికి పైగా మొక్కలు నాటి రికార్డు సృష్టించారు. ఆయన స్వస్థలం ఖమ్మం జిల్లా రెడ్డిపల్లి. ఆయన సేవలకు గుర్తింపుగా భారత ప్రభుత్వం 2017లో పద్మశ్రీ అవార్డును ప్రదానం చేసింది. ఆయన మృతి పట్ల ఏపీ సీఎం చంద్రబాబు, మంత్రి లోకేష్ తదితరులు తమ విచారం వ్యక్తం చేశారు. రామయ్య కుటుంబ సభ్యులకు ప్రగాఢ సంతాపం వ్యక్తం చేశారు. ఏపీ సీఎం చంద్రబాబు: పద్మశ్రీ వనజీవి రామయ్య మృతి వార్త తెలిసి తీవ్ర విచారానికి లోనయ్యాను. ఒక వ్యక్తిగా ఉండి… పర్యావరణ పరిరక్షణకు కోటి మొక్కలు నాటిన రామయ్య కృషి స్ఫూర్తిదాయకం. నేటి తరానికి రామయ్య ఆదర్శప్రాయుడు. ఆయన మరణం పర్యావరణ పరిరక్షణ ఉద్యమానికి తీరని లోటు. వారి కుటుంబ సభ్యులకు నా ప్రగాఢ సానుభూతి వ్యక్తం చేస్తున్నాను. వనజీవి రామయ్య…

ఆర్చరీ వరల్డ్ కప్ స్టేజ్-1 టోర్నీలో భారత్ మెడల్ ఖరారైంది. కాంపౌండ్ మిక్స్డ్ టీమ్ విభాగంలో వెన్నం జ్యోతి సురేఖ-రిషబ్ యాదవ్ జంట ఫైనల్ చేరింది. జ్యోతి, రిషబ్ లతో కూడా భారత టీమ్ సెమీఫైనల్లో 159-155తో స్లొవేనియాపై గెలుపొందింది. అంతకుముందు క్వార్టర్స్ లో డెన్మార్క్ పై 156-154తో భారత్ గెలిచింది. ఫైనల్ లో చైనీస్ తైపీ జోడీతో జ్యోతి ద్వయం తలపడనుంది. బొమ్మదేవర ధీరజ్ తో కూడిన పురుషుల రికర్వ్ జట్టు కూడా ఇప్పటికే ఫైనల్ చేరింది. కాంపౌండ్ పురుషుల విభాగంలో భారత్ కాంస్యంతో ఖాతా తెరిచింది.

చెన్నై సూపర్ కింగ్స్:103-9 (20). కోల్ కతా నైట్ రైడర్స్:107-2 (10.1). ఈ సీజన్ లో చెన్నై సూపర్ కింగ్స్ జట్టు ఓటముల పరంపర కొనసాగుతోంది. ఆ జట్టు ఐదో ఓటమిని ఖాతాలో వేసుకుంది. ధోనీ కెప్టెన్ గా తిరిగి పగ్గాలు చేపట్టగా చెన్నై వేదికగా కోల్ కతా నైట్ రైడర్స్ తో జరిగిన మ్యాచ్ లో చెన్నై పేలవ ఆటతీరుతో 8 వికెట్ల తేడాతో ఓడిపోయి అభిమానులను తీవ్రంగా నిరాశ పరిచింది. మ్యాచ్ లో టాస్ గెలిచిన కోల్ కతా చెన్నైకు మొదటి బ్యాటింగ్ ఇచ్చింది. శివమ్ దూబే (31 నాటౌట్), విజయ్ శంకర్ (29) మినహా మిగిలిన బ్యాటర్లు ఎవరూ కూడా మంచి ప్రదర్శన చేయలేకపోయారు. దీంతో నిర్ణీత 20 ఓవర్లలో 9 వికెట్లు కోల్పోయి 103 పరుగులు మాత్రమే చేయగలిగింది. కోల్ కతా బౌలర్లు ధాటికి పరుగులు చేయడానికి ఆపసోపాలు పడింది. నరైన్ 3 వికెట్లు, వరుణ్…

తమిళనాడు రాష్ట్రంలో భారతీయ జనతా పార్టీ, అన్నాడీఎంకే కలసి ప్రజా క్షేత్రంలో ఎన్నికలకు వెళ్లాలని నిర్ణయించుకోవడం ఆహ్వానించదగిన పరిణామమని ఎన్డీయేలో కీలక నేత, జనసేన పార్టీ అధినేత పవన్ కళ్యాణ్ అన్నారు. బీజేపీ – అన్నాడీఎంకే కూటమికి శుభాకాంక్షలు తెలిపారు. ఈమేరకు జనసేన ఒక ప్రకటనలో తెలిపింది. కూటమి తరఫున ముఖ్యమంత్రి అభ్యర్థిగా ఎడపాడి కె.పళనిస్వామి పేరును ప్రకటించారు. పాలనాపరమైన అనుభవం ఉన్నవారికి బాధ్యతలు అప్పగిస్తామని తమిళనాడు ప్రజలకు కూటమి తెలియచేసిందని పేర్కొన్నారు. పళనిస్వామి గారికి అభినందనలు. ఎన్.డి.ఎ. పాలన విధానాలు ద్వారా రాష్ట్రాల అభివృద్ధి సాధ్యమవుతుంది. తమిళనాడు రాష్ట్రానికి ఎన్.డి.ఏ. కూటమి ద్వారా కచ్చితంగా మేలు చేకూరుతుందని పవన్ అన్నారు.

మెగా పవర్ స్టార్ రామ్ చరణ్ రిలయన్స్‌కు చెందిన ప్రముఖ శీతల పానీయాల బ్రాండ్ “కాంపా”కు ఆయన బ్రాండ్ అంబాసిడర్‌గా నియమితులయ్యాడు.ఇటీవలే మార్కెట్‌లోకి వచ్చిన ఈ డ్రింక్ వేగంగా ప్రాచుర్యం పొందుతున్న నేపథ్యంలో, దేశవ్యాప్తంగా ప్రజాదరణ ఉన్న రామ్ చరణ్‌తో భాగస్వామ్యం వారి వ్యాపార వ్యూహానికి కొత్త దిశగా మారింది.’కాంపా వాలీ జిద్ద్’ పేరిట రూపొందించిన యాడ్‌ ఇప్పటికే వైరల్ అవుతోంది.ఈ యాడ్‌ను ఐపీఎల్ మ్యాచ్‌లలో, టీవీల్లో, మొబైల్ వేదికలపై ప్రసారం చేస్తున్నారు.రామ్ చరణ్ ఎనర్జీ,యువతపై ప్రభావాన్ని బ్రాండ్ ప్రోమోషన్‌లో ఉపయోగించుకోవాలన్నది రిలయన్స్ లక్ష్యంగా కనిపిస్తోంది.ఈ భాగస్వామ్యంతో కాంపా బ్రాండ్ మరింత ప్రజల్లోకి చేరే అవకాశాలు ఉన్నాయి. https://youtu.be/yQhwuI0eKa0?si=HpxAK8Mb_xSauBL6

బాలీవుడ్ నటుడు అజయ్ దేవగన్ ప్రధాన పాత్రలో నటిస్తున్న తాజా చిత్రం ‘రైడ్ 2’ విడుదలకు సిద్ధంగా ఉంది.2018లో వచ్చిన ‘రైడ్’ చిత్రానికి సీక్వెల్‌గా ఈ సినిమా రూపొందింది.క్రైమ్ థ్రిల్లర్ నేపథ్యంలో తెరకెక్కుతున్న ఈ సినిమాకు రాజ్ కుమార్ గుప్తా దర్శకత్వం వహిస్తున్నారు.ఈ చిత్రంలో తమన్నా ఒక ప్రత్యేక గీతంలో కనిపించింది.తాజాగా విడుదలైన ‘నషా నషా’ పాటలో ఆమె డాన్స్ ప్రేక్షకులను ఆకట్టుకుంటోంది.ఈ సినిమాలో రితేష్ దేశ్‌ముఖ్, వాణి కపూర్ కీలక పాత్రలు పోషిస్తున్నారు.మ్యూజిక్, విజువల్స్ పరంగా కూడా ఈ సినిమా భారీ అంచనాలు ఏర్పరుచుకుంది.పనోరమా స్టూడియోస్ బ్యానర్‌పై ఈ సినిమాను భూషణ్ కుమార్ తదితరులు సంయుక్తంగా నిర్మిస్తున్నారు.సస్పెన్స్, యాక్షన్‌తో నిండిన ఈ చిత్రం మే 1న థియేటర్లలో విడుదల కానుంది.వేసవి బోనస్‌గా ప్రేక్షకులకు ఈ సినిమా మంచి ఎంటర్‌టైన్‌మెంట్ కలిగించనుందని చిత్రబృందం ఆశాభావం వ్యక్తం చేసింది. https://youtu.be/QPSAjqjylTc?si=iKwMx-JXWdKjGOMM

తమిళ నటి త్రిష తనపై వస్తున్న అసభ్య వ్యాఖ్యలపై సోషల్ మీడియా వేదికగా మండిపడింది.అజిత్ నటించిన గుడ్ బ్యాడ్ అగ్లీ సినిమాతో మరోసారి కథానాయికగా ప్రేక్షకులను అలరించింది.అయితే ఈ సినిమా విష‌యంలో త్రిష వ్యక్తిగత జీవితాన్ని లాగి కొంద‌రూ ఆక‌తాయిలు సోష‌ల్ మీడియాలో కామెంట్లు పెడుతున్నారు.దీనిపై ఆగ్రహంతో స్పందించిన త్రిష,విషపూరితమైన వ్యక్తులారా…మీరు బాగా నిద్రపోతారా..?ఇతరుల గురించి అర్థం లేని పోస్టులు చేయడం నిజంగా మీ జీవిత లక్ష్యమా?” అంటూ ప్రశ్నించింది.అలాంటి పిరికిపందల నుండి సమాజాన్ని దేవుడే రక్షించాలని తీవ్రంగా వ్యాఖ్యానించింది.

అమెరికా ప్రభుత్వం యూదు వ్యతిరేకతను ప్రోత్సహించే వారిపై కఠిన నిర్ణయం తీసుకుంది. తమ దేశంలో ఉండి సోషల్‌ మీడియాలో హమాస్‌,హెజ్బొల్లా,హౌతీలకు మద్దతుగా యూదు వ్యతిరేక పోస్ట్‌లు పెట్టినవారి వీసాలు,గ్రీన్‌ కార్డులను రద్దు చేస్తామని హెచ్చరించింది.అంతేకాదు,ఇలాంటి అభిప్రాయాలు వ్యక్తం చేసిన వారికి భవిష్యత్తులో వీసాలు మంజూరు చేయబోమని స్పష్టం చేసింది.హోంల్యాండ్‌ సెక్యూరిటీ సెక్రటరీ క్రిస్టీ మాట్లాడుతూ, “ఇలాంటి ఆలోచనలతో అమెరికాకు రానివ్వం.మా దేశానికి స్వాగతం ఉండదని వారు గుర్తించాలి” అన్నారు.ఈ కొత్త నిబంధనలు తక్షణమే అమల్లోకి వస్తాయని ప్రభుత్వం పేర్కొంది.

అగ్రరాజ్యం అమెరికాలో కోడిగుడ్లు అసలు ధరలకు అందని వస్తువులుగా మారుతున్నాయి. నెలకు నెల గుడ్ల ధరలు పెరిగిపోతుండటంతో ప్రజలు చుక్కలు చూస్తున్నారు.అమెరికా బ్యూరో ఆఫ్ లేబర్ స్టాటిస్టిక్స్ గణాంకాల ప్రకారం,2023 ఆగస్టులో డజను గుడ్ల ధర 2.04 డాలర్లు (రూ.175)గా ఉండగా,2024 మార్చిలో అది 6.23 డాలర్లు (రూ.536)కి పెరిగింది. ధరల పెరుగుదలకు ప్రధాన కారణం బర్డ్‌ ఫ్లూ అని తెలుస్తోంది.వ్యాధిని కట్టడి చేయడానికి అమెరికా ప్రభుత్వం 3 కోట్ల గుడ్లు పెట్టే కోళ్లను నిర్మూలించిందని సమాచారం.దీనివల్ల సరఫరా తగ్గి రిటైల్ మార్కెట్‌లో గుడ్ల ధరలు భారీగా పెరిగాయి.ఈ పెరుగుదల వల్ల గుడ్ల కొనుగోళ్లు తగ్గుతున్నాయని విశ్లేషకులు చెబుతున్నారు.

జర్మనీలోని ప్రముఖ టెక్‌ దిగ్గజం సీమెన్స్ సీఈవో ఆగస్టిన్ ఎస్కోబార్ హెలికాప్టర్ ప్రమాదంలో మరణించారు.ఈ ప్రమాదంలో ఆయన భార్య, ముగ్గురు పిల్లలు కూడా ప్రాణాలు కోల్పోయారు.గురువారం న్యూయార్క్‌లోని హడ్సన్ నదిలో ఈ ఘటన జరిగింది. సైట్ సీయింగ్ కోసం బయలుదేరిన హెలికాప్టర్ టేకాఫ్ అయిన 15 నిమిషాల్లోనే కూలిపోయింది.సాంకేతిక సమస్యల కారణంగా హెలికాప్టర్ రోటర్ విరిగినట్లు అనుమానిస్తున్నారు.ప్రమాదం సమయంలో హెలికాప్టర్ వాల్ స్ట్రీట్ హెలిపోర్ట్ నుంచి స్టాచ్యూ ఆఫ్ లిబర్టీ వైపు వెళ్తోంది.ప్రమాదం జరిగిన వెంటనే ఎమర్జెన్సీ సిబ్బంది స్పందించినా, అందులోని ఐదుగురిని కాపాడలేకపోయారు.ఈ ఘటన సీమెన్స్ కంపెనీలో తీవ్ర విషాదాన్ని నింపింది. కంపెనీ ఉద్యోగులు షాక్‌కు గురయ్యారు.అధికారులు ప్రమాదంపై దర్యాప్తు ప్రారంభించారు.