Author: admin

కర్నాటకలో కమీషన్ల విషయంలో జరుగుతున్న దుర్వినియోగంపై డిప్యూటీ సీఎం డీకే శివకుమార్‌ కీలక వ్యాఖ్యలు చేశారు. బిల్లులు చెల్లించేందుకు ఎవరైనా కమీషన్‌ డిమాండ్ చేస్తే వారికి వ్యతిరేకంగా లోకాయుక్తకు ఫిర్యాదు చేయాలని కాంట్రాక్టర్లకు సూచించారు. కర్నాటక కాంట్రాక్టర్ల సంఘం ఇటీవల రాష్ట్రంలో అవినీతి మళ్లీ పెరిగిందని, ముఖ్యంగా మంత్రుల కార్యాలయాల్లో బ్రోకర్లు ఎక్కువయ్యారని ఆరోపణలు చేసిన నేపథ్యంలో శివకుమార్ స్పందించారు.తన సహా ఇతర మంత్రులపై వచ్చిన ఆరోపణలను పూర్తిగా తప్పుపట్టారు. కాంట్రాక్టర్లు మంత్రులను ఎందుకు సంప్రదిస్తున్నారని ప్రశ్నించిన శివకుమార్,వారికి శాఖా బడ్జెట్‌ గురించి తెలియదా అని ఎదురు ప్రశ్నించారు.గ్రాంట్ లేకపోయినా కాంట్రాక్టులు ఎందుకు తీసుకున్నారన్న విషయాన్ని కూడా ప్రస్తావించారు.బీజేపీ హయాంలో తాను లక్ష కోట్ల విలువైన కాంట్రాక్టులు ఇచ్చిన విషయాన్ని గుర్తు చేశారు.అప్పుడు బిల్లుల చెల్లింపుల కోసం ఎమ్మెల్యేలు ప్రయత్నిస్తున్నారని వెల్లడించారు.ఇప్పటికైనా కాంట్రాక్టర్లు నైతికమైన బాధ్యతతో వ్యవహరించాలని, రాజకీయ నాయకులపై ఒత్తిడి తేవద్దని సూచించారు. గతంలో నిధులు లేకుండా పనులు చేయొద్దని…

గుజరాత్ లోని సూరత్‌లో ఏప్రిల్ 10న దారుణ ఘటన జరిగింది.కూరగాయలు దొంగిలించారన్న ఆరోపణలపై ఒక మహిళ, ఆమె కుమార్తెను ఇద్దరు వ్యక్తులు అమానుషంగా మానసికంగా, శారీరకంగా హింసించారు.వారి జుట్టును పట్టుకుని ఈడ్చారు.కడుపులో తన్నడమే కాదు,చేతిలో ఉన్న కర్రలతో విచక్షణారహితంగా కొట్టారు.ఈ దృశ్యాలను చుట్టూ ఉన్నవారు చూస్తూ ఊరుకున్నారు.ఎవరూ మహిళల్ని రక్షించేందుకు ముందుకు రాలేదు. బాధితుల బాధ పట్ల కనికరం లేకుండా వ్యవహరించారు.ఈ దృశ్యాల వీడియో సోషల్ మీడియాలో వైరల్ కావడంతో పోలీసులు స్పందించారు.నిందితులను అరెస్ట్ చేసి,వారిని లాఠీచార్జ్ చేశారు.గాయపడిన నిందితులను మీడియా ముందు హాజరుపరిచారు.పోలీసుల చర్యపై నెటిజన్ల నుంచి మిశ్రమ స్పందన వచ్చింది.మహిళలపై హింసకు వ్యతిరేకంగా సామాజిక మాధ్యమాల్లో గళమెత్తుతున్నారు.ఇది మానవత్వాన్ని మరిచిన ఘోర ఉదంతంగా మారింది.

తమిళనాడు బీజేపీకి నూతన అధ్యక్షుడిగా నైనార్ నాగేంద్రన్ నియామకం ఖరారైనట్లు తెలుస్తోంది.ప్రస్తుత రాష్ట్ర అధ్యక్షుడు కె. అన్నామలై స్థానంలో ఆయన బాధ్యతలు చేపట్టబోతున్నారు.ఈ పదవికి నాగేంద్రన్‌ ఒక్కరే నామినేషన్‌ వేయడంతో ఆయన నియామకం ఖాయమైంది.అయితే నాగేంద్రన్ పేరును అన్నామలై స్వయంగా ప్రతిపాదించినట్టు సమాచారం.అధికారిక ప్రకటనను ఢిల్లీ పార్టీ కేంద్ర కార్యాలయం రేపు విడుదల చేసే అవకాశం ఉంది.నాగేంద్రన్ గతంలో అన్నాడీఎంకేలో కీలక నేతగా పనిచేశారు.జయలలిత మరణానంతరం బీజేపీలో చేరి, 2021లో బీజేపీ-అన్నాడీఎంకే కూటమిలో తిరునల్వేలి నుండి గెలుపొందారు.ఆయనకు అన్నాడీఎంకేతో మంచి సంబంధాలు ఉన్నందున,కూటమి మరింత బలపడుతుందని బీజేపీ ఆశిస్తోంది.కొత్త నాయకత్వం కింద తమిళనాడు బీజేపీ మరింత శక్తివంతంగా ముందుకు సాగాలని పార్టీ కార్యకర్తలు ఆకాంక్షిస్తున్నారు.

భారత్-అమెరికా మధ్య వాణిజ్య ఒప్పందం చర్యలపై విదేశాంగ మంత్రి ఎస్‌ జైశంకర్ గ్లోబల్ టెక్నాలజీ సమ్మిట్‌లో కీలక వ్యాఖ్యలు చేశారు. గతంలో ట్రంప్ పరిపాలన సమయంలో నాలుగు సంవత్సరాల పాటు చర్చలు జరిపినా ఒప్పందం కుదరలేదని ఆయన గుర్తు చేశారు. అయితే ప్రస్తుతం పరిస్థితులు మారాయని, అమెరికాతో వాణిజ్య ఒప్పందానికి భారత్ పూర్తిగా సంసిద్ధంగా ఉందన్నారు. తాజా పరిణామాలను సద్వినియోగం చేసుకోవాలనుకుంటున్నామని చెప్పారు. అమెరికా పరిపాలనలో, వాణిజ్య విధానాల్లో మార్పులు స్పష్టంగా కనిపిస్తున్నాయని, ఇది చైనా వృద్ధిని ప్రతిబింబిస్తోందని పేర్కొన్నారు. చైనా బిజినెస్ కథ కూడా టెక్నాలజీ ఆధారితమైందని, డీప్ సీక్‌ వంటి మార్పులు రెండు దేశాల మధ్య ప్రభావం చూపుతున్నాయని విశ్లేషించారు. అమెరికా-చైనా సంబంధాలు విభిన్నంగా ఉండగా, భారత్ అనుభవం వేరు అని తెలిపారు. గతంలో పోటీ కారణంగా చిక్కుల్లో పడినప్పటికీ ఇప్పుడు పరిస్థితి గోల్డిలాక్స్ సమస్య లాంటిదని వివరించారు. ప్రస్తుతం ప్రపంచం పోటీ యుగం వైపు సాగుతుందన్న జైశంకర్,…

2026 తమిళనాడు అసెంబ్లీ ఎన్నికల కోసం అన్నాడీఎంకే మరియు బీజేపీ మళ్లీ చేతులు కలిపాయి.ఈ పొత్తును కేంద్ర హోంమంత్రి అమిత్ షా అధికారికంగా ప్రకటించారు.ప్రధాని మోదీ,పళనిస్వామి నేతృత్వంలో ఈ రెండు పార్టీలు కలసి పోటీ చేయనున్నాయి.ఎన్డీఏ కూటమి విజయం సాధిస్తుందన్న నమ్మకం తమకుందని అమిత్ షా తెలిపారు.పొత్తు విషయంలో ఎలాంటి షరతులు లేవని,ఇది శాశ్వతంగా కొనసాగుతుందని వెల్లడించారు.తమిళనాడులో నైనార్ నాగేంద్రన్‌ను బీజేపీ కొత్త రాష్ట్ర అధ్యక్షుడిగా నియమించిన రోజు ఇదే ప్రకటన రావడం విశేషం.గతంలోనూ ఈ రెండు పార్టీలు కలిసి భారీ విజయం సాధించాయి.అయితే మధ్యలో విభేదాలు ఏర్పడి విడిపోయారు.2024లో విడివిడిగా పోటీ చేసి ఓటమి ఎదుర్కొన్నారు.ఇప్పుడు డీఎంకేను ఓడించాలన్న లక్ష్యంతో మళ్లీ కూటమి పునరుద్ధరించింది.

బెంగళూరులో మత వేధింపులకు సంబంధించిన ఘటన ఒకటి కలకలం రేపింది.ఏప్రిల్ 9న చంద్రా లేఅవుట్‌లో బురఖా ధరించిన ముస్లిం యువతి, హిందూ యువకుడితో స్కూటీపై కూర్చుండగా, నలుగురు ముస్లిం యువకులు వచ్చి వారిని నిలదీశారు.వేర్వేరు మతాలకు చెందిన ఇద్దరూ కలిసి ఉండడాన్ని ప్రశ్నించారు. యువతిని తిడుతూ,కుటుంబ సభ్యుల ఫోన్ నంబర్ చెప్పాలని డిమాండ్ చేశారు. ఆమెను బెదిరించేందుకు యత్నించారు.అయితే ఆమె ధైర్యంగా స్పందించి, అతను తన క్లాస్‌మేట్ అని తెలిపింది.హిందూ యువకుడినీ వారే ప్రశ్నించి,దాడికి ప్రయత్నించారు.ఈ ఘటనను వీడియో తీసి సోషల్ మీడియాలో పోస్ట్ చేశారు.వీడియో వైరల్ కావడంతో యువతి పోలీసులకు ఫిర్యాదు చేసింది. దర్యాప్తులో నలుగురిని అరెస్ట్ చేసిన పోలీసులు,మత ఆధారంగా మోరల్ పోలీసింగ్‌ చేసిన వారిపై కఠిన చర్యలు తీసుకుంటామని తెలిపారు.

ఏలూరు జిల్లా ఆగిరిపల్లి మండలం వడ్లమానులో జరిగిన ప్రజా వేదిక కార్యక్రమంలో ఏపీ సీఎం చంద్రబాబు పాల్గొన్నారు. నేడు మహాత్మా జ్యోతిరావ్ పూలే జయంతి సందర్భంగా ఆయనకు నివాళులు అర్పించారు. టీడీపీకి మొదట్నుంచీ వెన్నెముక బీసీ వర్గాలేనని చెప్పారు. బీసీలకు అనేక పథకాలు ప్రవేశపెట్టిన ఘనత టీడీపీదేనని అన్నారు. అన్ని వర్గాలతో సమానంగా బీసీలు ఎదిగే వరకు వారికి అండగా ఉంటామని భరోసా ఇచ్చారు. తాను, డిప్యూటీ సీఎం పవన్, ప్రధాని మోడీ ముగ్గురు బీసీల కోసం కృషి చేస్తున్నట్లు తెలిపారు. మహాత్మా జ్యోతి రావు పూలే గారి స్పూర్తితో త్వరలోనే బీసీ రక్షణ చట్టం తెస్తున్నామని తెలిపారు. ఆదరణ-3 కింద బీసీలకు ఏటా వెయ్యి కోట్లు ఖర్చు చేస్తున్నాం. ఎస్సీ, ఎస్టీ, మైనార్టీల సంక్షేమం కోసం అనేక కార్యక్రమాలు చేపట్టినట్లు వివరించారు. ఈసందర్భంగా వివిధ కుల వృత్తుల వారితో సీఎం మాట్లాడారు. ఈ పర్యటనలో భాగంగా బీసీ వర్గానికి చెందిన…

భారత్ తో పాటు 75 ప్రపంచ దేశాలపై విధించిన టారిఫ్ లకు 90 రోజులు బ్రేక్ ఇస్తూ అమెరికా ప్రెసిడెంట్ డొనాల్డ్ ట్రంప్ తీసుకున్న నిర్ణయంతో దేశీయ స్టాక్ మార్కెట్లు లాభాల్లోకి దూసుకెళ్లాయి . అమెరికా-చైనా మధ్య టారిఫ్ వార్ నడుస్తున్నా ఆ ప్రభావం మన మార్కెట్ల పై పడలేదు. నేటి ట్రేడింగ్ ముగిసే సమయానికి బాంబే స్టాక్ ఎక్స్ చేంజ్ సూచీ సెన్సెక్స్ 1310 పాయింట్లు లాభపడి 75,157 వద్ద స్థిరపడింది. నేషనల్ స్టాక్ ఎక్స్ చేంజ్ సూచీ నిఫ్టీ 429 పాయింట్లు లాభంతో 22,828 వద్ద స్థిరపడింది. డాలరుతో రూపాయి మారకం విలువ రూ. 86.08గా ఉంది. నేటి ట్రేడింగ్ లో టాటా స్టీల్, ఎన్టీపీసీ, పవర్ గ్రిడ్ కార్పొరేషన్, కోటక్ మహీంద్రా బ్యాంక్, రిలయన్స్ షేర్లు లాభాలతో ముగిశాయి. ఫార్మా, మెటల్ స్టాక్స్ రాణించాయి.

ప్రతిపక్షాలపై మరోసారి ప్రధాని మోడీ తనదైన శైలిలో విమర్శలు గుప్పించారు. వారు అధికార వ్యామోహంతో కుటుంబ ప్రయోజనాలపై మాత్రమే దృష్టి సారిస్తున్నారని మండిపడ్డారు. అయితే తమ ప్రభుత్వం మాత్రం అందరి అభివృద్దే లక్ష్యంగా పనిచేస్తుందని స్పష్టం చేశారు. పూలే దంపతులను ఆదర్శంగా తీసుకొని మహిళల విద్యా, అభివృద్ధి కోసం పనిచేస్తున్నట్లు తెలిపారు. ఉత్తరప్రదేశ్ లోని వారణాసి లో రూ.3880 కోట్ల విలువైన 44 ప్రాజెక్టులకు శంకుస్థాపన చేశారు. ఈ సందర్భంగా వారినుద్దేశించి ప్రసంగించారు. ప్రస్తుతం ప్రారంభించిన ప్రాజెక్టులు గ్రామీణాభివృద్ధికి పెద్దపీట వేస్తాయని తెలిపారు. వాటిలో 130 తాగునీటి ప్రాజెక్టులు, 100 కొత్త అంగన్వాడీ సెంటర్లు, 356 లైబ్రరీలు, పాలిటెక్నిక్ కాలేజీలు, గవర్నమెంట్ డిగ్రీ కాలేజీ ఉన్నట్లు ప్రధాని మోడీ తెలిపారు. తన సొంత నియోజకవర్గం కాశీ ఎప్పటికీ తనదేనని తాను కాశీకి చెందిన వాడినని పునరుద్ఘాటించారు. గతంలో పూర్వాంచల్ లో హెల్త్ ఫెసిలిటీస్ తక్కువగా ఉండేవని అయితే నేడు కాశీ పూర్వాంచల్…

అగ్ర నటుడు పవర్ స్టార్ పవన్ కళ్యాణ్ ప్రధాన పాత్రలో క్రిష్/జ్యోతికృష్ణ దర్శకత్వంలో రూపొందుతున్న పీరియాడిక్ యాక్షన్ చిత్రం ‘హరిహర వీరమల్లు: స్వోర్డ్ ఆఫ్ స్పిరిట్’ మే 9న ప్రేక్షకుల ముందుకు రానుంది. మెగా సూర్య ప్రొడక్షన్ బ్యానర్‌పై ఏఎం రత్నం సమర్పణలో రూపొందుతున్న ఈ చిత్రంపై భారీ అంచనాలు నెలకొన్నాయి.తాజాగా, ఈ సినిమా విడుదల అదే సమయానికి వస్తుందా లేదా అనే డౌట్ కు స్పష్టతనిచ్చింది. రీరికార్డింగ్, వీఎఫ్ఎక్స్, డబ్బింగ్ వంటి పోస్ట్ ప్రొడక్షన్ కార్యక్రమాలు జరుపుకుంటోందని చిత్ర నిర్మాణ సంస్థ తెలిపింది. ఈమేరకు కొత్త పోస్టర్ ను విడుదల చేసింది.మే9న చిత్రాన్ని ప్రేక్షకుల ముందుకు తీసుకురానున్నట్లు తెలిపింది. వేస‌విలో ప్రేక్ష‌కుల‌ను అల‌రించేందుకు బిగ్గెస్ట్ సినిమాటిక్ అద్భుతాన్ని తీసుకొస్తున్నామ‌ని ప్రకటించింది. ఈ మూవీలో పవన్ కళ్యాణ్ సరసన నిధి అగర్వాల్ కథానాయికగా నటించగా,ఆస్కార్ విన్నింగ్ మ్యూజిక్ డైరెక్టర్ ఎంఎం కీరవాణి సంగీతం అందిస్తున్నారు.ఈ సినిమా టీజర్, పోస్టర్స్ ఇప్పటికే అభిమానులను…