Author: admin

ఆక్వా రైతుల కష్టాలపై తమ పార్టీ నాయకుల ఆందోళన, తన ట్వీట్‌ తర్వాత ఎట్టకేలకు సీఎం చంద్రబాబు ఒక సమావేశం పెట్టినందుకు మాజీ సీఎం వైఎస్ జగన్ ధన్యవాదాలు తెలిపారు. కాని, పెట్టిన సమావేశం ఫలితాలు క్షేత్రస్థాయిలో ఎక్కడా కూడా కనిపించడం లేదని ఆయా జిల్లాలకు చెందిన నాయకులు తన దృష్టికి తీసుకు వచ్చారని జగన్ పేర్కొన్నారు. మీ సమావేశాలు, మీరు చేస్తున్న ప్రకటనలు ప్రచారం కోసం కాకుండా ఆక్వా రైతులకు నిజంగా మేలు చేసేలా ఉండాలని సూచించారు. ఆక్వా రైతుల పెట్టుబడిలో రొయ్యలకు వేసే మేత ప్రధానమైనదని గతంలో కంటే ముడిసరుకుల రేట్లు పడిపోయినప్పుడు ఫీడ్‌ రేట్లు కూడా తగ్గాలి కదా? ఎందుకు తగ్గడంలేదు? ఈ దిశగా ప్రభుత్వం ఎందుకు చర్యలు తీసుకోవడం లేదు? అని ప్రశ్నించారు. 100 కౌంట్‌ రొయ్యలకు రూ.270ల రేటు వచ్చేలా ప్రభుత్వం చర్యలు తీసుకోవాలని పేర్కొన్నారు. వైసీపీ హయాంలో ఏపీ ఆక్వాకల్చర్‌ డెవలప్‌మెంట్ అథారిటీ…

మంగళగిరి సమీపంలోని చినకాకాని వద్ద నిర్మించనున్న వంద పడకల ఆసుపత్రి భవన నిర్మాణానికి ఈ నెల 13వ తేదీన నారా లోకేష్ శంకుస్థాపన చేయనున్నారు. అత్యాధునిక వసతులతో దేశానికే రోల్ మోడల్ గా మంగళగిరిలో హాస్పిటల్ నిర్మించేలా ఇప్పటికే ప్రణాళికలు రూపొందించడం జరిగిందని తెలిపారు. మంగళగిరి ప్రజల మూడు దశాబ్దాల కల సాకారం కానుందని ప్రతిష్టాత్మకంగా నిర్మిస్తున్న వంద పడకల హాస్పిటల్ కార్పోరేట్ హాస్పిటల్స్ కు ధీటుగా, దేశంలోనే అత్యుత్తమంగా తీర్చిదిద్దుతామని స్పష్టం చేశారు. ఏడాదిలోగా హాస్పిటల్ నిర్మాణాన్ని పూర్తిచేస్తామని ప్రకటించారు.

సింగపూర్ అగ్నిప్రమాదంలో గాయపడిన ఏపీ డిప్యూటీ సీఎం పవన్ కళ్యాణ్ చిన్న కొడుకు మార్క్ శంకర్ చికిత్స అనంతరం క్షేమంగా ఇంటికి చేరినట్లు పవన్ అన్నయ్య మెగాస్టార్ చిరంజీవి తెలిపారు. ఈమేరకు సోషల్ మీడియా ‘ఎక్స్’ లో పోస్ట్ చేశారు. మా బిడ్డ మార్క్ శంకర్ ఇంటికొచ్చేసాడు. అయితే ఇంకా కోలుకోవాలి. మా కులదైవమైన ఆంజనేయ స్వామి దయతో, కృపతో  త్వరలోనే పూర్తి ఆరోగ్యంతో, మళ్ళీ మామూలుగా ఎప్పటిలానే  వుంటాడు. రేపు  హనుమత్ జయంతి, ఆ స్వామి ఓ పెద్ద  ప్రమాదం నుంచి, ఓ విషాదం నుంచి ఆ పసి బిడ్డని కాపాడి మాకు అండగా నిలిచాడు. ఈ  సందర్భంగా ఆయా ఊళ్ళల్లో, ఆయా  ప్రాంతాల్లో మార్క్  శంకర్  కోలుకోవాలని ప్రతి  ఒక్కరూ మా కుటుంబానికి అండగా నిలబడి ఆ బిడ్డ కోసం ప్రార్థనలు చేస్తున్నారు, ఆశీస్సులు అందచేస్తున్నారు. నా తరపున, తమ్ముడు కళ్యాణ్ బాబు తరపున, మా కుటుంబం యావన్మంది తరపున మీ అందరికీ ధన్యవాదాలు  అంటూ పోస్ట్ చేశారు.

నేచురల్ స్టార్ నాని కథానాయకుడిగా తెరకెక్కుతున్న చిత్రం ‘హిట్-3’. విజయవంతమైన ‘హిట్’ ఫ్రాంచైజీ నుండి వస్తుండడంతో భారీ అంచనాలు ఉన్నాయి. ప్రస్తుతం ఈ చిత్రం శరవేగంగా చిత్రీకరణ జరుపుకుంటుంది. శైలేష్ కొలను దర్శకత్వం వహిస్తున్నాడు.వాల్ పోస్టర్స్ సినిమా, యునానిమస్ ప్రొడక్షన్స్ పతాకాలపై రూపొందుతోంది. తిపిరినేని ప్రశాంతి నిర్మిస్తున్నారు.ఇందులో నాని అర్జున్ సర్కార్ అనే పవర్ ఫుల్ పోలీస్ ఆఫీసర్ గా కనిపిస్తున్నాడు. నాని పుట్టినరోజు సందర్భంగా విడుదలైన టీజర్‌ చిత్రంపై మరింత ఆసక్తిని పెంచేసింది. ఈ చిత్ర ట్రైలర్ కు సంబంధించి కీలక ప్రకటన వెలువడింది. ఈనెల 14న ఉదయం 11:07 కు విడుదల చేయనున్నారు. ఇక ఇందులో నానికి జోడిగా శ్రీనిధి శెట్టి నటిస్తుంది.ఈ చిత్రానికి మిక్కీ జే మేయర్ సంగీతం అందిస్తున్నాడు.ఈ చిత్రాన్ని మే లో వేసవి కానుకగా ప్రేక్షకుల ముందుకు రానుంది. Blood rush on 14th.#HIT3Trailer#AbkiBaarArjunSarkaar #HIT3 pic.twitter.com/oorkA7OYOk— Nani (@NameisNani) April 10, 2025

చెన్నై సూపర్ కింగ్స్ (CSK) కు ఊహించని షాక్ తగిలింది.ఇప్పటికే ఆ జట్టు వరుస పరాజయాలతో ఈ సీజన్ లో విఫలమవుతుంది.తాజాగా ఆ జట్టు కెప్టెన్ రుతురాజ్ గైక్వడ్ ఎడమ మణికట్టు గాయం కావడంతో మిగిలిన మ్యాచ్ లకు అందుబాటులో ఉండరని తెలుస్తుంది.గాయం కారణంగా ఐపీఎల్ కు దూరమైనట్లు జట్టు యాజమాన్యం ప్రకటించింది.కెప్టెన్ గా ధోని నియమిస్తూ… ఆ జట్టు ప్రకటన చేసింది.ఈ మేరకు ఈ విషయాన్ని ఆ జట్టు హెడ్ కోచ్ స్టీఫెన్ ఫ్లెమింగ్ గురువారం ధృవీకరించారు.కోల్‌కతా నైట్ రైడర్స్‌తో జరగనున్న కీలక మ్యాచ్‌కు ముందు ఫ్లెమింగ్ ఈ నిర్ణయాన్ని ప్రకటించారు.గాయం కారణంగా రుతురాజ్ గైక్వడ్‌కు మిగిలిన మ్యాచ్‌లకు అందుబాటులో ఉండరు అని తెలిపారు.ఈ క్రమంలోనే ఎంఎస్ ధోనీకి తిరిగి కెప్టెన్సీ బాధ్యతలు అప్పగించనున్నారని తెలిపారు. CAPTAIN MAHENDRA SINGH DHONI 🦁7️⃣#WhistlePodu #Yellove 🦁💛 pic.twitter.com/H3Wqm6AdGt— Chennai Super Kings (@ChennaiIPL) April 10, 2025

టాలీవుడ్ ద‌ర్శ‌కుడు పూరి జగన్నాథ్ ప్రస్తుతం త‌మిళ న‌టుడు విజ‌య్ సేతుప‌తితో కొత్త ప్రాజెక్ట్‌లో పనిచేస్తున్నారు.ఈ సినిమా పాన్ ఇండియా చిత్రంగా తెరకెక్కిస్తున్నారు.ఈ చిత్రాన్ని పూరి కనెక్ట్స్ సంస్థ నిర్మిస్తోంది.ఈ చిత్రంలో ప్రముఖ నటి టబు నెగిటివ్ పాత్రలో కనిపించబోతున్నారు.చిత్ర బృందం ఈ విషయాన్ని అధికారికంగా ప్రకటించింది.ఈ విషయాన్ని తెలియజేస్తూ చిత్రబృందం తాజాగా పోస్ట్ పెట్టింది.ఈ సినిమా రెగ్యులర్ షూటింగ్ జూన్ లో ప్రారంభమవుతుందని వెల్లడించింది.ఈ సినిమాకు సహ నిర్మాతగా చార్మి కూడా వ్యవహరిస్తున్నారు.ఈ ప్రాజెక్ట్ కు సంబంధించిన మరిన్ని అప్డేట్స్ త్వరలో విడుదల చేయనున్నారని తెలుస్తుంది. She’s electric. She’s explosive .She’s THE TABU.Proudly welcoming THE GEM OF INDIAN CINEMA, Actress #Tabu on-board for a ROLE as DYNAMIC as her presence in #PuriSethupathi ❤️‍🔥A #PuriJagannadh Film Starring Makkalselvan @VijaySethuOffl Produced by Puri Jagannadh,… pic.twitter.com/WGp0kkuZDl— Puri…

ఆంధ్రప్రదేశ్ రాష్ట్రంలో మొబైల్ వాహానం ద్వారా పాస్ పోర్టు సేవలు అందుబాటులోకి రానున్నాయి. పాస్ పోర్ట్ కార్యాలయానికి వెళ్లలేని వారు, మారుమూల ప్రాంత ప్రజలు తమ తమ స్వస్థలాలోనే ఉండి ఈ వెహికల్ సాయంతో పాస్ పోర్టు పొందే అవకాశం ప్రభుత్వం కల్పిస్తోంది. ఈ వ్యాన్ ఎప్పుడు, ఎక్కడికి వస్తుందో అధికారులు సంబంధిత వెబ్ సైట్ లో ముందుగానే వివరాలు ఉంచుతారు. ఆన్లైన్లో స్లాట్ బుక్ చేసుకొని, వ్యాన్ వద్దకు వెళ్తే సరిపోతుంది. అక్కడ సర్టిఫికెట్లు పరిశీలించి, ఫింగర్ ప్రింట్స్, ఫొటోలు తీసుకుని ప్రక్రియ పూర్తి చేస్తారు. త్వరలో పూర్తిస్థాయి సేవలు అందుబాటులోకి తేనున్నట్లు అధికారులు పేర్కొన్నారు.

తమిళ స్టార్ ధనుష్ తన 56వ సినిమాను అధికారికంగా ప్రకటించారు.ఆయనకు కర్ణన్ వంటి బ్లాక్‌బస్టర్ ఇచ్చిన దర్శకుడు మారి సెల్వరాజ్‌తో మరోసారి కలిసి పనిచేయబోతున్నారు. ఇటీవల నటనకు విరామం ఇచ్చి దర్శకత్వం వైపు అడుగులు వేసిన ధనుష్, రాయన్ మరియు జాబిలమ్మ నీకు అంత కోపమా చిత్రాలతో మంచి విజయాలు అందుకున్నారు. ప్రస్తుతం ఇడ్లీ కడై అనే సినిమాను డైరెక్ట్ చేస్తూ, శేఖర్ కమ్ముల దర్శకత్వంలో వస్తున్న కుబేరా చిత్రంలో నటిస్తున్నారు.ఈ కొత్త సినిమా అనంతరం మారి సెల్వరాజ్‌తో పునఃసంధానం కానున్నారు.పోస్టర్‌లో “Roots Begin A Great War” అనే ట్యాగ్‌లైన్‌తో మనిషి పుర్రెను ఖడ్గంతో గుచ్చిన ఓ ఇంటెన్స్ విజువల్‌ని విడుదల చేశారు.కథ సామాజిక నేపథ్యంతో, పోరాటాత్మక ఉద్దేశంతో ఉండబోతుందన్న సంకేతాలు కనిపిస్తున్నాయి.పూర్తి వివరాలు త్వరలో వెల్లడించనున్నట్లు మేకర్స్ తెలిపారు. #D56 Roots begin a Great War A @mari_selvaraj film pic.twitter.com/3yfhd6B2pZ— Dhanush (@dhanushkraja) April 9,…

కర్ణాటక రాజధాని బెంగళూరులో తాగునీటి ధరలు త్వరలో పెరిగే అవకాశం ఉంది.బెంగళూరు నీటి సరఫరా,మురుగునీటి పారుదల బోర్డు (BWSSB) లీటరుకు సగటున 7–8 పైసల వరకు ఛార్జీలు పెంచనున్నట్టు వెల్లడించింది.జనాభా పెరుగుదల, విస్తరించిన నగర విభాగాలకు నీటి సరఫరాలో ఎదురవుతున్న సవాళ్లను ఎదుర్కొనేందుకు ఈ నిర్ణయం తీసుకున్నారు.2014 నుండి ఇప్పటివరకు ధరలు పెంచని BWSSB ప్రస్తుతం నెలకు రూ.80 కోట్ల నష్టాన్ని భరిస్తున్నది. విద్యుత్ మరియు నిర్వహణ వ్యయాలు రెండు గణనీయంగా పెరగడంతో ధరల పెంపు అనివార్యమైంది.బోర్డు ఖర్చు రూ.200 కోట్లు కాగా, ఆదాయం రూ.120 కోట్లకే పరిమితమవుతోంది.వినియోగం ఆధారంగా ధరలు పెరగనున్నాయి – ఎక్కువ నీటిని వినియోగించేవారిపై అధిక ఛార్జీలు విధించనున్నారు.ప్రతి ఏప్రిల్ 1న నీటి ధరలు 3 శాతం చొప్పున పెరిగేలా సిఫార్సులు అమలు చేస్తారు.పెంపుతో ప్రజలపై భారం పెరగనుందని విమర్శలు వస్తున్నా, నీటి సరఫరా మెరుగుపడుతుందని అధికారులు చెబుతున్నారు. ఈ చర్యతో బోర్డు ఆర్థిక లోటును తగ్గించాలని…

28 ఏళ్ల ఎయిర్ ఇండియా ఎక్స్‌ప్రెస్ పైలట్ అర్మాన్ ఆకస్మిక మరణం విమానయాన రంగాన్ని దిగ్భ్రాంతికి గురిచేసింది.బుధవారం శ్రీనగర్‌ నుంచి ఢిల్లీకి వచ్చిన విమానాన్ని విజయవంతంగా ల్యాండ్ చేసిన అనంతరం ఆయన అస్వస్థతకు గురయ్యారు. డిస్పాచ్‌ ఆఫీస్‌కు వెళ్లిన వెంటనే కుప్పకూలిపోవడంతో సహోద్యోగులు వెంటనే ఆసుపత్రికి తరలించారు.అయితే మార్గమధ్యంలోనే గుండెపోటు రావడంతో ఆయన మృతి చెందినట్లు వైద్యులు ధృవీకరించారు. ప్రయాణ సమయంలోనే వాంతులు చేసుకున్నట్టు, ల్యాండింగ్ అనంతరం నీరసంగా ఉన్నట్టు సిబ్బంది వెల్లడించారు. అర్మాన్ ఇటీవలే వివాహం చేసుకున్నట్టు సమాచారం.ఈ ఘటనపై ఎయిర్ ఇండియా దిగ్భ్రాంతి వ్యక్తం చేస్తూ, వారి కుటుంబానికి పూర్తి మద్దతు ప్రకటించింది. పైలట్ల పని ఒత్తిడి, అనారోగ్య సమస్యలు మరోసారి చర్చనీయాంశమవుతున్నాయి.