షూటింగ్ వరల్డ్ కప్ లో భారత్ కు మరో గోల్డ్ మెడల్ దక్కింది. 25 మీ ర్యాపిడ్ ఫైర్ పిస్టల్ లో విజయ్ వీర్ సిద్ధు గోల్డ్ మెడల్ సాధించాడు. హోరాహోరీగా జరిగిన ఫైనల్ లో ఎనిమిది సిరీస్ లో 29 పాయింట్లు స్కోరు చేశాడు. ఒక్క పాయింట్ తేడాతో ఇటలీకి చెందిన రికార్డో మజట్టీని ఓడించాడు. విజయ్ వీర్ కు ఇదే మొదటి ఐఎస్ఎస్ఎఫ్ గోల్డ్ మెడల్. చైనాకు చెందిన యాంగ్ యుహావో కు బ్రాంజ్ దక్కింది. ఈ టోర్నీలో భారత్ ఇప్పటి వరకు 6 మెడల్స్ సాధించింది.
Author: admin
కంచ గచ్చిబౌలిలోని 400 ఎకరాల భూమిని పరిశీలించేందుకు హెచ్.సి.యూకు ఎన్విరాన్మెంటల్, ఫారెస్ట్ డిపార్ట్మెంట్ కేంద్ర సాధికారిక కమిటీ వచ్చింది. క్షేత్రస్థాయిలో పరిశీలన జరిపి పూర్తి వివరాలను సుప్రీంకోర్టుకు అందించనుంది. టీజీఐఐసీ ఈ భూములను చదును చేపట్టిన నేపథ్యంలో దేశ అత్యున్నత న్యాయస్థానం సుప్రీంకోర్టు ఆగ్రహం వ్యక్తం చేసిన విషయం తెలిసిందే. దీనిపై క్షేత్రస్థాయిలో పరిశీలన జరిపి నివేదిక అందజేయాలని కమిటీకి సుప్రీం ఆదేశాలు జారీ చేసిన నేపథ్యంలో సెంట్రల్ ఎంపవర్ కమిటీ ఛైర్మన్ సిద్ధాంత దాస్, మరో ఇద్దరు సభ్యులు హైదరాబాద్ చేరుకున్నారు. వీరు 10, 11 తేదీల్లో కంచ గచ్చిబౌలి భూముల్లో పరిశీలన జరిపి.. వాస్తవ పరిస్థితులను అధ్యయనం చేయనున్నారు. కమిటీ రాక నేపథ్యంలో పోలీసులు పటిష్ఠ బందోబస్తు ఏర్పాటు చేశారు.
భగవాన్ మహావీర్ జయంతి సందర్భంగా ఏపీ సీఎం చంద్రబాబు, మంత్రి నారా లోకేష్ లు శుభాకాంక్షలు తెలిపారు. ఈమేరకు సోషల్ మీడియా ‘ఎక్స్’ లో పోస్ట్ చేశారు. ఏపీ సీఎం చంద్రబాబు: జైన మతస్థుల ఆరాధ్య దైవం… అహింస, సత్యం తదితర పంచ సూత్రాలను ప్రబోధించిన ధర్మ ప్రచార కర్త మహావీర జయంతి సందర్భంగా ప్రజలందరికీ శుభాకాంక్షలు. మానవాళికి శాంతి, అహింసలతో కూడిన గొప్ప సందేశాన్ని అందించిన మహావీరుని స్ఫూర్తిగా మనందరం శాంతియుత సమాజ స్థాపనకు కృషి చేద్దాం. ఏపీ మంత్రి నారా లోకేష్: ప్రపంచంలోని సమస్త ప్రాణుల పట్ల కరుణ చూపాలని భగవాన్ మహావీర్ బోధించారు. శాంతి, సహనం, సమ్యక్ జ్ఞానం అనే విలువలు మానవాళికి బోధించిన మహావీరుని జీవిత సందేశం అందరికీ ఆదర్శం. భగవాన్ మహావీర్ జయంతి సందర్భంగా జైన సోదరులకు శుభాకాంక్షలు.
మంగళగిరి ఎస్ఎల్ఎన్ కాలనీలో అభివృద్ధి చేసిన శ్రీలక్ష్మీ నరసింహస్వామి పార్కు(ఎస్ఎల్ఎన్ పార్క్)ను మంత్రి నారా లోకేష్ ప్రారంభించారు. 0.35 ఎకరాల్లో విస్తరించి ఉన్న ఈ పార్క్ ను రూ.1.06 కోట్లతో అభివృద్ధి చేసారు. మంగళగిరి నియోజకవర్గంలో దాదాపు 30కి పైగా పార్కులు, చెరువులను దశలవారీగా అభివృద్ధి చేస్తున్నాంట్లు లోకేష్ తెలిపారు. మంగళగిరిలోని టిడ్కో పార్క్ ను రూ.9 కోట్లతో అభివృద్ధి చేయాలని నిర్ణయించాం, ఇందుకు సంబంధించిన పనులను కూడా త్వరలోనే ప్రారంభిస్తామని తెలిపారు. నులకపేట, చినకాకానిలో లేక్ పార్కులను కూడా అభివృద్ధి చేసి వాకర్స్ కి అందుబాటులోకి తీసుకొస్తామన్నారు.ఈ కార్యక్రమంలో నియోజకవర్గం కూటమి ముఖ్య నేతలు పాల్గొన్నారు.
ప్రతిష్టాత్మక ఆసియా బ్యాడ్మింటన్ ఛాంపియన్ షిప్ లో భారత స్టార్ షట్లర్లు సింధు, లక్ష్యసేన్ మొదటి రౌండ్ లో విజయం సాధించి ముందడుగేశారు. మహిళల సింగిల్స్ మొదటి మ్యాచ్ లో 21-15, 21-19తో ఇండోనేషియా కు చెందిన ఎస్తేర్ నురుమి పై విజయం సాధించింది. పురుషుల సింగిల్స్ మొదటి రౌండ్ లో లక్ష్యసేన్ 21-18, 21-10తో తైవాన్ కు చెందిన లీ చియావ్ హాయ్ పై గెలిచాడు. మరోవైపు ప్రణయ్, ఆర్షి కశ్యప్, మాళవిక బాన్సోద్, అనుపమ ఉపాధ్యాయ మొదటి రౌండ్ లోనే ఓటమితో వెనుదిరిగారు.
ఈ ఐపీఎల్ సీజన్ లో గుజరాత్ టైటాన్స్ జట్టు సమిష్టిగా రాణిస్తూ మంచి ప్రదర్శన కనబరుస్తూ దూసుకుపోతోంది. తాజాగా రాజస్థాన్ రాయల్స్ తో జరిగిన మ్యాచ్ లో అన్ని విభాగాల్లో రాణించి 58 పరుగులతో విజయం సాధించింది. మ్యాచ్ లో టాస్ ఓడి మొదట బ్యాటింగ్ చేసిన గుజరాత్ నిర్ణీత 20 ఓవర్లలో 6 వికెట్ల నష్టానికి 217 పరుగులు చేసింది. సాయి సుదర్శన్ (82) మరోసారి కీలక ఇన్నింగ్స్ తో ఆకట్టుకున్నాడు. బట్లర్ (36), షారుక్ ఖాన్ (36), రాహుల్ తెవాటియా (24 నాటౌట్) పరుగులు చేశారు. రాజస్థాన్ బౌలర్లలో తుషార్ దేశ్ పాండే 2 వికెట్లు, తీక్షణ 2 వికెట్లు, జోఫ్రా ఆర్చర్ 1 వికెట్, సందీప్ శర్మ 1 వికెట్ తీశారు. అనంతరం లక్ష్య ఛేదనలో రాజస్థాన్ 19.2 ఓవర్లలో 159 పరుగులకు ఆలౌటయింది. హెట్మెయర్ (52), సంజు శాంసన్ (41), రియాన్ పరాగ్ (26) మినహా…
మంచు ఫ్యామిలీ నుంచి వస్తున్న ప్రతిష్టాత్మక హిస్టారికల్‌ ప్రాజెక్ట్‌ ‘కన్నప్ప’ విడుదల తేదీ ఫైనల్ అయింది.మంచు మోహన్‌బాబు నిర్మాణంలో, మంచు విష్ణు హీరోగా రూపొందుతున్న ఈ సినిమా జూన్ 27న విడుదల కానుంది.ప్రభాస్‌తో పాటు బాలీవుడ్‌ హీరో అక్షయ్ కుమార్ , కోలీవుడ్‌ నుండి మోహన్ లాల్ ఈ సినిమాలో కీలక పాత్రల్లో నటిస్తున్నారు.మహాభారతం సీరియల్‌ ఫేమ్ ముఖేష్‌కుమార్‌ సింగ్‌ దర్శకత్వం వహిస్తున్నాడు.ప్రారంభంలో ఏప్రిల్‌ 25న రిలీజ్ చేయాలని భావించినప్పటికీ, కొన్ని కారణాల వల్ల వాయిదా వేశారు.తాజాగా ఉత్తరప్రదేశ్ సీఎం యోగి ఆదిత్యనాథ్‌ను కలిసినకన్నప్ప టీమ్‌..ఆయన చేతుల మీదుగా కొత్త రిలీజ్ డేట్‌ను ప్రకటించింది.ఈ సందర్భంగా సీఎం యోగి మూవీ యూనిట్‌కు శుభాకాంక్షలు తెలిపారు.జూన్ 27న ప్రపంచవ్యాప్తంగా సినిమాను గ్రాండ్‌గా విడుదల చేయనున్నారు.ఈ సినిమాపై భారీ అంచనాలు నెలకొన్నాయి. Met one of my favorite Hero Sri. @myogiadityanath ji. He was gracious to launch the date…
ఆంధ్రప్రదేశ్‌ డిప్యూటీ సీఎం పవన్‌ కల్యాణ్‌ కుమారుడు మార్క్ శంకర్ పవనోవిచ్‌ ప్రమాదం నుంచి కోలుకుంటున్నాడు.సింగపూర్‌ స్కూల్లో జరిగిన అగ్నిప్రమాదంలో గాయపడిన మార్క్ ప్రస్తుతం ఆసుపత్రిలో చికిత్స పొందుతున్నాడు.ఈ ప్రమాదంలో అతడి చేతులు, కాళ్లు గాయపడ్డాయి. పొగ ఊపిరితిత్తుల్లోకి వెళ్లడం వల్ల శ్వాస సమస్యలు ఎదురయ్యాయి.ప్రమాదం సమాచారం అందుకున్న వెంటనే పవన్‌ కల్యాణ్‌ సింగపూర్‌కు బయలుదేరి వెళ్లారు.తర్వాత మెగాస్టార్ చిరంజీవి కుటుంబసభ్యులు కూడా మార్క్ శంకర్ ను పరామర్శించేందుకు వెళ్లారు.తాజాగా మార్క్ ఆసుపత్రి బెడ్‌పై ‘విజయం’ సంకేతంగా చేతిని పైకెత్తిన ఫోటోను కుటుంబం విడుదల చేసింది.ఈ ఫోటో సోషల్‌మీడియాలో వైరల్‌ అవుతోంది.మార్క్ ప్రస్తుతం మెరుగైన స్థితిలో ఉన్నాడు అని వైద్యులు తెలిపారు.పూర్తిగా కోలుకోవడానికి ఇంకా మూడు రోజులు పట్టనుందని సమాచారం.ప్రమాదం తర్వాత అభిమానులు, ప్రజలు మార్క్ త్వరగా కోలుకోవాలని ప్రార్థనలు చేస్తున్నారు.
అమెరికా అధ్యక్షుడు డొనాల్డ్ ట్రంప్‌ మరో షాకింగ్ నిర్ణయం తీసుకున్నారు.ఇప్పుడు ఔషధ ఉత్పత్తులపై భారీ టారిఫ్‌లు విధించనున్నట్టు ప్రకటించారు.ఈ చర్య భారత ఫార్మా రంగంపై తీవ్ర ప్రభావం చూపనుందని నిపుణులు చెబుతున్నారు.అమెరికా జనరిక్‌ మందుల మార్కెట్‌లో భారత్ కీలక పాత్ర పోషిస్తోంది.ప్రస్తుతం అమెరికాలో లభించే ఔషధాల్లో 70% దిగుమతి చేసినవే.దీంట్లో సుమారు 50% భారతీయ కంపెనీల నుంచే రావడం విశేషం.జైడస్‌, అరబిందో, డాక్టర్‌ రెడ్డీస్‌ వంటి సంస్థలపై ప్రభావం ఎక్కువగా ఉంటుందని అంచనా.భారత్ నుండి అమెరికాకు ప్రతి సంవత్సరం సుమారు $9 బిలియన్ల ఔషధాలు ఎగుమతి అవుతున్నాయి.ఇప్పుడు టారిఫ్‌లు పెరిగితే,దిగుమతి తగ్గి భారత ఫార్మా ఆదాయంపై ప్రభావం పడవచ్చు.ఈ పరిస్థితుల్లో యూరప్‌,ఇతర దేశాల మార్కెట్లను లక్ష్యంగా చేసుకోవాలని నిపుణులు సూచిస్తున్నారు.
భారత రక్షణ వ్యవస్థను మరింత సమర్థవంతంగా తీర్చిదిద్దేందుకు కేంద్ర ప్రభుత్వం కీలక అడుగు వేసింది.ఫ్రాన్స్‌తో కలిసి రఫేల్‌ మెరైన్‌ యుద్ధ విమానాల కొనుగోలుకు సంబంధించి భారీ ఒప్పందం కుదిరింది.ఈ డీల్‌ విలువ దాదాపు రూ.63,000 కోట్లు కాగా,ఇది గవర్నమెంట్‌ టు గవర్నమెంట్‌ ప్రాతిపదికన జరుగనుంది.ఫ్రాన్స్ ప్రభుత్వం నుండి 22 సింగిల్‌ సీటర్‌, 4 డబుల్‌ సీటర్‌ యుద్ధ విమానాలను భారత్ పొందనుంది.ఈ విమానాలు ముఖ్యంగా నౌకాదళ వినియోగం కోసం సిద్ధంగా ఉండనున్నాయి.విమానాల డెలివరీకి ముందు అవసరమైన శిక్షణ,సాంకేతిక మద్దతు కూడా ఫ్రాన్స్ అందించనుంది.ఈ డీల్‌పై అధికారికంగా సంతకాలు త్వరలో జరగనున్నట్లు వర్గాలు వెల్లడించాయి.రఫేల్‌ విమానాల సామర్థ్యంఇప్పటికే వైమానిక దళంలో పరీక్షించబడింది.ఇప్పుడు వాటి మెరైన్‌ వెర్షన్‌ నేవీలో చేరడం రక్షణ శక్తిని పెంచనుంది.ప్రస్తుతం కేంద్రం నుంచి అధికారిక ప్రకటన వెలువడాల్సి ఉంది.