ఐటీ రంగంలో ఇటీవల లేఆఫ్ లు భారీగా పెరిగిన సంగతి తెలిసిందే. పలు కంపెనీలు ఉద్యోగులకు ఉద్వాసన పలుకుతున్నాయి. ప్రముఖ టెక్ దిగ్గజం గూగుల్ తాజాగా కొందరు ఉద్యోగులను తొలగించింది. తమ ప్లాట్ ఫామ్, డివైజ్ యూనిట్లలో పనిచేసే వందల మంది ఉద్యోగులను తొలగించింది. ఆండ్రాయిడ్ సాఫ్ట్వేర్, పిక్సెల్ ఫోన్లు, క్రోమ్ బ్రౌజర్లలో పనిచేసే ఉద్యోగులను తొలగించినట్లు వార్తలు వస్తున్నాయి. ఈమేరకు ‘ది ఇన్ఫర్మేషన్’ అనే మీడియా సంస్థ కథనం వెల్లడించింది. అయితే కచ్చితంగా ఎంతమందిని తొలగించారన్న విషయంపై మాత్రం స్పష్టత లేదు. కాగా.. గత రెండేళ్లలో గూగుల్ అనేక మందిని తీసేసింది.
Author: admin
ఆంధ్రప్రదేశ్ ఇంటర్మీడియట్ ఫలితాలు రేపు (ఏప్రిల్‌ 12న) విడుదల కానున్నాయి. ఉయదం 11 గంటలకు ఫలితాలను విడుదల చేస్తున్న‌ట్లు విద్యా శాఖ తెలిపింది. ఒకేసారి ఫస్టియర్‌, సెకండ్ ఇయర్ ఫలితాలు విడుదలవుతున్నాయి. ఫలితాల కోసం ప్ర‌భుత్వ అధికారిక వెబ్‌సైట్ https://resultsbie.ap.gov.inతో పాటు మన మిత్ర నంబ‌ర్‌ 9552300009కు హాయ్ అని సందేశం పంపి తెలుసుకోవ‌చ్చని మంత్రి లోకేష్ అన్నారు. కాగా, ఈ ఏడాది ఫస్ట్, సెకండ్ ఇయర్ కలిపి దాదాపు లక్షలాదిగా విద్యార్థులు పరీక్షల‌కు హాజ‌రైన విష‌యం తెలిసిందే. వీరంతా ఆసక్తిగా ఫలితాల కోసం ఎదురు చూస్తున్నారు.
ముంబ‌యిలో మారణహోమం సృష్టించిన 26/11 ఉగ్రదాడి కేసులో ప్రధాన కుట్ర‌దారుల్లో ఒక‌డైన తహవ్వుర్‌ హుస్సేన్‌ రాణాను భారత్ తన దౌత్య నైపుణ్యాన్ని ప్రదర్శించి తీసుకువచ్చిన సంగతి తెలిసిందే. 2009 నుంచి యూఎస్‌ జైలులో శిక్ష అనుభవిస్తున్న రాణాను అమెరికా నుండి తీసుకువచ్చిన ప్రత్యేక విమానం నిన్న దేశ రాజ‌ధాని ఢిల్లీ ఎయిర్‌పోర్టుకు చేరుకుంది. వెంటనే రాణాను నేషనల్ సెక్యూరిటీ ఏజెన్సీ (ఎన్‌ఐఏ) అదుపులోకి తీసుకుంది. కాగా, అమెరికాలో యూఎస్‌ మార్షల్స్ రాణాను భారత్ కు అప్పగిస్తున్న దానికి సంబంధించిన ఫొటో సోషల్ మీడియా లో వైరల్ అవుతోంది. ఈ ఫొటోను అమెరికా న్యాయశాఖ తాజాగా విడుదల చేసింది.
మహాత్మ జ్యోతిరావు పూలే జయంతి సందర్భంగా ఏపీ సీఎం చంద్రబాబు, డిప్యూటీ సీఎం పవన్ కళ్యాణ్ నివాళులు అర్పించారు. పూలే సేవలను స్మరించుకున్నారు. ఏపీ సీఎం చంద్రబాబు: దేశానికి స్వాతంత్య్రం రావడానికి వందేళ్ల క్రితమే వర్ణ, కుల, లింగ వివక్షపై గళమెత్తి పోరాడి ప్రజలను చైతన్యపరచిన దార్శనికుడు మహాత్మ జ్యోతిరావు పూలే. ఆయన స్ఫూర్తితో బీసీల అభ్యున్నతికి ఆది నుంచీ కృషిచేస్తూ బీసీల పార్టీగా పేరుగాంచింది తెలుగుదేశం. ఈరోజు మహాత్మా పూలే జయంతి సందర్భంగా ఆ అభ్యుదయవాది సామాజిక, దేశ సేవలను స్మరించుకుందాం. డిప్యూటీ సీఎం పవన్ కళ్యాణ్: అణగారిన వర్గాల ఆశాజ్యోతి, మహిళా అభ్యుదయం కోసం కృషిచేసిన మహనీయుడు మహాత్మా జ్యోతిరావు ఫూలే గారి జయంతి సందర్భంగా ఆయన సమాజానికి చేసిన సేవలను స్మరించుకుంటూ ఘన నివాళి అర్పిస్తున్నాను.
మన దేశంలోని రోడ్లను అమెరికా రోడ్ల కంటే అద్భుతంగా తీర్చిదిద్దుతామని కేంద్ర రోడ్డు రవాణా, రహదారుల శాఖ మంత్రి నితిన్ గడ్కరీ అన్నారు. అమెరికా సంపన్న దేశం కాబట్టి రోడ్లు బాగుంటాయని చాలా మంది అనుకుంటారని… అయితే, రోడ్లు బాగున్నందుకే అమెరికా సంపన్న దేశం అయిందని ఆ దేశ మాజీ అధ్యక్షుడు జాన్ ఎఫ్ కెన్నెడీ ఒక సందర్భంలో అన్నారని గుర్తు చేశారు. దేశాభివృద్ధిలో రహదారుల పాత్ర అత్యంత కీలకమైనదని అన్నారు. రోడ్లు బాగున్న దేశం అభివృద్ధి చెందుతుందని తెలిపారు. రెండేళ్లలో దేశంలోని జాతీయ రహాదారులు అద్భుతంగా తీర్చిదిద్దుతామని పేర్కొన్నారు. ఇక మన రోడ్లకు సంబంధించి కేవలం తాను హామీలు మాత్రమే ఇవ్వడం లేదని ఆచరణలో చేసి చూపిస్తామని నితిన్ గడ్కరీ స్పష్టం చేశారు. కేంద్రంలో బీజేపీ ప్రభుత్వం అధికారంలోకి వచ్చిన తర్వాత నేషనల్ హైవేల బాధ్యతను తనకు అప్పగించారని… గత 11 ఏళ్లలో దేశ వ్యాప్తంగా ఎన్నో రహదారులు, ఫ్లైఓవర్లను…
అంటరానితనం, కుల వివక్ష నిర్మూలన కోసం మహాత్మ జ్యోతిరావు పూలే అలుపెరుగని పోరాటం చేశారని ఏపీ మంత్రి నారా లోకేష్ అన్నారు. నేడు పూలే జయంతి సందర్భంగా లోకేష్ నివాళులు అర్పించారు. బడుగు, బలహీనవర్గాల అభ్యున్నతికి విశేష కృషిచేసిన పూలే జయంతి సందర్భంగా ఆ మహనీయుని స్మృతికి ఘన నివాళులు అర్పిస్తున్నాను. స్త్రీ విద్య కోసం పోరాడిన గొప్ప సంస్కర్త జ్యోతిరావు పూలే. సమసమాజ నిర్మాణంలో కీలక పాత్ర పోషించారు. మహాత్మ జ్యోతిరావు పూలే జీవితం ప్రతిఒక్కరికి స్ఫూర్తిదాయకం. పూలే ఆశయ సాధనకు పునరంకితం కావడమే మనం అర్పించే ఘన నివాళి అని ‘ఎక్స్’ లో పోస్ట్ చేశారు.
ఆర్చరీ వరల్డ్ కప్ స్టేజ్-1లో భారత్ కు రెండో మెడల్ ఖాయమైంది. పురుషుల రికర్వ్ టీమ్ ఫైనల్ చేరింది. ఐదో సీడ్ భారత్ సెమీ ఫైనల్ లో 6-2తో స్పెయిన్ పై విజయం సాధించింది. ధీరజ్ బొమ్మ దేవర మంచి ప్రదర్శన కనబరిచాడు. తరుణ్ దీప్ రాయ్, అతాను దాస్ లు టీమ్ లో ఇతర సభ్యులు. గోల్డ్ మెడల్ కోసం చైనాతో తలపడనుంది. మహిళల రికర్వ్ టీమ్ 2-6తో అమెరికా చేతిలో ఓడింది.
ఆసియా ఛాంపియన్ షిప్ లో భారత స్టార్ షట్లర్ పి.వి.సింధు నిష్క్రమించింది. మహిళల సింగిల్స్ ప్రి క్వార్టర్స్ లో సింధు జపాన్ కు చెందిన యమగూచి చేతిలో 12-21, 21-16, 16-21తో ఓటమి చెందింది. పురుషుల సింగిల్స్ లో కూడా భారత్ కు పరాభవం ఎదురైంది. ప్రి క్వార్టర్స్ లో ప్రియాన్షు రజావత్ 14-21, 17-21తో ఐదో సీడ్ జపాన్ కు చెందిన కొడయ్ నరవక చేతిలో, కిరణ్ జార్జ్ 21-19, 13-21 తేడాతో థాయ్ లాండ్ కు చెందిన కున్లావత్ వితిద్సర్న్ చేతిలో ఓడారు. ప్రి క్వార్టర్స్ లో ధ్రువ్-తనీషా క్యాస్ట్రో జోడీ చైనీస్ తైపీకి చెందిన హాంగ్ వీ నికోల్ గొంజాలెస్ జోడీ పై 12-21, 21-16, 21-18తో గెలుపొందింది.
లాస్ ఏంజిల్స్ ఒలింపిక్స్ లో క్రికెట్ తిరిగి విశ్వ క్రీడల్లో పునరాగమనం చేయనున్న సంగతి తెలిసిందే. 1900లో ఒకసారి ఈ క్రీడల్లో భాగమైంది. అప్పుడు కేవలం రెండు టీమ్ లు మాత్రమే పోటీ పడ్డాయి. గ్రేట్ బ్రిటన్-ఫ్రాన్స్ మధ్య రెండు రోజుల మ్యాచ్ నిర్వహించారు. ఇక లాస్ ఏంజిల్స్ ఒలింపిక్స్ లో 6 టీమ్ లతో నిర్వహించనున్నారు. మెన్స్, ఉమెన్స్ టీమ్ విభాగాల్లో 6 టీమ్ లకు టీ20 ఫార్మాట్ లో జరగనున్నట్లు ఒలింపిక్స్ కమిటీ తెలిపింది. ఒక్కో టీమ్ లో 15 మంది ప్లేయర్లు పాల్గొనే అవకాశం ఉంది. ఆతిథ్య హోదాలో అమెరికాకు ఒక టీమ్ గా అర్హత సాధించనుంది. మిగతా 5 టీమ్ లను ఏవిధంగా ఎంపిక చేస్తారన్నది చూడాల్సి ఉంది.
రాయల్ ఛాలెంజర్స్ బెంగళూరు: 163-7 (20). ఢిల్లీ క్యాపిటల్స్: 169-4 (17.5). ఈ సీజన్ లో ఢిల్లీ క్యాపిటల్స్ వరుస విజయాలతో దూసుకుపోతోంది. తాజాగా బెంగుళూరు చిన్నస్వామి స్టేడియం వేదికగా రాయల్ ఛాలెంజర్స్ బెంగళూరుతో జరిగిన మ్యాచ్ లో 6 వికెట్ల తేడాతో గెలిచి వరుసగా నాలుగో విజయం సాధించింది. మ్యాచ్ లో టాస్ ఓడి ముందుగా బ్యాటింగ్ చేసిన రాయల్ ఛాలెంజర్స్ బెంగళూరు నిర్ణీత 20 ఓవర్లలో 7 వికెట్ల నష్టానికి 163 పరుగులు చేసింది. ఫిల్ సాల్ట్ 37 (17; 4×4, 3×6), విరాట్ కోహ్లీ 22 (14; 1×4, 2×6), రజత్ పటేదార్ 25 (23; 1×4, 1×6), టిమ్ డేవిడ్ 37 నాటౌట్ (20; 2×4, 4×6) పరుగులు చేశారు. ఢిల్లీ క్యాపిటల్స్ బౌలర్లలో కుల్దీప్ యాదవ్ 2 వికెట్లు, విప్రజ్ నిగమ్ 2 వికెట్లు, ముకేష్ కుమార్, మోహిత్ శర్మ ఒక్కో వికెట్ తీశారు.…