Author: admin

మెగాస్టార్ చిరంజీవి ప్రధాన పాత్రల్లో తెరకెక్కుతున్న చిత్రం ‘విశ్వంభర’.దర్శకుడు వశిష్ఠ అత్యద్భుతమైన సోషియో ఫాంటసీ కథతో ఈ చిత్రాన్ని రూపొందిస్తున్నాడు.అయితే ‘విశ్వంభర’ అంటే ఓ లోకం…ఆ లోకానికీ..భూలోకానికీ సంబంధం ఏంటి? అసలు ఈ కథలో చిరంజీవి ఎవరు? వేరే లోకానికెళ్లి ఆయన సాధించేదేంటి? తదితర అంశాలన్నీ కొత్తగా ఉండనున్నాయని తెలుస్తుంది. ఇక ఈచిత్రం నుండి ఫస్ట్ సింగిల్ ను ఈనెల 12న విడుదల చేయనున్నట్లు చిత్ర బృందం ప్రకటించింది. ఈమేరకు ఒక పోస్టర్ ను విడుదల చేసింది. గతంలో వచ్చిన ‘జగదేకవీరుడు-అతిలోక సుందరి’ చిత్రంలో చిరంజీవి పాత్రకు ఇది నెక్ట్స్‌ లెవల్‌గా ఉంటుందని సమాచారం.ఇందులో త్రిష కథానాయికగా నటిస్తుంది.ఈ చిత్రానికి సంగీతం ఎం.ఎం.కీరవాణి అందిస్తున్నారు.యూవీ క్రియేషన్స్‌ ఈ చిత్రాన్ని నిర్మిస్తుంది. A Hanuman's love and reverence for his Lord Shri Ram 🏹✨#Vishwambhara First Single #RamaRaama out on April 12th ❤️‍🔥Music by the Legendary…

రష్యాలో మే 9న జరగనున్న ప్రతిష్టాత్మక విక్టరీ డే పరేడ్ వేడుకలకు భారత ప్రధాని నరేంద్ర మోదీకి ఆహ్వానం అందింది.ఈ విషయాన్ని రష్యా ఉప విదేశాంగ మంత్రి ఆండ్రీ రుడెంకో వెల్లడించారు.నాజీ జర్మనీపై సోవియట్ యూనియన్ విజయం సాధించిన చారిత్రక ఘట్టాన్ని పురస్కరించుకుని ప్రతి సంవత్సరం మాస్కోలో ఈ పరేడ్‌ను ఘనంగా నిర్వహిస్తారు.ఈ ఏడాది పరేడ్ 80వ వార్షికోత్సవం కావడం విశేషం. ఈ వేడుకల్లో ప్రధాని మోదీ హాజరవుతారో లేదో అధికారికంగా ప్రకటించాల్సి ఉంది. అయితే, రష్యా ప్రధాని పుతిన్ భారత ప్రధానికి వ్యక్తిగతంగా ఆహ్వానం పంపడం గమనార్హం. ప్రపంచ రాజకీయ పరిణామాల్లో ఈ చర్య విశేష ప్రాధాన్యం సంతరించుకుంటోంది.విక్టరీ డే పరేడ్ రష్యా సైనిక శక్తిని ప్రదర్శించడమే కాక, మిత్రదేశాల నేతలతో సంబంధాలు బలోపేతం చేసుకునే వేదికగా కూడా ఉపయోగపడుతుంది. భారత్, చైనా, అమెరికా వంటి దేశాల మధ్య ఉద్రిక్తతలు ఉన్న తరుణంలో, మోదీకి ఆహ్వానం రావడం ఓ వ్యూహాత్మక…

ఏలూరులో జరిగిన వైఎస్సార్ కాంగ్రెస్ పార్టీ సమావేశంలో మాజీ మంత్రి కారుమూరి నాగేశ్వరరావు చేసిన వ్యాఖ్యలు తీవ్ర వివాదాస్పదంగా మారాయి.కూటమి నేతలను ఉద్దేశించి “నరికేస్తాం” అనే రెచ్చగొట్టే మాటలతో వ్యాఖ్యానించడంపై తెలుగుదేశం పార్టీ నాయకులు గట్టిగా స్పందించారు.కనపర్తి శ్రీనివాసరావు, మద్దిరాల మ్యానీ, అడకా శ్రీను గుంటూరు నగరంపాలెం పోలీసులకు ఫిర్యాదు చేశారు. పోలీసులు ఈ ఫిర్యాదును పరిశీలించి, కారుమూరిపై కేసు నమోదు చేశారు. త్వరలోనే విచారణకు హాజరుకావాలని నోటీసులు జారీ చేయనున్నట్లు తెలిపారు. ఈ వ్యవహారం రాజకీయ వర్గాల్లో తీవ్ర చర్చనీయాంశంగా మారింది. ఇటువంటి వ్యాఖ్యలు రాజకీయ నైతికతకు భిన్నమని పలు వర్గాలు అభిప్రాయపడుతున్నాయి.

రాజస్థాన్‌లో ఘోర ప్రమాదం జరిగింది.బారన్‌ జిల్లాలో హాట్ ఎయిర్ బెలూన్‌ ప్రదర్శన కోసం ఏర్పాట్లు జరుగుతుండగా,అపశృతి చోటుచేసుకుంది.కోటా ప్రాంతానికి చెందిన వాసుదేవ్ ఖత్రి అనే వ్యక్తి, బెలూన్‌ కట్టిన తాడుకు చిక్కుకుని అనుకోకుండా గాల్లోకి లేచిపోయాడు.బెలూన్ వంద అడుగుల ఎత్తుకు చేరుకున్న తర్వాత తాడు తెగిపోవడంతో అతడు కిందపడిపోయాడు.తీవ్ర గాయాలతో ఆసుపత్రికి తరలించినా,అప్పటికే మృతి చెందినట్లు వైద్యులు ధ్రువీకరించారు.బారన్ జిల్లా ఫౌండేషన్ డే సందర్భంగా జరుగుతున్న వేడుకల సందర్భంగా ఈ ఘటన చోటు చేసుకోవడంతో,మూడు రోజులపాటు జరగాల్సిన ఉత్సవాలను జిల్లా యంత్రాంగం రద్దు చేసింది.ఈ ప్రమాదానికి సంబంధించిన వీడియో ప్రస్తుతం సామాజిక మాధ్యమాల్లో వైరల్ అవుతోంది.ప్రజల భద్రతపై మరింత జాగ్రత్తలు తీసుకోవాల్సిన అవసరం ఉందని నెటిజన్లు అభిప్రాయపడుతున్నారు.

బీహార్‌కు చెందిన ఓ యువకుడు మద్యం మత్తులో భారీ ప్రమాదానికి కారణమయ్యేలా ప్రవర్తించాడు.ఉత్తరప్రదేశ్‌లోని గొరఖ్‌పూర్‌ జిల్లాలో జరిగిన పార్టీకి వెళ్లిన ఆదర్శ్ రాయ్‌ తిరిగి తన గ్రామం గోపాల్‌పూర్‌కు బయలుదేరాడు.అయితే గూగుల్ మ్యాప్‌లో పూర్తి చిరునామా ఇవ్వకుండా కేవలం గ్రామం పేరు మాత్రమే ఎంటర్‌ చేయడంతో,మార్గం తప్పాడు.మద్యం మత్తులో ఉన్న ఆదర్శ్‌ లక్నోలోని డోమింగర్ సమీపంలో రైల్వే ట్రాక్‌పైకి కారును నడిపించాడు.రైలు పట్టాలపైకి వెళ్లిన కారుకు టైర్లు కంకర రాళ్లలో చిక్కుకుపోయాయి.ఇదే సమయంలో ఆ దారిలో గూడ్స్‌ రైలు వస్తుండగా, అప్రమత్తమైన లోకో పైలట్‌ ఎమర్జెన్సీ బ్రేకులు వేయడంతో ఐదు మీటర్ల దూరంలో రైలు ఆగింది. వెంటనే సంఘటనా స్థలానికి చేరుకున్న ఆర్పీఎఫ్‌ సిబ్బంది, స్థానికుల సహాయంతో కారును ట్రాక్‌పై నుంచి తొలగించారు. అనంతరం మద్యం మత్తులో ఉన్న ఆదర్శ్‌ను అరెస్టు చేసి కేసు నమోదు చేశారు. సకాలంలో చర్యలు తీసుకోవడంతో పెద్ద ప్రమాదం తప్పింది.

టెలికాం సంస్థలు తమ వెబ్‌సైట్లలో మొబైల్ నెట్‌వర్క్ కవ‌రేజ్ మ్యాప్‌లను విడుదల చేశాయి.టెలికాం నియంత్రణ సంస్థ ట్రాయ్ (TRAI) ఆదేశాల మేరకు ఈ మ్యాప్‌లు పబ్లిష్ చేశారు.పారదర్శకత పెంపుతో పాటు వినియోగదారులకు తమ ఏరియాలోని నెట్‌వర్క్ స్టేటస్‌ తెలుసుకునేలా ఈ నిర్ణయం తీసుకున్నారు.జియో, ఎయిర్‌టెల్‌, వోడాఫోన్ వంటి ప్రముఖ సంస్థలు ఇప్పటికే తమ కవ‌రేజ్ మ్యాప్‌లను వెబ్‌సైట్స్‌లో అందుబాటులో ఉంచాయి. కానీ బీఎస్ఎన్ఎల్‌, ఎంటీఎన్ఎల్ ఇంకా విడుదల చేయలేదు.ఈ మ్యాప్‌లలో 2జీ, 3జీ, 4జీ, 5జీ సేవలు అందుబాటులో ఉన్న ప్రాంతాలను రంగులతో స్పష్టంగా చూపిస్తున్నారు.జియోస్పేషియల్ డేటా ఆధారంగా యూజర్లు తమ లొకేషన్‌లో ఉన్న కవ‌రేజ్ వివరాలను తెలుసుకోగలుగుతారు.ట్రాయ్ వెబ్‌సైట్‌లో కూడా అన్ని కంపెనీల మ్యాప్ లింకులు ఒకేచోట అందుబాటులో ఉన్నాయి.కొత్త ప్లాన్ ఎంచుకునే ముందు ఈ మ్యాప్‌లు వినియోగదారులకు మంచి గైడెన్స్‌గా నిలవనున్నాయి.

సీనియర్ హీరో రవితేజ వరుసగా సినిమాలు చేస్తున్నాడు కానీ ఆయనకు సరైన హిట్‌ పడి చాలా రోజులైంది. ‘ధమాకా’ తరువాత ఆయన నటించిన రావణసుర, టైగర్‌ నాగేశ్వరరావు, ఈగల్‌, మిస్టర్‌ బచ్చన్‌ సినిమాలు బాక్సాఫీస్‌ వద్ద పరాజయాలుగా నిలిచాయి.ఇక ప్రస్తుతం ఆయన ‘మాస్‌ జాతర’ అనే సినిమాలో నటిస్తున్నాడు. గీతాంజలి మళ్లీ వచ్చింది.వివాహ భోజనంబు చిత్రాలకు రచయితగా పనిచేసిన భాను భోగవరపు ఈ చిత్రానికి దర్శకుడు. సితార ఎంటర్‌టైన్‌మెంట్స్‌, ఫార్చూన్‌ ఫోర్‌ సినిమాస్‌ పతాకాలపై సూర్య దేవర నాగవంశీ, సాయి సౌజన్య ఈ చిత్రానికి నిర్మాతలు.కాగా ఈచిత్రం నుండి ఫస్ట్ సింగిల్ పాటను ఈనెల 14న విడుదల చేయనున్నట్లు మేకర్స్ తెలిపారు. ఈమేరకు పోస్టర్ ను తాజాగా విడుదల చేసారు. శ్రీలీల కథానాయికగా నటిస్తున్న ఈ చిత్రానికి భీమ్స్‌ సిసిరోలియో సంగీతాన్ని అందిస్తున్నాడు. This is MASS MAHARAAJ ka MASS BUSTER 💥💥💥#MassJathara First Single #TuMeraLover on April…

ముంబై పేలుళ్లకు సూత్రధారి తహావూర్ రాణాను భారత్ కు రప్పించడం భారత్ కు అతిపెద్ద దౌత్య విజయం అని కేంద్ర హోం మంత్రి అమిత్ షా అన్నారు. ఈసందర్భంగా కాంగ్రెస్ పై విమర్శలు గుప్పించారు. భారత దేశానికి, ఇక్కడి ప్రజలకు హాని కలిగించే వారిని ప్రధాని మోడీ నేతృత్వంలోని ప్రభుత్వం వదిలిపెట్టదని స్పష్టం చేశారు. బాంబు పేలుళ్లు ఎవరి హాయాంలో జరిగాయో వారు అతడిని వెనక్కి రప్పించలేకపోయారు కానీ మేము వారిని తిరిగి తీసుకొస్తున్నాం తహావ్వూర్ ను రప్పించడం భారత్ కు అతిపెద్ద దౌత్య విజయం. ఇది మోడీ ప్రభుత్వం దౌత్య నైపుణ్యాన్ని, న్యాయం పై నిబద్ధతను తెలియజేస్తుందని అమిత్ షా అన్నారు. దేశానికి వ్యతిరేకంగా పనిచేసే వారిని మోడీ ప్రభుత్వం వెంటాడుతుందన్నారు.

2008 ముంబై ఉగ్రదాడుల సూత్రధారి తహవూర్‌ రాణా భారత్ చేరాడు. అమెరికా నుండి అతనిని తీసుకొచ్చిన విమానం ఈరోజు మధ్యాహ్నం ఢిల్లీ ఎయిర్ పోర్ట్ లో దిగినట్లు పలు మీడియా కధనాలు వస్తున్నాయి. అక్కడ నుంచి అతనిని తీహార్ జైలుకు తరలించనున్నారని తెలుస్తోంది. నేషనల్ ఇన్వెస్టిగేషన్ ఏజెన్సీ అతనిని విచారించనున్నట్లు సమాచారం. తహవూర్‌ రాణా రాక నేపథ్యంలో ఢిల్లీలోని పలు ప్రాంతాల్లో ఇప్పటికే భద్రత పటిష్టం చేశారు. 64 ఏళ్ల రాణా ఇప్పటికే అమెరికాలో శిక్ష అనుభవిస్తున్నాడు. భారత్‌ ప్రభుత్వ అభ్యర్థనపై అమెరికా అతడిని అప్పగించేందుకు అంగీకరించింది.

అమెరికా చైనా లో మధ్య టారిఫ్ వార్ తారాస్థాయికి చేరిన సంగతి తెలిసిందే. అమెరికా ప్రెసిడెంట్ డొనాల్డ్ ట్రంప్ రెసిప్రోకల్ టారిఫ్స్ దెబ్బకు చైనా కూడా తన స్థాయిలో బదులిస్తోంది. చైనాపై ట్రంప్ ఊహించని విధంగా ఏకంగా 125 శాతం రెసిప్రోకల్ టారిఫ్స్ విధించారు. దీంతో, చైనాకు గట్టి దెబ్బే తగిలింది. దీంతో చైనా కొంత సందిగ్ద పరిస్థితిలో పడినట్లే కనిపిస్తోంది. ఈ నేపథ్యంలో భారత్ తో వ్యూహాత్మక సంబంధాలను పెంచుకోవడానికి తాము సిద్ధంగా ఉన్నామని చైనా అధ్యక్షుడు జిన్ పింగ్ సంచలన ప్రకటన చేశారు. బీజింగ్ లో జరిగిన ఉన్నతస్థాయి కేంద్ర కమిటీ సమావేశంలో చైనా అధ్యక్షుడు జిన్ పింగ్ మాట్లాడుతూ భారత్ తో అభిప్రాయ భేదాలను తగ్గించుకుని, సరఫరా వ్యవస్థలను పెంపొందించుకునేందుకు ప్రయత్నిస్తామని పేర్కొన్నారు. భారత్ తో కలిసి పని చేసేందుకు సిద్ధంగా ఉన్నామని తెలిపారు.